ڢَارَوَ 11
11
حَصُومِيَا تَ بَابِيلَ
1أَ دَا ثَنْ، مُتَنٜىٰنْ دُونِيَا سُنَدَ يَرٜىٰ طَيَ نٜىٰ تَكْ، كَلْمُواْمِنْسُ كُمَ إِرِ طَيَ نٜىٰ؞ 2أَنَانً سَعَدَّ مُتَنٜىٰ سُكٜىٰ تَيَطُوَ دَغَ يَنْكِنْ غَبَسْ، سَيْ سُكَ سَامِ ڢِيلِ عَڧَسَرْ شِنَرْ، سُكَ ذَوْنَ عَثَنْ؞ 3سَيْ سُكَثٜىٰ وَجُونَ «كُذُواْ، مُيِ بُلُواكْ، مُغَسَسُ سُواْسَيْ؞» سُكَيِ عَيْكِ دَ بُلُواكْ نَلَاكَ مَيْمَكُوانْ دُوڟٜىٰ، مَنْݣُولْتَ كُمَ مَيْمَكُوانْ لَاكَ؞ 4سَيْ سُكَثٜىٰ «ذُواْ مُغِنَ وَكَنْمُ بِرْنِ دَ حَصُومِيَا وَدَّ رُڢِنْتَ ذَاتَكَيْ ثَنْ ثِكِنْ سَمَ، دُواْمِنْ مُيِ وَكَنْمُ سُونَ، دُواْمِنْ كَدَ مُوَرْوَڟُ ذُوَا كُواْعِنَ أَ ڢُسْكَرْ دُونِيَا؞» 5سَيْ يَهْوٜىٰهْ يَسَوْكُواْ دُواْمِنْ يَدُوبَ بِرْنِ دَ حَصُومِيَرْدَ یَنْ أَدَمْ سُكٜىٰ غِنَاوَا؞ 6سَعَنً يَهْوٜىٰهْ يَثٜىٰ «غَاشِ، سُو جَمَعَ طَيَ نٜىٰ، دُكَنْسُ كُمَ يَرٜىٰ طَيَ نٜىٰ؞ وَنَّنْ كُوَ أَبُ نَڢَرْكُواْ نٜىٰ كَطَيْ نَ أَبُبُوَنْ دَ ذَاسُ عِيَيِ، بَابُ كُمَ أَبِنْدَ سُكَيِ نِيَّرْيِ دَ ذَيْ غَغَرٜىٰسُ؞ 7ذُواْ مُسَاكٜىٰ سَوْكَ، مُدَاغُلَ يَرٜىٰنْسُ أَوُرِنْ، دُواْمِنْ كَدَ سُغَانٜىٰ مَغَنَرْ جُونَ؞» 8حَكَ كُوَ يَهْوٜىٰهْ يَا وَرْوَڟَاسُ كُواْعِنَ أَ ڢُسْكَرْ دُونِيَا، سُكَ كُمَ دَيْنَ غِنَا بِرْنِنْ؞ 9سَبُواْدَ حَكَ عَكَ كِرَا بِرْنِنْ بَابِيلَ،#11.9 بَابِيلَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ «دَاغُلَ»؞ دُواْمِنْ أَوُرِنْ نٜىٰ يَهْوٜىٰهْ يَدَاغُلَ يَرٜىٰنْ دُكَنْ دُونِيَا؞ دَغَ وُرِنْ نٜىٰ يَهْوٜىٰهْ يَوَرْوَڟَاسُ كُواْعِنَ أَ ڢُسْكَرْ دُونِيَا؞
ذُرِيَرْ شٜىٰمْ
﴿1 تَارْ 1.24-27﴾
10غَا تَارِيحِنْ ذُرِيَرْ شٜىٰمْ؞ لُواْكَثِنْ دَ شٜىٰمْ يَيِ شٜىٰكَرَا طَرِے، سَيْ يَحَيْڢِ أَرْڢَكْشَدْ، وَتُواْ شٜىٰكَرَا بِيُ بَايَنْ بَبَّرْ أَمْبَلِيَرْ ضُوًنَنْ؞ 11بَايَنْ حَيْڢُوَرْ أَرْڢَكْشَدْ، شٜىٰمْ يَيِ شٜىٰكَرَا طَرِے بِيَرْ، يَا كُمَ حَيْڢِ یَیَ مَظَا دَ مَاتَا؞
12لُواْكَثِنْ دَ أَرْڢَكْشَدْ يَيِ شٜىٰكَرَا تَلَاتِنْ دَ بِيَرْ، سَيْ يَا حَيْڢِ شٜىٰلَ؞ 13بَايَنْ حَيْڢُوَرْ شٜىٰلَ، أَرْڢَكْشَدْ يَيِ شٜىٰكَرَا طَرِے حُطُ دَ عُكُ، يَا كُمَ حَيْڢِ یَیَ مَظَا دَ مَاتَا؞
14لُواْكَثِنْ دَ شٜىٰلَ يَيِ شٜىٰكَرَا تَلَاتِنْ، سَيْ يَحَيْڢِ عٜىٰبٜىٰرْ؞ 15بَايَنْ حَيْڢُوَرْ عٜىٰبٜىٰرْ، شٜىٰلَ يَيِ شٜىٰكَرَا طَرِے حُطُ دَ عُكُ، يَا كُمَ حَيْڢِ یَیَ مَظَا دَ مَاتَا؞
16لُواْكَثِنْ دَ عٜىٰبٜىٰرْ يَيِ شٜىٰكَرَا تَلَاتِنْ دَ حُطُ، سَيْ يَحَيْڢِ ڢٜىٰلٜىٰغْ؞ 17بَايَنْ حَيْڢُوَرْ ڢٜىٰلٜىٰغْ، عٜىٰبٜىٰرْ يَيِ شٜىٰكَرَا طَرِے حُطُ دَ تَلَاتِنْ، يَا كُمَ حَيْڢِ یَیَ مَظَا دَ مَاتَا؞
18لُواْكَثِنْ دَ ڢٜىٰلٜىٰغْ يَيِ شٜىٰكَرَا تَلَاتِنْ، سَيْ يَحَيْڢِ رٜىٰيُ؞ 19بَايَنْ حَيْڢُوَرْ رٜىٰيُ، ڢٜىٰلٜىٰغْ يَيِ شٜىٰكَرَا طَرِے بِيُ دَ تَرَ، يَا كُمَ حَيْڢِ یَیَ مَظَا دَ مَاتَا؞
20لُواْكَثِنْ دَ رٜىٰيُ يَيِ شٜىٰكَرَا تَلَاتِنْ دَ بِيُ، سَيْ يَحَيْڢِ سٜىٰرُغْ؞ 21بَايَنْ حَيْڢُوَرْ سٜىٰرُغْ، رٜىٰيُ يَيِ شٜىٰكَرَا طَرِے بِيُ دَ بَݣَويْ، يَا كُمَ حَيْڢِ یَیَ مَظَا دَ مَاتَا؞
22لُواْكَثِنْ دَ سٜىٰرُغْ يَيِ شٜىٰكَرَا تَلَاتِنْ، سَيْ يَحَيْڢِ نَهُوارْ؞ 23بَايَنْ حَيْڢُوَرْ نَهُوارْ، سٜىٰرُغْ يَيِ شٜىٰكَرَا طَرِے بِيُ، يَا كُمَ حَيْڢِ یَیَ مَظَا دَ مَاتَا؞
24لُواْكَثِنْ دَ نَهُوارْ يَيِ شٜىٰكَرَا عَشِرِنْ دَ تَرَ، سَيْ يَحَيْڢِ تَيْرَا؞ 25بَايَنْ حَيْڢُوَرْ تَيْرَا، نَهُوارْ يَيِ شٜىٰكَرَا طَرِے دَ غُواْمَشَا تَرَ، يَا كُمَ حَيْڢِ یَیَ مَظَا دَ مَاتَا؞
26لُواْكَثِنْ دَ تَيْرَا يَيِ شٜىٰكَرَا سَبَعِنْ، سَيْ يَحَيْڢِ إِبْرَمْ دَ نَهُوارْ دَ كُمَ هَرَنْ؞
ذُرِيَرْ تَيْرَا
27غَا تَارِيحِنْ ذُرِيَرْ تَيْرَا؞ تَيْرَا يَا حَيْڢِ إِبْرَمْ دَ نَهُوارْ دَ كُمَ هَرَنْ؞ هَرَنْ كُوَ يَا حَيْڢِ لُوطُ؞ 28هَرَنْ يَا مُتُ تُنْ بَابَنْسُ تَيْرَا يَنَدَ رَيْ؞ يَا مُتُ عَڧَسَرْدَ عَكَ حَيْڢٜىٰشِ، وَتُواْ عُرْ تَ كَلْدِيَاوَا؞ 29إِبْرَمْ دَ نَهُوارْ سُكَ عَوْرِ مَاتَا؞ مَاتَرْ إِبْرَمْ أَنَ كِرَنْتَ سَارَيَ؞ مَاتَرْ نَهُوارْ كُمَ أَنَ كِرَنْتَ مِلْكَ، عِتَ یَرْ هَرَنْ ثٜىٰ؞ هَرَنْ نٜىٰ يَا حَيْڢِ مِلْكَ دَ يِسْكَ؞ 30سَارَيَ كُوَ بَاتَحَيْڢُوَ، وَتُواْ بَاتَدَ يَرُواْ؞
31تَيْرَا يَا طَوْكِ طَنْسَ إِبْرَمْ دَ جِيكَنْسَ لُوطُ طَنْ هَرَنْ دَ سَارَيَ مَاتَرْ طَنْسَ إِبْرَمْ؞ دُكَنْسُ سُكَتَاشِ دَغَ ڧَسَرْ عُرْ تَ كَلْدِيَاوَا ذَاسُ ڧَسَرْ كَنْعَنَ؞ عَمَّا سَعَدَّ سُكَ إِسُواْ هَرَنْ، سَيْ سُكَ ذَوْنَ أَوُرِنْ؞ 32حَكَ نَنْ كُوَ دُكَنْ ݣُونَكِنْ تَيْرَا شٜىٰكَرَثٜىٰ طَرِے بِيُ دَبِيَرْ؞ سَيْ تَيْرَا يَمُتُ أَ هَرَنْ؞
المحددات الحالية:
ڢَارَوَ 11: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020