آيات مشهورة من الكتاب المقدس منGn 6

شارك

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb'

Ab'anan laj Noé usilal kixtaw rik'in li Qaawa'.

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Naq ke'ok chi k'ihank li poyanam sa' ruuchich'och', kilaje'wank xrab'ineb'. Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'. Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”. Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och', naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.

Laj Noé kixb'aanu chixjunil a'in ut kixpaab' chixjunil li kitaqlaak wi' xb'aan li Yos.

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Taayiib' junaq aajukub' kab'l rik'in li che' wank xq'ol. Taayiib' li jukub' kab'l chi tz'ulb'il ut taab'on rik'in b'etuun chisa' ut chirix.

Li Yos kiril li ruuchich'och' ut kixk'e reetal naq yib'eetal aj chik ru, xb'aan naq chixjunileb' li tenamit junes li maa'usilal neke'xb'aanu sa' ruuchich'och'.

Taawoksiheb' sa' li jukub' kab'l junq sumalaq li junjunq paay chi xul re naq te'kole'q aawochb'een; teelom ut ixq naq taawoksiheb'.