آيات مشهورة من الكتاب المقدس منLucas 18

شارك

Jesúsnö täbä yömölaö ja, shominaja tä a̦ wäyäö ja̦looma. Bä bufi ujudublou mlai ja, Yai Bada nija bä nö bayeli shino nacaodibä, bä yömölalema.

A doblono ma mlai ma cui, a suwä nofi ya̦cumö bäyäa fe yadilema. ¿Ö̦jö tawä? Yai Bada a lä cuinö, cama ebä lä yaileno wei ebä nofi yai bäyäabä a. Jalu däjä ma cui, didi däjä ma cui, cama nija bä nofi ojode tablamobä bä nö bayeli lä nacaodii wei bä lä cui, lobe bä a̦ nia juaö. Cafä bämacö nowa taö lä cule. Bä nofi lobe bäyäaö weicätä. ’Ö̦jö ma cui, camiyä ya lä yanowamöblaleyoluno wei ya juu co̦o däjä, ¿Yai Bada nija bä mölaö lä cadidio wei, ya tä nia dablayoluu daanö? —a Jesús cuma.

Ö̦jö ma cui, abinaja Jesús a cuu nomöjöoma. —Ma. Cama yanowamö täbä bayeliblamou buobä, tä cuami waiquiwä. Ö̦jö ma cui Yai Bada tänö täbä bayeliblabä, ö̦jö a —a cuma.

A wa̦ ma fadii wei ma cui, a wa̦ ji̦liblaö jaöonomi. Ya̦cumö abinaja bada a bufi cudaliyoma. “Uo. Yai Bada ya nö quili taö ma mlai ma cui, yanowamö täbä nija ya ca̦i quilii ma mlai ma cui, ei a suwänö wale yabäcaö yalo, ya nofi nia bäyäaö showadao. A wa̦ shino fadii ja, ya̦cumö yale modamaö mlaobä”, a bufi cudaliyoma —a cuma.

Ei ya wa̦ lä cui, bejedi lä ya wa̦. Ijilu bänö Yai Bada a wa̦ juaö si ijejewä lä culajeinaja bä cuwä lä mlai, Yai Bada tänö cama ebä ca̦i cuobä jamö, ö̦jö bä nia cuomi waiquiwä —Jesús a cuma.

Jesúsnö bä nacaa fe yadilema. Bä lä nocaono wei bä nija abinaja a cuma. —Wamacö a̦ läablalou dicoo mlai. Camiyä nija ijilu wama bä yai jumabä bä li. Ijilu bä a̦ juo si ijejewä lä culenaja bä lä cui, Yai Bada tänö ö̦jö bä ca̦i cuobä bä malä cui.

Ö̦jö däjä, abinaja Jesúsnö a nowa tama. —Mamocu da dodijidablalu. Wale nofi mölaboma yalo, wa jalou lä cule —a nowa tama.

Abinaja Jesúsnö a nowa tama. —¿Wedi tabä camiyä wale a̦fa dodijaö li taö? Yai Bada a lä cui, ö̦jö moli a shino dodijaö ayao.