Génesis 28
28
1Tä ja Isaac ojts tmëkäjpxy ja Jacob ets tmooy ja kënu'kxën ets ojts tuk'ëne'emy, t'ënëmaay: Këtii yaa mpëkëty m'uukëty, mëët ja to'oxytyëjk mëti'ipë yaa kukajpnajtëpën, ma Canaán y'itjotmën. 2Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán. 3Yë Dios mëti'ipë myëët'ajtypyën yë mëj'ajtën ets kuttujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën. 4Wä'än mo'oyë ja kënu'kxën ets näjyëtu'un ja m'u'unk m'ëna'k mëti'ipë ojts tukwinwanën ja Abraham ets yë'ë tjä'ä'atëty ya'atë naax kam ma tyam ntsëna'ayëmën ijxtëm yë jaaypyaat jaaypyo'kxyën, jä'ä ko jëtu'un ojts yë'ë tukwinwanë ja Abraham.
5Jëtu'un ijxtëm ja Isaac tkejxën ja Jacob jam Padán-aram, jam ojts nyijkxy ja Jacob ets jam jyä'äjty ma ja jyämy Labán ja tyëjkën, ja y'u'unk ja Betuel, ja arameë ja'ay; yë Labán yë'ë Rebeca y'äy, yë Esaú ets Jacob yë tyaak.
Esaú pyiky
6Yë Esaú ojts t'ixy ko yë Isaac ojts tkënu'kxy yë Jacob ets tkejxy jam Padán-aram ets jam pyëkëty y'uukëty. Näyjyëtu'un ko ja tyeety ojts tyuknipëkyë ets ka'ap pyëkëty mëët ja to'oxy'ëna'k mëti'ipë yajpatëpën Canaán. 7Ko ja Jacob ojts ënätyë nyijkxy jam Padán-aram, ijxtëm ënety ja tyeety tyaak të y'ënë'ëmxëtyën. 8Tä ja Esaú twinja'awëy ets tja'akyujkëy ko ja tyeety ka'ap ënety tukjotkëtä'äky ja to'oxy'ëna'këty mëti'ipë kukajpnajtëpën jam Canaán. 9Paaty ojts tninëjkxy ja Ismael, ja Abraham ja y'u'unk ets mëët pyijky ja nyëëx mëti'ipë xyëëwajtypyën Mahalat, jä'ä ja y'äy xyëëwajtyp Nebaiot, ëpëky ja wiinkpë tyo'oxytyëjk mëti'ipë ënety mëët të y'ëkpëjkpën, mëti'ipë Canaán ja'ayën.
Tios nyänyikëxë'ëkyë ma Jacobën jam Betel
10Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán. 11Tä ojts jyä'ty ma tu'uk ja it naaxwiinyëtën, jam ja tsuu tyajnajxy. Jä'ä ko tëë ënety kyutsu'ujënyë. Tä tu'uk ja tsaa tkoy'äjty mëti'ipë ënety jam koonääpyën ets ojts jëtu'un myä'äy. 12Ënet jam wyinkumaay: t'ijxy ko tu'uk ja teeny yaa naaxkëjxy tsyoony ets jyä'ty tsajpkëjxm ets Dios tsajpjotmëtë kyukäjpxy jëtu'un jyänty pyät jyänty jyënaktë. 13Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k. 14Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty. 15Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.
16Ko ja Jacob ojts myä'äywyijy ënät ojts myäy tyäjy: Tëytyëm jëtu'un ko Dios yajpaaty ma ya'atë itjotmën. Ëjts ka'apës ënety nijawë. 17Tä yë Jacob mëk tsyë'këy ets myääy tyäjy: Ya'atë itjot janty wa'atstëm yë'ë ets Tiostëm yë jyä'ä. Yaa jëtu'un ja Dios ja jyëën tyëjk. Ma ja tsajp tmëët'atyën ja nyitëjkëtyakn.
18Komjëpom ja Jacob ojts myä'äypyëtë'kojy tsojk ets ja tsaa tkoonë'ky mëti'ipë ënety të tukmapetyën, tääts tänë tpëjktäky tä potsyën ets ojts tkënu'kxy mëët yë on ko tukniteemy. 19Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.
20Jam yë Jacob ojts tu'uk yë waantakën tuny ets y'ënäny: Pën Dios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën. 21Ets koos nwinpitëty oy mëk ma ja jyëën tyëjkën ja ntaak nteetyës, ënät tëy njanty'ëna'anëtyës ko yë Wintsën yë'ë nTios'ajtyp. 22Ya'atë tsaa mëti'ipës yam npëjktäkpyën ijxpäjtën yë'ë, Dios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Dios koos tii npaatëty n'ixëty, mëti'ipës ënety mijts xymyoopyën xykyäjxpën.
المحددات الحالية:
Génesis 28: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.