آيات مشهورة من الكتاب المقدس منᠮᠠᠳᠲ᠋ᠢᠢ 6

شارك

᠂ ᠬᠠᠷᠢᠨ ᠪᠤᠷᠬᠠᠨ ᠤ ᠡᠵᠡᠯᠡᠭᠦᠷᠢᠨ ᠬᠢᠭᠡᠳ ᠲᠡᠭᠦᠨ ᠦ ᠵᠥᠪ ᠢ ᠲᠡᠷᠢᠭᠦᠯᠡᠨ ᠪᠡᠳᠡᠷᠢᠭᠲᠦᠨ᠃ ᠲᠡᠶᠢᠨ ᠬᠦ ᠡᠳᠡ ᠪᠦᠭᠦᠳᠡᠭᠡᠷ ᠲᠠᠨᠳᠤᠷ ᠥᠭᠳᠡᠬᠦ ᠪᠣᠯᠤᠶᠤ᠃

᠂ ᠲᠡᠶᠢᠮᠦ ᠶᠢᠨ ᠲᠤᠯᠠ ᠮᠠᠨᠠᠭᠠᠷ ᠡᠳᠦᠷ ᠦᠨ ᠤᠴᠢᠷ᠎ᠠ ᠪᠦᠦ ᠰᠠᠨᠠᠭᠠᠴᠢᠯᠠᠭᠲᠤᠨ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠮᠠᠨᠠᠭᠠᠷ ᠡᠳᠦᠷ ᠢᠨᠦ ᠥᠪᠡᠷᠦᠨ ᠬᠡᠷᠡᠭ ᠲᠦ ᠨᠤᠭᠤᠳ ᠤᠨ ᠤᠴᠢᠷ᠎ᠠ ᠰᠠᠨᠠᠭᠠᠴᠢᠯᠠᠬᠤ ᠪᠤᠢ᠃ ᠠᠯᠢᠪᠠ ᠴᠤ ᠡᠳᠦᠷ ᠦᠨ ᠵᠣᠪᠠᠯᠠᠩ ᠠᠨᠤ ᠲᠡᠭᠦᠨ ᠳᠦᠷ ᠬᠦᠷᠬᠦ ᠪᠢᠰᠢᠶᠦ ᠅

᠂ ᠲᠡᠶᠢᠮᠦ ᠶᠢᠨ ᠲᠤᠯᠠ ᠮᠢᠨᠦ ᠲᠠᠨ ᠳᠤᠷ ᠥᠭᠦᠯᠡᠬᠦᠢ ᠢᠨᠦ ᠪᠢᠳᠡ ᠪᠡᠷ ᠶᠠᠭᠤᠨ ᠢ ᠢᠳᠡᠨ᠂ ᠶᠠᠭᠤᠨ ᠢ ᠤᠭᠤᠬᠤ ᠬᠡᠮᠡᠨ ᠠᠮᠢᠨ ᠤ ᠤᠴᠢᠷ᠎ᠠ ᠦᠯᠦ ᠰᠠᠨᠠᠭᠠᠴᠢᠯᠠᠨ᠃ ᠪᠢᠳᠡ ᠪᠡᠷ ᠶᠠᠭᠤᠨ ᠢ ᠡᠮᠦᠰᠬᠦ ᠬᠡᠮᠡᠨ ᠪᠡᠶ᠎ᠡ ᠶᠢᠨ ᠤᠴᠢᠷ᠎ᠠ ᠪᠦᠦ ᠰᠠᠨᠠᠭᠠᠴᠢᠯᠠᠭᠲᠤᠨ᠃

᠂ ᠬᠠᠷᠢᠨ ᠴᠢ ᠪᠡᠷ ᠵᠠᠯᠪᠠᠷᠢᠬᠤᠢ ᠳᠤᠷ ᠢᠶᠠᠨ ᠥᠪᠡᠷᠦᠨ ᠲᠠᠰᠤᠭ ᠲᠤᠷ ᠣᠷᠣᠵᠤ᠂ ᠡᠭᠦᠳᠡᠨ ᠢ ᠬᠠᠭᠠᠭᠠᠳ᠂ ᠨᠢᠭᠤᠴᠠ ᠳᠤᠷ ᠠᠭᠴᠢ ᠡᠴᠢᠭᠡ ᠳᠡᠭᠡᠨ ᠵᠠᠯᠪᠠᠷᠢᠨ ᠦᠢᠯᠡᠳ᠃ ᠲᠡᠶᠢᠨ ᠬᠦ ᠡᠯ᠎ᠡ ᠢᠭᠤᠴᠠ [ᠨᠢᠭᠤᠴᠠ] ᠪᠠᠷ ᠦᠵᠡᠭᠴᠢ ᠴᠢᠨᠦ ᠡᠴᠢᠭᠡ ᠢᠨᠦ ᠴᠢᠮᠠᠶᠢ ᠢᠯᠡ ᠪᠡᠷ ᠱᠠᠩᠨᠠᠬᠤ ᠪᠤᠢ ᠅

᠂ ᠲᠡᠶᠢᠮᠦ ᠶᠢᠨ ᠲᠤᠯᠠ ᠲᠠ ᠪᠡᠷ ᠡᠶᠢᠨ᠂ ᠣᠭᠲᠠᠷᠭᠤᠢ ᠳᠠᠬᠢ ᠪᠢᠳᠡᠨ ᠦ ᠡᠴᠢᠭᠡ ᠡ᠂ ᠴᠢᠨᠦ ᠨᠡᠷ᠎ᠡ ᠢᠨᠦ ᠠᠷᠢᠭᠤᠪᠠᠷ ᠬᠦᠨᠳᠦᠯᠡᠭᠳᠡᠬᠦ ᠪᠣᠯᠲᠤᠭᠠᠢ᠃ ᠴᠢᠨᠦ ᠡᠵᠡᠯᠡᠭᠦᠷᠢ ᠢᠨᠦ ᠢᠷᠡᠬᠦ ᠪᠣᠯᠲᠤᠭᠠᠢ᠃ ᠂ ᠴᠢᠨᠦ ᠲᠠᠭᠠᠯᠠᠯ ᠠᠨᠤ ᠣᠭᠲᠠᠷᠭᠤᠢ ᠳᠤᠷ ᠭᠡᠷ ᠪᠦᠲᠦᠳᠡᠭ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠳᠡᠯᠡᠬᠡᠢ ᠶᠢᠨ ᠳᠡᠭᠡᠷ᠎ᠡ ᠴᠤ ᠪᠦᠲᠦᠬᠦ ᠪᠣᠯᠲᠤᠭᠠᠢ᠃

᠂ ᠪᠢᠳᠡᠨ ᠦ ᠡᠳᠦᠷ ᠪᠦᠷᠢ ᠶᠢᠨ ᠬᠡᠷᠡᠭᠯᠡᠬᠦᠨ ᠲᠡᠵᠢᠭᠡᠯ ᠢ ᠡᠳᠦᠭᠡ ᠡᠳᠦᠷ᠎ᠡ ᠴᠤ ᠪᠢᠳᠡᠨ ᠳᠦᠷ ᠥᠭᠭᠦᠨ ᠰᠣᠶᠤᠷᠬ᠎ᠠ᠃

᠂ ᠪᠢᠳᠡ ᠪᠡᠷ ᠪᠢᠳᠡᠨ ᠳᠦᠷ ᠪᠤᠷᠤᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠢ ᠭᠡᠷ ᠬᠡᠯᠲᠦᠷᠢᠭᠦᠯᠦᠳᠡᠭ᠌ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠪᠢᠳᠡᠨ ᠦ ᠪᠤᠷᠤᠭᠤ ᠨᠤᠭᠤᠳ ᠢ ᠴᠤ ᠬᠡᠯᠲᠦᠷᠢᠭᠦᠯᠦᠨ ᠰᠣᠶᠤᠷᠬ᠎ᠠ᠃

᠂ ᠪᠢᠳᠡᠨ ᠢ ᠰᠢᠨᠵᠢᠯᠡᠯ ᠳᠦᠷ ᠦᠯᠦ ᠣᠷᠣᠭᠤᠯᠤᠨ᠂ ᠮᠠᠭᠤ ᠠᠴᠠ ᠴᠤ ᠲᠣᠨᠢᠯᠭᠠᠨ ᠰᠣᠶᠤᠷᠬ᠎ᠠ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠡᠵᠡᠯᠡᠭᠦᠷᠢ ᠬᠢᠭᠡᠳ ᠠᠤᠭ᠎ᠠ ᠬᠦᠴᠦ ᠪᠠ ᠴᠣᠭ ᠵᠢᠪᠬᠤᠯᠠᠠᠠᠠ᠋ [ᠵᠢᠪᠬᠤᠯᠠᠩ] ᠠᠨᠤ ᠮᠥᠩᠬᠡᠳᠡ ᠴᠢᠨᠦ ᠪᠤᠢ᠃ ᠡᠨᠡ ᠮᠡᠲᠦ ᠪᠡᠷ ᠪᠣᠯᠬᠤ ᠪᠣᠯᠲᠤᠭᠠᠢ᠃ ᠬᠡᠮᠡᠨ ᠵᠠᠯᠪᠠᠷᠢᠭᠲᠤᠨ ᠅

᠂ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠬᠡᠷᠪᠡ ᠲᠠ ᠪᠡᠷ ᠬᠦᠮᠦᠨ ᠨᠦᠭᠦᠳ ᠦᠨ ᠪᠤᠷᠤᠭᠤ ᠨᠤᠭᠤᠳ ᠢ ᠬᠡᠯᠲᠦᠷᠢᠭᠦᠯᠪᠡᠰᠦ᠂ ᠲᠠᠨᠤ ᠣᠭᠲᠠᠷᠭᠤᠢ ᠶᠢᠨ ᠡᠴᠢᠭᠡ ᠢᠨᠦ ᠲᠠᠨᠤ ᠪᠤᠷᠤᠭᠤ ᠨᠤᠭᠤᠳ ᠢ ᠬᠡᠯᠲᠦᠷᠢᠭᠦᠯᠬᠦ ᠪᠤᠢ᠃

᠂ ᠣᠭᠲᠠᠷᠭᠤᠢ ᠪᠠᠷ ᠨᠢᠰᠦᠭᠴᠢ ᠰᠢᠪᠠᠭᠤᠳ ᠢ ᠠᠵᠢᠭᠯᠠᠭᠲᠤᠨ᠃ ᠲᠡᠳᠡ ᠬᠡᠮᠡᠪᠡᠰᠦ ᠡᠰᠡ ᠰᠠᠴᠤᠨ᠂ ᠡᠰᠡ ᠬᠠᠳᠤᠨ᠂ ᠬᠠᠳᠠᠭᠠᠯᠠᠬᠤᠢ ᠭᠡᠷ ᠦᠳ ᠲᠦᠷ ᠴᠤ ᠡᠰᠡ ᠬᠤᠷᠢᠶᠠᠳᠠᠭ᠃ ᠲᠡᠶᠢᠨ ᠪᠣᠯᠪᠠᠴᠤ ᠲᠠᠨᠤ ᠣᠭᠲᠠᠷᠭᠤᠢ ᠶᠢᠨ ᠡᠴᠢᠭᠡ ᠢᠨᠦ ᠲᠡᠳᠡᠨ ᠢ ᠲᠡᠵᠢᠭᠡᠳᠡᠭ᠃ ᠲᠠ ᠪᠡᠷ ᠲᠡᠳᠡᠨ ᠡᠴᠡ ᠦᠯᠡᠮᠵᠢ ᠳᠡᠭᠡᠷ᠎ᠡ ᠪᠢᠰᠢᠶᠦ᠃

᠂ ᠶᠢᠷᠲᠢᠨᠴᠦ ᠳᠦᠷ ᠪᠡᠶ᠎ᠡ ᠳᠡᠭᠡᠨ ᠰᠠᠩ [ᠱᠠᠩ] ᠢ ᠪᠦᠦ ᠬᠤᠷᠢᠶᠠᠭᠲᠤᠨ᠃ ᠲᠡᠨᠳᠡ ᠬᠣᠷᠣᠬᠠᠢ ᠬᠢᠭᠡᠳ ᠵᠢᠪᠡ ᠢᠨᠦ ᠢᠳᠡᠳᠡᠭ ᠪᠥᠭᠡᠳ᠂ ᠬᠤᠯᠠᠭᠠᠶᠢᠴᠢ ᠨᠠᠷ ᠠᠨᠤ ᠡᠪᠳᠡᠨ ᠬᠤᠯᠤᠭᠤᠳᠠᠭ᠃ ᠂ ᠬᠠᠷᠢᠨ ᠣᠭᠲᠠᠷᠭᠤᠢ ᠳᠤᠷ ᠪᠡᠶ᠎ᠡ ᠳᠡᠭᠡᠨ ᠰᠡᠩ [ᠱᠠᠩ] ᠢ ᠬᠤᠷᠢᠶᠠᠭᠲᠤᠨ᠃ ᠲᠡᠨᠳᠡ ᠬᠣᠷᠣᠬᠠᠢ ᠬᠢᠭᠡᠳ ᠵᠢᠪᠡ ᠢᠨᠦ ᠡᠰᠡ ᠢᠳᠡᠳᠡᠭ ᠪᠥᠭᠡᠳ᠂ ᠬᠤᠯᠠᠭᠠᠶᠢᠴᠢ ᠨᠠᠷ ᠠᠨᠤ ᠡᠪᠳᠡᠨ ᠡᠰᠡ ᠬᠤᠯᠤᠭᠤᠳᠠᠭ᠃ ᠂ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠠᠨᠤ ᠰᠠᠠᠠᠠ᠋ [ᠱᠠᠩ] ᠠᠨᠤ ᠬᠠᠮᠢᠭ᠎ᠠ ᠪᠤᠢ ᠲᠡᠨᠳᠡ ᠲᠠᠨᠤ ᠵᠢᠷᠦᠬᠡᠨ ᠴᠤ ᠪᠣᠯᠬᠤ ᠪᠣᠯᠤᠶᠤ ᠅

᠂ ᠬᠡᠨ ᠴᠤ ᠬᠣᠶᠠᠷ ᠡᠵᠡᠨ ᠳᠦᠷ ᠵᠠᠷᠤᠭᠳᠠᠵᠤ ᠡᠰᠡ ᠴᠢᠳᠠᠶᠤ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠨᠢᠭᠡᠨ ᠢ ᠥᠰᠢᠶᠡᠯᠡᠨ ᠨᠥᠭᠦᠭᠡ ᠶᠢ ᠢᠨᠠᠭᠯᠠᠬᠤ ᠪᠤᠢ᠃ ᠡᠰᠡᠪᠡᠰᠦ ᠨᠢᠭᠡᠨ ᠢ ᠪᠠᠷᠢᠮᠲᠠᠯᠠᠨ᠂ ᠨᠥᠭᠦᠭᠡ ᠶᠢ ᠦᠯᠦ ᠬᠦᠨᠳᠦᠯᠡᠬᠦ ᠪᠤᠢ᠃ ᠲᠠ ᠪᠡᠷ ᠪᠤᠷᠬᠠᠨ ᠬᠢᠭᠡᠳ ᠪᠠᠶᠠᠵᠢᠯ ᠬᠣᠶᠠᠷ ᠲᠤᠷ ᠵᠠᠷᠤᠭᠳᠠᠵᠤ ᠡᠰᠡ ᠴᠢᠳᠠᠶᠤ᠃

᠂ ᠲᠡᠷᠡ ᠲᠡᠶᠢᠨ ᠬᠦ ᠬᠡᠷᠪᠡ ᠪᠤᠷᠬᠠᠨ ᠠᠨᠤ ᠡᠳᠦᠭᠡ ᠡᠳᠦᠷ᠎ᠡ ᠠᠭᠴᠢ᠂ ᠬᠠᠷᠢᠨ ᠮᠠᠨᠠᠭᠠᠷ ᠡᠳᠦᠷ᠎ᠡ ᠭᠠᠯ ᠳᠤᠷ ᠬᠠᠶᠠᠭᠳᠠᠬᠤᠢ ᠬᠡᠭᠡᠷ᠎ᠡ ᠶᠢᠨ ᠡᠪᠦᠰᠦᠨ ᠢ ᠡᠨᠡ ᠮᠡᠲᠦ ᠪᠡᠷ ᠴᠢᠮᠠᠪᠠᠰᠤ᠂ ᠥᠴᠦᠬᠡᠨ ᠢᠲᠡᠭᠡᠯ ᠲᠡᠨ ᠡ᠂ ᠲᠡᠷᠡ ᠢᠨᠦ ᠲᠠᠨ ᠢ ᠦᠯᠡᠮᠵᠢ ᠡᠮᠦᠰᠬᠡᠬᠦ ᠪᠢᠰᠢᠶᠦ᠃

᠂ ᠬᠠᠷᠢᠨ ᠴᠢᠨᠦ ᠥᠭᠯᠢᠭᠡ ᠶᠢ ᠥᠭᠬᠦᠢ ᠳᠦᠷ᠂ ᠴᠢᠨᠦ ᠵᠡᠭᠦᠨ ᠭᠠᠷ ᠠᠨᠤ ᠪᠠᠷᠠᠭᠤᠨ ᠭᠠᠷ ᠤᠨ ᠵᠠᠭᠤᠨ ᠦᠢᠯᠡᠳᠦᠳᠡᠭ ᠢ ᠦᠯᠦ ᠮᠡᠳᠡᠬᠦ ᠪᠣᠯᠲᠤᠭᠠᠢ᠃ ᠂ ᠡᠨᠡ ᠮᠡᠲᠦ ᠪᠡᠷ ᠴᠢᠨᠦ ᠥᠭᠯᠢᠭᠡ ᠢᠨᠦ ᠨᠢᠭᠤᠴᠠ ᠪᠠᠷ ᠦᠢᠯᠡᠳᠦᠭᠳᠡᠬᠦ ᠪᠤᠢ᠃ ᠲᠡᠶᠢᠨ ᠬᠦ ᠡᠯ᠎ᠡ ᠨᠢᠭᠤᠴᠠ ᠪᠠᠷ ᠦᠵᠡᠭᠴᠢ ᠴᠢᠨᠦ ᠡᠴᠢᠭᠡ ᠢᠨᠦ ᠴᠢᠮᠠᠶᠢ ᠢᠯᠡ ᠪᠡᠷ ᠱᠠᠩᠨᠠᠬᠤ ᠪᠤᠢ ᠅

᠂ ᠲᠠ ᠪᠡᠷ ᠬᠦᠮᠦᠨ ᠨᠦᠭᠦᠳ ᠲᠦᠷ ᠦᠵᠡᠭᠳᠡᠬᠦ ᠶᠢᠨ ᠲᠤᠯᠠ ᠲᠡᠳᠡᠨ ᠦ ᠡᠮᠦᠨᠡ ᠥᠭᠯᠢᠭᠡ ᠶᠢ ᠥᠭᠬᠦᠢ ᠠᠴᠠ ᠬᠢᠴᠢᠶᠡᠭᠲᠦᠨ᠃ ᠲᠡᠶᠢᠨ ᠪᠤᠰᠤ ᠪᠥᠭᠡᠰᠦ ᠲᠠ ᠪᠡᠷ ᠣᠭᠲᠠᠷᠭᠤᠢ ᠳᠠᠬᠢ ᠲᠠᠨᠤ ᠡᠴᠢᠭᠡ ᠡᠴᠡ ᠱᠠᠠᠠᠠ᠋ [ᠱᠠᠩ] ᠦᠯᠦ ᠬᠦᠷᠲᠡᠬᠦ ᠪᠤᠢ᠃

᠂ ᠪᠠᠰᠠ ᠲᠠ ᠪᠡᠷ ᠪᠠᠴᠠᠭᠯᠠᠬᠤᠢ ᠳᠠᠭᠠᠨ ᠮᠡᠬᠡᠲᠦ ᠨᠢᠭᠤᠷ ᠲᠠᠨ ᠮᠡᠲᠦ ᠭᠠᠰᠢᠭᠤᠳᠠᠯ ᠲᠤ ᠴᠢᠷᠠᠢ ᠲᠤ ᠪᠦᠦ ᠪᠣᠯᠤᠭᠲᠤᠨ᠃ ᠲᠡᠳᠡ ᠬᠡᠮᠡᠪᠡᠰᠦ ᠬᠦᠮᠦᠨ ᠳᠦᠷ ᠦᠵᠡᠭᠳᠡᠬᠦ ᠶᠢᠨ ᠲᠤᠯᠠ ᠴᠢᠷᠠᠢ ᠪᠠᠨ ᠦᠵᠡᠰᠬᠦᠯᠡᠩ ᠦᠭᠡᠢ ᠪᠣᠯᠭᠠᠳᠠᠭ᠃ ᠲᠡᠳᠡ ᠢᠨᠦ ᠱᠠᠩ ᠢᠶᠠᠨ ᠠᠪᠤᠳᠠᠭ᠃ ᠬᠡᠮᠡᠨ ᠪᠢ ᠪᠡᠷ ᠲᠠᠨᠳᠤᠷ ᠮᠠᠭᠠᠳᠯᠠᠯ ᠥᠭᠦᠯᠡᠮᠦᠢ᠃ ᠂ ᠬᠠᠷᠢᠨ ᠴᠢ ᠪᠡᠷ ᠪᠠᠴᠠᠭᠯᠠᠬᠤᠢ ᠳᠠᠭᠠᠨ ᠲᠣᠯᠤᠭᠠᠢ ᠪᠠᠨ ᠲᠣᠰᠤᠯᠠᠨ᠂ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠨ ᠦᠢᠯᠡᠳ᠃ ᠂ ᠡᠨᠡ ᠮᠡᠲᠦ ᠪᠡᠷ ᠴᠢᠨᠦ ᠪᠠᠴᠠᠭᠯᠠᠬᠤᠢ ᠠᠨᠤ ᠬᠦᠮᠦᠨ ᠳᠦᠷ ᠪᠤᠰᠤ᠂ ᠬᠠᠷᠢᠨ ᠨᠢᠭᠤᠴᠠ ᠪᠠᠷ ᠦᠵᠡᠭᠴᠢ ᠴᠢᠨᠦ ᠡᠴᠢᠭᠡ ᠳᠦᠷ ᠦᠵᠡᠭᠳᠡᠬᠦ ᠪᠣᠯᠤᠶᠤ᠃ ᠨᠢᠭᠤᠴᠠ ᠪᠠᠷ ᠦᠵᠡᠭᠴᠢ ᠴᠢᠨᠦ ᠡᠴᠢᠭᠡ ᠴᠤ ᠴᠢᠮᠠᠶᠢ ᠢᠯᠡ ᠪᠡᠷ ᠱᠠᠩᠨᠠᠬᠤ ᠪᠤᠢ ᠅