Mateu 8
8
Yesu mwatomesa muka-mbumba
(Mako 1:40-45; Luka 5:12-16)
1Omu ashikumukile kufuma hapili, mazavu amavulu amukavile.
2Kaha kukasumuka, muka-mbumba neza kuli Ikiye, alifukwile nakumwamba ngwenyi, Ove Mwata, nge unasake, nauhasa kungutomesa.
3Yesu olwele livoko nakumukwata, himwamba ngwenyi, Ngunasake vene, toma. Hahaze vene vamutomesele kumbumba yenyi.
4Kaha Yesu amwambile ngwenyi, Nyingilila, #9:30; 12:16; 17:9; Mako 1:44; 3:12; 5:43; 7:36; 8:30; 9:9; Luka 4:41; 8:56; 9:21kanda ukachambulula numba kuli umweko, oloze yako ukalisolole kuli kapilishitu, #Levi 14:2ukahane wana uze ámilwezele Mose, kupwa unjiho kuli vakiko.
Yesu mwahindula ngamba yakapitau kamaswalale
(Luka 7:1-10)
5 #
Yowa 4:46-53
Omu engilile muKapelenau, kapitau#8:5 Kapitau ou apwile kaLoma, mukulwane wakulama likulukaji (100) lyamaswalale. kamaswalale ejile kuli Ikiye nakulemba ngwenyi,
6Ove Mwata, ngamba yami kuzuvo ali nakalepa, kaha ali nakuyanda chikuma.
7Amukumbulwile ngwenyi, Ami nangwiza nakumuhindula.
8Uze kapitau kamaswalale amukumbulwile ngwenyi, Ove Mwata, kangwatelamoko Ove kwingila muzuvo yami. Oloze hanjika kaha lizu, kaha ngamba yami mwahinduka.
9Mwomwo nayami nawa ngumutu vayula, kaha nguli namaswalale ngwayula. Kaha nangwamba ou ngwami, Yako, kaha himwaya. Kaha mukwavo ngwami, Twaya, kaha himweza. Kaha ndungo yami ngwami, Linga echi, kaha himwalinga.
10Kaha omu Yesu achivwile chamukomwesele, avambile vaze vamukavilenga ngwenyi, Mwamuchano nangumilweza ngwami, Kanda lyehi nguwanemo umwe walufwelelo lupwaha ngana muIsalele.
Kangwawanyinemo umwe walufwelelo lupwaha ngana muIsaleleko.
11Nangumilweza ngwami, #Luka 13:28-29; Isa 49:12; 59:19; Mala 1:11; Samu 107:3Vavavulu navakeza kufuma kumututuko nakumulauko, nakusendavala kumesa nakulya hamwe naApalahama naIsaka naYakova muWangana wamwilu,
12oloze #13:38vana vawangana navakavambila kusali #22:13; 25:30mumilima yayinene. #12:42, 50; 22:13; 24:51; 25:30; Luka 13:28Kuze nakukapwanga kulila jimbimbi nakulingenjunga kumazo.
13Kaha Yesu ambile uze kapitau kamaswalale ngwenyi, Yakonga, vakulingile ngana omu unafwelela. Kaha halwola vene luze uze ngamba yenyi ahindukile.
Yesu mwahindula nayewenu yaPetulu
(Mako 1:29-34; Luka 4:38-41)
14Omu Yesu engilile muzuvo yaPetulu, amwene nayewenu yaPetulu ali mukahela nakuviza chishika.
15Amukwachile kulivoko, kaha chishika chamufumine, ahindukile nakumuzumbula.
16Hakulauka chalikumbi vamunehelele vaka-ndemone vavavulu. Vaze vashipilitu avalowele nalizu kaha, kaha ahindwile vaka-kuviza vosena.
17Echi chapwile ngocho mangana mazu ahanjikile kapolofweto Isaya atesemo, ngwenyi,
#
Isa 53:4
Kuhehela chetu achitambwile,
Kaha misongo yetu ayimbachile.
Kukaluhwa chahakukavangiza Yesu
(Luka 9:57-62)
18Jino Yesu hakumona lizavu linamujingilika, ambile ngwenyi, Tuzaukenu musali.
19Kaha muka-kusoneka umwe ejile nakumwamba ngwenyi, Ove Muka-kunangula, nangukukavangiza kweshokwo nauya.
20Kaha Yesu amwambile ngwenyi, Myumbwe vatwama namena, tujila vahelu vatwama namaswa, oloze Mwanamutu keshi naaha hakusachila mutwe wenyiko.
21Kambaji kenyi mukwavo amwambile ngwenyi, Ove Mwata, ngwitavise nguvangile kukafunda tata#8:21 Nge ngwenyi, avandamine palanga nomu ise mwakafwa..
22Oloze Yesu amukumbulwile ngwenyi, #9:9; Mako 2:14; Luka 9:59; Yowa 1:43; 21:19Ngukavangizenga Ami, seza vafu vakafunde vafu javo.
Yesu mwaunjisa nyamanganda
(Mako 4:35-41; Luka 8:22-25)
23Kaha omu engilile muwato, natumbaji twenyi vamukavile.
24Kaha vakasumukile, kuchijiva kunakatuka nyamanganda wamunene, ngocho makimba apwile nakuzombwojokela muwato, kaha wasakile kuvomba, oloze Ikiye apwile mutulo.
25Kaha vamupandamine nakumuhindula nakumwamba ngwavo, Ove Mwata! Tulwile, natunonga!
26Avambile ngwenyi, #6:30; 14:31; 16:8Mwomwo ika munevwila woma, enu vaka-lufwelelo lwalundende? Kaha akatukile nakuhanjikila yize peho nameya muchijiva, kaha kwapwile kwalendele.
27Vaze vatu valikomokelele nakwamba ngwavo, Mutu muka Ou, numba napeho#8:27 MuchiHelase ngwavo, jipeho. nachijiva vimwononoke ngana?
Yesu mwahindula vaka-ndemone
(Mako 5:1-20; Luka 8:26-39)
28Kaha omu ahetele musali, mungalila yaNgatala, kwamuhumanganyine vaka-ndemone vavali vakufuma muvimbumbe vyakusendeleka. Vapwile vautenu chikuma, ngocho kakwapwile naumwe ahashile kuhita jila yizeko.
29Kaha kukasumuka, vali nakutambakana ngwavo, Ove MwanaKalunga, #2 Samw 16:10; 19:22; Mako 1:24; Yowa 2:4tuli nachitela muka nayOve? Uneza kuno nakutumwenesa makava shimbu kanda lwola lwacho tahi?
30Jino utanga waunene wavangulu wapwile nakulya hahasuku navakiko.
31Vaze vandemone vamulembelelele ngwavo, Nge mutulovola, kaha tutume twingile muli vangulu muutanga uze.
32Avambile ngwenyi, Yenu! Vakiko valovokele nakwingila muli vaze vangulu. Kaha kutala, utanga wosena wangulumukile kuze kwakumbolomoka namuchijiva chu-u, kaha vafwile mumeya.
33Tufunga vachinyine, vayile mulimbo lize lyakembwe nakwambulula vyosena, chikumanyi vize vyasolokele kuli vaze vaka-ndemone.
34Kaha vaka-limbo lize lyakembwe vosena valovokele valiwane naYesu, kaha hakumumona vamulembelelele ngwavo afume mungalila yavo.
المحددات الحالية:
Mateu 8: LUE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible Society of Zambia