الإنجيل زي ما كتبه مَتَّى 23
23
التحدير من النفاق
1وبعدين يسوع قال يسوع للجماعة وتلاميده، 2: «أعتلى الكتبة ( علماء الشريعة) و الفريسيين كرسي موسى: 3طبقوا كل إلا يقولوه ليكم وسووه. و لكن لا تسووا زيهم، لأنهم يعلموكم ولا ما يطبقوا إلا يعلموكم وياه، قول بدون فعل، 4يحملّوا الناس أحمال ثقيلة على أكتافهم و ما حدّ يقدر عليها، و ما يهمهم أنهم يشيلوها و لو بطرف صبع. 5وفي كل شي يسووه، يحاولوا يلفتوا نظر الناس ليهم. عشان چدي هم يخلوا عمايمهم عريضة ويطولوا أطراف ثيابهم؛ 6و يحبوا يقعدوا في الصُفّوف الامامية في المجالس و العزايم، و يقعدوا في أحسن الأماكن في المعابد، 7و الناس تحيي بهم في الساحات، وينادوهم: «يا معلم، يا معلم». 8لكن أنتون فلا تقبلوا أحد يناديكم: يا معلم! لأن معلمكم واحد، وانتون كلكم إخوة. 9ولا تنادوا أحد على الأرض وتسموه أبوكم ؛ لأن أبوكم واحد، و هو الأبو إلا في السماوات. 10ولا تقبلوا إدا أحد ناداكم - رؤساء أو قادة، لأن رئيسكم واحد، و هو المسيح. 11أكبركم بكون خادم ليكم. 12و إلا يرفع نفسه مقامه بيقل، و إلا يقلل من نفسه بينرفع مقامه.
سبع ويلات على الكتبة و الفريسيين
13الويل ليكم يا الكتبة ويا الفريسيين المنافقين! لأنكم تسكروا ملكوت السماوات في وجه الناس، فلا أنتون داخلينه، ولا تخلّوا غيركم يدخله! 14الويل ليكم يا الكتبة ويا الفريسيين المنافقين! لأنكم تاكلوا بيوت الأرامل وتنافقوا وتطولوا في صلواتكم. لهدا السبب بتنّزل عليكم دينونة أعظم! 15يا ويلكم يا الكتبة ويا الفريسيين المنافقين! لأنكم تقطعوا مشوار عن طريق البر و البحر عشان تكسبوا واحد أعتنق الديانة يهودية ؛ إدا أعتنق الديانة اليهودية خليتوه واحد من أهل نار جهنم و يصير بضِعف ما أنتون عليه! 16الويل ليكم يا القادة العميان! تقولوا: إلا يحلف بالهيّكل، فحلفته باطلة؛ لكن إلا يحلف بدهب الهيكل، فحلفته مو باطلة! 17يا الجهال العميان! أي واحد فيهم أعظم: الدهب أو الهيكل إلا يخلي الدهب مقدس؟ 18و تقولوا: إلا يحلف بالمذبح، فحلفته مو مقبولة؛ لكن إلا يحلف بالقُربان إلا على المدبح، فحلفته مقبولة! 19يا العميان! أي واحد فيهم أعظم: القُرّبان أو المدبح إلا يخلي القُرّبان مقدس؟ 20و إلا يحلف بالمذبح، فهو حلف به و بكل إلا عليه؛ 21و إلا حلف بالهيّكل، فهو حلف به وبالساكن فيه؛ 22و إلا يحلف بالسماء، فهو يحلف بعرش الله وبالجالس عليه! 23الويل ليكم يا الكتبة ويا الفريسيين المنافقين! لأنكم عشان تعطوا عشر النعناع والسبنت والكمون، أهملتوا أهم شي في الشريعة: العدِل و الرَحّمة و الأمانة. كان الأولى بكم إنكم ما تغفلوا عن هدي الأشياء! 24يا القادة العميان! تصفوا ماي البعوضة، وتبلعوا الجمل!
25الويل ليكم يا الكتبة ويا الفريسيين المنافقين! تنظفوا الكاس و الصحن من برا، و لكن داخلهم مشحون بالشَهوة و الطّمَع! 26يا الفريسي الأعمى، نظف أول شي الكاس من داخل عشان يصير الكاس من برا بعد يصير نظيف!
27الويل ليكم يا الكتبة ويا الفريسيين المنافقين! أنتون أشبه ما تكونوا بالقبور المبيّضة: من برا تبين جميلة، ولكنها من داخل متروسة عظام ناس ميتين ومتروسه نجاسة! 28وانتون بعد چدي، من برا تبينوا قدام الناس أنكم صالحين، و لكنكم من داخل متروسين نفاق وفسق!
29الويل ليكم يا الكتبة ويا الفريسيين المنافقين! أنتون تبّنوا قبور الأنبياء وتزينوا أضرحة الصالحين، 30و تقولوا: لو أحنا عشنا في زمن أجدادنا كان مستحيل أنا نسفك دم الأنبياء وياهم. 31و بچدي أنتون تشهدوا على أنفسكم بأنكم أولاد قتلة الأنبياء! 32فكملوا إلا بدأوه أبوتكم عشان يطفح الكيل!
33يا الحيات يا أولاد الأفاعي! كيف تفلتوا من عقاب نار جهنم؟ 34عشان چدي: هدانا أرسل لكم أنبياء وحكماء و معلمين، قتلتوا ناس منهم و صلبتوا ناس منهم، و جلدتوا ناس منهم في معابدكم، و أضطهدوا ناس منهم وشردتوهم من مدينة لمدينة. 35و چدي بكون عليكم دنب كل دم زكي أنسفك على وجه الأرض: من دم هابيل البار إلى دم زكريا ولد بَرَخِيَّا إلا قتلتوه بين الهيكل والمذبح. 36بأمانة أقول ليكم: عقاب داك الجيل كله بينزل على هالجيل.
37يا أورشليم، يا أورشليم، يا قاتلة الأنبياء و راجمة المُرسلين ليها! كم مرة بغيت أجمع أولادش زي ما تجمع الدجاجة صوصها تحت جناحاتها، و لكن أنتون رفضتوا! 38بيتكم صار خرابة! 39فهداني أقول ليكم أنتون ما بتشوفوني بعد اليوم، إلا لما تقولوا: مبارك إلا بيجي بإسم الرب!
المحددات الحالية:
الإنجيل زي ما كتبه مَتَّى 23: QNAV
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group