Kutachika 23
23
Kufwa kwaSara
1Nyaka yahandiliyi Sara yashikili munyaka nkulakaji namakumi ayedi nayitanu nayiyedi (127).
2Sara wafwilili kuKiriyati Araba, diku kuHeberoni, mwituŋa daKenani; Abarahama wayiluku nakuyebaŋila, nakumudila Sara.
3Abarahama wanyamukili kwafwililiyi iŋodindi, wahosheli nawanyana kaHiti,
4nindi, Ami #Mas 39:12; 119:19; Heb 11:9, 13nimwenyi, nashakami tuhu nenu; nyinkenu kampata kami kakekali kwakujiikila mwituŋa denu, kulonda #Yil 7:16nijiiki mufu wami amfumi kumesu ami.
5Anyana kaHiti amwakwili Abarahama, hiyakumwila nawu,
6Tiya kunu, eyi mwanta; eyi wukalamba kambala kaNzambi mukachi ketu; mwijamu diwukutonda kumajamu etu, dimu wukujiikila mufu weyi; etu kwetu kwosi wukukulekesha kujiika mufu weyi mwijamu dinduku.
7Abarahama yonyamuka nikwadiŋiyi, hakuyibandamina enimbu, wowu anyana kaHiti.
8Hakuhosha nawu, nindi, Neyi muneteji nijiiki mufu wami amfumi kumesu ami, tiyenu, nlembelenuku kudi mwana kaZohari Efweroni,
9akanyinki iyeŋu daMakapela, dikwetiyi, dekala kunsa yeha dindi; mwonsu munashikili wuseya akumini dakunyinkadu kumesu enu, dikali dami dakudihetela mwituŋa denu dikali dami dakujiikila.
10Efweroni wadiŋi washakama mukachi kawanyana kaHiti. Yenowu kaHiti Efweroni hakumwakula Abarahama, anyana kaHiti ejima achitiyaŋa, wejima wawu eŋililaŋa muchisu chakumukala wawu, achitiyaŋa,
11nindi, Bayi omuku mwanta, tiya kunu; niiha nakwinki, niiyeŋu didumu nakwinki; kumesu awanyana kawantaŋa jami nakwinkidu. Jiikaku mufu weyi.
12Abarahama wayibandaminini enimbu kumesu.
13Wahosheli kudi Efweroni, enimbu ejima achitiyaŋa, nindi, Ilaŋa ntahi, neyi wukwiteja mwani, wutiyi munukuhoshami; ami nukukwinka wuseya weha, wuwutambuli, nijiikumu mufu wami.
14Efweroni wamwakwili Abarahama,
15hakumwila nindi, Eyi mwanta, tiya kunu; kenaka kampata kashika musiliva ya 4.5 kg, kakweti nsaŋu naneyi nanami? Kajiiki mufu weyi.
16Abarahama watiyili mwahosheliyi Efweroni. Abarahama wamwesekeleli Efweroni siliva yateneniyi, anyana kaHiti achitiyaŋa.
17Dichi niiha daEfweroni, dadiŋi muMakapela, kwakwihi naMamiri, niiyeŋu dadiŋumu, elili ambala aAbarahama, ninyitondu yejima yadiŋi mwiha, yadiŋi kuŋinza kwejima kwi-ndo.
18Yejima yelili yambala yaAbarahama chikupu, yakudilandila kumesu awanyana kaHiti, nikumesu awantu ejima eŋililaŋa kuchisu chakumukala wawu.
19Cheliluwu mwenimu Abarahama hakujiika iŋodindi Sara #49:29-30mwiyeŋu damwiha daMakapela, kwakwihi naMamiri, diku kuHeberoni, mwituŋa daKenani.
20Niiha niiyeŋu dadiŋumu ayilili kudi anyana kaHiti, nawu ambala aAbarahama chikupu, kulonda kujiikilaŋamu afu.
المحددات الحالية:
Kutachika 23: MWW04
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Holy Bible in Lunda Ndembu © United Bible Societies, 2003.