آيات مشهورة من الكتاب المقدس منMateo 7

شارك

“Bisi tɛ ba kɔ wɔ, pɛɛ tɛ ɔmɔ, bho opupu tɛ ba danɛ akɔ wɔ.

Alasɛ, anɔnyanɔ gɛ eebisi ayɛkɛ; agɛ apɛɛ kɛdɔ amɔɛ dɔ, klɛ agɛ eebho opupu ba danɛ akɔ yɛ.

“Kɛlɛ so anɔnyanɔ gɛ enu mɛ ebuia nɛ, klɛ ayɛkɔ alɛ akpɛ tɛbhɛbhɛtɛ mɛ asɔnɔ anɔ nyinyibui gɛ edzu buvu atrɔ kɛklãgbua bha.

So, nɛ kibuinyɛbui mɛ, bhɛtɛ kibui ɔvɛnɔ anɔbhlatɔ kɔ ansɛ gɛ ɔpɛɛ sɛ babhɛtɛ amɛna wɔ kɔ, alasɛ kɛɛnɛ kɛlɛ xogo bhɛtɛ Ɔshã anɛ Batɔnu.

Pɔ kedunu bhli nɛ kidzo shuɛ kɛlɛ tɔnɔ vɛ ɛkpã mɛ, klɛ banɔ bhli teli ko ba la mɔɛ lɛ.

“Ga kidzo shuɛ nɛ otsoku. Alasɛ, kedunu nɛnɛ nɛ kidzo nɛnɛ kɛlɛ da yi buzizi mɛ, klɛ be gelee baa ga kɛlɛ etsoku.

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

“Tɛ kuluebhui nɛ anɔ, tɛ le be kulu nɛ wɔ tsyɛ. Alasɛ kana gɛ okuluebhui nɛ banɔ, kana le be kulu nɛ wɔ tsyɛ, klɛ kedzyidzyi nɔɔ nɛ gɛ ɔyɛkɔ odzyidzyi kɔ anɔ, kalɛ la ba yɛkɔ edzyidzyi kɔ wɔ tsyɛ.

Pɔ anɔnyanɔ gɛ enu mɛ ebuia klɛ adɛ yɛkɔ kpɛ tɛbhɛbhɛtɛ mɛ asɔnɔ agã gɛ edzu buvu atrɔ anyɛsɛa bha.

“Kide pɛ odoo di kishi bhli nɛ gɛ kpasɛ wɔhaɛ nɛ kɛwɔ̃hũ nɛ mɛ ɔkɔ, pɛ ɔshɛnahwɛ kesukpogunu nɛ gɛ ka kpasɛ wɔɛ yɛ nɛ mɛ nɛ shu? Kɛlɛ obo tsre wadzya sɛ, ‘Kɔ mɛ bu kishi nɛ kɛwɔhũ nɛ mɛ kɔ wɔ,’ nɛ kibe lɛ gɛ kesukpogunu alɛ wɔɛyɛ nɛ mɛ kibenyɛbe?

“No lu awɔ̃ nɛ itro batɔnu. Baa ba wɔnɔ amɛ nɛ ibhoshi buplukpa kɛdɔnyunyumu mɛ, pɔ nɛ kɛmɛ, be nu ayakpam bukudzɔgɛ tsutsɔmɔ. Ganɔ balɛ eyuyu nɛ mɛ nɔ bɔ yɛkɔ ɔkpɛ balɛ kɛxawũ. Ba gɔ omumɔɛ edenɔ magɔsim pɛ ɔdɔgɔsɛ ɔgɔ denɔ buli mɛ?

Kana osi dzyɔgo kanyaka ooyu eyuyu dzyɔgo, pɔ osi kpã eyuyu kpã loo yu.

Osi dzyɔgo ɔtɛ bo yu eyuyu kpã, klɛ osi kpã ɔtɛ bo yu eyuyu dzyɔgo.

Osi kanyaka gɛ otoo yu eyuyu dzyɔgo be te ɔlɛ ebho klɛ baa yɛkɔ atɛ̃ akpɛ kifum.