LUKA 23
23
Pilat Ma A Jesu Pina
(Mat 27.1-2,11-14; Mar 15.1-5; Joh 18.28-38)
1Huan mipi tengteng adingh ua, Pilat kiang ah Jesu apita uhi. 2“Hiai mi'n ka chite uh apimang a, Kaisar kiang ah siah liau akham a, Khrist, kumpipa, akichih ka za uh,” chi in ahek uhi.
3Pilat in akiang ah, “Judate' Kumpipa na hi hia?” chi in adong a. Ama'n, “Hi e,” chi in adawng hi.
4Pilat in siampu liante leh mipite kiang ah, “Hiai mi tung ah bangmah khelhna ka mu kei,” achi hi.
5Himahleh amau, “Galili gam a kipan Judia gam khua teng leh hiai mun tan ah thu hilh in, mi tengteng afuihse gige,” chi in akhauh semsem uhi.
Herod Mai A Jesu Dinna
6Pilat in huai azak in, hiai mi Galili gam a mi ahi hiam chih adong hi. 7Huchi in Herod ukna sung a mi ahi chih atheihtak in Herod kiang ah asawlta a; huai lai in amah leng Jerusalem ah a-om hi. 8Herod in Jesu amuh in akipak mahmah a; atanchin azak ziak in, tuma lam a pan muh ana ut him ahi a, athillamdang hih banghiam bek muh alamen hi. 9Huan thu tampi adong a; himahleh bangmah in adawng tuan kei. 10Siampu Liante leh laigelhmite'n dingh in nakpitak in ahek uhi. 11Herod leh asepaihte'n Jesu simmohbawl in nuihza bawlna'n azang uh, puan thupitak silhsak in Pilat kiang ah asawl nawnta hi. 12Huai ni in Herod leh Pilat akihoutheita uh; huai masiah a zaw kimelma et ahi uhi.
Jesu Si Ding A Thutanna
(Mat 27.15-26; Mar 15.6-15; Joh 18.39—19.16)
13Pilat in siampu liante, heutute, mi tengteng asamkhawm a, akiang uah, 14“Mite apimang chi in hiai mi ka kiang ah na hon pi uhi, ngai un, na ma ua ka etchet nung in na hekna thu uah hiai mi tung ah bangmah khelhna ka mu kei; 15Herod in leng mu tuan lou in, i kiang uah ahon sawlkik nawn hi. Ngai un, sihna khop hial bangmah ahih kei hi. 16Huchi in ka vo ding a, ka pawtsak mai ding,” achi hi. 17(Ankuanglui ni a alak ua mi khat apawtsak teitei ding ahi ngal a).
18Himahleh kituaktak in akikou ua, “Hiai mi hihmangthang inla, Barabbas pen hon pawtsak zaw in,” achi uhi. 19Huai mi khopi a helna leh tualthah ziak a suangkul tang ahi.
20Pilat in bel Jesu khah a-ut a, akiang uah thu agen nawn hi. 21Himahleh, “Kros ah kilhden in, kros ah kilhden in,” chi in akikou uhi.
22Huan ama'n, athumveina ah akiang uah, “Bang ding in maw? Hiai mi in bang ahia ahihkhelh? Sihna khop hial atung ah bangmah ka mu kei; ka sawi ding a, ka khah mai ding,” achi hi.
23Amau bel aw ngaihtak suah in kilhden ding in angen teitei uhi. Huan a-aw un avau daita uhi. 24Pilat in anget bang ua hih ding in thu ahihpukta hi. 25Helna leh tualthah ziak a suangkul tang anget uh akhah a; Jesu bel a-utut aloh ding un apeta hi.
Jesu Kilhdenna
(Mat 27.32-44; Mar 15.21-32; Joh 19.7-27)
26Apikhiak lai un, Kurini khomi Simon kichi, gamsung a kipan hong pai amantawm ua, Jesu nunglam a po ding in atung ah kros angata uhi.
27Huan mi nazong leh numei amah kah a mau zelzul, mipi tampitak in amah azui uhi. 28Jesu bel amaute lam nga in, “Jerusalem tanute aw, hon kah kei un, noumau leh na tate uh a ding in kap zaw un,” achi hi. 29“Ngai un, ani ahong tung ding a, ‘Huai ni in, numei chingte, naupai ngeilouhna gilte, naungek tep ngei louh nawite ahampha uh,’ achi ding uhi. 30Huai hun chiang in mite'n, tangte kiang ah, ‘Hon delh un,’ achi ding uh, mualte kiang ah, ‘Hon khuh un,’ achi ding uhi. 31Sing ahin lai a bawn hichibang a ahih uleh; akeu chiang in bang alohta phet ding ua?” achi hi.
32Huan akiang ah midang nih, migiloute leng hihlup ding in api uhi. 33Kalvari, achih mun uh atun un, migiloute, ataklam ah khat, aveilam ah khat toh akilhden uhi. 34Jesu'n, “Pa, amaute ngaidam in; athilhih uh athei kei ua ahi,” achi hi. Huchi in apuansilhte kihawm in, ai asan uhi. 35Huan mihonpi'n dingh kawm in a-en uhi. Huchi in vaihawm mite'n, “Midang bawn ahondam aka; Pathian tel Khrist ahih taktakleh amah leng kihondam hen aw,” chi in a-enghou uhi.
36Sepaihte'n leng amah nuihza bawlna in anei ua, akiang ah ahong ua, zu thuk apia uhi. 37“Judate' Kumpipa na hih taktakleh kihondam in,” achi uhi.
38Huan alutung zawn kros ah, Grik, Latin leh Hebru laimal in, “HIAI JUDATE' KUMPIPA AHI,” chi in laigelh atak uhi.
39Huan amigilou kilh khat un Jesu atai a, “Khrist na hi kei a hia? Kihondam inla, kou leng hon hondam tanla,” achi hi.
40Himahleh khatpa'n dawng kawm in, ataihilh a, “Pathian nangawn na kihta kei a hia kibang sap a hon gawt uh? 41Ei zaw gawt tuak him i hi; i thilhih man lel mu i hi a; hiai mi'n bangmah ahihkhial ngal kei a,” achi hi. 42Ama'n Jesu kiang ah, “Toupa na lalgam a na hong pai chiang in hon theigige in,” achi hi.
43Ama'n akiang ah, “Chihtaktak in ka hon hilh ahi, tuni in ka kiang ah Paradis ah na om sam ding,” achi hi.
Jesu Sihna
(Mat 27.45-56; Mar 15.33-41; Joh 19.28-30)
44Huan dak gukna vel ahi a, huai nungsiah dak kuana hun tan in gam pumpi ahong mialvekta a, nisa vak abeita hi. 45Tempul puanzak alai ah ahong keksuak hi. 46Aw ngaihtak in Jesu akikou a, “Pa, na khut ah ka kha ka hon kemsak hi,” achi hi. Huai achih zoh in akha akhahta hi.
47Sepaih zaheutupa'n thil omdan amuh in, “Hiai mi, pel lou in midik ahi ngeingei,” chi in Pathian aphat hi.
48Huai etnop en ding a mipi hong kikhawm tengtengte'n thil omdante amuh un a-awm uh kitum in akik nawnta uhi. 49Huan ameltheihte tengteng leh numei Galili gam a kipan a hon zuite, huai thilte en in gamlatak ah adingh uhi.
Jesu Vuina
(Mat 27.57-61; Mar 15.42-47; Joh 18.38-40)
50Huan ngai un, mi khat amin Joseph, vaihawmmi, mihoihtak, diktak, Judate khua khat Arimathai a kipan a-om hi. 51Avaihawm uah leh athilhih uah leng aki-awi kei him a, ama'n Pathian lalgam ana lamen gige hi. 52Huai mi Pilat kiang ah ahoh a, Jesu luang angen hi. 53Huan alakhia a, puanmalngat in atuam a, han, suang khuakkuak, kuamah sial nailouhna ah, asial hi. 54Huan huai ni tuh Kisakkholhna ni, Sabbath ni tun dek kuan ahi. 55Galili gam a kipan akiang a numei hong zuite'n azui zel ua, han leh aluang sialdan amu uhi. 56Huan apai nawn ua, gimnamtui leh thaunamtui abawl ua; huan Sabbath ni in thupiak bang in akhawlta uhi.
المحددات الحالية:
LUKA 23: PAITBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 23
23
Pilat Ma A Jesu Pina
(Mat 27.1-2,11-14; Mar 15.1-5; Joh 18.28-38)
1Huan mipi tengteng adingh ua, Pilat kiang ah Jesu apita uhi. 2“Hiai mi'n ka chite uh apimang a, Kaisar kiang ah siah liau akham a, Khrist, kumpipa, akichih ka za uh,” chi in ahek uhi.
3Pilat in akiang ah, “Judate' Kumpipa na hi hia?” chi in adong a. Ama'n, “Hi e,” chi in adawng hi.
4Pilat in siampu liante leh mipite kiang ah, “Hiai mi tung ah bangmah khelhna ka mu kei,” achi hi.
5Himahleh amau, “Galili gam a kipan Judia gam khua teng leh hiai mun tan ah thu hilh in, mi tengteng afuihse gige,” chi in akhauh semsem uhi.
Herod Mai A Jesu Dinna
6Pilat in huai azak in, hiai mi Galili gam a mi ahi hiam chih adong hi. 7Huchi in Herod ukna sung a mi ahi chih atheihtak in Herod kiang ah asawlta a; huai lai in amah leng Jerusalem ah a-om hi. 8Herod in Jesu amuh in akipak mahmah a; atanchin azak ziak in, tuma lam a pan muh ana ut him ahi a, athillamdang hih banghiam bek muh alamen hi. 9Huan thu tampi adong a; himahleh bangmah in adawng tuan kei. 10Siampu Liante leh laigelhmite'n dingh in nakpitak in ahek uhi. 11Herod leh asepaihte'n Jesu simmohbawl in nuihza bawlna'n azang uh, puan thupitak silhsak in Pilat kiang ah asawl nawnta hi. 12Huai ni in Herod leh Pilat akihoutheita uh; huai masiah a zaw kimelma et ahi uhi.
Jesu Si Ding A Thutanna
(Mat 27.15-26; Mar 15.6-15; Joh 18.39—19.16)
13Pilat in siampu liante, heutute, mi tengteng asamkhawm a, akiang uah, 14“Mite apimang chi in hiai mi ka kiang ah na hon pi uhi, ngai un, na ma ua ka etchet nung in na hekna thu uah hiai mi tung ah bangmah khelhna ka mu kei; 15Herod in leng mu tuan lou in, i kiang uah ahon sawlkik nawn hi. Ngai un, sihna khop hial bangmah ahih kei hi. 16Huchi in ka vo ding a, ka pawtsak mai ding,” achi hi. 17(Ankuanglui ni a alak ua mi khat apawtsak teitei ding ahi ngal a).
18Himahleh kituaktak in akikou ua, “Hiai mi hihmangthang inla, Barabbas pen hon pawtsak zaw in,” achi uhi. 19Huai mi khopi a helna leh tualthah ziak a suangkul tang ahi.
20Pilat in bel Jesu khah a-ut a, akiang uah thu agen nawn hi. 21Himahleh, “Kros ah kilhden in, kros ah kilhden in,” chi in akikou uhi.
22Huan ama'n, athumveina ah akiang uah, “Bang ding in maw? Hiai mi in bang ahia ahihkhelh? Sihna khop hial atung ah bangmah ka mu kei; ka sawi ding a, ka khah mai ding,” achi hi.
23Amau bel aw ngaihtak suah in kilhden ding in angen teitei uhi. Huan a-aw un avau daita uhi. 24Pilat in anget bang ua hih ding in thu ahihpukta hi. 25Helna leh tualthah ziak a suangkul tang anget uh akhah a; Jesu bel a-utut aloh ding un apeta hi.
Jesu Kilhdenna
(Mat 27.32-44; Mar 15.21-32; Joh 19.7-27)
26Apikhiak lai un, Kurini khomi Simon kichi, gamsung a kipan hong pai amantawm ua, Jesu nunglam a po ding in atung ah kros angata uhi.
27Huan mi nazong leh numei amah kah a mau zelzul, mipi tampitak in amah azui uhi. 28Jesu bel amaute lam nga in, “Jerusalem tanute aw, hon kah kei un, noumau leh na tate uh a ding in kap zaw un,” achi hi. 29“Ngai un, ani ahong tung ding a, ‘Huai ni in, numei chingte, naupai ngeilouhna gilte, naungek tep ngei louh nawite ahampha uh,’ achi ding uhi. 30Huai hun chiang in mite'n, tangte kiang ah, ‘Hon delh un,’ achi ding uh, mualte kiang ah, ‘Hon khuh un,’ achi ding uhi. 31Sing ahin lai a bawn hichibang a ahih uleh; akeu chiang in bang alohta phet ding ua?” achi hi.
32Huan akiang ah midang nih, migiloute leng hihlup ding in api uhi. 33Kalvari, achih mun uh atun un, migiloute, ataklam ah khat, aveilam ah khat toh akilhden uhi. 34Jesu'n, “Pa, amaute ngaidam in; athilhih uh athei kei ua ahi,” achi hi. Huchi in apuansilhte kihawm in, ai asan uhi. 35Huan mihonpi'n dingh kawm in a-en uhi. Huchi in vaihawm mite'n, “Midang bawn ahondam aka; Pathian tel Khrist ahih taktakleh amah leng kihondam hen aw,” chi in a-enghou uhi.
36Sepaihte'n leng amah nuihza bawlna in anei ua, akiang ah ahong ua, zu thuk apia uhi. 37“Judate' Kumpipa na hih taktakleh kihondam in,” achi uhi.
38Huan alutung zawn kros ah, Grik, Latin leh Hebru laimal in, “HIAI JUDATE' KUMPIPA AHI,” chi in laigelh atak uhi.
39Huan amigilou kilh khat un Jesu atai a, “Khrist na hi kei a hia? Kihondam inla, kou leng hon hondam tanla,” achi hi.
40Himahleh khatpa'n dawng kawm in, ataihilh a, “Pathian nangawn na kihta kei a hia kibang sap a hon gawt uh? 41Ei zaw gawt tuak him i hi; i thilhih man lel mu i hi a; hiai mi'n bangmah ahihkhial ngal kei a,” achi hi. 42Ama'n Jesu kiang ah, “Toupa na lalgam a na hong pai chiang in hon theigige in,” achi hi.
43Ama'n akiang ah, “Chihtaktak in ka hon hilh ahi, tuni in ka kiang ah Paradis ah na om sam ding,” achi hi.
Jesu Sihna
(Mat 27.45-56; Mar 15.33-41; Joh 19.28-30)
44Huan dak gukna vel ahi a, huai nungsiah dak kuana hun tan in gam pumpi ahong mialvekta a, nisa vak abeita hi. 45Tempul puanzak alai ah ahong keksuak hi. 46Aw ngaihtak in Jesu akikou a, “Pa, na khut ah ka kha ka hon kemsak hi,” achi hi. Huai achih zoh in akha akhahta hi.
47Sepaih zaheutupa'n thil omdan amuh in, “Hiai mi, pel lou in midik ahi ngeingei,” chi in Pathian aphat hi.
48Huai etnop en ding a mipi hong kikhawm tengtengte'n thil omdante amuh un a-awm uh kitum in akik nawnta uhi. 49Huan ameltheihte tengteng leh numei Galili gam a kipan a hon zuite, huai thilte en in gamlatak ah adingh uhi.
Jesu Vuina
(Mat 27.57-61; Mar 15.42-47; Joh 18.38-40)
50Huan ngai un, mi khat amin Joseph, vaihawmmi, mihoihtak, diktak, Judate khua khat Arimathai a kipan a-om hi. 51Avaihawm uah leh athilhih uah leng aki-awi kei him a, ama'n Pathian lalgam ana lamen gige hi. 52Huai mi Pilat kiang ah ahoh a, Jesu luang angen hi. 53Huan alakhia a, puanmalngat in atuam a, han, suang khuakkuak, kuamah sial nailouhna ah, asial hi. 54Huan huai ni tuh Kisakkholhna ni, Sabbath ni tun dek kuan ahi. 55Galili gam a kipan akiang a numei hong zuite'n azui zel ua, han leh aluang sialdan amu uhi. 56Huan apai nawn ua, gimnamtui leh thaunamtui abawl ua; huan Sabbath ni in thupiak bang in akhawlta uhi.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.