آيات مشهورة من الكتاب المقدس منLucas 17

شارك

Ö̦jö däjä a lä jalolayono wei a nija a wa̦ fama. —Wa fa ublaicunö a da alufälö. Wale nofi mölaboma yalo, bäfä jalomalei lä cufe —a cuma.

Moli tä mö jalu showawä ma cui ja, 7 wa yabäcaö cua ja, inaja showawä 7 wa nia wasöö cublou mö feduo. Wa lä yabäcano wei, 6 wa etä nowa mladamaö ma waiquiono wei ma cui, inaja a cublou co̦daa ja, “¡Uo!”, wa bufi nia cuimi. A bufi jo̦wa yabablou co̦o ja, 7 ma cui ja wa etä nowa nia mladamaö co̦o —a cuma.

Ai a lä cui, cama a jalou fa damolalunö, Yai Bada a nofi i̦cali doablalanö, Jesús nija a läläa mö yabaa co̦quema. Jesús a cotä jamö a möfe fa deialunö, a bufi a̦fa doblalou wäyämoma. ¿Ö̦jö tawä? Judio ö̦jö a cuonomi, Samaliateli a li cuoma.

Bä da moyaweicu, ö̦jö lä. ’Aifä a yabäcäo dicoo ja a da wasö —a cuma—. A bufi mö yabablou co̦o ja, a jushuo dijä. Wa nowa lä tabole tä da mladamalö.

Ö̦jö däjä, abinaja Jesúsnö bä nowa bluca tama. —¡10 ya bä nofi bluca jaloa lä showamalalöfe! Ai bä 9 lä cui, ¿wedi jamö bei bä li?

Ö̦jö däjä, abinaja Bada tänö bä nowa tama. —Yai Bada wama a nofi lä mölabole, wamacö bufi nö wiisibö wa̦lojolanö wama a nofi bejedi mölajadaö bädao fa cunoja, wamacö nö doblobö wei. Nana shimono wai wiisibö ma cui, shifibä malä badaö wei. Ö̦jö däjä, quiji fii defi ma cui, Yai Bada wama a nofi yai mölabolanö wama fi nowa taö fa cunoja, fi nö majöblobö wei. “¡Cafä fii wa defi lä cui, defi da ucablamolu! ¡Modu u jamö, defi dömoa da nomöjöbalufälö!”, wamacö cuu fa cunoja, wamacö a̦ nö julebö wei —a cuma.

’Bita ja bä nia demi lä cudio wei tä ja bä bufi mö lä blucao wei bä lä cui, bä ba̦limi nia cuoimi —a cuma—. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.

Cama ebä lä nocamabono wei bä nija abinaja Jesús a cuma. —Täbä doblamaö mlaobä showadi tä nia lädio ma cui, täbä yai doblamaö lä mlajei bä lä cui, Yai Bada tänö bä nö nia bleaamaö fe balojoo. Yanowamö a ja, bei olafi jamö maa ma bada fa jalemacöjenö, modu u jamö a befi ca̦i queamaöje ja, ö̦jö a nö bleaaö ma cuquei wei ma cui, iba ai a wai lä wa̦lidiamale a lä cui, ö̦jö bei a nö nia shino yai bleaaö cuquei.

’¿Ö̦jö tawä? —a cuma—. Noewä däjä bä yanowamö lä cuaano weinaja, inaja showawä, camiyä ya lä yanowamöblaleyoluno wei ya juu co̦o lä bufiole däjä, bä nia cuaaö co̦o. Bä showadi iyaö ca̦i co̦camoma. Bä ca̦i doayoma. Inaja bä cuaaö showao däjä, bä nö dao mlai ja, canawä a bada jamö Noewä a lucälayoma. Ö̦jö däjä tä fe ulifi bada baoblaliyoma. Bä bluca waicaö showadaolaliyoma.