آيات مشهورة من الكتاب المقدس منMAKUH 13

شارك

Kei ah hmawk ah chang van naw nangmi cu ning gen gui khai, cun ung phi akhnu ah khüt sei düng ciah chang cu hun nak gah khai nei.

Pa Khanpughi amät bäng naw vah hmat ci. Cun ah akhin cu a i yah ung gawk lawk khai ah kä nami mi hmat ci kyasei, ngaih nah ne nami ngäng vai nei, ci m’gang ne nami om vai nei.

Nangmi cu ning pha gui u ne yung ah ami ning ap gui ah a kiak ung, a i cha ng’thu vai ang, cine ng’dawt ne kä nami ng’ä vai. A cun ung nami m’lung kyong ah dang lawk cicu nami pyein vai. Cun ah ng’thu gui cu nangmi ah ng’thu ah kä kya ne, Mumcha Theing ah ng’thu ah kyak khai.

Khankho la khomdek a maih ung phi kei ah ng’thu cu kä maih khai nei.

“Cun ung phi cun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci.

Nangmi naw a shou nak, ang et nak ung ng’tuk nak ah mawng nami ng’yak ung kä nami kyihkyawk vai, Cun gui cu akcang ah küm khai, cun ung phi kho ah khüt nak vai cu kä gawk law phak ci.

Nangmi naw imah a i yah ung a gawk law ba vai cu kä nami hmat ci, mü lam ung phi gawk law hning ci, kho cawih ding ah phi gawk law hning ci, ai khong k’htük ung phi gawk law hning ci, kho thaih hta ung phi gawk law hning ci. Cun ah kyasei imah a gawk law ghet ung, ip uk ci sei kä a ning hmuh en gui vai ah ngaih nah ne nami ngäng vai nei. Nangmi ka ning m’cäi gui ah mäih ah chang avan kam cäi ci nei, ngaih na ne ngäng vä” cine pyen na gui ci.

Chang pakhui tumat la tumat, kho päng tumat la tumat ng’tuk bi nak om khai. A kho pääng ung shihpi thüng khai, ei awk vai maih ne kho yo khai. Cun gui cu hta lawk khai naw nau poi am neh law ma ah mäih ah ma lawk khai ah dukdeiu nak ah kyak khai.

Kho kä a khüt pha ung nangmi naw Thu Ni cu ng’shäu ne chang pakhui avan-am nami m’thein khai.

Chang akda cu kei ah mäih ah ng’hlawk ne lawk khai gui. Ngami naw ami mät cu Messiah ah pyein u ne chang khli cu m’hleei m’hlak khai gui.

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

Zaica nak gui a gawk law kawn ah khohni cu mü ne hmüp khai, Cha phi kä vai ba khai. Aisi gui phi khankho ah kaa kiawi ne kya law yawp khai gui. Khankho mik ung hlüngtai ci gui ah hmun-lam gui phi ng’phleng yawp khai gui.