آيات مشهورة من الكتاب المقدس منJohanes 19

شارك

Enggo kessa iènum Jesus anggur macem i, nina mo, “Enggo merujung!” Nai ipetungkuk mo takalna lako mennohken tendina, nai mpostep mo kessahNa.

Enggo kessa bagidi, ibettoh Jesus mo enggo pul karinana, asa saut bagè sitersurat ibas Bibèl, Idokken Jesus mo, “Muas Aku.”

Tikan idah Jesus kessa enggo isidi inangNa dekket sisiin kekellengen atèNa, nina mo taba inangNa i, “Nangè, tengen mo, idi mo anakmi.” Nai nina Jesus mo mbang sisinNa i, “Tengen mo: Idi ngo inangmi.” Mulai isidi nai mo iarahken sisinNa i inang Jesus merrian mi bagesna.

Tapi soh kessa mo kalak idi mendahi Jesus, idah kalak I mo enggo matè keppè Jesus. Jadi oda nèngè pella ipenggel kalak i nèhèNa. Tapi ipantem sada kalak soridadu mo merkitè kujurna terruh rusuk silao Jesus; nai tiris mo laè merdengan daroh i ugah Jesus i nai.

Masa pè karina idi asa dapet ngo nidokken sitersurat ibas Bibèl, “Sada poda tulanna ipenggel.” Lot dèng ma ngo tersurat ibas Bibèl bagèen, “Itengen kalak simemantemsa i ngo Ia.”

Nai karuar mo Jesus, janah Ia sendiri ngo memersan kayu persilangNa i, lako laus mi bekkas mergerar “Bekkas Pertulanen”. (Ukum i kata Heber igerari ngo Golgota.)

Idandani soridadu nisidi mo dori mahan bulang-bulang, nai ibaing kalak i mo bulang-bulang dori i mi babontakal Jesus. Enggo kessa i, isellukken kalak i mo tabaSa jubah meharbu.