KISAH 4
4
Petrus ru Yohanes ku Ngar Mahkamah Agame Yahudi
1Tengah Petrus ru Yohanes lekat baibelwal nu mai jengoi, imam-imam agame Yahudi, ketue pengawal Deg Jenang ru memerip urag mai Saduki#4:1 Mai Saduki: Adeh kirujok nu nanek kumpulan pemimpen-pemimpen agame Yahudi de naitentang ha Yesus. naiterbuk nu ubai. 2Enai ihad naiberiknos nu Petrus ru Yohanes kerana baiajar mai jengoi tentang hal adeh: Jenang Kiberkos Yesus ju Idanan, jadi Kek doh Kiberkos mai kilek juga ju danan. 3Kerana ajeh, naicap Petrus ru Yohanes. Kerana iarik ya dui, ubai biterhan ku kateh jel lei ku iarik huper. 4Tapi ku engkap sengoi de naicerngai ha neajar ubai ajeh, jeoi sengoi naipecaya nu Yesus. Jengoi enai ya betambah lei lima ribu urag.
5Ku ihuper nij, pemimpen-pemimpen mai Yahudi, raknak-raknak mai Yahudi, ru guru-guru Hukom Taurat naibekumpol ku kote Yerusalem. 6Ku pajeh mong Imam Agong Kayafas ru bekas-bekas Imam Agong Hanas, Yohanes,#4:6 Yohanes: Sengoi adeh enyuk apeka rasul Yohanes. ru Aleksander. Sengoi-sengoi kilek ju peringak Imam Agong pen mong ku pajeh juga. 7Enai ajeh naior Petrus ru Yohanes baijinjeg ku ngar liknai lalu naitanya, “Ya kuasa ma atao ju kuasa bok jerkebeh hal ajeh?”
8Petrus de bikuasa ya Kelog Santen kiberlag, “Pemimpen-pemimpen ru raknak-raknak mai Yahudi! 9Yah adeh engketanya nu jar tentang hal bor de jarbeh nu sengoi lumpoh ru begeiharok kek kibor. 10Tuan-tuan ru dikdij mai Israel, hodloh engkepanei tentang hal adeh: Sengoi de kijinjeg ku ngar engkek adeh ya kibor ya kuasa Yesus Kristus mai Nazaret de engkesaleb tapi biberkos ju Idanan ya Jenang. 11Yesus ajehloh,
‘Batu de bipej ya engkek tukang deg
hunen ya kijadi batu cenol.’#Mzm 118:22
12Yesus taleh de dapat Kipeselamat manusia kerana ku dunia adeh pek mong mai kilek de kekkep kuasa ju Jenang ha peselamat manusia.”
13Enai naihiran bile naineng Petrus ru Yohanes ihad berani ru ubai ajeh sengoi biasa taleh de pek besekulah. Lalu naisedar ubai ajeh pengikot-pengikot Yesus. 14Tapi enai pek dapat naibual ma-ma kerana naineng sengoi de ya biperbor ajeh kijinjeg besama-sama ru ubai. 15Jadi, naior ubai ajeh hol ju Mahkamah Agame Yahudi#4:15 Mahkamah Agame Yahudi: Adeh pihak bekuasa tetinggi de mong kuasa ku kateh hal sinui ru agame mai Yahudi. Enai ajeh tediri ju imam-imam agame Yahudi, mai Farisi, guru-guru Hukom Taurat, ru lain-lain nij juga. ru enai pen naibebincang ratak liknai. 16Naitanya, “Ma de patot hibeh nu ubai ajeh? Dikdij mai de gigei ku kote Yerusalem ya naipanei ubai ajeh baibeh tanda ajaib de luar biasa. Hik pek buleh hiha-petidak tentang hal ajeh. 17Tapi borloh hiog amaran nu ubai supaye pek baiurok ma-ma nij nu bok-bok pen kateh muh Yesus supaye hal ajeh pek bipasal nu mai jengoi.”
18Lalu naicereg Petrus ru Yohanes supaye baimuj nij ru naiget ubai agok sebot muh Yesus atao baibeajar ku kateh muh ajeh nij.
19Tapi Petrus ru Yohanes baiberlag, “Pikerloh ya liengkek belok de bor ku ngar Jenang, taat nu engkek atao taat nu Jenang? 20Jar pek buleh jarbehenti belwal tentang hal de ya jarneng ru jarcerngai.” 21Anggote-anggote Mahkamah Agame Yahudi pek dapat naikek senalah naiha-hukom Petrus ru Yohanes. Jadi, enai pen naiog amaran de lebeh keras nij lalu naiterlas ubai kerana dikdij sengoi naipateh ha Jenang kerana hal ajeh. 22Sengoi de kibor ya tanda ajaib ajeh iumur lebeh ju 40 tahut.
Doa Sengoi-sengoi de Pecaya nu Yesus
23Telas Petrus ru Yohanes biterlas, baijog nu kekawat liubai ru baipasal dikdij ma de ya biurok ya raknak-raknak imam agame Yahudi ru raknak-raknak mai Yahudi. 24Telas kekawat ubai naicerngai tentang hal ajeh, enai pen sama-sama naibedoa nu Jenang, “TUHAN, Jen ya Jenbeh langit, bumi, laot, ru dikdij ma de mong ku ikateh.#Kel 20:11; Neh 9:6; Mzm 146:6 25Jen pernah Jenurok melalui Kelog Santen de Kibeh hambe Jen Raja Daud jenang rak jik ajeh kiurok,
‘Sie-sie mai pek Yahudi naiberiknos ha Jenang.
Sie-sie mai Yahudi naibeh nerancang naiha-lawan ha Kek.
26Raja-raja ku dunia naisekyap naiha-beperag
ru penguasa-penguasa naibekumpol naiha-lawan TUHAN ru Peselamat de bijanji ya Jenang.’#Mzm 2:1-2
27Mimang betol ku kote Yerusalem adeh Raja Herodes Antipas ru Pontius Pilatus baibeburuk ru mai pek Yahudi ru mai Yahudi. Naibepakat naiha-lawan Yesus Hambe Jen de suci de ya Jenurapi ajeh. 28Enai naibesama naibeh ma de ya Jenpetetap manah entemjeh. Dikdij ajeh Jenpetetap ya kuasa ru heknod Jen. 29Tapi hunen, TUHAN, nengloh begeiharok naiancam jik. Tulogloh jik hambe-hambe Jen supaye jiperlei engrok Jen ru sengik de ihad berani. 30Pernengloh kuasa Jen supaye jiperbor mai nyik ru supaye jibeh tanda-tanda ajaib ru hal-hal de luar biasa melalui kuasa Yesus Hambe Jen de suci.”
31Telas naibedoa, tempat ajeh kiyahyoh. Dikdij liknai bikuasa ya Kelog Santen ru mula naiperlei engrok Jenang ru sengik de ihad berani.
Sinui Sengoi-sengoi de Pecaya
32Dikdij sengoi de pecaya nu Kristus naisui ku kateh nanek sengik ru sama peniker. Pek mong numom pen de naianggap hak enai ajeh hak liknai sendiri. Enai ratak naibekungsi sesama liknai.#Kis 2:44-45 33Ru kuasa de entoi, rasul-rasul naibesaksi ha kisnos Tuhan Yesus. Jenang ihad Kiberkat enai. 34Ku engkap enai ajeh pek mong numom pen de kurang ma-ma. Bok imai de mong tik atao deg naijual harta liknai ajeh lalu naiog ihasel jengwal ajeh nu rasul-rasul. 35Duet ajeh bibahagi ku ratak liknai joi keperluan liknai memaseg.
36Begei ajeh juga de bibeh ya Yusuf. Kek ju suku Lewi ju Pulau Cyprus. Rasul-rasul naisebot kek Barnabas (imaksod, Penggalak). 37Kek kijual nupenadag tik hak ilei lalu kien ru kiog iduet ajeh nu rasul-rasul.
المحددات الحالية:
KISAH 4: AEH
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.