SEMPANHNAK 2
2
1Ciatihin laipua ituseh van khai ituseh, laivum ai umhnak hmuahhmuah le van vumai umhnak hmuahhmuah thawn Pathian in bawn sio i. 2Ni ruk songah Pathian in a naper ben ai ni sarihhnak nia ah a naperhnak in cawlum i.#Heb 4:4-10 3A naper hmuah ben ai ni sarihhnak nia ah cawlum manin Pathian in cia nia heh hmuifu pe ai ni songlawi cangruai i.#Luat 20:11 4Lai le van a bawnhnak thula tu ciatihin i.
Eden Vuandum
5 Bawipa Pathian#2:5 Bawipa Pathian: tihnak tu Hebrew in Yahweh Elohim ti ai Sempanhnak laibu songah a hmasaber kin hmuhnak i. Yahweh tihnak tu Israel mite in Pathian ai hming i, tiin sang ai Bawipa tiin let ising. in lai le van a bawn ben fangin laivum ah thing le hampa um lo i; hlaici po tuh khai um lai lo i; zaimantifangin Pathian in ruahsiruai lai lo i. Lovaitu tuh minung khai um lai lo i. 6Ruahsi lai lo napui laipua songin ti suak manin laipua heh nelruai hliang i.
7Cen Bawipa Pathian in laivut lang ai minung semsuah i. A hnar songah nunhnak haihawh hmut ai minung ah cang i.#1Cor 15:45
8Cen Bawipa Pathian in nisuah lamai umhnak Eden ah vuandum bawn ai cia vuandum ah a bawnhnak minung umruai i. 9Thai pha a thaimi le a mawi ngai thingkung phuncang ciami vuandum ah poruai i. Vuandum laiteng ah nunhnak thingkung, thupha le thuhnawm thiathiamhnak thingkung khai poruai i.#Thup 2:7; 22:2-14
10Cen vuandum nelruaitu tuhin Eden vuandum songin runpui pakhat luang ai vuandum pua hleng fangin runpuite pali in khek tlang i. 11Pakhathnak runpui hming tu Pishon i ai Havilah ram a kimvel in luang i. Havilah ram ahcen sui um i. 12Havilah ramai sui tu a phun pha pawl i ai thinghnai mankhung le Oniks lungvar san khai um i. 13A pahnihhnak runpui tu Gihon i ai Cush ram kimvel ah luang i. 14A pathumhnak Runpui tu Tigris i ai Assyria ram nisuah lamah luang i. A palihnak tu Euphrates i.
15Cen Bawipa Pathian in a semsuahhnak mipa heh lovaitu le kilkhawltu tuhin Eden vuandum ah umruai i. 16Pathian in a hnenah, “Vuandum songai a um thingthai hmuahhmuah ai thil isi; 17ikhalselai thupha le thuhnawm thiathiamhnak thingkung ai a thai cenin ai tuh bul lo isi. Ai lesikhaw na ai nia ah na thi tuh i,” tiin rel i.
18Cen Bawipa Pathian in, “Minung amah lek ai um tuh heh pha lo i; amah bawmtu tuh a rualpui bawn sah tuh ing,” ti i. 19Cen Pathian in laipua lang ai ramsa hinkhim le vaniu hinkhim ah bawn ai akontih in ko nitur maw tiin ciamipa hnenah fehpui i. Cen ciamipa in hming a bawnhnak ṭen bangin amahte hming cang tata i. 20Ciatihin ciamipa in hampalak ramsa hinkhim ituseh, innzuat sumhnam le van ai zuang thai vaniu hinkhim ituseh a hming bawt i. Ikhalselai amah ca tuhin a bawmtu le rualpui um lai lo i.
21Ciamanin Bawipa Pathian in ciamipa heh mitmu muang ngai in mitmuruai ai a mitmu laitak ah a nakruh pakhat phok ai taksa in hu sah leh i. 22Mi pa songai phokhnak a nakruh in nupang pakhat bawn ai mi pa hnenah koihpui i. 23Ciami pa in;
“Tun fangin kaimah bang minung,
I ruh ai bawnhnak ruh,
I taksa ai bawnhnak i taksa tawk ing;
Mipa songai langhnak imanin,
Minu tiin ko tuseh,” tiin ti i.
24Ciamanin mipa in a nu le a pa hlum in a nupui thawn kop i. Ciatihin taksa pumkhat cang i.#Mat 19:5; Mar 10:7-8; 1Cor 6:16; Eph 5:31 25Anite pahnih in kawngkolh in um kawm napui zakthi kawm lo i.
المحددات الحالية:
SEMPANHNAK 2: RZB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zanniat Bible © Bible Society of Myanmar, 2018.