Jọn 11
11
Lazarọs Fịị
1Mị́sa Lazarọs pa sị gbẹ́rẹ́ owitụ́wọ obikorom. Bẹtani ḅụ anịị ọ saghị ḅo angaá, anịị Meri na Mata a numboru ọ́rụ́ḅọ nna káláama. 2Mịị Meri ma, a numboru Lazarọs obikiri ḅụ fịnịḅọ, anịị kụ́nụ́ pulo pa Kị́nị́nyánáḅọ ma ḅụọ sárá ḅọ sị árị sịbịnumo pa anị sii. 3Árị mịna ẹrẹ ma, warị oku pa Jizọs fịrịma ḅẹẹ, <<Kị́nị́nyánáḅọ, ị́yẹ́ ibi nangwọ obi kórómam.>>
4Jizọs mịma náa sáá o dughom ḅẹẹ, <<Mịị obi ma kunema, Lazarọs fịị dighiḅobịghaa, kụ́ma mịma kiriakịm sị anị boma akuoo Tamuno pịrịbẹ ḅara sị túminị́ pịghị anị ḅụ ḅọ́rọ́ Tamuno Tụ́wọ ma boma.>> 5Jizọs Mata na a numboru ọ́rụ́ḅọ na Lazarọs ḅẹlẹmam. 6Anịsọ ọ náa sáá ḅẹ́ lazarọs obikiri ḅụ imi ori ọ fịnịnga jẹ́ mmẹẹ́ a dii fịnịm.
7Anịsáa ọ warị dugho ori ọḅụduaapụ pịrị, <<Wa pịghịma Judiya muu.>>
8Kụ́ma ori ọḅụduaapụ ma warị dugho ḅẹẹ, <<Nyẹ́dieḅọ, ḅọ́rọ́maa kálá sáátụọ ḅụ Juuapụ ma mgbọ́lụ pa ị gbi dọ́ghụm, ị pịghị sima anị ngá ma muu bẹ?>>
9Jizọs pagharam, <<Gbẹ́rẹ́ éné bie wa kọkọ oyi mmẹẹ́ so findi pa baá nyána? Éné bie asọ nwángị owitụ́wọ ḅụọ iriimabịgha, tegó ọ mị tuminikiri baá ma pa nyẹ árịarị. 10Kụ́ma o dii bie asọ nwángị nwángị ọ ḅụọ iriimabẹm tegó ọ baá nyanagha.>>
11Jizọs mịma dugho n pịrị fama sáá, o ḅo dugho n pịrịm ḅẹẹ, <<Wámịna nángwọ Lazarọs munomam, kụ́ma a aningáa ma muarị a ọ sị saghịma bẹ ḅara.>> 12Ori ọḅụduaapụ ma pagharam, <<Kị́nị́nyánáḅọ ọ ḅọ́rọ́ múno múno ori oju ibibẹm>>. 13Jizọs Lazarọs fịị gbolomanyẹ dughoarị, kụ́ma nnị sim ḅẹẹ Jizọs dughoarị ḅẹẹ Lazarọs múnoarị.
14Anịsáa Jizọs warị dughofindi n pịrị ḅẹẹ, <<Lazarọs fịịmam, 15ọmịna sịbị go ị bieḅẹlẹm ḅẹ́ a aningáa ofori, sị ọmịnị ine minini bẹ ḅara. Kụ́ma wamịnị ọ dámámuu.>>
16Anịsáa Tọmọs (nnị Didimọs pa sịḅọ) ma warị isi ọḅụduaapụ ma ḅẹẹ, <<Wamịnị sọ wa muu sị o dua fịị>>.
Jizọs Fịị Ḅụ Saghị Na Duma
17O ḅo láa sáá, Jizọs arịḅom ḅẹẹ Lazarọs ínia dii pa dupu ma bie fịnịmam. 18Bẹtani ḅụ akị muu Jerusalem láa mmẹẹ́ a maili laagha, 19tọgha Juuapụ pịghị Mata na Meri dámáḅómam sị n ḅoo nna bie diinma nna numboru owitụ́wọ ma fịị gosi. 20Mata náa sáá ḅẹẹ Jizọs ḅoarị, a pághá sị muu ori na donam, kụ́ma Meri wárịbie fịnịm.
21Mata Jizọs ḅẹm, <<Kị́nị́nyánáḅọ ị ḅọ́rọ́ mịnga imi ọkụ́ma i numboru owitụ́wọ mị fịị ma ọ fịịbịgha. 22Kụ́ma a nimim ḅẹ́ mị́sa sọ Tamuno ị binyẹ gonyẹ́ gonyẹ́ pa ị pịrịbẹm.>>
23Jizọs dugho a pịrịm, <<Ị numboru owitụ́wọ jẹ́ pa saghịbẹm.>>
24Mata pagharam, <<A nimim ḅẹẹ o jẹ́ pa saghịbẹm fịị ḅụ saghị ma ḅụ kunema éné.>>
25Jizọs dugho a pịrịm, <<Irị anịị fịị ḅụ saghị na pịghị duma ma. Ịḅụ mininiḅọ, n ḅọ fịị sọ pa dumabẹm; 26dumafịnị sị ịḅụ mininiḅọ gonyẹ́ gonyẹ́ jẹ́ éné jẹ́ éné fịịbịgha. Mịma ị minini?>>
27A warị ọ ḅẹẹ, <<Innh Inyanaḅọ, a mininim ḅẹ́ ịrị anịị Krais Tamuno Tụ́wọ tuminikiri ma ḅoo bẹḅọ ma.>>
Jizọs Owúm
28A mịma dugho fama sáá, a pịghịma sọm sị a numboru ọ́rụ́ḅọ Meri sị angaá pịrị warị a ḅẹẹ, <<Nyẹ́dieḅọ ma mịnga imii, ọ pịghị ị gbilaarị.>> 29Meri mịma náa sáá a sáá ngúmágha ḅara pa saghị sẹm sị ọ dámámuu. 30Mị́sa ma ḅụ Jizọs na káláama ma sọgha, kụ́ma ọ pa Mata ori na dona angaá ma ḅụ imi. 31Saghị éné éné Meri na fịnị Juuapụ ma warị bie, ḅoo a bie diinmaarịapụ ma árị sáá a sáá ngúmágha ḅara pa saghị pághá ḅara, n warị a dua sịarị ḅẹ́ a dupu yọ ma muarị a muu owú bẹ ḅara.
32Meri Jizọs fịnị angaá ma láa sáá sị ori arị sáá a sóghórokorom ọ ḅụọ anga warị ḅẹẹ, <<Inyanaḅọ i ḅọ́rọ́ mịnga ma ḅụ imi ọkụma i numboru owitụ́wọ mịị fịị ma ọ fịịbịgha.>>
33Jizọs Meri árị sáá owuarị pịghị a dua ḅoo Juuapụ ma árị owuarị, nna owuú ma ọ tẹ́mẹ́ lam sị opuma ojighemam. 34Ọ warị n gbíla, <<Ọ tẹ́ angaá o dipi?>> Nnị pagharam, <<Kị́nị́nyánáḅọ ḅo dighi.>>
35Jizọs owúm.
36Anịsáa Juuapụ ma warị ḅẹẹ, <<Dighii ori ọ ḅẹlẹma ḅara!>>
37Kụ́ma nna ḅụ jẹ́apụ dughom ḅẹẹ, <<Ori tọ́rụ pụụapụ tọ́rụ findiarị ḅọ ma ori ine mịị owitụ́wọ ma kikibịgha sị fịịbịgha ḅara.>>
Jizọs Lazarọs Saghịmam Fịị Ḅụ
38Fịị ma sima opuma Jizọs tẹ́mẹ́ lam, ọ warị dupu ma muu. Ọ́ dapịrịbie n kara pághámaḅo nyẹ, opu dapịrị imi nnị pa anị asọ mgbẹsẹ nyẹ. 39Jizọs dugho nnị pịrịm, <<Opu dapịrị ma dighi si.>>
<<Kụ́ma, Mata fịịḅọ ma numboru ọ́rụ́ḅọ, dughom, Kị́nị́nyánáḅọ, mị́sa anị saghị si onu nyánámam, ḅẹẹ, ínia dii lámam ọ fịịnyẹ.>>
40Anịsáa Jizọs wárị ḅẹẹ, <<A dugho ị pịrịgha ḅẹ́ ị ḅọ́rọ́ minini minini, ị Tamuno ipine ma árịbẹm?>>
41Nnị warị dapịrị ma mgbẹ́pẹ́lẹ́ si. Jizọs warị tọ́rụ saghị so dighi sị ḅẹẹ, <<Daa, a ị miẹḅam pa ị ḅẹm ḅẹẹ ịrị ị náa nam. 42A nimim ḅẹẹ sáá mamgba ịrị i náa nam, kụ́ma a mịma dughom mịnga sẹfịnịarịapụ ma gosi, nnị minini ḅẹ́ ḅara ḅẹẹ ịrị ị fịrịmam.>>
43Jizọs mịị ẹ́gẹ́rẹ́ ma kọọ fama sáá, ọ kụrọ pụghọ pa ilúghum, <<Lazarọs págháḅoo!>> 44Fịị owitụ́wọ ma págháḅom, nnị pa ọ fịna dụadipi alo, ọ ḅụọ na ọ ḅara na pa ọ ḅụ imi, na pịghị nnị pa ọ tọ́rụ fịna bịtẹ.
Jizọs dugho nnị pịrịm, <<Dụadipi bịtẹ fiima ọ ḅụ sị o soo.>>
Nnị Tọm Ḅẹẹ Nnị Jizọs Ḅaabẹm
(Mat 26.1-5; Mak 14.1,2; Luk 22.1,2)
45Mịma ḅụ ḅọ́rọ́, tọgha Juuapụ ḅoo Meri dighiapụ ma sị Jizọs mịẹnyẹ ma árị, ḅoo ọ ḅụ mininim. 46Kụ́ma nna ḅụ bẹ jẹ́apụ Farisiiapụ ma damamum sị dugho nnị pịrị Jizọs mịẹmáa nyẹ. 47Anịsáa igwagwaalaapụ ma na Farisiiapụ ma warị kụrọ ḅa ámátáarịapụ kobiri ma sịị.
Nnị warị jụghọ jụghọ gbíla, <<Wa tẹ́ mịẹbẹ? Mịị tọgha ḅụ́gbérépuma fịrịnwangịarị owitụ́wọ ma. 48Wamịnị ọ warị so so sị ọ mịị fịrị ma nwángị tórúku muu, tuminikiri gbọrụ ḅoo ọ ḅụ mininibẹm. Anịsa Romapụ ma ḅobẹm sị wámịna Tamunoopuwárị ma guluguluma na pịghị wámịna sẹ.>>
49Anịsáa nna ḅụ gbẹ́rẹ́ḅọ, Kayafas pa sịḅọ, ori anịị opu igwagwaḅọ ma anị kụ́rá ma ḅụ, pụghọ saghị igani bẹ, <<Ị tọ́rọ pa nwọfịnị oḅori sọ bẹ? 50Ị nimigha ḅẹ́ anị ibiḅam gbẹ́rẹ́ḅọ fịị túminị́ mamgba pịrị sẹ gbọrụ ma fịị nakaragha.>>
51Mịị ẹ́gẹ́rẹ́ ma ori kọ́rọ́ma ḅụ saghị ḅogha, kụ́ma opu igwagwaḅọ ḅara ma anị kụ́rá ma ḅụ, ori ikiakorom ḅẹẹ, Jizọs fịị Juu sẹ ma pịrịbẹm, 52anị sẹ ma ngéréghaa, kụ́ma n gálágáláma warị Tamuno awọ ma, nna akuoo sị n pa gbẹ́rẹ́nyẹ mịẹ. 53Anị éné ma ḅụ saghị tórúku muu n ḅẹrẹ biam n ḅara warị ọ ḅá bẹ ḅara.
54Mịma mịẹm Jizọs mịnị ọkọ pa pághagha, kị́nị́mamgba nimi ḅẹ́ ḅara ọ fịnị angaá, anịị Juuapụ ma ogbobie. Anịmanakaragha ori ọ ḅụ nụ́nụ́akị so Ifremu pa sị gbẹ́rẹ́ káláama múm, elesiri párángáa na kikianyẹ, aningáa ori ọrẹ ọḅụduaapụ ma na fịnịanga.
55Juuapụ Saḅaḅọ́rọ́ Álálị ma kikiamam, tọghaapụ elesiri angaá ma ḅụ saghị Jerusalem sọm sị nna ḅụ sịrị mịẹmịẹnyẹ ma mịẹ pa Sáḅáḅọ́rọ́ Álálị ma kúru. 56Nnị Jizọs dọghụarị, anịgo nnị Tamunoopuwarị ma angásá kobiri sáá nnị saghị jụghọ jụghọ gbilam, <<Ọ tọ́rọ pa anị arịị, ọ sị ḅẹ́ ọ mịị Álálị ma ḅoo bẹ?>> 57Kụ́ma igwagwaalaapụ ma na Farisiiapụ bịpị pịrịmam ḅẹ́ ọ fịnị angaá dọghụḅo ḅọ fịnịfịnị dugho sị nnị oku.
المحددات الحالية:
Jọn 11: IBY
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©2024 Luke Initiative for Scripture Translation
Jọn 11
11
Lazarọs Fịị
1Mị́sa Lazarọs pa sị gbẹ́rẹ́ owitụ́wọ obikorom. Bẹtani ḅụ anịị ọ saghị ḅo angaá, anịị Meri na Mata a numboru ọ́rụ́ḅọ nna káláama. 2Mịị Meri ma, a numboru Lazarọs obikiri ḅụ fịnịḅọ, anịị kụ́nụ́ pulo pa Kị́nị́nyánáḅọ ma ḅụọ sárá ḅọ sị árị sịbịnumo pa anị sii. 3Árị mịna ẹrẹ ma, warị oku pa Jizọs fịrịma ḅẹẹ, <<Kị́nị́nyánáḅọ, ị́yẹ́ ibi nangwọ obi kórómam.>>
4Jizọs mịma náa sáá o dughom ḅẹẹ, <<Mịị obi ma kunema, Lazarọs fịị dighiḅobịghaa, kụ́ma mịma kiriakịm sị anị boma akuoo Tamuno pịrịbẹ ḅara sị túminị́ pịghị anị ḅụ ḅọ́rọ́ Tamuno Tụ́wọ ma boma.>> 5Jizọs Mata na a numboru ọ́rụ́ḅọ na Lazarọs ḅẹlẹmam. 6Anịsọ ọ náa sáá ḅẹ́ lazarọs obikiri ḅụ imi ori ọ fịnịnga jẹ́ mmẹẹ́ a dii fịnịm.
7Anịsáa ọ warị dugho ori ọḅụduaapụ pịrị, <<Wa pịghịma Judiya muu.>>
8Kụ́ma ori ọḅụduaapụ ma warị dugho ḅẹẹ, <<Nyẹ́dieḅọ, ḅọ́rọ́maa kálá sáátụọ ḅụ Juuapụ ma mgbọ́lụ pa ị gbi dọ́ghụm, ị pịghị sima anị ngá ma muu bẹ?>>
9Jizọs pagharam, <<Gbẹ́rẹ́ éné bie wa kọkọ oyi mmẹẹ́ so findi pa baá nyána? Éné bie asọ nwángị owitụ́wọ ḅụọ iriimabịgha, tegó ọ mị tuminikiri baá ma pa nyẹ árịarị. 10Kụ́ma o dii bie asọ nwángị nwángị ọ ḅụọ iriimabẹm tegó ọ baá nyanagha.>>
11Jizọs mịma dugho n pịrị fama sáá, o ḅo dugho n pịrịm ḅẹẹ, <<Wámịna nángwọ Lazarọs munomam, kụ́ma a aningáa ma muarị a ọ sị saghịma bẹ ḅara.>> 12Ori ọḅụduaapụ ma pagharam, <<Kị́nị́nyánáḅọ ọ ḅọ́rọ́ múno múno ori oju ibibẹm>>. 13Jizọs Lazarọs fịị gbolomanyẹ dughoarị, kụ́ma nnị sim ḅẹẹ Jizọs dughoarị ḅẹẹ Lazarọs múnoarị.
14Anịsáa Jizọs warị dughofindi n pịrị ḅẹẹ, <<Lazarọs fịịmam, 15ọmịna sịbị go ị bieḅẹlẹm ḅẹ́ a aningáa ofori, sị ọmịnị ine minini bẹ ḅara. Kụ́ma wamịnị ọ dámámuu.>>
16Anịsáa Tọmọs (nnị Didimọs pa sịḅọ) ma warị isi ọḅụduaapụ ma ḅẹẹ, <<Wamịnị sọ wa muu sị o dua fịị>>.
Jizọs Fịị Ḅụ Saghị Na Duma
17O ḅo láa sáá, Jizọs arịḅom ḅẹẹ Lazarọs ínia dii pa dupu ma bie fịnịmam. 18Bẹtani ḅụ akị muu Jerusalem láa mmẹẹ́ a maili laagha, 19tọgha Juuapụ pịghị Mata na Meri dámáḅómam sị n ḅoo nna bie diinma nna numboru owitụ́wọ ma fịị gosi. 20Mata náa sáá ḅẹẹ Jizọs ḅoarị, a pághá sị muu ori na donam, kụ́ma Meri wárịbie fịnịm.
21Mata Jizọs ḅẹm, <<Kị́nị́nyánáḅọ ị ḅọ́rọ́ mịnga imi ọkụ́ma i numboru owitụ́wọ mị fịị ma ọ fịịbịgha. 22Kụ́ma a nimim ḅẹ́ mị́sa sọ Tamuno ị binyẹ gonyẹ́ gonyẹ́ pa ị pịrịbẹm.>>
23Jizọs dugho a pịrịm, <<Ị numboru owitụ́wọ jẹ́ pa saghịbẹm.>>
24Mata pagharam, <<A nimim ḅẹẹ o jẹ́ pa saghịbẹm fịị ḅụ saghị ma ḅụ kunema éné.>>
25Jizọs dugho a pịrịm, <<Irị anịị fịị ḅụ saghị na pịghị duma ma. Ịḅụ mininiḅọ, n ḅọ fịị sọ pa dumabẹm; 26dumafịnị sị ịḅụ mininiḅọ gonyẹ́ gonyẹ́ jẹ́ éné jẹ́ éné fịịbịgha. Mịma ị minini?>>
27A warị ọ ḅẹẹ, <<Innh Inyanaḅọ, a mininim ḅẹ́ ịrị anịị Krais Tamuno Tụ́wọ tuminikiri ma ḅoo bẹḅọ ma.>>
Jizọs Owúm
28A mịma dugho fama sáá, a pịghịma sọm sị a numboru ọ́rụ́ḅọ Meri sị angaá pịrị warị a ḅẹẹ, <<Nyẹ́dieḅọ ma mịnga imii, ọ pịghị ị gbilaarị.>> 29Meri mịma náa sáá a sáá ngúmágha ḅara pa saghị sẹm sị ọ dámámuu. 30Mị́sa ma ḅụ Jizọs na káláama ma sọgha, kụ́ma ọ pa Mata ori na dona angaá ma ḅụ imi. 31Saghị éné éné Meri na fịnị Juuapụ ma warị bie, ḅoo a bie diinmaarịapụ ma árị sáá a sáá ngúmágha ḅara pa saghị pághá ḅara, n warị a dua sịarị ḅẹ́ a dupu yọ ma muarị a muu owú bẹ ḅara.
32Meri Jizọs fịnị angaá ma láa sáá sị ori arị sáá a sóghórokorom ọ ḅụọ anga warị ḅẹẹ, <<Inyanaḅọ i ḅọ́rọ́ mịnga ma ḅụ imi ọkụma i numboru owitụ́wọ mịị fịị ma ọ fịịbịgha.>>
33Jizọs Meri árị sáá owuarị pịghị a dua ḅoo Juuapụ ma árị owuarị, nna owuú ma ọ tẹ́mẹ́ lam sị opuma ojighemam. 34Ọ warị n gbíla, <<Ọ tẹ́ angaá o dipi?>> Nnị pagharam, <<Kị́nị́nyánáḅọ ḅo dighi.>>
35Jizọs owúm.
36Anịsáa Juuapụ ma warị ḅẹẹ, <<Dighii ori ọ ḅẹlẹma ḅara!>>
37Kụ́ma nna ḅụ jẹ́apụ dughom ḅẹẹ, <<Ori tọ́rụ pụụapụ tọ́rụ findiarị ḅọ ma ori ine mịị owitụ́wọ ma kikibịgha sị fịịbịgha ḅara.>>
Jizọs Lazarọs Saghịmam Fịị Ḅụ
38Fịị ma sima opuma Jizọs tẹ́mẹ́ lam, ọ warị dupu ma muu. Ọ́ dapịrịbie n kara pághámaḅo nyẹ, opu dapịrị imi nnị pa anị asọ mgbẹsẹ nyẹ. 39Jizọs dugho nnị pịrịm, <<Opu dapịrị ma dighi si.>>
<<Kụ́ma, Mata fịịḅọ ma numboru ọ́rụ́ḅọ, dughom, Kị́nị́nyánáḅọ, mị́sa anị saghị si onu nyánámam, ḅẹẹ, ínia dii lámam ọ fịịnyẹ.>>
40Anịsáa Jizọs wárị ḅẹẹ, <<A dugho ị pịrịgha ḅẹ́ ị ḅọ́rọ́ minini minini, ị Tamuno ipine ma árịbẹm?>>
41Nnị warị dapịrị ma mgbẹ́pẹ́lẹ́ si. Jizọs warị tọ́rụ saghị so dighi sị ḅẹẹ, <<Daa, a ị miẹḅam pa ị ḅẹm ḅẹẹ ịrị ị náa nam. 42A nimim ḅẹẹ sáá mamgba ịrị i náa nam, kụ́ma a mịma dughom mịnga sẹfịnịarịapụ ma gosi, nnị minini ḅẹ́ ḅara ḅẹẹ ịrị ị fịrịmam.>>
43Jizọs mịị ẹ́gẹ́rẹ́ ma kọọ fama sáá, ọ kụrọ pụghọ pa ilúghum, <<Lazarọs págháḅoo!>> 44Fịị owitụ́wọ ma págháḅom, nnị pa ọ fịna dụadipi alo, ọ ḅụọ na ọ ḅara na pa ọ ḅụ imi, na pịghị nnị pa ọ tọ́rụ fịna bịtẹ.
Jizọs dugho nnị pịrịm, <<Dụadipi bịtẹ fiima ọ ḅụ sị o soo.>>
Nnị Tọm Ḅẹẹ Nnị Jizọs Ḅaabẹm
(Mat 26.1-5; Mak 14.1,2; Luk 22.1,2)
45Mịma ḅụ ḅọ́rọ́, tọgha Juuapụ ḅoo Meri dighiapụ ma sị Jizọs mịẹnyẹ ma árị, ḅoo ọ ḅụ mininim. 46Kụ́ma nna ḅụ bẹ jẹ́apụ Farisiiapụ ma damamum sị dugho nnị pịrị Jizọs mịẹmáa nyẹ. 47Anịsáa igwagwaalaapụ ma na Farisiiapụ ma warị kụrọ ḅa ámátáarịapụ kobiri ma sịị.
Nnị warị jụghọ jụghọ gbíla, <<Wa tẹ́ mịẹbẹ? Mịị tọgha ḅụ́gbérépuma fịrịnwangịarị owitụ́wọ ma. 48Wamịnị ọ warị so so sị ọ mịị fịrị ma nwángị tórúku muu, tuminikiri gbọrụ ḅoo ọ ḅụ mininibẹm. Anịsa Romapụ ma ḅobẹm sị wámịna Tamunoopuwárị ma guluguluma na pịghị wámịna sẹ.>>
49Anịsáa nna ḅụ gbẹ́rẹ́ḅọ, Kayafas pa sịḅọ, ori anịị opu igwagwaḅọ ma anị kụ́rá ma ḅụ, pụghọ saghị igani bẹ, <<Ị tọ́rọ pa nwọfịnị oḅori sọ bẹ? 50Ị nimigha ḅẹ́ anị ibiḅam gbẹ́rẹ́ḅọ fịị túminị́ mamgba pịrị sẹ gbọrụ ma fịị nakaragha.>>
51Mịị ẹ́gẹ́rẹ́ ma ori kọ́rọ́ma ḅụ saghị ḅogha, kụ́ma opu igwagwaḅọ ḅara ma anị kụ́rá ma ḅụ, ori ikiakorom ḅẹẹ, Jizọs fịị Juu sẹ ma pịrịbẹm, 52anị sẹ ma ngéréghaa, kụ́ma n gálágáláma warị Tamuno awọ ma, nna akuoo sị n pa gbẹ́rẹ́nyẹ mịẹ. 53Anị éné ma ḅụ saghị tórúku muu n ḅẹrẹ biam n ḅara warị ọ ḅá bẹ ḅara.
54Mịma mịẹm Jizọs mịnị ọkọ pa pághagha, kị́nị́mamgba nimi ḅẹ́ ḅara ọ fịnị angaá, anịị Juuapụ ma ogbobie. Anịmanakaragha ori ọ ḅụ nụ́nụ́akị so Ifremu pa sị gbẹ́rẹ́ káláama múm, elesiri párángáa na kikianyẹ, aningáa ori ọrẹ ọḅụduaapụ ma na fịnịanga.
55Juuapụ Saḅaḅọ́rọ́ Álálị ma kikiamam, tọghaapụ elesiri angaá ma ḅụ saghị Jerusalem sọm sị nna ḅụ sịrị mịẹmịẹnyẹ ma mịẹ pa Sáḅáḅọ́rọ́ Álálị ma kúru. 56Nnị Jizọs dọghụarị, anịgo nnị Tamunoopuwarị ma angásá kobiri sáá nnị saghị jụghọ jụghọ gbilam, <<Ọ tọ́rọ pa anị arịị, ọ sị ḅẹ́ ọ mịị Álálị ma ḅoo bẹ?>> 57Kụ́ma igwagwaalaapụ ma na Farisiiapụ bịpị pịrịmam ḅẹ́ ọ fịnị angaá dọghụḅo ḅọ fịnịfịnị dugho sị nnị oku.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
©2024 Luke Initiative for Scripture Translation