آيات مشهورة من الكتاب المقدس منलूका 6

شارك

देबओ, और तुमके फिर दओ जएहए। आदमी तुमके प्रशस्त परिमाणमे खाँद-खाँदके डट्के हलाएके, उफनन तक तुमर कुठियामे धरदेहएं। काहेकी जित्तो जद्धा ध्यानसे तुम सुनैगे, उतनु जद्धा समझ तुमके दओ जएहए।”

एक अच्छो मनै अपन मनमे भओ अच्छो चीजसे अच्छीयए बात निकारत हए। पर एक खराब मनै अपन मनमे भओ खराब चीजसे खराबए बात निकारत हए। काहेकी जौन बातसे मन भरो होतहए, आदमीनके मुँहुँसे बहे निकरत हए।”

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

जैसी तुमर दौवा कृपालु हए, तुम फिर कृपालु होबओ।

“औरेन्के न्याय मत् करओ, तओ तुमर फिर न्याय नाए हुइहए। दुस्रेके दोषी मत् बनाओ, और तुम फिर दोषी नाए ठहरैगे। क्षमा करओ, तओ तुमके फिर क्षमा करंगे।

पर तुम सुनन बारेनसे मए कहात हओं, अपन दुस्मनके अपनए कता प्रेम करओ, और घृणा करन बारेके भलाइ करओ। जौन तुमके सराप देत हए उनके आशीर्वाद देबओ, दुरब्यवहार करन बारेनके ताहीं परमेश्वरसे प्राथना करओ।

आदमी तुमसे जैसो ब्यबहार करएं करके तुम चाँहत हओ, अपने ताहीं उनके सँग उइसी ब्यबहार करओ।

तुमर एक गलौवामे चटकान बारेनके दुस्रो गलौवामे फिर चटकान दइ देओ, और तुमर झुला लेन बारेनके तुम कोट फिर दइ देओ। तुमसे मागन बारेनके सबके देओ। और तुमसे, जद्धा लेन बारेनसे फिरसे मत् मागओ।

“अच्छो रुखा खराब फरा नाए फराए पएहए, नए त खराब रुखा अच्छो फरा फराए पएहए।

हरेक रुखा बोको फरासे चिन्हो जातहए। काहेकी काँटोको झाँगसे कोइ अञ्जिरको फरा नाए तोरत हएं, नए त अंगुर तोरत हएं।