LUKA 22
22
Judas Iskariot Lehpanna
(Mat 26.1-5; Mar 14.1-2; Joh 11.45-53)
11 Huan Tanghou Silngou Soh Louh Ankuanglui Ni, Paikan Ankuangluina kichi anaita hi. 2Siampu liante leh laigelhmite'n hihlup theihna ding dan azong ua, vantang lah akihta ngal ua. 3Sawm-le-nihte lak a pang, Judas, Iskariot kichi sung ah Setan alut hi. 4Huchi in amah ava pai a siampu liante leh heutute kiang ah zuausan a matsak theihna ding dan ava kihoupih hi. 5Amau akipak mahmah ua, akiang ah dangka piak achiamta uhi. 6Ama'n lem asa a, mipi om louh kal a zuausan a matsakna lemtang azongta hi.
Paikan Ankuang Nanung
(Mat 26.17-25; Mar 14.12-21; Joh 13.21-30)
7Huan Tanghou Silngou Soh Louh Ni, Paikan Ankuangluina belamnou gohna ding ni ahong tungta hi. 8Huchi in Jesu'n, “Peter leh Johan asawl a, Paikan Ankuang i nek ding hon va bawlsak un,” chi in.
9Huan amau akiang ah, “Koi ah va bawl le ung na ut a?” achi uhi.
10Huan ama'n akiang uah, “Ngai un, khopi a na lut un, pasal, bel a tui tawi in ahon tuak ding a, alutna inn ah zui lut un,” achi hi. 11Inn neipa kiang ah, “Sinsakpa'n, ka nungzuite toh Paikan Ankuang ka nekna ding uh, mikhual inn pindan koi lai ahia ahon chi, na chi ding uh. 12Huchi in ama'n indan tungnung zapi, van omsa, ahon ensak ding; huai ah hih un,” achi hi.
13Huan ahohta ua, akiang ua agen bangtak in amuta ua; huan Paikan Ankuang ava bawl uhi.
Ankuang Siangthou
(Mat 26.26-30; Mar 14.22-26; 1 Kor 11.23-25)
14Huan anek hun in, dohkan um in atu a, asawltakte toh a-um uhi. 15Huan akiang uah, “Ka thuak ding ka thuak ma in hiai Paikan Ankuang hon nekpih ka ut mahmah hi. 16K'on hilh ahi, hiai Pathian lalgam a atak a hihtangtun ahih masiah, ka ne nawn kei ding,” achi hi.
17Huan nou ala a, kipahthu agen khit in, “Hiai la unla, kihawm un; 18k'on hilh ahi, tuban Pathian lalgam ahong tun masiah grepgui gahtui ka dawn nawn kei ding,” achi hi.
19Huan tanghou ala a, kipahthu agen khit in abalkham a, akiang uah apia a, “Hiai ka pumpi ahi, na sik ua piak ding pen; keimah theihgigena in hih zel un,” achi hi. 20Huchibang in nitak an nek zoh in nou ala a, “Hiai nou ka sisan a thukhun thak, na sik ua pawt ding pen.”
21“Himahleh ngai un, zuausan a hon mansak dingpa khut ka kiang ah dohkan tung ah a-omta hi. 22Mihing Tapa seh a a-om bangtak in apai ding hi, himahleh zuausan a mansak dingpa mihing tung agik hi!” achi hi.
23Huan amau lak ah, “Huchibang thilhih ding kua ahi dia le?” chi in akidongtuah uhi.
Thupina Thu A Kiselna
24Huan alak uah kua pen ahia thupipen a seh chih thu ah, kiselna ahong pawt hi. 25Ama'n akiang uah, “Zentel kumpipate atung uah thu anei gige ua, atung ua thuneite thil hoih hihsakte in angai uhi. 26Himahleh nou zaw huchibang na hi kei ding uh; na lak ua thupipen nauzaw bang in om henla, makaipen leng nasempen bang in om zaw hen. 27Kua ahia thupizaw, dohkan a an um hia, an pepa? Dohkan a an um pen ahi zaw kei maw? Himahleh kei zaw na lak uah nasempa bang in ka om hi.
28“Ze-etna ka tuah sung noute kei hon ompihte na hi uh. 29Huchi in kei, ka Pa'n gam ahon sehsak bang in gam ka hon sehsak ahi. 30Ka gam a ka dohkan a na nek ua na dawntheihna ding un; huchi in Israel nam sawm-le-nih vai hawmsak in laltutphah ah na hong tu ding uhi.
Peter Kitheihmohbawl Ding Genkholhna
(Mat 26.31-36; Mar 14.27-31; Joh 13.36-38)
31“Simon, Simon, ngai in, Setan in buhsep bang a ahon septheihna ding in, noute ahon ngen hi. 32Himahleh na ginna amanlouhna ding in ka hon thumsak hi; na kihei nawn chiang in nang na unaute hihkip in,” achi hi.
33Huan ama'n akiang ah, “Toupa, na kiang ah suangkul ah leh sihna ah leng pai sam ngap ka hi,” achi hi.
34“Ama'n Peter, ka hon hilh ahi, na hon theihna ah thumvei na hon kitheihmohbawl masiah tuni in ak akhuang kei ding,” achi hi.
Hong Tung Ding Kidouna
35Huan akiang uah, “Dangka ip lou, kawlzal lou leh khedap lou a ka hon sawlkhiak in bang na tasam ua?” achi hi. Amau, “Bangmah,” achi uhi.
36Ama'n akiang uah, “Tu'n zaw dangka ip nei in keng henla, kawlzal toh, kuapeuh namsau nei lou in apuan zuak henla, lei hen. 37K'on hilh ahi, amah talekte lak ah simtel ahi, chi a kigelh ka tung ah ahong tung ahi; ka tungtang thu tungkim ngei ding ahi ngal a,” achi hi.
38Huan amau, “Toupa, en dih, hiai ah namsau nih a-om,” achi ua. Ama'n akiang uah, “Ahun,” achi hi.
Gethsemani Huan A Jesu Thumna
(Mat 26.36-46; Mar 14.32-42)
39Huan amah apawt a, angeina dan in Olive tang ah ahohta a; nungzuite'n leng azui uhi. 40Amun ava tun un, akiang uah, “Khemna a na lutlouhna ding un thum un,” achi hi.
41Huan suang a denphak tan vel ah ava paituam hi. 42Huan akhukdin a, athum a, “Pa, hoih na sakleh ka kiang a pan hiai nou lasuan in; himahleh kei thu hilou in, nangmah thu hi zaw hen,” achi hi. 43Huan van a kipan angel khat amah hihhat ding in akiang ah ahong kilak hi. 44Huan agim mahmah a, phatuamngai nawn sem in athum a; sisan bang in akho-ul mal liantak in lei ah atakkheta hi.
45Huan athum khit a athoh in, nungzuite kiang ah ahong pai a, alungkham ziak un ana ihmu uh amu hi. 46Huan akiang uah, “Bangziak a ihmu na hi ua? Khemna a na lutlouhna ding un thou unla, thum un,” achi hi.
Jesu Matna
(Mat 26.47-56; Mar 14.43-50; Joh 18.3-11)
47Huan huai agen laitak in, ngai dih, mipi ahong pai ua, sawm-le-nihte lak a tel Judas in ama uh akai a; tawp tum in Jesu ahon zuan hi. 48Himahleh Jesu'n, akiang ah, “Judas, Mihing Tapa tawp a mansak ding na hi maw?” achi hi.
49Huan akim a mite'n thil hong tung ding atheih un, “Toupa, namsau in ka sat ding uam?” achi uhi. 50Huan alak ua kuahiam in siampu lianpen sikha asat a, abil taklam asatkhiaksak hi.
51Huan Jesu'n, “Hih nawn ke'n,” achi a, abil akhoih a, ahihdamta hi.
52Jesu'n akiang a hong siampu liante tempul heutute leh upate kiang ah, “Namsau leh khetbuk tawi in, suamhat man ding bang hial in na hong kuan uh maw? 53Tempul a na kiang ua niteng a ka om lai in hon mat tum in na hon sawk kei ua; himahleh tu mial thuneihna toh na tat hun uh ahi,” achi hi.
Peter In Jesu Kitheihmohbawl
(Mat 26.57-58,69-75; Mar 14.53-54,66-72; Joh 18.12-18,25-27)
54Huan aman ua, api ua, siampu lianpen inn ah apilut uhi. Peter in gamlapi ah azui hi. 55Huan inn huangsung intual ah mei achih ua, atukhawm ua, alak uah Peter ava tu sam hi. 56Huan meivak nuai a atut lai in nungak kuahiam in amu a, a-en nilouh a, “Hiai mi leng akiang a om ahi,” achi hi.
57Ama'n bel, “Numei, amah ka thei kei,” chi in akitheihmohbawl hi. 58Aden chiang deuh in midang in ahong mu nawn a, “Nang leng alak ua mi na hi ve,” achi hi. Peter in bel, “Mihing aw, ka hi kei,” achi hi.
59Huan dakkal khat phial nung in, midang in, “Hiai mi leng akiang a om ahi tham hi; Galili gammi ahi,” achi tinten hi.
60Huan Peter in, “Mihing aw, na thugen ka thei kei,” achi hi. Huan thakhat in, apau laitak in ak ahong khuangta hi. 61Huan Toupa akihei a, Peter a-en hi. Peter in, “Ak khuan ma in thumvei na hon kitheihmohbawl ding, chi a Toupa'n akiang a athugen ahon phawkkhe thak hi.” 62Huan apawt a, akap huphup hi.
Jesu Nuihsanna Leh Vuakna
(Mat 26.67-68; Mar 14.65)
63Jesu lente'n nuihza bawlna in azang ua, asat uhi. 64Amit atuamsak ua, “Kua ahia hon sat, gen in?” chi in adong uhi. 65Thudang tampi in leng agensia un akou uhi.
Juda Vaihawmpawlte Ma A Jesu Pina
(Mat 26.59-66; Mar 14.55-64; Joh 18.19-24)
66Huan khua avaktak in upa hon, siampu liante leh laigelhmite ahong kikhawm ua, avaihawmna uah api uhi. 67“Khrist na hihleh hon hilh in,” achi uhi. Huan ama'n akiang uah, “Hon hilh mah leng na gingta kei ding uh. 68Ke'n noute thu hon dong hita leng leng, na hon dawng kei ding ua, na hon khah sam kei ding uh. 69Himahleh tuban siah Mihing Tapa, Pathian thilhihtheihna taklam ah atuta ding,” achi hi. 70Huan avek un, “Nang Pathian Tapa na hi maw le?” achi ua. Ama'n akiang uah, “Hi e, na hon chih bang un,” achi hi. 71Huan amau, “Bang theihpihna dang i deih lai dia? Eimah mah in amah kamsuak a pan i zata ve ua le,” achi uhi.
المحددات الحالية:
LUKA 22: PAITBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 22
22
Judas Iskariot Lehpanna
(Mat 26.1-5; Mar 14.1-2; Joh 11.45-53)
11 Huan Tanghou Silngou Soh Louh Ankuanglui Ni, Paikan Ankuangluina kichi anaita hi. 2Siampu liante leh laigelhmite'n hihlup theihna ding dan azong ua, vantang lah akihta ngal ua. 3Sawm-le-nihte lak a pang, Judas, Iskariot kichi sung ah Setan alut hi. 4Huchi in amah ava pai a siampu liante leh heutute kiang ah zuausan a matsak theihna ding dan ava kihoupih hi. 5Amau akipak mahmah ua, akiang ah dangka piak achiamta uhi. 6Ama'n lem asa a, mipi om louh kal a zuausan a matsakna lemtang azongta hi.
Paikan Ankuang Nanung
(Mat 26.17-25; Mar 14.12-21; Joh 13.21-30)
7Huan Tanghou Silngou Soh Louh Ni, Paikan Ankuangluina belamnou gohna ding ni ahong tungta hi. 8Huchi in Jesu'n, “Peter leh Johan asawl a, Paikan Ankuang i nek ding hon va bawlsak un,” chi in.
9Huan amau akiang ah, “Koi ah va bawl le ung na ut a?” achi uhi.
10Huan ama'n akiang uah, “Ngai un, khopi a na lut un, pasal, bel a tui tawi in ahon tuak ding a, alutna inn ah zui lut un,” achi hi. 11Inn neipa kiang ah, “Sinsakpa'n, ka nungzuite toh Paikan Ankuang ka nekna ding uh, mikhual inn pindan koi lai ahia ahon chi, na chi ding uh. 12Huchi in ama'n indan tungnung zapi, van omsa, ahon ensak ding; huai ah hih un,” achi hi.
13Huan ahohta ua, akiang ua agen bangtak in amuta ua; huan Paikan Ankuang ava bawl uhi.
Ankuang Siangthou
(Mat 26.26-30; Mar 14.22-26; 1 Kor 11.23-25)
14Huan anek hun in, dohkan um in atu a, asawltakte toh a-um uhi. 15Huan akiang uah, “Ka thuak ding ka thuak ma in hiai Paikan Ankuang hon nekpih ka ut mahmah hi. 16K'on hilh ahi, hiai Pathian lalgam a atak a hihtangtun ahih masiah, ka ne nawn kei ding,” achi hi.
17Huan nou ala a, kipahthu agen khit in, “Hiai la unla, kihawm un; 18k'on hilh ahi, tuban Pathian lalgam ahong tun masiah grepgui gahtui ka dawn nawn kei ding,” achi hi.
19Huan tanghou ala a, kipahthu agen khit in abalkham a, akiang uah apia a, “Hiai ka pumpi ahi, na sik ua piak ding pen; keimah theihgigena in hih zel un,” achi hi. 20Huchibang in nitak an nek zoh in nou ala a, “Hiai nou ka sisan a thukhun thak, na sik ua pawt ding pen.”
21“Himahleh ngai un, zuausan a hon mansak dingpa khut ka kiang ah dohkan tung ah a-omta hi. 22Mihing Tapa seh a a-om bangtak in apai ding hi, himahleh zuausan a mansak dingpa mihing tung agik hi!” achi hi.
23Huan amau lak ah, “Huchibang thilhih ding kua ahi dia le?” chi in akidongtuah uhi.
Thupina Thu A Kiselna
24Huan alak uah kua pen ahia thupipen a seh chih thu ah, kiselna ahong pawt hi. 25Ama'n akiang uah, “Zentel kumpipate atung uah thu anei gige ua, atung ua thuneite thil hoih hihsakte in angai uhi. 26Himahleh nou zaw huchibang na hi kei ding uh; na lak ua thupipen nauzaw bang in om henla, makaipen leng nasempen bang in om zaw hen. 27Kua ahia thupizaw, dohkan a an um hia, an pepa? Dohkan a an um pen ahi zaw kei maw? Himahleh kei zaw na lak uah nasempa bang in ka om hi.
28“Ze-etna ka tuah sung noute kei hon ompihte na hi uh. 29Huchi in kei, ka Pa'n gam ahon sehsak bang in gam ka hon sehsak ahi. 30Ka gam a ka dohkan a na nek ua na dawntheihna ding un; huchi in Israel nam sawm-le-nih vai hawmsak in laltutphah ah na hong tu ding uhi.
Peter Kitheihmohbawl Ding Genkholhna
(Mat 26.31-36; Mar 14.27-31; Joh 13.36-38)
31“Simon, Simon, ngai in, Setan in buhsep bang a ahon septheihna ding in, noute ahon ngen hi. 32Himahleh na ginna amanlouhna ding in ka hon thumsak hi; na kihei nawn chiang in nang na unaute hihkip in,” achi hi.
33Huan ama'n akiang ah, “Toupa, na kiang ah suangkul ah leh sihna ah leng pai sam ngap ka hi,” achi hi.
34“Ama'n Peter, ka hon hilh ahi, na hon theihna ah thumvei na hon kitheihmohbawl masiah tuni in ak akhuang kei ding,” achi hi.
Hong Tung Ding Kidouna
35Huan akiang uah, “Dangka ip lou, kawlzal lou leh khedap lou a ka hon sawlkhiak in bang na tasam ua?” achi hi. Amau, “Bangmah,” achi uhi.
36Ama'n akiang uah, “Tu'n zaw dangka ip nei in keng henla, kawlzal toh, kuapeuh namsau nei lou in apuan zuak henla, lei hen. 37K'on hilh ahi, amah talekte lak ah simtel ahi, chi a kigelh ka tung ah ahong tung ahi; ka tungtang thu tungkim ngei ding ahi ngal a,” achi hi.
38Huan amau, “Toupa, en dih, hiai ah namsau nih a-om,” achi ua. Ama'n akiang uah, “Ahun,” achi hi.
Gethsemani Huan A Jesu Thumna
(Mat 26.36-46; Mar 14.32-42)
39Huan amah apawt a, angeina dan in Olive tang ah ahohta a; nungzuite'n leng azui uhi. 40Amun ava tun un, akiang uah, “Khemna a na lutlouhna ding un thum un,” achi hi.
41Huan suang a denphak tan vel ah ava paituam hi. 42Huan akhukdin a, athum a, “Pa, hoih na sakleh ka kiang a pan hiai nou lasuan in; himahleh kei thu hilou in, nangmah thu hi zaw hen,” achi hi. 43Huan van a kipan angel khat amah hihhat ding in akiang ah ahong kilak hi. 44Huan agim mahmah a, phatuamngai nawn sem in athum a; sisan bang in akho-ul mal liantak in lei ah atakkheta hi.
45Huan athum khit a athoh in, nungzuite kiang ah ahong pai a, alungkham ziak un ana ihmu uh amu hi. 46Huan akiang uah, “Bangziak a ihmu na hi ua? Khemna a na lutlouhna ding un thou unla, thum un,” achi hi.
Jesu Matna
(Mat 26.47-56; Mar 14.43-50; Joh 18.3-11)
47Huan huai agen laitak in, ngai dih, mipi ahong pai ua, sawm-le-nihte lak a tel Judas in ama uh akai a; tawp tum in Jesu ahon zuan hi. 48Himahleh Jesu'n, akiang ah, “Judas, Mihing Tapa tawp a mansak ding na hi maw?” achi hi.
49Huan akim a mite'n thil hong tung ding atheih un, “Toupa, namsau in ka sat ding uam?” achi uhi. 50Huan alak ua kuahiam in siampu lianpen sikha asat a, abil taklam asatkhiaksak hi.
51Huan Jesu'n, “Hih nawn ke'n,” achi a, abil akhoih a, ahihdamta hi.
52Jesu'n akiang a hong siampu liante tempul heutute leh upate kiang ah, “Namsau leh khetbuk tawi in, suamhat man ding bang hial in na hong kuan uh maw? 53Tempul a na kiang ua niteng a ka om lai in hon mat tum in na hon sawk kei ua; himahleh tu mial thuneihna toh na tat hun uh ahi,” achi hi.
Peter In Jesu Kitheihmohbawl
(Mat 26.57-58,69-75; Mar 14.53-54,66-72; Joh 18.12-18,25-27)
54Huan aman ua, api ua, siampu lianpen inn ah apilut uhi. Peter in gamlapi ah azui hi. 55Huan inn huangsung intual ah mei achih ua, atukhawm ua, alak uah Peter ava tu sam hi. 56Huan meivak nuai a atut lai in nungak kuahiam in amu a, a-en nilouh a, “Hiai mi leng akiang a om ahi,” achi hi.
57Ama'n bel, “Numei, amah ka thei kei,” chi in akitheihmohbawl hi. 58Aden chiang deuh in midang in ahong mu nawn a, “Nang leng alak ua mi na hi ve,” achi hi. Peter in bel, “Mihing aw, ka hi kei,” achi hi.
59Huan dakkal khat phial nung in, midang in, “Hiai mi leng akiang a om ahi tham hi; Galili gammi ahi,” achi tinten hi.
60Huan Peter in, “Mihing aw, na thugen ka thei kei,” achi hi. Huan thakhat in, apau laitak in ak ahong khuangta hi. 61Huan Toupa akihei a, Peter a-en hi. Peter in, “Ak khuan ma in thumvei na hon kitheihmohbawl ding, chi a Toupa'n akiang a athugen ahon phawkkhe thak hi.” 62Huan apawt a, akap huphup hi.
Jesu Nuihsanna Leh Vuakna
(Mat 26.67-68; Mar 14.65)
63Jesu lente'n nuihza bawlna in azang ua, asat uhi. 64Amit atuamsak ua, “Kua ahia hon sat, gen in?” chi in adong uhi. 65Thudang tampi in leng agensia un akou uhi.
Juda Vaihawmpawlte Ma A Jesu Pina
(Mat 26.59-66; Mar 14.55-64; Joh 18.19-24)
66Huan khua avaktak in upa hon, siampu liante leh laigelhmite ahong kikhawm ua, avaihawmna uah api uhi. 67“Khrist na hihleh hon hilh in,” achi uhi. Huan ama'n akiang uah, “Hon hilh mah leng na gingta kei ding uh. 68Ke'n noute thu hon dong hita leng leng, na hon dawng kei ding ua, na hon khah sam kei ding uh. 69Himahleh tuban siah Mihing Tapa, Pathian thilhihtheihna taklam ah atuta ding,” achi hi. 70Huan avek un, “Nang Pathian Tapa na hi maw le?” achi ua. Ama'n akiang uah, “Hi e, na hon chih bang un,” achi hi. 71Huan amau, “Bang theihpihna dang i deih lai dia? Eimah mah in amah kamsuak a pan i zata ve ua le,” achi uhi.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.