آيات مشهورة من الكتاب المقدس منIoanes 10

شارك

No tena kikinau i hanuat mon wara kikinau, wara harbing, ma wara hanghagawai. Iau ta hanuat bia diet na hatur kahai ra nilon, ma no nilon na hung ta diet.

“Iau at, iau no bilai na tena balbalaura sipsip, nong i tar sei no nuna nilon uta diet ira sipsip.

Ira nugu sipsip diet taram no ingagu ma iau nunurei tar diet, ma diet murmur iau.

Ma iau tar no nilon hathatikai ta diet ma pa diet na hirua, ma taia tikai na ras lah diet tano limagu.

Iau at, iau no matanangas. Bia tikai na laka tagu, na lon. Na laklaka ma na sursuur balin, ma na nas tupas ra bilai na nian.

Iau at, iau no bilai na tena balbalaura sipsip. Iau nunurei tar ira nugu sipsip ma ira nugu sipsip diet nunurei tar iau hoing Mama i nunurei tar iau ma iau nunurei tar Mama. Ma iau tar sei no nugu nilon uta diet ira sipsip.

Mama nong ga tar diet tagu, i tamat ta ira linga bakut ma pai tale bia ta tikai na ras lah diet tano lima Mama. Iau ma Mama mamir tikai mon.”

Iau at, iau no bilai na tena balbalaura sipsip. Iau nunurei tar ira nugu sipsip ma ira nugu sipsip diet nunurei tar iau hoing Mama i nunurei tar iau ma iau nunurei tar Mama. Ma iau tar sei no nugu nilon uta diet ira sipsip.

Taia tikai i kap sei no nugu nilon makai tagu. Senbia iau at, tano nugu lilik, iau tar sei ia. Iau at iau kurei bia ena tar sei ia, ma iau kurei tar mah bia ena kap habal lah ia. Iakan ra hartulai Mama ga tar ia tagu bia ena gil ia.”

Io, Iesu gaam tangai habalin ta diet, “Muat hadadei baa! Iau at, iau no matanangas ta ira sipsip.

No tultulai nong di la kulkul lah mon ia, pai ia no tena harbalaurai tutuna. Ma pai nuna tutuna mah ira sipsip. Hua, ing bia na nas no roka na paap i hanuat, na hilau talur ira sipsip. Ma no roka na paap na karat ira sipsip ma na pasak harbasianei diet.

Iesu ga tangai, “Muat hadadei baa! No tunatuna nong pai laka tano matanangas tano wer na sipsip, senbia i kawa pakon mon, a tena kikinau ma ra tena pinapalim bia mah ia.