ATÜNNAK TÜNNAK
TÜNNAK
Tüisho nak cicu ng’tüi law nak ciah kya ci. Shin ah ca-uk ung a pyen cu khopüi atüipian ah mawng, hni cim chang ah ng’tünnak la hmakat nak ah ng’tünnak, khomdek khan ung yaica nak la Khanpughi naw hnicim chang a om püi nak gui ah kyak ci. Tüisho nak cu aktung ah hnih ah k’pai vai ah kyak ci. (1) Akhan 1—11 cu khomdek a tüipian ah mawng la a htük ah chang pakhui ah ang shon lam ah kyak ci. Cun cu Adam la Eve, Kain la Abel, Noah la tuiyiin ah mü, la Babilon Tänghän ah mawng gui ah kyak ci. (2) Akhan 12—50 cu a htük ah Israel pupa ng’shonlam ah kyak ci. A htük bäih cu Abraham, a yumnak la Khanpughi a läk nak cu m’tam vai ah kyak ci. Cun tawi lawk ciah a mawng gui cu a htapa Isaak la atu Jakob (Israel ah phi ami pyen), la Jakob ah hta pami gha lei goi, ngami cu Israel pakhui gha lei goi tün ci gui ah kyak ci. Atung pi ah a pyen cu a hta gui ung ka, Joseph la a hei a hta gui la ami kyong chang gui Egypt khaw ah ami om tu ah mawng ah kyak ci.
Shin ah ca-uk naw chang gui ah ng’shonlam phi pyen ne, aktung pi ah Khanpughi ah bilawh gui cu pyen ci naw khopui tüipyang ci, ciah tün ne Khanpughi naw a chang gui cu om püi gui lä khai ciah shaitaak awn khüm ci. Ca-uk avan ung aktung pi cu Khanpughi ah kyak ci, ani naw cheishoh ci gui cu m’khicha gui ne, m’kyuk gui ne a chang gui cu lam shüm gui ne, m’hteihtang gui ne, ami ng’shonlam pyan pe gui ci. Shin ah ca-uk phyim ami guk cu chang gui ah yumnak ah mawng m’hnüt bäi nak la acun ah yumnak ghing khai ah ami k’pan vai ah m’hteihtang nak gui ah kyak ci.
Amawng Aktawi gui
Khopui la Hnicim chang a tüipian ah mawng 1:1—2:25
Hmakatnak ah ng’tünnak la yaica nak 3:1-24
Adam ungka naw Noah 4:1—5:32
Noah la tuiyiin ah mü 6:1—10:32
Babilon Tänghän 11:1-9
Shem ungka naw Abraham 11:10-32
Pupa mang gui, Abraham, Issak, Jakob 12:1—35:29
Esau ah htangshon gui 36:1-43
Joseph la a phäinau gui 37:1—45:28
Egypt khaw ah Israel gui 46:1—50:2
المحددات الحالية:
ATÜNNAK TÜNNAK: CBC
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Cho Bible Common Language © Bible Society of Myanmar, 2016.