آيات مشهورة من الكتاب المقدس منHADUI DAHA' SIHU TUHAN 5

شارك

Bi nyu'ei nah Petrus dahin dalo' sihu Tuhan aleng ha' béh, ken dalo', “Tekep kalo' ngioh Allah men'uh ngioh kelunan.

Nusi' nah dalo' ngeta' pekatuk daha' ha'ut-ha'ut dau alem Uma Allah, dahin alem amin daha', dahin pedengah Yesus Iha' nah aleng Kristus.

Pelalau Petrus kuma', “U Ananias, nun tavit na' Setan penu alem kenep ka', ateng ika' pamoh Belua' Ma'ang, dahin melo' balei legah tana anan? Alem ka' em payan mebet na', bareng ha' em alem usu ka' iah? Ika' uh mebet na' pah lahuh ika' loh kah hipun na'. Nun tavit na' ika' pelemana' hadui anih alem kenep ka'? Nusi' ika' pamoh kelunan anih, bi ika' pamoh Allah.” Tegu Ananias kelenghi daho' anan, payah nah iha' pelalau, pelalau pah nah hengan na'. Takut lelan nah daha' lim aleng kelenghi tuk anan.

Kerei inih akui kuma' men itam, ngesahun nah itam men kelunan anih, bei nah daha' anih. Tana' daho' anih dahin hadui anih men kelunan pa'un na', adang ha' tasa' na'a, bi tana' ha' pa'un na' men Allah, nusi' tam deng pekalah daha'. Mina ha' tula itam melawan Allah lahuh.”