Suluet 18
18
Yisaka mo yuyuŋwe
1A MATAT puköki ko Abarayama nyona ko kaden logon a rinö ti Mamure, na si ’dari nye i kötumit na kemia i tuparan kiden nu 2#Eb 13.2A nye ’bi ’yi konyen kanyit ki a diŋe diŋa, mete, a Ŋutu musala gwo ’de kanyit i komor. A nye ko meddi se, a nye wöki kaŋo i kötumit na kemia i dodogga na lepeŋat, a nye rosokakine kak, 3a kulyani adi, Pon duma liŋ, ko do a met adi nan a lo ’but, böŋö an ta ko Iwo ŋöddu ta köyö nan kölipönit losu.
4Ti pioŋ ku ’dik jweni anyen lalaarikin mokosi kasu, ko yuke ta yukan i ködini mukök, 5a nan de jakiŋdye ta kinyo a lo ’dit, anyen togo ’yu mugunya kasu, a kirut ta de lwöŋöddi lwöpöddu, kogwon ta a ’dur ko köli pönit losu mede. A se kulyani adi, A na ’but, koŋdi gwoso na kulyari do ŋina. 6A Abarayama nyoŋgi lupö ko Sara i kemia yu, a kulyani adi, Temuŋdye ’de ’de pelela musala ti löjiet lo ’bolot naliliŋök, ko nute nut se a ambatajin. 7A Abarayama wöki wökön i teŋ na toro ’bo, a joŋdi tagwok lopir lomunyan, a tiŋdi kölipönit; a lepeŋ nyoŋgi deruŋdya. 8A nye joŋdi gwoŋali, ko le, se ko lokore na der nye na, a tiŋdi kase i komor; a nye gwo ’de kase nyona i ködini mukök na nyesi se nu.
9A se pipije nye adi, Niya Sara narakwan inot? A nye waddi adi, Manu i kemia lukata. 10#Rom 9.9 a lepeŋ kulyani adi, Nan ’diri mo Köti yiyitwe konut ni i kiŋa lo popo gwoso i na diŋit na, a Sara nakwan inot moyoŋundye ŋuro lulalet. A Sara gwe i yiyiŋga i kötumit na kemia na gwon ko Abarayama i ki ’diŋ na. 11Ama a Abarayama se ko Sara gwe a muduŋin, kiŋajin kase jore parik; a perok ti yapa gwe ’bayin ko Sara. 12#1 Pet 3.6 A Sara kwenine kweni kanyit i töili adi, I mukök nagon nan aje doŋga a lalet liŋ gwe a modoŋ nu, nan ŋona mo gwon ko lyöŋön le? 13A MATAT pipije Abarayama adi, Nyö Sara kwekweni kulya adi, Nan ’diri mo tata ’duuŋdyö ŋuro, nan nagon soŋinana gwe a modoŋ na le? 14#Luk 1.37 Nene ŋo kata nagon bubulö te ’ya nan MATAT le? A nagon diŋit mo aje temakiŋdya nu, nan mo yiyitwe konut ni i kiŋa lo popo gwoso i na diŋit na, a Sara mo yupundye ŋuro lulalet. 15Nyena a Sara renyani renya adi, Nan a ko kweni kwöŋ; kogwon nye kukujönö. Ama a nye kulyani adi, ’Bayin, do ’diri a kweni.
Abarayama momo ’yu Ŋun i kulya ti Sodoma
16A kulu Ŋutu ŋiörö ŋiörö nyu, a komorgi tu Sodoma; a Abarayama nyömökindye lepeŋat i kiko. 17A MATAT pipije mugun adi, Nan ŋomi ’de ’delakin Abarayama ŋo nagon nan kökon na le? 18Abarayama ’diri mo wora a jur duma lo riŋit, a gweyajin liŋ ti Ŋutu ti kak mo mo ’yi nan i ’boroja na se gwoso na ’boroji nan nye na. 19Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.
20A MATAT kulyani adi, Ŋutu gwigwien parik i kulya ti Sodoma ko Gomora, kogwon toronjin kase gwe a narok parik a Iwoŋgu. 21Nan de lulurara kak soŋinana i meddya kode lepeŋat ’diri aje kon gwoso gwien nagon a ’durökin köyö na; a ko ti gwon sona, a nan de lo deŋdi.
22A kilu Ŋutu woriŋöddi nyu, a iti tu tojo Sodoma, ama Abarayama nyuŋ gwogwo ’dan ko MATAT i komor.
23A Abarayama mijörö nyona, a pipije adi, Do ’diri de tukaŋu Ŋutu lo rigwo ko Ŋutu lorok i pirit na geleŋ le?
24Böŋö ko ködyö Ŋutu merya mukanat lo rigwo kata i köji lukata, do ŋona de kökör nu pirit a tine pitun lepeŋ kogwon kulya ti Ŋutu merya mukanat lo rigwo logon gwon i lukata nanyit kulu le? 25Ti do gwe pajo i koŋdya na ŋo gwoso ŋina i tatuja na Ŋutu lo rigwo ko lorok i pirit na geleŋ, anyen kulya ti Ŋutu lo rigwo ko lorok gwon jojo! Ti do gwe pajo i ŋo gwoso ŋina! Ka ’duŋönit lo kak liŋ ŋona ti ’duŋgö gwogwo le? 26A MATAT kulyani adi, Ko nan a ryö Ŋutu merya mukanat lo rigwo Sodoma i köji lukata, a nan de pitok iŋdye nu pirit liŋ kogwon kulya kase. 27A Abarayama waddi adi, Mete, soŋinana nan logon a lipo kana lo aje juŋ a jambu ko MATAT. 28Böŋö ko ködyö Ŋutu mukanat ’bayin kilo Ŋutu merya mukanat lo rigwo, a do ŋona de köŋi nu köji ’bukuluŋ kogwon Ŋutu mukanat ’bayin le? A nye waddi adi, Nan de ti köŋu lepeŋ ko nan a ryo Ŋutu merya ŋwan wot mukanat kulo nyu. 29A nye nyaggi pija lepeŋ adi, Boŋo ko kodyo Ŋutu merya Iŋwan a rye nyu? A nye waddi adi, Nan de ti koŋdya nene ŋo kogwon kulya ti Ŋutu merya Iŋwan kulo. 30A nye kulyani adi, Boŋo ti MATAT gwe ti woran, nan lo jajambu. Boŋo ko kodyo Ŋutu merya musala a rye nyu? A nye waddi adi, Nan de ti koŋdya nene ŋo ko nan a ryo Ŋutu merya musala nyu. 31a nye kulyani adi, Mete, soŋinana nan aje juŋ a jambu ko MATAT. Böŋö ko ködyo Ŋutu merya murek a rye nyu? A nye waddi adi, Nan de ti koŋu lepeŋ kogwon kulya ti Ŋutu merya murek. 32A nye kulyani adi, Böŋö ti MATAT gwe li woran, nan lo nyaggi jambu daŋ geleŋ tuŋ. Böŋö ko ködyö Ŋutu puök a rye nyu? A nye waddi adi, Nan de ti köŋu lepeŋ kogwon kulya ti Ŋutu puök. 33A nagon MATAT aje ko ’yu jambu ko Abarayama nu, a nye iti tu, a Abarayama yitöni bot kanyit i pirit.
المحددات الحالية:
Suluet 18: BBE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bari Bible © United Bible Societies, 1979.