آيات مشهورة من الكتاب المقدس منMAKUH 10

شارك

Chang ah Htapacun phi chang tüitäk khai ah lawk ciah kä kiak ci, chang ah tüihtäk vai la amät ah hnun gui pe ne chang khli hun m’htei khai ah kyum lawk ciah kyak ci” ci ne m’thein gui ci.

BAWIPA Jesuh naw ngami cu kheing ne teng gui netah, “Cun cu chang naw kä am khüt hlawt ung phi Khanpughi naw m’khüt hlawt ci. Ang tüi avan cu Khanpughi naw m’khüt hning ci nei” ci ne m’thein gui ci.

BAWIPA Jesuh naw, “Hteit ba ä, na yum nak naw na nat nak cu maih sak pyi ci nei” ci ne pyen nak ci. Acun vai-am cun ah chang cu a mik m’dei ba sei, BAWIPA Jesuh ah hteh nak ah lam ung a hnu ah läk tuk ci.

Khanpughi naw ang puikhhah sak cu chang naw kä am chaa-en vai nei” cine m’cäi gui ci.

BAWIPA Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

BAWIPA Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “BAWIPA, ka mik nam dei ba sak ä” cine pyein ci.

Nangmi läi ung cun ah mäih kä om-en sä. Nangmi ung kaa ng’vai pi hlük ciah chang cu nami van ah ngaih u vai ah a kiak vai nei.

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

Cun ung phi tuhbäi ma lawk ciah chang gui cu hnu lawk khai gui, tuhbäi hnu ciah chang gui cu ma lawk khai gui” cine m’thein gui ci.

Cacim ung om ciah mäih ah ak htük ung Khanpughi naw pami la hnumi cu tüisho ci. Cun ah kyasei shin ah mawng ung pami naw anu la apa cu nawng shüt ne akchu awn ng’puikhap ci goi, ngani cu sisa tumat ah kya lawk ci goi. Cun ah kyasei ngani cu hnih ah kä kya ba ci, tumat ah kyak ci.