آيات مشهورة من الكتاب المقدس منLucas 23

شارك

Ö̦jö däjä Yai Bada nija Jesús a wa̦ falayoma. —Fabe. Fei bä nija wale nö bäshälö tabo dijä. Bä mojodili cuaaö dicoa —a cudaliyoma. Jesús a lä didiono wei bä camishi ja, ai bä bufi fa waiyonö, jömamodima bä wai shäyäjamaje, ebä nia yai lä däaö wei etä wawäblobä.

Abinaja Jesús a cuu mö feduoma. —Cafä nija ei ya wa̦ lä cui, bejedi lä ya wa̦. Fei däjä showadawä, camiyänö fedu jamö bäfä ca̦i cuodayou wä —a cuma.

Ö̦jö däjä, Jesús nija a wa̦ faö cadidioma. —Jesús. Afä wa bä ca̦i cuobä jamö, wale nofi da jaducule —a cuma.

Ö̦jö däjä Jesús a wa̦ i̦cali la̦amou ja, abinaja a cuma. —¡Fabe! Cafä nija ya cuobä wale bufi da co̦lö. Inaja a fa cunö a je̦le je̦lemou mladaliyoma.

Felosi blaobä tä a̦fa ulifi lä jilabou wejei jamö a ca̦i fa walobojolujenö, fii balitama defi jamö Jesús a basuquemaje. Cäcöbö doblou lä mlai cäcöbö ca̦i basua lu̦locua mö feduquemaje. Acasi boco mashi jamö ai a, jayu boco mashi jamö ai a, cäcöbö basua taaquemaje.

Bei. Motoca a yo̦loloblojolayou däjä, tä mö jödödöwä dödölayoma. Motoca lublodayou däjä, Yai Bada etä yafi jamö cäcö bada acadafu lä läono wei, cäcö cacablou mö wädätefälöma. Motoca yajadou däjä, tä shi̦i jomoblou co̦layoma.

Sodado 100 bä ca̦i lä cuono wei a bada lä cuinö, ö̦jö tä bluca lä cublaliyono wei tä fa dalalönö, Yai Bada a nofi doablama. Abinaja a cuma. —Bejedi lä, ei a doblou lä mlai etä cuonomi.