آيات مشهورة من الكتاب المقدس منMateu 6

شارك

Oloze chakavanga sakenunga wangana waKalunga nakwoloka chenyi, kaha navakamihakilako vyosena evi.

Shikaho kanda muzakaminanga likumbi lyahameneko, mwomwo likumbi lyahamene nalilizakamina livene. Lupi lwalikumbi limwe lunatemo halikumbi lyalwo.

Shikaho nangumilweza ngwami, Mukuyoya chenu kanda namulizakamina ngwenu, Natulya ika? Chipwe ngwenu, Natunwa ika? Chipwe mijimba yenu ngwenu, Natuvwala ika? Kumana mwono kawalema kuhambakana vyakulyako numba? Mujimba kawalema kuhambakana vyakuvwalako numba?

Oloze omu naulomba, ingila mukapete kove kakupenge nakulisokelelamo, nakulomba kuli Senu vazeneka kumona, kaha Senu Ou eji kumonanga vyakuswama, mwakuhana wana wakukusakwilila.

Shikaho lombenunga ngana, Ove Setu uli mwilu, Lijina lyove valijililenga. Wangana wove wizenga. Mwaya muchima wove valingemo hano hamavu Ngana omu valinga mwilu.

Kulya chetu chakutamo chahalikumbi, tuhanecho lelo.

Tukonekele mikuli yetu Ngana omu tunakonekela vaka-mikuli yetu.

Kanda ututwala mwakutweseka chakuvulumwisako, Oloze tuyovolenga kuli uze wamupi. [Mwomwo wangana wapwa wove, Nangolo naupahu kujingonde najingonde jazeneka kukuma. Amene.]

Mwomwo nge namukonekela vatu kuhingika chavo, kaha Senu wamwilu nawa mwamikonekela.

Talenu tujila vahelu — kavakuvako chipwe kwaha, kavakungulwila muviseteko, oloze Senu wamwilu eji kuvahananga kulya. Kumana enu kamwalema kuvahambakanako?

Kanda namuliswekela luheto hano hamavuko, hatwama tututu nashingwe vyeji kulwenyekanga, kaha veji nawa navalupupa nakulwiva. Oloze liswekelenunga luheto mwilu, muze mwazeneka katutu chipwe shingwe kulwenyeka, muze mwazeneka veji kupupa nakwiva. Mwomwo kuze kuli luheto lwove, kwakuze nawa nakupwa muchima wove.

Naumwe mwahasa kuzachilanga vakaka jenyi vavali wauchi. Mwomwo mwahunga umwe nakuzanga mukwavo, chipwe mwaluuka kuli umwe nakulumbilisa mukwavo. Kamweshi kuhasa kuzachilanga naKalunga naluheto lwahakaye hamweko.

Shikaho nge Kalunga eji kuvwikanga mwila wamuchipapa ngachize, ou úliko lelo kaha hamene hinavaumbila mulilungu lyakakahya, kumana keshi kuhambakanamo kumivwikako numba? — enu vaka-lufwelelo lwalundende!

Oloze omu nauhana wana vaka-kukalikiza, livoko lyove lyachimoswe kanda litachikiza ovyo nalilinga lyachilyoko, mangana kuhana chove chipwenga chakupenge, kaha Senu éji kumonanga vyakupenge mwakuhana wana wakukusakwilila.

Zangamenu, vilinga vyenu vyakwoloka kanda muvilingilanga kumeso avatu mangana ngwenu vamimoneko, nge ngocho kamweshi kutambula wana wakusakwilila wakufuma kuli Senu ali mwiluko.

Kaha omu namuzeneka kulya, kanda namuhomba, nge omu valinga vaka-kulyongela kwolokako. Mwomwo veji kupihisanga vihanga vyavo mangana vavamone kuli vatu ngwavo vanazeneka kulya. Mwamuchano nangumilweza ngwami, vanatambula lyehi mawana akuvasakwilila. Oloze omu namuzeneka kulya, wava maji kumutwe wove nakusana kumeso, kuchina vatu navakumona ngwavo unazeneka kulya, oloze vakumone kuli Iso Ou vazeneka kumona. Kaha Iso éji kumonanga vyakuswama, mwakuhana wana wakukusakwilila.