آيات مشهورة من الكتاب المقدس منMATIUS 7

شارك

”Nggi yer-o. Nggi yogola-ge, wok kunduwa-o. Kore yer-o. Kore yogola-ge, kagub-o. Tu lel lel ker-o. Lel lel kagola-ge, tu kuwarak kunpuwa-o.

Nde, nggi yuwa nab-e wanuwar-o. Nde, kore yuwa nab-e kujwar-o. Nde, tu lel lel kujwa nab-e tu kuwarak ubuwa-o.

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

Ap-nen kwat kunpurak perali iri nggal-et kit-nen na irit kwat enper-o. Iri kwarogolar-e, imiri mbarak pidnak wene-nen yidnak yidnak min Mbal Pem Nagawan ene lomboksa yugwi nap-nen yidnak yidnak min ndak ndak tak pugwi irir-o.”

Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

”Tumende mboronggo iri nggwe nggwer-o. Nde, lak tak unpurak tumende iri-ge nggok, nde, tula na owak la-nen yusu-o. Nde, ap mondok kwarat-nen tula iri nggwe mbitli-o.

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

”Mbal Pem Nagawan-nen kenpem wene mbaruwa naru, kit-nen na ap enpem wene mbarurak pug-o. Nde, kit-nen ap enpem wene mbarugup iri na bem-net Mbal Pem Nagawan-nen kit kenpem wene mbaruwa-o. Nde, kit-nen ap ndak wat unpugup iri na bem-net Mbal Pem Nagawan-nen kit ndak wat kunpuwa-o.

Nde, an-nen yidnak wene kulurug-et nde, kulidnak iri na kwarigit lak yili nab-e, at indi lak nap-nen at uwi worosolar-e, yi sisiri bem wirid nap iri na nggal-nen yili-o.

Kir-e noluk-nen kenggam erengen arem worasu kopkap marik iri na kali-t nde, kit kondomok kenlengen arem worasu e ebis nggugurik iri na kali bug-o? Nde, kit kondomok kenlengen arem e ebis nggugurik iri na worala-t nde, kir-e kennggam iri na yak togolar-e: ’Kat kerengen arem worasu kopkap iri wabeyeg-o’ luk noluk-nen jak tili-o?

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o. It iri na-nen engen pidnak pem-net yenggerak unpugub-o. Isile worak e pirim-nen engen-e tona nde poso bug-o. Nde, kere isile worak momnid-nen engen-e tomate nde poso bug-o.

Iri nggal-et e konak-net engen-e konak poso-o. Nde, e meya-nen na engen meya-t poso-o.

E konak-nen-e engen meya-ge poso bug-o. Nde, e meya-nen na engen konak poso bug-o.

Nde, e-nen engen konak yigit lak ala-ge, e na-ge ndara kan pugwi-o.