Jọn 10
10
Jizọs Ibi Ánánákúrúḅọ
1Jizọs warị ḅẹẹ, <<A karakárányẹ ma dugho ọ pịrịarị: ḅụ́pọ́ ḅụ ḅọ́rọ́ ánáná warị ma sọghaḅọ, kụ́ma warị jẹ́ angaá ḅọ́rọ́ tándị sọ, anị tumḅọ ma fúrúḅọ pịghị kụrọ pa nyẹ fúrúḅọ. 2Opu ḅụ́pọ́ ma ḅụ ḅọ́rọ́ ánánáwárị ma soarịḅọ anịị ánánákúrúḅọ ma. 3Ḅụ́pọ́ kúrúḅọ ma opu ḅụ́pọ́ ma findi ọ pịrịpịrịm, ánáná ma pịghị ọ pụghọ naánam. Ori ẹ́rẹ́ pa ori ánáná sịsịm sị n daá págháma. 4Ori ọrẹ ánáná mamgba pághámaḅo fama sáá, ori tórúku sọ n pịrịm ánáná ma warị o dua, nnị ọ pụghọ nimim gosi. 5Nnị igoniḅọ duabịgha; tụ́ma nnị ọ fịnịnga mangị sọbẹm tegó nnị igoniḅọ pụghọ lighilighiḅogha.>> 6Jizọs mịị kaḅụ ma kọọ n pịrịm, kụ́ma nnị akanyaḅogha o dugho n pịrịarịnyẹ.
7Jizọs warị jẹ́ pa dugho ḅẹ́, <<A karakárányẹ ma dugho ọ pịrịarị. Ịrị anịị ánáná warị ma opu ḅụ́pọ́ ma. 8Parị parị ḅoapụ mamgba anịị furuapụ na pịghị kụrọ pa nyẹ furuapụ, kụ́ma ánáná ma n bịpị pughugha. 9Ịrị anịị opu ḅụ́pọ́ ma, ịḅụ ḅọ́rọ́ sọḅo ḅọ gonyẹ́ gonyẹ́ dụaḅọ́rọ́ma nyánábẹm. O sọḅobẹm pịghị saghị pághá, sị ịwọ osuka dọghụḅo. 10Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.
11<<Irị anịị ibi Ánánákúrúḅọ ma. Ibi ánánákúrúḅọ ma ori duma pa kóróma ánáná ma pịrịpịrịm. 12Nnị ọkọḅọ ma, ori ánáná ma kúrúḅọgha, ọ pịghị ánáná ma nyánágha. Anịgo o tuú árị anị ḅoarị sa, ori ánáná ma kóróma mangisobẹm. Anịsáa tuú ma owu pa ánáná kpo ma pághámabẹm, sị n gálágáláma. 13Owitụ́wọ ma mangị sọm tegó ori, ọkọ anịị nnị ori ọkọnyẹ ọ pịghị ánáná ma gbolomanyẹ balagha.
14<<Irị anịị ibi ánánákúrúḅọ ma. A ị́yẹ́ ánáná nimim ị́yẹ́ ánáná pịghị i nimim. 15Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm. 16A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ. 17I Daa ma go i ḅẹlẹma nyẹ anịị a ị́yẹ́ duma saghị kórómam sị a pịghị ine anị saghị akị bẹ ḅara. 18Gbẹ́rẹ́ḅọ sọ i ḅarabie anị akịịghaa, kụ́ma a i ḅara na anị saghị kórómam. A kụrọ nyáná pa anị saghị kóróma pịghị kụrọ nyáná pa sima anị saghị akị. Mịị Daḅọ ma tọ́ọ i pịrịnyẹ sị a mịẹ.>>
19Mịná ẹ́gẹ́rẹ́ ma sima puama dighiḅom Juuapụ ma ogbobie. 20Nna ḅụ tọghaapụ ḅẹarị, <<Sitẹ́mẹ́ o ḅụbie imi ọ pịghị mmẹẹ́ a tọ́rụ mịẹarị. O tẹ́ go o pughuu?>>
21Jẹ́apụ dughoarị, <<Mị sitẹ́mẹ́ ḅụ fịnịḅọ ẹ́gẹ́rẹ́ ẹ́gẹ́rẹ́ ḅaraghaa. Sitẹ́mẹ́ ine tọ́rụ́pụụḅọ tọ́rụ findi bẹ?>>
Juuapụ Ma Jizọs Sịghịm
22Anịsáa ma sima Tamunoopuwárị ma Sịghịrị Álálị ma kiriakịm Jerusalem ḅụ; sáá ma anịị oḅuu sáá. 23Jizọs pịghị Tamunoopuwárị ma párángáa nwángị ḅọ́rọ́arị Solomọn ẹ́bẹwarị pa sị ngá. 24Juuapụ ma o gbiri ịkélémam sị dughoarị, <<I pa wa ḅọghuma mú tẹ́ sáá láa bẹ? Ịrị ḅọ́rọ́ Krais ma, dugho págháma wa pịrịị.>>
25Jizọs pagharam, <<A dugho ọ pịrịm kụ́ma o mininigha. A i Daá ẹ́rẹ́ ḅụ nwángịarị ḅụ́gbérépuma fịrị ma onyẹsẹ́ i pịrịm. 26Kụ́ma o mininigha tegó ọmịnị ị́yẹ́ ánánagha. 27Ị́yẹ́ ánáná i pụghọ pughu pughum; a n nimim, n pịghị i dua duam. 28A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie. 29I Daá ánáná pa i pịrịḅọ ma gélé kị́nị́mamgba nẹngịm; gbẹ́rẹ́ḅọ sọ ine nnị pughoakịbịgha i Daá ma ḅárabie. 30Irị na i Daá ma na wamịnị gbẹ́rẹ́nyẹ.>>
31Juuapụ ma sima mgbọ́lụ saghị akịm ḅẹẹ n pa o gbii, 32Kụ́ma Jizọs nnị ḅẹm, <<A tọgha opu ḅụ́gbérépuma fịrị pa o diemam Daḅọ ma ḅara. Ọ tẹ́ nyẹ ḅụ ḅọ́rọ́ mgbọ́lụ pa igbiiarị?>>
33Juuapụ ma pagharam, <<Wa mịnanyẹ ma ḅụ gbẹ́rẹ́nyẹ sọ ḅụ mgbọ́lụ pa igbigha, kụ́ma ị́yẹ́ Tamuno dughosima ẹ́gẹ́rẹ́ ḅụ, tegó ịrị, papa tumḅọ ịḅụ pa Tamuno mịẹarị!>>
34Jizọs pagharam, <<Nnị gịẹ kórómagha ọmịna ólóghó diri bie, <A dughomam ọmịnị tọgha tamuno.> 35Wa nimim ḅẹ́ tọ́ndiri ma anị karakárányẹ sọ muu kunema lam, Tamuno tọgha tamuno pa nnị sim Tamuno oku ma ḅoo láapụ, 36Kụ́ma ịrị Daḅọ ma i sẹ́lẹ́akị ọ ḅụ pịrịm sị i pa tuminikiri ma fịrịma? Ị tọrọ́ pa dugho bẹ ḅẹẹ a Tamuno dughosima ẹ́gẹ́rẹ́ kọm, anịị a dughom gosi ḅẹẹ <Irị Tamuno Tụ́wọ?> 37A ḅọ́rọ́ i Daá ma i fịrịma fịrị ma nwángịgha ọkụ́ma ọmịnị i minini ma. 38Kụ́ma a ḅọ́rọ́ anị mịẹarị nḅẹḅẹ́, ọ ḅọ́rọ́ i mininigha sọ, ọmịnị ị́yẹ́ ḅụ́gbérépuma fịrị ma minini, o nimi bẹ ḅara pịghị akanyaḅo ḅẹẹ Daḅọ ma ibie imi, irịsọ pịghị Daḅọ ma bie imii.>> 39Nnị pịghị sima o kuu dọ́ghụm kụ́ma ori nna ḅara pẹ́lẹ́ma mangị sọm.
40Anịsáa Jizọs pịghịma mú Jọdan ma sáḅá koro sị Jọn mingi saraarị ngá ma muu áyá sáá ma ḅụ. Ori aningáa fịnịm, 41tọghaapụ warị ọ damaḅo. Nnị dughom ḅẹẹ, <<Tụ́manyẹ ḅẹẹ Jọn gbẹ́rẹ́ ḅụ́gbérépuma fịrị sọ nwángịgha, kụ́ma mịị owitụ́wọ ma gboloma sị o dughonyẹ mamgba karakárányẹ.>> 42Anị ngá ma ḅụ tọghaapụ pịghị Jizọs ḅụ mininim.
المحددات الحالية:
Jọn 10: IBY
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©2024 Luke Initiative for Scripture Translation
Jọn 10
10
Jizọs Ibi Ánánákúrúḅọ
1Jizọs warị ḅẹẹ, <<A karakárányẹ ma dugho ọ pịrịarị: ḅụ́pọ́ ḅụ ḅọ́rọ́ ánáná warị ma sọghaḅọ, kụ́ma warị jẹ́ angaá ḅọ́rọ́ tándị sọ, anị tumḅọ ma fúrúḅọ pịghị kụrọ pa nyẹ fúrúḅọ. 2Opu ḅụ́pọ́ ma ḅụ ḅọ́rọ́ ánánáwárị ma soarịḅọ anịị ánánákúrúḅọ ma. 3Ḅụ́pọ́ kúrúḅọ ma opu ḅụ́pọ́ ma findi ọ pịrịpịrịm, ánáná ma pịghị ọ pụghọ naánam. Ori ẹ́rẹ́ pa ori ánáná sịsịm sị n daá págháma. 4Ori ọrẹ ánáná mamgba pághámaḅo fama sáá, ori tórúku sọ n pịrịm ánáná ma warị o dua, nnị ọ pụghọ nimim gosi. 5Nnị igoniḅọ duabịgha; tụ́ma nnị ọ fịnịnga mangị sọbẹm tegó nnị igoniḅọ pụghọ lighilighiḅogha.>> 6Jizọs mịị kaḅụ ma kọọ n pịrịm, kụ́ma nnị akanyaḅogha o dugho n pịrịarịnyẹ.
7Jizọs warị jẹ́ pa dugho ḅẹ́, <<A karakárányẹ ma dugho ọ pịrịarị. Ịrị anịị ánáná warị ma opu ḅụ́pọ́ ma. 8Parị parị ḅoapụ mamgba anịị furuapụ na pịghị kụrọ pa nyẹ furuapụ, kụ́ma ánáná ma n bịpị pughugha. 9Ịrị anịị opu ḅụ́pọ́ ma, ịḅụ ḅọ́rọ́ sọḅo ḅọ gonyẹ́ gonyẹ́ dụaḅọ́rọ́ma nyánábẹm. O sọḅobẹm pịghị saghị pághá, sị ịwọ osuka dọghụḅo. 10Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.
11<<Irị anịị ibi Ánánákúrúḅọ ma. Ibi ánánákúrúḅọ ma ori duma pa kóróma ánáná ma pịrịpịrịm. 12Nnị ọkọḅọ ma, ori ánáná ma kúrúḅọgha, ọ pịghị ánáná ma nyánágha. Anịgo o tuú árị anị ḅoarị sa, ori ánáná ma kóróma mangisobẹm. Anịsáa tuú ma owu pa ánáná kpo ma pághámabẹm, sị n gálágáláma. 13Owitụ́wọ ma mangị sọm tegó ori, ọkọ anịị nnị ori ọkọnyẹ ọ pịghị ánáná ma gbolomanyẹ balagha.
14<<Irị anịị ibi ánánákúrúḅọ ma. A ị́yẹ́ ánáná nimim ị́yẹ́ ánáná pịghị i nimim. 15Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm. 16A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ. 17I Daa ma go i ḅẹlẹma nyẹ anịị a ị́yẹ́ duma saghị kórómam sị a pịghị ine anị saghị akị bẹ ḅara. 18Gbẹ́rẹ́ḅọ sọ i ḅarabie anị akịịghaa, kụ́ma a i ḅara na anị saghị kórómam. A kụrọ nyáná pa anị saghị kóróma pịghị kụrọ nyáná pa sima anị saghị akị. Mịị Daḅọ ma tọ́ọ i pịrịnyẹ sị a mịẹ.>>
19Mịná ẹ́gẹ́rẹ́ ma sima puama dighiḅom Juuapụ ma ogbobie. 20Nna ḅụ tọghaapụ ḅẹarị, <<Sitẹ́mẹ́ o ḅụbie imi ọ pịghị mmẹẹ́ a tọ́rụ mịẹarị. O tẹ́ go o pughuu?>>
21Jẹ́apụ dughoarị, <<Mị sitẹ́mẹ́ ḅụ fịnịḅọ ẹ́gẹ́rẹ́ ẹ́gẹ́rẹ́ ḅaraghaa. Sitẹ́mẹ́ ine tọ́rụ́pụụḅọ tọ́rụ findi bẹ?>>
Juuapụ Ma Jizọs Sịghịm
22Anịsáa ma sima Tamunoopuwárị ma Sịghịrị Álálị ma kiriakịm Jerusalem ḅụ; sáá ma anịị oḅuu sáá. 23Jizọs pịghị Tamunoopuwárị ma párángáa nwángị ḅọ́rọ́arị Solomọn ẹ́bẹwarị pa sị ngá. 24Juuapụ ma o gbiri ịkélémam sị dughoarị, <<I pa wa ḅọghuma mú tẹ́ sáá láa bẹ? Ịrị ḅọ́rọ́ Krais ma, dugho págháma wa pịrịị.>>
25Jizọs pagharam, <<A dugho ọ pịrịm kụ́ma o mininigha. A i Daá ẹ́rẹ́ ḅụ nwángịarị ḅụ́gbérépuma fịrị ma onyẹsẹ́ i pịrịm. 26Kụ́ma o mininigha tegó ọmịnị ị́yẹ́ ánánagha. 27Ị́yẹ́ ánáná i pụghọ pughu pughum; a n nimim, n pịghị i dua duam. 28A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie. 29I Daá ánáná pa i pịrịḅọ ma gélé kị́nị́mamgba nẹngịm; gbẹ́rẹ́ḅọ sọ ine nnị pughoakịbịgha i Daá ma ḅárabie. 30Irị na i Daá ma na wamịnị gbẹ́rẹ́nyẹ.>>
31Juuapụ ma sima mgbọ́lụ saghị akịm ḅẹẹ n pa o gbii, 32Kụ́ma Jizọs nnị ḅẹm, <<A tọgha opu ḅụ́gbérépuma fịrị pa o diemam Daḅọ ma ḅara. Ọ tẹ́ nyẹ ḅụ ḅọ́rọ́ mgbọ́lụ pa igbiiarị?>>
33Juuapụ ma pagharam, <<Wa mịnanyẹ ma ḅụ gbẹ́rẹ́nyẹ sọ ḅụ mgbọ́lụ pa igbigha, kụ́ma ị́yẹ́ Tamuno dughosima ẹ́gẹ́rẹ́ ḅụ, tegó ịrị, papa tumḅọ ịḅụ pa Tamuno mịẹarị!>>
34Jizọs pagharam, <<Nnị gịẹ kórómagha ọmịna ólóghó diri bie, <A dughomam ọmịnị tọgha tamuno.> 35Wa nimim ḅẹ́ tọ́ndiri ma anị karakárányẹ sọ muu kunema lam, Tamuno tọgha tamuno pa nnị sim Tamuno oku ma ḅoo láapụ, 36Kụ́ma ịrị Daḅọ ma i sẹ́lẹ́akị ọ ḅụ pịrịm sị i pa tuminikiri ma fịrịma? Ị tọrọ́ pa dugho bẹ ḅẹẹ a Tamuno dughosima ẹ́gẹ́rẹ́ kọm, anịị a dughom gosi ḅẹẹ <Irị Tamuno Tụ́wọ?> 37A ḅọ́rọ́ i Daá ma i fịrịma fịrị ma nwángịgha ọkụ́ma ọmịnị i minini ma. 38Kụ́ma a ḅọ́rọ́ anị mịẹarị nḅẹḅẹ́, ọ ḅọ́rọ́ i mininigha sọ, ọmịnị ị́yẹ́ ḅụ́gbérépuma fịrị ma minini, o nimi bẹ ḅara pịghị akanyaḅo ḅẹẹ Daḅọ ma ibie imi, irịsọ pịghị Daḅọ ma bie imii.>> 39Nnị pịghị sima o kuu dọ́ghụm kụ́ma ori nna ḅara pẹ́lẹ́ma mangị sọm.
40Anịsáa Jizọs pịghịma mú Jọdan ma sáḅá koro sị Jọn mingi saraarị ngá ma muu áyá sáá ma ḅụ. Ori aningáa fịnịm, 41tọghaapụ warị ọ damaḅo. Nnị dughom ḅẹẹ, <<Tụ́manyẹ ḅẹẹ Jọn gbẹ́rẹ́ ḅụ́gbérépuma fịrị sọ nwángịgha, kụ́ma mịị owitụ́wọ ma gboloma sị o dughonyẹ mamgba karakárányẹ.>> 42Anị ngá ma ḅụ tọghaapụ pịghị Jizọs ḅụ mininim.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©2024 Luke Initiative for Scripture Translation