آيات مشهورة من الكتاب المقدس منLUKA 13

شارك

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

Acun ah khoshe naw kai sei, khokum gha-lei-cheit ung ng’khem ne ng’yän ciah hnumi tumat om ci. Ani cu ak khei ng’khun sei kä yäih ba hlawt ci. BAWIPA Jesuh naw cun ah hnumi cu hmu netah, a pei ah khü ne, “hnumi aw, na gaw nak maih pyi ci nei” ci netah

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

Cun ah kho hnüüp ung tuhbäi hnu ciah chang cu ma khai, tuhbäi ma ciah chang cu hnu khai” cine m’cäi gui ci.

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.

Ngami cu kat nak bi pi ci gui ah kä kyak ci, ci cu ka ning m’thein gui hlük ci. Cun ung nangmi phi kä nami ng’yu ba ah a kiak ung ngami ah mäih ah nami si tuk khai” cik ci.

Cun ung phi ani naw, “Nangmi a hawi kaa nami lawk ciah kä ka ning hmat gui ci, chang k’she gui a hei ah hteit vä”

BAWIPA Jesuh naw, “Khanpughi ah uknak ah kho cu a i awn täng ci ang? A i awn m’tumtäng vai ang? Khanpughi ah uknak kho cu shin ah mäih ah kyak ci. Anhta ui cu chang tumat naw la netah, a lo ma ah geit ci. A ui cu ng’lih pyou ne phung ghing law sei, ang ban ung kha gui ngo ne ng’bu tuk ci gui” cik ci.