آيات مشهورة من الكتاب المقدس من1 Mose 6

شارك

Diawu Yave wunionga bukavanga mutu va ntoto. Ntima andi wunionga ngolo.

Nzambi wumona ti mambi ma batu mayiza ba mawombo va ntoto, mabanza ma ntima miawu maba mambi ayi makani mawu maba mu vanga kaka mambi.

Vayi Nowa wumonokono nlemvo va meso ma Yave.

Tala nsamu wu kikhulu ki kanda di Nowa. Nowa wuba mutu wulunungu ayi wusonga va khati batu baba mu thangu andi. Nowa wudiata mu kithuadi ayi Nzambi.

Yave wukamba: «Ndieka mfukisa va ntoto mutu wundivanga, tona mu mutu tii bibulu bi fioti ayi binene, ayi zinuni zi zulu, bila ndiongini bu ndibivanga.»

Mu thangu batu batona woka va ntoto ayi bana babaketo babutu kudi bawu, bana ba Nzambi bamona ti bana babaketo babatu baba bakitoko ayi bakuela babana babasola mu bawu. Buna Nzambi wukamba: «Pheve ami yilendi kala mu mutu thangu zioso ko, bila lumbu kidi mutu wela fua ayi tona buabu, makazinga khama mosi ayi makumi mole mamvu.» Mu thangu yina, kuba ba Nefili va ntoto, ayi phe landila bana ba Nzambi bu babundana ayi bana ba bakheto ba batu ayi bu bababutila bana. Baba babakala ba ngolo mu tsi khulu.

Bobo Nowa kavanga. Wuvanga mambu mamo nadede banga Nzambi kantumina.

Buna Nzambi wukamba Nowa: «Mbeki lukanu mu fukisa batu babo va ntuala ami, bila ntoto wufulukidi mu khemi mu diambu diawu ndieka kubafukisa va ntoto.

Wukivangila masuwa ma mabaya mangolo, mu mawu, tula bivinga ayi vaba mawu bitima mu khati ayi ku nganda.»

Nzambi wutala ntoto ayi wumona ti wuwo wuba wubiva, bila nsuni mimio miba khadulu yimbi va ntoto.

Mawukotisa phe mu masuwa bulu biole biole, mbakala ayi kheto, mi ntindu mimio mi bibio bimvumukanga muingi bivuka va kimosi ayi ngeyo.