KUPUTUKA 9
9
1Jino Kalunga akiswile Nowa navana venyi vamalunga, avambile ngwenyi, Semenunga mukavule cikuma, mukasulise hamavu.
2Kaha tunyama vahamavu vosena natujila vahelu vosena navaka-kuhalala hamavu vosena navaixi vali mukalungalwiji vosena nava-mivwanga woma namuzuzu. Nguna-vecela mumavoko enu.
3Vaka-kutambuka vakuyoya vosena navapwanga kulya cenu, nge omu ngwamihana lyehi vyuma vituta, ngoco mungunamihane vyosena.
4Oloze kanda mukalya nyama #Levi 17.10-16; Luxi. 12.16, 23.namwono wayo hamweko, akiko manyingayo.
5Camwenemwene manyingenu amyono yenu nangukawehula. Nangukawehula kuli tunyama vosena nakuli vatu. Mwono wamutu nangukawihula kuli mutu himutu ndumbwenyi.
6Wexowo mwakamwanga manyinga amutu, vakamwange manyingenyi kuli mutu, mwomwo Kalunga atengele mutu wakutambula kuli Ikiye, xikaho.
7Kahenu, semenunga, mukavule, kayongenu hamavu, mukavulileho.
8Kalunga ambile kuli Nowa nakuli vana venyi vamalunga apwile navo ngwenyi,
9KahAmi, talenu, Ami nanguzamisa luxiko lwami nayenu navaka-tanga yenu nawa vakumikava,
10navaka-kuyoya vosenava muli navo, natujila navimuna natunyama vahamavu vosena nayenu hamwe, ava vakulovoka muwato, tunyama vahamavu vosena vene.
11Nanguzamisa luxiko lwami nayenu, kaha kangwexi kukavanongesa ceka vaka-mijimba vosena nameya alivajiko, kakwexi kukapwa ceka livaji lyakunongesa hamavuko.
12Kalunga avambile ngwenyi, Eci cikiko cinjikizo caluxiko elu ngunalixiki nayenu navakweci myono ya-kuyoya vosenava muli navo, navo-sena vaze navakasemuka haya myaka yosena.
13Nanguhaka kongolo yami halivwi, kaha mwapwanga cinjikizo caluxiko elu ngunalixiki navaka-mavu.
14Kaha nacikasoloka, cosena nangukahicisa livwi helu lyamavu, navakamona kongolo halivwi,
15kaha nangukanuka luxiko lwami ngunalixiki nayenu navakweci myono yakuyoya vosena, kaha meya kawexi kukapwa ceka livaji nakuno-ngesa vakweci mijimba vosenako.
16Kongolo mwakapwa halivwi, kahAmi nangukamutala, mangana ngwanuke luxiko lwahaya myaka yosena elu ngunalixiki Ami Kalunga navakweci myono yakuyoya vosena vakweci mijimba vosena vali hamavu.
17Kalunga ambile kuli Nowa ngwenyi, Eci cikiko cinjikizo caluxiko elu ngunalixiki navakweci mijimba vosena vali hamavu.
Nowa mwapenda wala
18Vana vaNowa vamalunga, vaze valovokele muwato, vapwile vakivo Xeme naHame naYafwete. Hame ikiye ise yaKanane.
19Ava vatatu vapwile vana vaNowa, kaha vana vavakivo hivalimwangile kumavu kwosena.
20Jino Nowa aputukile kupwa njimi, ngoco atumbile wande wamivinyo.
21Anwine vinyo, apendele, kaha alizulile mumbalaka yenyi.
22Hame, ise yaKanane, amumwene ise uselesele, kaha avalwezele vandumbwenyi vavali vapwile kuweluka.
23Xeme naYafwete vakwacile lihina, valihakile havifwiji vyavo nakutambuka futanyima nakuwuva sevo apwile uselesele. Oloze meso avo atalile kweka, kavamwene sevo useleseleko.
24Kaha Nowa atonene kuvinyo vyenyi, atacikijile oco vamulingile kuli mwanenyi wapindakaci.
25Ambile ngwenyi,
Kanane apwenga wakwangula,
Akapwenga ndungo yavandungo kuli vandumbwenyi.
26Ambile nawa ngwenyi,
Vamukisule Yehova, Kalunga ka-Xeme,
Kaha Kanane akapwenga ndungo yenyi.
27Kalunga akatohwese Yafwete, Akatwamenga mujimbalaka ja-Xeme,
Kaha Kanane akapwenga ndungo yenyi.
28Jino omu lyalingile livaji linahici lyehi, Nowa ayoyele myaka yikwavo makulukaji atatu namakumi atanu.
29Kaha makumbi aNowa osena ahetele mumyaka makulukaji atanu naawana namyaka makumi atanu, kaha afwile.
Vaka-jitanga javana vaNowa
(Miji. 1, 1.5-23)
المحددات الحالية:
KUPUTUKA 9: LUE70
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Luvale Bible © Bible Society of Zambia, 1970.