KEJADIAN 32
32
Yakub Esau emberek ambi asuogeluk fik-foukhogo hilingitikhe wene
1At Yakub kwe pikhit wesigiluk wagunem, malaikat inebe ekhe oba lagaukwa. 2Lagaukwama, at eilenggen isasikhesik he, mel isikhe: ”Yi Allah agoromi o tenda wurogo welagaikharek oba higi, iluk isikhesik, o andoma enu Mahanaim salhikhe. 3A'nogo arat salhikhesik, agoromi Esau oba o Edom wesuageluk attagat yonggo lakfisasikhe. 4A'nogo lakfisa waga logolik, mel yagaisasikhe: ”An noe Esau a'nogo Yakub en he, mel ikhe iluk yaga'no: An nebe re hagot Laban ninom welago mene o. 5Welago menere, an yogondak an mene wam sapi inom, keledai inom, domba, kambing inom, nen namingmingengge inom, werego. Noe hendawimo fano a'nogeluk wene tak lakfei wagi andi o, iluk yaga'no,” iluk lak fisasikhe.
6It ap yonggo lakfisa wagaikhe mene omanogo wagaukwasik, Yakub mel yagatukwa: ”Nit hat hoe Esau oba arat lagoma, at ninoe hat hoba wesigiluk agoromi inebe 400 nen inom wagu kwelek nit tak wago o,” iluk yagatukwa. 7A'nogo yagatukwama Yakub esanggo holhikhesik ailo hokho agaikhesik, aleik hokho watikhe. Aleik watikhesik, afuni inom wagaukwa mene esa pire logalogo fisasikhesik, anggo domba, kambing inom, sapi, unta inom, esa pire logalogo fisasikheat. 8A'nogo fisasikhe andi, endawimo nen anggikhi logolik: ”At Esau waga logolik, esa ekhe logalek inoate halok, logalek ekhe ineluk elok wulibugun,” iluk anggasikhesik a'nogo hilingitikhe.
9A'nogo hilingitikhesik, samban yi'nogo isikhe: ”Allah nomba Abraham en inom. neisena Ishak en inom fogethafarek mene neisena. Nane hesanggo holino. Haren an naiba nogogwi nagaila'lak inoba nambotkwe loageluk yaganeten andi re, harenat yi mene ti mene fanotnobagaigiluk wene wa'netigin andi, neisena. 10Haren an yi'nogo hilingnabigin mondok elo'lek mene, nebe hendawi nen yi'nogo hilingnafu mondok welagen andi, neisena i Yordan aik eliba nen yi mene ti mene wanhi'lek, we, sige tomuk enek waluk wagagi meneat he, yogondak nambotkwe lageluk, esa pire logalogo woginarek laga lagi yi, neisena. 11An noe Esau waga logolik, nit ap mondogat ninoati logolik, hemi yenggerugwi ninomat ninoasugun andi nen, an nailo hokho ari'logo andi nen, Haren telninabinogeluk nelagaik naneba kino yagaheti o, neisena. 12Haren he, An nen yi mene ti mene fano hilinghafi logolik, haren tagongge menere, inebe mondok hokhorogo, afuni inenggi wenasu mondok elo'lek mene, ial laut yenggelek esanggokwe welagarek andi hak wokhesigin, iluk wene wa'netigin a'nogo hendawimo ebesin o, neisena,” iluk samban isikhe.#Kej. 22:17
13-15A'nogo isikhesik arat nogo iluk he, Yakub anggo Esau wogosigin mene wendeberogo fesikhe. A'nogo wogosigin mene wendeberogo fesikhe andi ebe re: kambing holou mene re 200 nen, ai mene re, 20 nen, domba holou mene re 200 nen, ai mene re, 20, nen unta eagwi eilak nili'lago mene 30 nen ineagwi inomat, nen sapi holou mene re 40 nen, ai mene re 10 nen, keledai holou mene re 20 nen, ai mene re 10 nen, wendeberogo fesikhe. 16A'nogo wendeberogo ale'ma tegelhigik fesikhesik, amingmingengge inebe lombok ineil oba waluk wesuageluk mel yagaisasikhe: ”Hit tak waluk laga logolik, wam tegelhigik fogo mene andi inom misi'mo mangosinogo nen he, huli warogo hek-hek waluk lano o,” iluk yagaisasikhe. 17A'nogo yagaisasikhesik, amingmingengge attak lagain mene a'nogo oba mel yagatikhe: ”Lagunem en, an noe Esau hemberek ambi asimbik, aren he, hat hoe sa. Hebe koma lageluk. Wam yoma sa mene waluk waga lagen, iluk yagahete halok haren he, 18Yoma hagot Yakub mene o, oe hat wokhesigiluk lakfei wagasik, at ebe hobuk ninombo'ne weri'logo o, iluk yaga'no,” iluk yagatikhe. 19-20A'nogo yagatikhe andi, Yakub endawimo nen he, ”Wam Esau wogosigin mene yi tak lakfoumo re, at endawimo fano asigin. Endawimo fano asimbik, an hobuk lagunem, wene noba fesikhe mene a'nogo sagalogo legetfisagain, iluk endawimo anggasikhe andi nen he, amingmingengge ekhe attak lagain mene a'nogo inom, at ombo'ne lagain mene ekhe inom, it ekhe wam elokhe palogo waluk loageluk inayonggo fesikhe mene mondogat inomen he, ninoe ninombo'ne weri'logo o iluk, wene misik mene andi nek ino o, iluk yagaisasikhe. 21A'nogo yagaisasikhesik, wam Esau wogosigin mene andi attagat waluk wesuageluk lakfisa wagaikhesik, at ebe o su tenda meneba wurogo nogo isikhe.
Yakub Allah emberek inobakhe felik yei fesukwa wene
22O hubanggo andi sambul, at Yakub eluk agaikhesik he, agagwi inebe pire aremnogo inom, it inamingmingengge hemi inebe pire aremnogo inom, againafuri inebe 11 nen omanogo inom, woginarek i Yabok palogo i aik yi kwe wulibi wagaukwa. 23Wulibi wagaukwasik, at Yakub ambotkwe i palogo wulifikhesik he, angge yi mene ti mene omanogo waganogo wulakfisa wagaikhe. 24A'nogo wulakfisa wagaikhesik, at amunek andoma kamo isikhesik were'ma, ap mene ekhe wagaikhesik, emberek inobakhe felik yei yabik lagu kwelek enek he, inoba nen o wei igeluk isikhe.#Hos. 12:3-4 25A'nogo hilinglagaikhemo, ap a'nogo endawimo nen he, ”An nomame lek asigin higi,” iluk anggasikhesik, Yakub ouwak oak tamukhogo watikhemo oak elugun kobok isikhe. 26A'nogo watikhesik mel yagatikhe: ”O arat wei igin mo re, henggi oboget nean o,” iluk yagatikhemo, at Yakub en he, ”Noe, afuni nen munggwarengge wogisagarek hak, haren an fanotnafen halok enek he, oboget heagain o,” iluk yagatikhe. 27A'nogo yagatikhemo, at ap a'nogo nen he, ”Hat henu sa,” iluk heinok wokhasikhemo, at Yakub en he,
”An nenu Yakub,” iluk yagatikhe. 28A'nogo yagatikhemo at ap a'nogo nen he,
”Haren An Allah nemberek ninobakhe felik pugagik, afuni mene hinom yei hinobakhe felik pugagik ogo mene re, hat homame agen andi nen, henu re, Yakub ikhi logogun lego, Israel ikhi logogun,” iluk salhikhe.#Kej. 35:10 29A'nogo salhikhemo, at Yakub en he, ”Hat henu sa. Yaganom o,” iluk heinok wanhikhe meneat he, ap a'nogo nen he, ”Haren, hat henu sa, iluk yaganesigin lego,” iluk yagatikhesik, afuni nen munggwarengge wogisagarek andi hak, Yakub fanotfesikhe.#Hak. 13:17-18 30A'nogo hilingitukwasik, at Yakub en he, mel isikhe: ”An Allah nemberek ambi agosik elokhe neilenggen higi meneat he, nebe wa'lagi'lek neluk welagi,” iluk isikhe andi nen, o andoma enu Peniel salhikhe. 31Salfuluk, o wei isikhemo at Yakub wagunem ouwak elugun kobokhogo watikhe andi nen he, he'mogengge wagaikhe andi 32Ap andi nen yei Yakub ouwak elugun kobokhogo watikhe andi nen, afuni Israel mene nen tagongge mene halok, wam ouwak oak omanggen salek mene andi huli yogondagen nenggarek mondok lek.
المحددات الحالية:
KEJADIAN 32: inohap
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
KEJADIAN 32
32
Yakub Esau emberek ambi asuogeluk fik-foukhogo hilingitikhe wene
1At Yakub kwe pikhit wesigiluk wagunem, malaikat inebe ekhe oba lagaukwa. 2Lagaukwama, at eilenggen isasikhesik he, mel isikhe: ”Yi Allah agoromi o tenda wurogo welagaikharek oba higi, iluk isikhesik, o andoma enu Mahanaim salhikhe. 3A'nogo arat salhikhesik, agoromi Esau oba o Edom wesuageluk attagat yonggo lakfisasikhe. 4A'nogo lakfisa waga logolik, mel yagaisasikhe: ”An noe Esau a'nogo Yakub en he, mel ikhe iluk yaga'no: An nebe re hagot Laban ninom welago mene o. 5Welago menere, an yogondak an mene wam sapi inom, keledai inom, domba, kambing inom, nen namingmingengge inom, werego. Noe hendawimo fano a'nogeluk wene tak lakfei wagi andi o, iluk yaga'no,” iluk lak fisasikhe.
6It ap yonggo lakfisa wagaikhe mene omanogo wagaukwasik, Yakub mel yagatukwa: ”Nit hat hoe Esau oba arat lagoma, at ninoe hat hoba wesigiluk agoromi inebe 400 nen inom wagu kwelek nit tak wago o,” iluk yagatukwa. 7A'nogo yagatukwama Yakub esanggo holhikhesik ailo hokho agaikhesik, aleik hokho watikhe. Aleik watikhesik, afuni inom wagaukwa mene esa pire logalogo fisasikhesik, anggo domba, kambing inom, sapi, unta inom, esa pire logalogo fisasikheat. 8A'nogo fisasikhe andi, endawimo nen anggikhi logolik: ”At Esau waga logolik, esa ekhe logalek inoate halok, logalek ekhe ineluk elok wulibugun,” iluk anggasikhesik a'nogo hilingitikhe.
9A'nogo hilingitikhesik, samban yi'nogo isikhe: ”Allah nomba Abraham en inom. neisena Ishak en inom fogethafarek mene neisena. Nane hesanggo holino. Haren an naiba nogogwi nagaila'lak inoba nambotkwe loageluk yaganeten andi re, harenat yi mene ti mene fanotnobagaigiluk wene wa'netigin andi, neisena. 10Haren an yi'nogo hilingnabigin mondok elo'lek mene, nebe hendawi nen yi'nogo hilingnafu mondok welagen andi, neisena i Yordan aik eliba nen yi mene ti mene wanhi'lek, we, sige tomuk enek waluk wagagi meneat he, yogondak nambotkwe lageluk, esa pire logalogo woginarek laga lagi yi, neisena. 11An noe Esau waga logolik, nit ap mondogat ninoati logolik, hemi yenggerugwi ninomat ninoasugun andi nen, an nailo hokho ari'logo andi nen, Haren telninabinogeluk nelagaik naneba kino yagaheti o, neisena. 12Haren he, An nen yi mene ti mene fano hilinghafi logolik, haren tagongge menere, inebe mondok hokhorogo, afuni inenggi wenasu mondok elo'lek mene, ial laut yenggelek esanggokwe welagarek andi hak wokhesigin, iluk wene wa'netigin a'nogo hendawimo ebesin o, neisena,” iluk samban isikhe.#Kej. 22:17
13-15A'nogo isikhesik arat nogo iluk he, Yakub anggo Esau wogosigin mene wendeberogo fesikhe. A'nogo wogosigin mene wendeberogo fesikhe andi ebe re: kambing holou mene re 200 nen, ai mene re, 20 nen, domba holou mene re 200 nen, ai mene re, 20, nen unta eagwi eilak nili'lago mene 30 nen ineagwi inomat, nen sapi holou mene re 40 nen, ai mene re 10 nen, keledai holou mene re 20 nen, ai mene re 10 nen, wendeberogo fesikhe. 16A'nogo wendeberogo ale'ma tegelhigik fesikhesik, amingmingengge inebe lombok ineil oba waluk wesuageluk mel yagaisasikhe: ”Hit tak waluk laga logolik, wam tegelhigik fogo mene andi inom misi'mo mangosinogo nen he, huli warogo hek-hek waluk lano o,” iluk yagaisasikhe. 17A'nogo yagaisasikhesik, amingmingengge attak lagain mene a'nogo oba mel yagatikhe: ”Lagunem en, an noe Esau hemberek ambi asimbik, aren he, hat hoe sa. Hebe koma lageluk. Wam yoma sa mene waluk waga lagen, iluk yagahete halok haren he, 18Yoma hagot Yakub mene o, oe hat wokhesigiluk lakfei wagasik, at ebe hobuk ninombo'ne weri'logo o, iluk yaga'no,” iluk yagatikhe. 19-20A'nogo yagatikhe andi, Yakub endawimo nen he, ”Wam Esau wogosigin mene yi tak lakfoumo re, at endawimo fano asigin. Endawimo fano asimbik, an hobuk lagunem, wene noba fesikhe mene a'nogo sagalogo legetfisagain, iluk endawimo anggasikhe andi nen he, amingmingengge ekhe attak lagain mene a'nogo inom, at ombo'ne lagain mene ekhe inom, it ekhe wam elokhe palogo waluk loageluk inayonggo fesikhe mene mondogat inomen he, ninoe ninombo'ne weri'logo o iluk, wene misik mene andi nek ino o, iluk yagaisasikhe. 21A'nogo yagaisasikhesik, wam Esau wogosigin mene andi attagat waluk wesuageluk lakfisa wagaikhesik, at ebe o su tenda meneba wurogo nogo isikhe.
Yakub Allah emberek inobakhe felik yei fesukwa wene
22O hubanggo andi sambul, at Yakub eluk agaikhesik he, agagwi inebe pire aremnogo inom, it inamingmingengge hemi inebe pire aremnogo inom, againafuri inebe 11 nen omanogo inom, woginarek i Yabok palogo i aik yi kwe wulibi wagaukwa. 23Wulibi wagaukwasik, at Yakub ambotkwe i palogo wulifikhesik he, angge yi mene ti mene omanogo waganogo wulakfisa wagaikhe. 24A'nogo wulakfisa wagaikhesik, at amunek andoma kamo isikhesik were'ma, ap mene ekhe wagaikhesik, emberek inobakhe felik yei yabik lagu kwelek enek he, inoba nen o wei igeluk isikhe.#Hos. 12:3-4 25A'nogo hilinglagaikhemo, ap a'nogo endawimo nen he, ”An nomame lek asigin higi,” iluk anggasikhesik, Yakub ouwak oak tamukhogo watikhemo oak elugun kobok isikhe. 26A'nogo watikhesik mel yagatikhe: ”O arat wei igin mo re, henggi oboget nean o,” iluk yagatikhemo, at Yakub en he, ”Noe, afuni nen munggwarengge wogisagarek hak, haren an fanotnafen halok enek he, oboget heagain o,” iluk yagatikhe. 27A'nogo yagatikhemo, at ap a'nogo nen he, ”Hat henu sa,” iluk heinok wokhasikhemo, at Yakub en he,
”An nenu Yakub,” iluk yagatikhe. 28A'nogo yagatikhemo at ap a'nogo nen he,
”Haren An Allah nemberek ninobakhe felik pugagik, afuni mene hinom yei hinobakhe felik pugagik ogo mene re, hat homame agen andi nen, henu re, Yakub ikhi logogun lego, Israel ikhi logogun,” iluk salhikhe.#Kej. 35:10 29A'nogo salhikhemo, at Yakub en he, ”Hat henu sa. Yaganom o,” iluk heinok wanhikhe meneat he, ap a'nogo nen he, ”Haren, hat henu sa, iluk yaganesigin lego,” iluk yagatikhesik, afuni nen munggwarengge wogisagarek andi hak, Yakub fanotfesikhe.#Hak. 13:17-18 30A'nogo hilingitukwasik, at Yakub en he, mel isikhe: ”An Allah nemberek ambi agosik elokhe neilenggen higi meneat he, nebe wa'lagi'lek neluk welagi,” iluk isikhe andi nen, o andoma enu Peniel salhikhe. 31Salfuluk, o wei isikhemo at Yakub wagunem ouwak elugun kobokhogo watikhe andi nen he, he'mogengge wagaikhe andi 32Ap andi nen yei Yakub ouwak elugun kobokhogo watikhe andi nen, afuni Israel mene nen tagongge mene halok, wam ouwak oak omanggen salek mene andi huli yogondagen nenggarek mondok lek.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول