KEJADIAN 31
31
Yakub hun Laban herakfisaluk wulifikhe wene
1Ap Laban amlogomi omanogo nen ikhi logolik, ”Hun Yakub en nineisena angge yi mene ti mene hokhorogo welaga omanogo heligik. nen, at enggi werek agik, ikhesik werek andi re, nit nineisena nen mene omanogo nen agi!” iluk ugunem at Yakub esanggo holhikhe, 2nen, ekhe at Laban nen hasikhe re at Yakub a'nogo attak obabut sakhorek oba hilingiti lagaikhe hakhogo hulingitu le'ma futfesikhe. 3Futfesikhemo, At Tuhan en Yakub yagati logolik, ”An nen fetharek logogin enggere, heisena inom hogogwi inom inambit haiba eroma omanogo nekhengge lan,” iluk yagatikhe.
4A'nogo yagatikhemo, Yakub en ap inoba ane lakfikhi logolik, ”He Lea inom, Rahel inom he, an nambit o leimo wam kambing, domba andogere'ma omanogo ambi asugun enggere wesuak,” iluk ane lakfesikhe. 5Wagaukwama, at Yakub en yagaisikhi logolik, ”Hit hineisena nen nisambul hilingiri'lago hakhogo yogondak an noba obabut sakhorogo hilingiri'lago le'ma hikhi lagiba nen he, At Allah an neisena nen apne wanhi lagaikhe mene a'nogo nen an fetnarek werek. 6Ekhere, an nen hit hineisena faget yabu mondok nomamerogo hilingiti lagi mene a'nogo hit hemberek ogo hinelurek. 7Ariginik kwelek, hineisena nen enggi 10 nen oba lalnafik, onggo a'nogo wokheti logogin, ikhe a'nogo agam etik ikhe. Andi faget he aren an noba weagerogo nobagaigeluk ugunem, Allah nen kwe palfikhe. 8Hit hineisena nen yaganeti logolik he, kambing esi lelfenggenek mene halok he hat yabu hilingiti lagen mene onggo asigin, ugunem wam omanogo abirengge eak esi lelfenggenek mene tatik, nen, kambing esi wiuk palek mene halok hat yabu hilingiti lagen mene onggo asigin, ugunem kambing omanogo abirengge esi wiuk palek mene tatik, ikhi lagaikhe. 9A'nogo hilingiti logolik he, at Allah nen hit hineisena anggo omanogo waganogo waluk he an wo'neti lagaikhe.
10Nen, wam kambing ai liabugun horok agunem he, an nen nabi wokhugunem he kambing ai mene abirengge andoma re esi lelfenggenek mene inom, enggen palek mene inom, hesesengge palek mene inom were'ma hikhi lagagi. 11Nen, an nabi hugunem aremnogo, At Allah ebe malaikat higit a'luk an nabiba yaganeti logolik, ’Yakub ahwi!’ ugunem an nen, ’Wui!’ iluk yagati. 12Yagatimo, at malaikat en ekhe yaganeti logolik, Kwelakhan! An nen hiikhi logolik at Laban nen hat hoba hilingiri'lago mene andoma mondogat fut hobagakhi lagi mo re, neranen hat hobaget kambing ai liabugun oba horok agunem he, esi lelfenggenek mene inom, hesesengge palek mene inom, enggen palek mene inom, hilingfugunem hiikhi lagen andi. 13Yogondak he, fik-foukhogo hilingfembik hebe ta'lagagin oba lan. An heisena Allah o Betel en helokhoma weinam agagimo andoma haren helep misik waganogo inendawi wenggelengge nobagasigindik amboloba e zaitun amusu pelagaisogo hilingfegendik, An neilhanem andemen hombuk palhigin mene a'nogo re, Nebe Anaro, iluk yaganete,” iluk, at Yakub en it ogogwi aremnogo yagaisasikhe.#Kej. 28:18-22
14Yagaisasikhemo, it he Lea inom, Rahel inom, aremnogo nen ikhi logolik, ”Nit nineisena alolegengge yi mene ti mene omanogo nit faget ninenu warogo fikhe mene ekhe werek lek. 15Nit ninebe mondogat onggo palasikhesik he, aren onggo helasikhe mene omanogore ebe nena mene helasikhe ninonggorat. Nen, nit ninebere ap pok higit hilingisogo ninobagaikhe. 16Yi mene ti mene mondogat nineisena enggiba welaga mene omanogo Allah nen wanhe andi, nit inom, ninagainafuri inom ninangge omanogo at mene nek aga. Andi halok he At nineisena Allah nen hilingisin iluk yagahete higithogoat hilingisin,” iluk yagatikhe.
17-18A'nogo yagatikhemo, at Yakub eisena ambit o Kanaan omanogo lagain iluk fik-foukhogo hilingfesikhesik agagwi inom againafuri inom, wam unta amboloba liakfisasikhesik anggo kambing inom, domba inom, omanogo silogo woginarek yi mene ti mene mondogat o Mesopotamia andoma logolik helikhi lagaikhe mene omanogo mondogat helaluk wagaikhe. 19It a'nogo hilingitu kwelek, at Laban he o leimo anggo domba esi paligiluk lagaikhemo, at ebe lek kwelek, hele Rahel a'nogo nen eisena Laban anggembu e meneba wurigengge at Laban eisok erokwe ferinarek mene iluk fisogo welagaikhe mene a'nogo hinatikhe. 20At Yakub en an lagain iluk at Laban yagati'legengge eil labelogo herakfisaluk wagaikhe. 21Waga logolik, angge yi mene ti mene omanogo mondogat helasikhesik, we hili'lek-hale'lek age fagerogo wagaikhesik, i Efrat palogo o Gilead Tom ero fikhit andoma wagaikhe.
Laban en Yakub murok lagaikhe wene
22It wagaukwa huli nen inenggi henagan welagaukwasik at Laban yagati logolik, ”Yakub a'nogo wilipluk laga,” iluk yagatukwama, a'mage lagasikhe. 23A'mage lagasikhemo, at Laban ebe inom, agaila'lak inom andogerinafikhesik he inombo'ne muginarek wagunemen inenggi wenagaisogo hup sabiren wagaukwasik o Gilead Tom ero fikhit omanogo asi wagaukwa. 24Andoma wagaukwasik hup nogokhi logolik Laban abi wokhugunemen, Allah ambit wagaikhesik yagati logolik, ”Hat haneba nen wene misik iluk at Yakub ailo asu mene ekhe yagatun o,” iluk yagatikhe. 25Andem sambul at Yakub en o Gilead omanogo punu ekheba awi tenda wutikhesik werek kwelek, at Laban ori agoromi inom ogo punu ekhe abel fenakweba inawi tenda wutukwasik welagaukwa.
26A'nogo wutukwasik at Laban en Yakub yagati logolik, ”Nenahalok an neil oman nealuk wagen? An na'logomi nombawi woginapluk ap weim yabi laluk inomame leget fisugu mene a'nogo hele warinapluk lagaikharek hakhogo woginarek wagen? 27Haren an he lageluk iluk yagane'len ma nen he, an nen nendawimo nagaiyek oba lani o, iluk lakhinobagai waga logolik wuni warogo pinggong kecapi inom, rebana inom huli palogo lakhinobagai we'le! Oba nen he, nenahalok neil oman nafendik laga lagi mel igi'lek linglong wagen? 28An na'logomi inom, nombawi inom, logoin nen inelokhoma inambe saluk hai warinabuakhogo iluk ogo yaganeten legat. Haren mondok-mondok moruerogo hilingiten. 29Andi nen wene andi re an nen hat hoba weak hilingisogo fouba nen he, o yogondak hubanggo Allah hat heisena nen fogerati laga mene a'nogo nen nabiba yaganeti logolik, Haren Yakub oba yi'nogo ti'nogo ekhe hilingisu fuk, iluk komotnafe. 30Haren an naiba lagain iluk wagen aple andi re an fut hobagau oba nen, nanggembu neisok erokwe fetninarek werek mene andi re nenahalok hina'luk wagen?” iluk heinok wokhasikhe.
31Andiluk heinok wokhasikhemo, at Yakub en ikhi logolik, ”Nami, haren ha'logomi fakfisegen hanogo iluk he nailo nen ling-longengge wulibi wagi andi,” iluk, yagatikhe. 32Nen, Laban anggembu a'nogo faget he, at Yakub agwe Rahel en hinatikhe a'nogo onggothogo re wene a'nogo pilingisogo hun Laban ebe yagati logolik, ”Haren nit ninasubene oma it ninagaila'lak fenakwe ari ineilhanem sa nen wanhe iluk kumurik lan. Kumurik lagunemen werek halok he helagain. Nen, hat nami nen kumut hugunemen, waga lago mene ya nen ekhe wanhe halok he ap andi ebe pinggi wasugun,” iluk Laban yagatikhe. 33A'nogo yagatikhemo, at Laban a'nogo attak-attak at Yakub awi tenda wuri'mo a'nogo tak herasi kwisikhesik, hobuk he Lea awi sabumo inom, nen he Lea amingmingengge inebe pire aremnogo inawi sabumo inom, herasi kwisikheba nen, anggembu a'nogo heratikhe lek. Andi nen, at Rahel awi sabumo a'nogo kwi lagaikhe. 34At a'nogo hilingitu kwelek aremnogo anggembu a'nogo at he Rahel en waganogo unta amboroba lageluk logolik, talogo hu'lari lagongge a'nogoba elelema kwelagaisogo hinakfesikhesik, he Rahel ebe no a'nogo sebelogo amboloba hurek welagaikhe. Hurek kwelek at Laban en olokwe mondogat heratikheba nen elokhoma agaikhe lek. 35Elokhoma agaikhe le'ma at Rahel en eisena yagati logolik, ”Hunai. Hat wagunem an helokhoma menla'luk hebe wokhafi legengge re, an wena'nesi fuk. An namep tugi hundik-hundik weri'logo mene a'nogo wagu nen hurek welagi,” iluk yagatikhe. Nen at Laban a'nogo hera fulongorogo heratikheba nen, elokhoma agaikhe lek.
36A'nogo nek hilinglaga lagaikhemo, at Yakub a'mage het-pet isikhesik, mel isikhe, ”An nen weak ninggi'nogo hilingitimo he? An wene melalek ki mene sagalogo figirik weak hilingitimo hat nami nen si'narek-mu'narek nikhi lagen? 37Yogondak haren an nangge yi mene ti mene mondogat lingi-longorogo hilingfisegendik, hat nami hangge a'nogo heakhegen a? Heakhegen halok he, it an nagoromi nori inom, hat hagoromi hori inom, ineil hanim ya nen tegeti logolik sa fano sa weak uogen he, yogondak ya wanimbik he, fei me. 38An nen 20 tahun nami ninom logolik aremnogo hanggo kambing, domba inom mondok fanorogo hokho aga logolik sik-pikhogo hilinglaga lagaikhe. Nen, misigam iluk ogo, ekhe nami hanggo kambing ai mene misik hogo ekhe nasigi lego. 39Mene aik anini mene nen senggelhu mene ogo, hat hambit ekhe waluk waga lagagi fuk, we an nen obali'mo fikhi lagagi. Hubanggo inom linggene inom afuni nen hinatu mene faget he, hat nami nen obali'mo fein iluk yaganeti lagagin. 40A'nogo hilingiti logolik ekhe sambul nogokhi lagagi lek. Nen, ekhe sambul linggene mo aik mondok anggolorogo higik, nen, hubanggo sogoi en hambuk igik, hilingiti lagagi. 41An nen 14 tahun hunisogo ha'logomi inebe pire arem faget yabu hilingiti lagagi, nen, tahun falfaligen oba re, wam kambing, domba inom faget eabu wanhi lagagi. A'nogo hilingitu kwelek aremnogo ogo hat nami nen an heabu hilingiti lagagi mene onggo iluk oba nen ogo henggi nomoloba nen agam eten. An nen 20 tahun hunisogo andi a'nogo nek heabu hilingiti lagagi. 42Allah neisena Ishak inom nomba Abraham inomen apne wanhi lagaukwa mene a'nogo nen an lebetniikhi logoilep le'ma nen he nami nen nangge legengge haiba lan iluk yaga ne'len. Oba nen at neisena Allah nen an nen yabu hilingiti lagi mene inom enggin-fenggin hikhi lagi mene inom fut nobagagunem a'luk he, o yogondak hubanggo Aren wenakhetesik he wene arat sikhiphogo ikhe,” iluk yagatikhe.
Laban inom Yakub inom emberek wene ane tekhogo isukwa wene
43Yagatikhemo, at Laban en Yakub onggo yagati logolik, ”Helime pire arem ogo an na'logomi, nen, it inagainafuri ogo an nombawi at, nen, wam domba hokhorogo omanogo mondogat an mene. Wene eberogo re yi mene ti mene mondogat yoma were'ma higi mene oma mondogat he an nangge nek. A'nogoba nen, an nagainafuri inom nombawi inom hilingi'mo iluk, an en yi'nogo ti'nogo ekhe hilingiti lek hilingi'mo re, 44niren ninane katukhogo wene ogo mene andi faget he, helep sengget warogo kabokhogo wurogo foumo re, enegengge logogin,” iluk isikhe.
45A'nogo hilingitukwasik at Yakub en helep misik waganogo afuni inendawi wenggelengge iluk menfesikhe. 46Menfesikhesik aren agoromi agaila'lak omanogo yagasikhi logolik, ”Helep ekhe kaboge'ni,” iluk yagaisasikhemo, it a'nogo helep kabogetukwa. Kabogetukwasik it inebe seberogo sumburu helep kabogetukwaba era'lu aremnogo nen nasukwa. 47A'nogo hilingitukwasik helep kaboksek a'nogo at Laban en enu Yegar-Sahaduta salhik, nen, at Yakub en enu Galed salhik isukwa. 48A'nogo hilingfuluk, at Laban en Yakub yagati logolik, ”Helep kaboksek arire nit hat ninom ninendawi wenggelengge logogin.” It hilingitukwa andiba re o enu Galed salagaikhe. 49A'nogo hilingitukwasik nekhengge at Laban en Yakub yagati logolik, ”Nit ninebe yat-yat werek kwelek at nineisena Tuhan nen enek eil kwelakninarek logouwak,” isukwama, obalik aremnogo enu ekhe Mizpa salhukwa. 50At Laban en ekhe inom ikhi logolik, ”Haren an nagainafuri weak mene inoba fegen halok hea, afuni alek mene ineil lek kwelek hemi amu mene woginabigin halok hea, Allah nen eil nisikhi logolik werek a'nogo wenggel hano! 51Helep an nen kabok liafi mene yi re, nen, ninendawi wenggelengge helep menfegen andi re. 52An nen hat hebikhit hoasigiluk ogo hat hebikhit helep kaboksek mene yi taganhogo wagalogogin lek. Nen, haren an noasigiluk ogo helep kaboksek mene yi were'ma taganhogo waga logogin legat, iluk he helep ari enegengge rogo were'ma nit ninendawinggen wenggel aga logogin,” iluk isikhe. 53A'nogo isikhesik ekhe ikhi logolik, ”Allah nit ninomba Abraham inom an neisena Nahor inom apne wanhi lagaukwa mene a'nogo nen enek ayo wutninafi logogin,” iluk yagatikhe. Yagatikhemo at Yakub en, ”An katokhogo hilingiti logogin,” iluk, Allah eisena Ishak en apne wanhi lagaikhe mene a'nogo enuba hombuk palhikhe. 54Hombuk palhikhesik aren anggo domba omanogo misik ekhe Allah faget fesikhesik warogo agaila'lak agoromi omanogo inom nogoin iluk inayonggo fesikhemo, inom nasukwa. Nasukwasik it inebe mondogat punu a'nogoba omanogo nogosukwa. 55Hup nogo isukwasik ohealek hubet siakhogo hun Laban nen a'logomi inom ombawi inom loageluk hai inelokhe kwe tophogo warinafik, nen ane horogo inoba fanoabet fisigik, isikhesik, at aiba eroma omanogo lagaikhe.
المحددات الحالية:
KEJADIAN 31: inohap
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
KEJADIAN 31
31
Yakub hun Laban herakfisaluk wulifikhe wene
1Ap Laban amlogomi omanogo nen ikhi logolik, ”Hun Yakub en nineisena angge yi mene ti mene hokhorogo welaga omanogo heligik. nen, at enggi werek agik, ikhesik werek andi re, nit nineisena nen mene omanogo nen agi!” iluk ugunem at Yakub esanggo holhikhe, 2nen, ekhe at Laban nen hasikhe re at Yakub a'nogo attak obabut sakhorek oba hilingiti lagaikhe hakhogo hulingitu le'ma futfesikhe. 3Futfesikhemo, At Tuhan en Yakub yagati logolik, ”An nen fetharek logogin enggere, heisena inom hogogwi inom inambit haiba eroma omanogo nekhengge lan,” iluk yagatikhe.
4A'nogo yagatikhemo, Yakub en ap inoba ane lakfikhi logolik, ”He Lea inom, Rahel inom he, an nambit o leimo wam kambing, domba andogere'ma omanogo ambi asugun enggere wesuak,” iluk ane lakfesikhe. 5Wagaukwama, at Yakub en yagaisikhi logolik, ”Hit hineisena nen nisambul hilingiri'lago hakhogo yogondak an noba obabut sakhorogo hilingiri'lago le'ma hikhi lagiba nen he, At Allah an neisena nen apne wanhi lagaikhe mene a'nogo nen an fetnarek werek. 6Ekhere, an nen hit hineisena faget yabu mondok nomamerogo hilingiti lagi mene a'nogo hit hemberek ogo hinelurek. 7Ariginik kwelek, hineisena nen enggi 10 nen oba lalnafik, onggo a'nogo wokheti logogin, ikhe a'nogo agam etik ikhe. Andi faget he aren an noba weagerogo nobagaigeluk ugunem, Allah nen kwe palfikhe. 8Hit hineisena nen yaganeti logolik he, kambing esi lelfenggenek mene halok he hat yabu hilingiti lagen mene onggo asigin, ugunem wam omanogo abirengge eak esi lelfenggenek mene tatik, nen, kambing esi wiuk palek mene halok hat yabu hilingiti lagen mene onggo asigin, ugunem kambing omanogo abirengge esi wiuk palek mene tatik, ikhi lagaikhe. 9A'nogo hilingiti logolik he, at Allah nen hit hineisena anggo omanogo waganogo waluk he an wo'neti lagaikhe.
10Nen, wam kambing ai liabugun horok agunem he, an nen nabi wokhugunem he kambing ai mene abirengge andoma re esi lelfenggenek mene inom, enggen palek mene inom, hesesengge palek mene inom were'ma hikhi lagagi. 11Nen, an nabi hugunem aremnogo, At Allah ebe malaikat higit a'luk an nabiba yaganeti logolik, ’Yakub ahwi!’ ugunem an nen, ’Wui!’ iluk yagati. 12Yagatimo, at malaikat en ekhe yaganeti logolik, Kwelakhan! An nen hiikhi logolik at Laban nen hat hoba hilingiri'lago mene andoma mondogat fut hobagakhi lagi mo re, neranen hat hobaget kambing ai liabugun oba horok agunem he, esi lelfenggenek mene inom, hesesengge palek mene inom, enggen palek mene inom, hilingfugunem hiikhi lagen andi. 13Yogondak he, fik-foukhogo hilingfembik hebe ta'lagagin oba lan. An heisena Allah o Betel en helokhoma weinam agagimo andoma haren helep misik waganogo inendawi wenggelengge nobagasigindik amboloba e zaitun amusu pelagaisogo hilingfegendik, An neilhanem andemen hombuk palhigin mene a'nogo re, Nebe Anaro, iluk yaganete,” iluk, at Yakub en it ogogwi aremnogo yagaisasikhe.#Kej. 28:18-22
14Yagaisasikhemo, it he Lea inom, Rahel inom, aremnogo nen ikhi logolik, ”Nit nineisena alolegengge yi mene ti mene omanogo nit faget ninenu warogo fikhe mene ekhe werek lek. 15Nit ninebe mondogat onggo palasikhesik he, aren onggo helasikhe mene omanogore ebe nena mene helasikhe ninonggorat. Nen, nit ninebere ap pok higit hilingisogo ninobagaikhe. 16Yi mene ti mene mondogat nineisena enggiba welaga mene omanogo Allah nen wanhe andi, nit inom, ninagainafuri inom ninangge omanogo at mene nek aga. Andi halok he At nineisena Allah nen hilingisin iluk yagahete higithogoat hilingisin,” iluk yagatikhe.
17-18A'nogo yagatikhemo, at Yakub eisena ambit o Kanaan omanogo lagain iluk fik-foukhogo hilingfesikhesik agagwi inom againafuri inom, wam unta amboloba liakfisasikhesik anggo kambing inom, domba inom, omanogo silogo woginarek yi mene ti mene mondogat o Mesopotamia andoma logolik helikhi lagaikhe mene omanogo mondogat helaluk wagaikhe. 19It a'nogo hilingitu kwelek, at Laban he o leimo anggo domba esi paligiluk lagaikhemo, at ebe lek kwelek, hele Rahel a'nogo nen eisena Laban anggembu e meneba wurigengge at Laban eisok erokwe ferinarek mene iluk fisogo welagaikhe mene a'nogo hinatikhe. 20At Yakub en an lagain iluk at Laban yagati'legengge eil labelogo herakfisaluk wagaikhe. 21Waga logolik, angge yi mene ti mene omanogo mondogat helasikhesik, we hili'lek-hale'lek age fagerogo wagaikhesik, i Efrat palogo o Gilead Tom ero fikhit andoma wagaikhe.
Laban en Yakub murok lagaikhe wene
22It wagaukwa huli nen inenggi henagan welagaukwasik at Laban yagati logolik, ”Yakub a'nogo wilipluk laga,” iluk yagatukwama, a'mage lagasikhe. 23A'mage lagasikhemo, at Laban ebe inom, agaila'lak inom andogerinafikhesik he inombo'ne muginarek wagunemen inenggi wenagaisogo hup sabiren wagaukwasik o Gilead Tom ero fikhit omanogo asi wagaukwa. 24Andoma wagaukwasik hup nogokhi logolik Laban abi wokhugunemen, Allah ambit wagaikhesik yagati logolik, ”Hat haneba nen wene misik iluk at Yakub ailo asu mene ekhe yagatun o,” iluk yagatikhe. 25Andem sambul at Yakub en o Gilead omanogo punu ekheba awi tenda wutikhesik werek kwelek, at Laban ori agoromi inom ogo punu ekhe abel fenakweba inawi tenda wutukwasik welagaukwa.
26A'nogo wutukwasik at Laban en Yakub yagati logolik, ”Nenahalok an neil oman nealuk wagen? An na'logomi nombawi woginapluk ap weim yabi laluk inomame leget fisugu mene a'nogo hele warinapluk lagaikharek hakhogo woginarek wagen? 27Haren an he lageluk iluk yagane'len ma nen he, an nen nendawimo nagaiyek oba lani o, iluk lakhinobagai waga logolik wuni warogo pinggong kecapi inom, rebana inom huli palogo lakhinobagai we'le! Oba nen he, nenahalok neil oman nafendik laga lagi mel igi'lek linglong wagen? 28An na'logomi inom, nombawi inom, logoin nen inelokhoma inambe saluk hai warinabuakhogo iluk ogo yaganeten legat. Haren mondok-mondok moruerogo hilingiten. 29Andi nen wene andi re an nen hat hoba weak hilingisogo fouba nen he, o yogondak hubanggo Allah hat heisena nen fogerati laga mene a'nogo nen nabiba yaganeti logolik, Haren Yakub oba yi'nogo ti'nogo ekhe hilingisu fuk, iluk komotnafe. 30Haren an naiba lagain iluk wagen aple andi re an fut hobagau oba nen, nanggembu neisok erokwe fetninarek werek mene andi re nenahalok hina'luk wagen?” iluk heinok wokhasikhe.
31Andiluk heinok wokhasikhemo, at Yakub en ikhi logolik, ”Nami, haren ha'logomi fakfisegen hanogo iluk he nailo nen ling-longengge wulibi wagi andi,” iluk, yagatikhe. 32Nen, Laban anggembu a'nogo faget he, at Yakub agwe Rahel en hinatikhe a'nogo onggothogo re wene a'nogo pilingisogo hun Laban ebe yagati logolik, ”Haren nit ninasubene oma it ninagaila'lak fenakwe ari ineilhanem sa nen wanhe iluk kumurik lan. Kumurik lagunemen werek halok he helagain. Nen, hat nami nen kumut hugunemen, waga lago mene ya nen ekhe wanhe halok he ap andi ebe pinggi wasugun,” iluk Laban yagatikhe. 33A'nogo yagatikhemo, at Laban a'nogo attak-attak at Yakub awi tenda wuri'mo a'nogo tak herasi kwisikhesik, hobuk he Lea awi sabumo inom, nen he Lea amingmingengge inebe pire aremnogo inawi sabumo inom, herasi kwisikheba nen, anggembu a'nogo heratikhe lek. Andi nen, at Rahel awi sabumo a'nogo kwi lagaikhe. 34At a'nogo hilingitu kwelek aremnogo anggembu a'nogo at he Rahel en waganogo unta amboroba lageluk logolik, talogo hu'lari lagongge a'nogoba elelema kwelagaisogo hinakfesikhesik, he Rahel ebe no a'nogo sebelogo amboloba hurek welagaikhe. Hurek kwelek at Laban en olokwe mondogat heratikheba nen elokhoma agaikhe lek. 35Elokhoma agaikhe le'ma at Rahel en eisena yagati logolik, ”Hunai. Hat wagunem an helokhoma menla'luk hebe wokhafi legengge re, an wena'nesi fuk. An namep tugi hundik-hundik weri'logo mene a'nogo wagu nen hurek welagi,” iluk yagatikhe. Nen at Laban a'nogo hera fulongorogo heratikheba nen, elokhoma agaikhe lek.
36A'nogo nek hilinglaga lagaikhemo, at Yakub a'mage het-pet isikhesik, mel isikhe, ”An nen weak ninggi'nogo hilingitimo he? An wene melalek ki mene sagalogo figirik weak hilingitimo hat nami nen si'narek-mu'narek nikhi lagen? 37Yogondak haren an nangge yi mene ti mene mondogat lingi-longorogo hilingfisegendik, hat nami hangge a'nogo heakhegen a? Heakhegen halok he, it an nagoromi nori inom, hat hagoromi hori inom, ineil hanim ya nen tegeti logolik sa fano sa weak uogen he, yogondak ya wanimbik he, fei me. 38An nen 20 tahun nami ninom logolik aremnogo hanggo kambing, domba inom mondok fanorogo hokho aga logolik sik-pikhogo hilinglaga lagaikhe. Nen, misigam iluk ogo, ekhe nami hanggo kambing ai mene misik hogo ekhe nasigi lego. 39Mene aik anini mene nen senggelhu mene ogo, hat hambit ekhe waluk waga lagagi fuk, we an nen obali'mo fikhi lagagi. Hubanggo inom linggene inom afuni nen hinatu mene faget he, hat nami nen obali'mo fein iluk yaganeti lagagin. 40A'nogo hilingiti logolik ekhe sambul nogokhi lagagi lek. Nen, ekhe sambul linggene mo aik mondok anggolorogo higik, nen, hubanggo sogoi en hambuk igik, hilingiti lagagi. 41An nen 14 tahun hunisogo ha'logomi inebe pire arem faget yabu hilingiti lagagi, nen, tahun falfaligen oba re, wam kambing, domba inom faget eabu wanhi lagagi. A'nogo hilingitu kwelek aremnogo ogo hat nami nen an heabu hilingiti lagagi mene onggo iluk oba nen ogo henggi nomoloba nen agam eten. An nen 20 tahun hunisogo andi a'nogo nek heabu hilingiti lagagi. 42Allah neisena Ishak inom nomba Abraham inomen apne wanhi lagaukwa mene a'nogo nen an lebetniikhi logoilep le'ma nen he nami nen nangge legengge haiba lan iluk yaga ne'len. Oba nen at neisena Allah nen an nen yabu hilingiti lagi mene inom enggin-fenggin hikhi lagi mene inom fut nobagagunem a'luk he, o yogondak hubanggo Aren wenakhetesik he wene arat sikhiphogo ikhe,” iluk yagatikhe.
Laban inom Yakub inom emberek wene ane tekhogo isukwa wene
43Yagatikhemo, at Laban en Yakub onggo yagati logolik, ”Helime pire arem ogo an na'logomi, nen, it inagainafuri ogo an nombawi at, nen, wam domba hokhorogo omanogo mondogat an mene. Wene eberogo re yi mene ti mene mondogat yoma were'ma higi mene oma mondogat he an nangge nek. A'nogoba nen, an nagainafuri inom nombawi inom hilingi'mo iluk, an en yi'nogo ti'nogo ekhe hilingiti lek hilingi'mo re, 44niren ninane katukhogo wene ogo mene andi faget he, helep sengget warogo kabokhogo wurogo foumo re, enegengge logogin,” iluk isikhe.
45A'nogo hilingitukwasik at Yakub en helep misik waganogo afuni inendawi wenggelengge iluk menfesikhe. 46Menfesikhesik aren agoromi agaila'lak omanogo yagasikhi logolik, ”Helep ekhe kaboge'ni,” iluk yagaisasikhemo, it a'nogo helep kabogetukwa. Kabogetukwasik it inebe seberogo sumburu helep kabogetukwaba era'lu aremnogo nen nasukwa. 47A'nogo hilingitukwasik helep kaboksek a'nogo at Laban en enu Yegar-Sahaduta salhik, nen, at Yakub en enu Galed salhik isukwa. 48A'nogo hilingfuluk, at Laban en Yakub yagati logolik, ”Helep kaboksek arire nit hat ninom ninendawi wenggelengge logogin.” It hilingitukwa andiba re o enu Galed salagaikhe. 49A'nogo hilingitukwasik nekhengge at Laban en Yakub yagati logolik, ”Nit ninebe yat-yat werek kwelek at nineisena Tuhan nen enek eil kwelakninarek logouwak,” isukwama, obalik aremnogo enu ekhe Mizpa salhukwa. 50At Laban en ekhe inom ikhi logolik, ”Haren an nagainafuri weak mene inoba fegen halok hea, afuni alek mene ineil lek kwelek hemi amu mene woginabigin halok hea, Allah nen eil nisikhi logolik werek a'nogo wenggel hano! 51Helep an nen kabok liafi mene yi re, nen, ninendawi wenggelengge helep menfegen andi re. 52An nen hat hebikhit hoasigiluk ogo hat hebikhit helep kaboksek mene yi taganhogo wagalogogin lek. Nen, haren an noasigiluk ogo helep kaboksek mene yi were'ma taganhogo waga logogin legat, iluk he helep ari enegengge rogo were'ma nit ninendawinggen wenggel aga logogin,” iluk isikhe. 53A'nogo isikhesik ekhe ikhi logolik, ”Allah nit ninomba Abraham inom an neisena Nahor inom apne wanhi lagaukwa mene a'nogo nen enek ayo wutninafi logogin,” iluk yagatikhe. Yagatikhemo at Yakub en, ”An katokhogo hilingiti logogin,” iluk, Allah eisena Ishak en apne wanhi lagaikhe mene a'nogo enuba hombuk palhikhe. 54Hombuk palhikhesik aren anggo domba omanogo misik ekhe Allah faget fesikhesik warogo agaila'lak agoromi omanogo inom nogoin iluk inayonggo fesikhemo, inom nasukwa. Nasukwasik it inebe mondogat punu a'nogoba omanogo nogosukwa. 55Hup nogo isukwasik ohealek hubet siakhogo hun Laban nen a'logomi inom ombawi inom loageluk hai inelokhe kwe tophogo warinafik, nen ane horogo inoba fanoabet fisigik, isikhesik, at aiba eroma omanogo lagaikhe.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول