मर्कूस 8
8
येशू चार हजार आदमीनके खबाइ
(मत्ती. 15:29-39)
1कुछ दिन पिच्छु जब येशू डेकापोलिस इलाकामे रहए, तओ एक बणी भिड येशूसे परमेश्वरको राज्यके बारेमे सुननके ताहीं इकट्ठा हुइगइ। बिनके ठिन खान बारो चीज कछु नाए बचो रहए। तओ येशू चेलनके अपने ठिन बुलाएके कही, 2“जे आदमी मिर सँग तीन दिनतक रहेडारी हएं और अब कछु खानके ताहीं नाए बचो हए, मोए बिनके ताहीं बहुत अग्ठो लगरहो हए। 3और अगर मए इनके भुँखे घर पठएहओं, तओ जे डगरमे बेहोस हुइजए हएं, काहेकी इन मैसे कुइ-कुइ आदमी दुरसे अएहएं।”
4तओ चेला बासे कहीं, “कोइ फिर जा एकन्त ठिहामे सब आदमीनके पुगन बारो खानु नाए ढुणपएहए!” 5येशू उनसे पुछी, “तुमर ठिन कए रोटी हएं?” बे जबाफ दइं, “हमर ठिन सात रोटी हएं।”
6फिर बा भिडके भिमे बैठन हुकुम दइ और बे बैठगए। जाके पिच्छु, येशू सात रोटी हातमे लैके परमेश्वरके धन्यबाद दइ और रोटीके दुई खुद्रा करी। तओ बा चेलनके रोटी देन सुरु करदइ, ताकी चेला आदमीनके बाँटपामएं। और बे आदमीके अग्गु पर्सदइं। 7बिनके ठिन कुछ छोटी-छोटी मछ्री फिर रहएं, और बा फिरसे परमेश्वरके धन्यबाद दइके बहु बिनके बाँटन लगाइ। 8तओ आदमी खाएके अघाइ गए। तओपिच्छु, चेला सात डलैया भरके उबरो भओ खुद्रा रोटी और मछ्री धरीं, जौनके कोइ आदमी नाए खाइ रहएं। 9हुवाँ लगभग चार हजार आदमी रहएं। 10बा भिडके बिदा करके पठाइ, और बा अपन चेलन सँग तुरन्त नैयाँमे चढके दलमनुथाके इलाकामे गओ।
फरिसी समुहके गुरु चिन्हा मागीं
11फरिसीनको समुह मैसे कुछ आदमी येशूके ठिन आएके बासे बहस करन लागे। बे बाके फसान चाँहत रहएं, जहेमारे बे बाके स्वर्ग मैसे एक शक्तिशाली चमत्कार दिखानके ताहीं कहीं। ताकी बे जान पामएं, कि परमेश्वर बाके अपन अधिकार दइ हए कि नाए। 12उनको अबिश्वासके मारे येशू गहिरो सास लैके उनसे कही, “तुम, जा पिढीके आदमी काहे शक्तिशाली चमत्कार ढुणत हओ? पक्कए मए तुमसे कहात हओं, जा पिढीके आदमीनके कोइ चिन्हा नाए मिलैगो।” 13फिर, बा फरिसीनको समुहके छोडके अपने चेलनके सँग फिरसे नैयाँमे चढो और बे गालील समुन्दरके चारौ घेन होत अग्गु बढिगए।
फरिसीनको समुह और राजा हेरोदको खमिर
(मत्ती. 16:5-12)
14येशूके चेला अपन सँगमे पुगन बारो खानु लैजान भुलगए रहएं, और नैयाँमे बिनके सँग एकए रोटी रहए। 15येशू चेलनके होसियारीसे चेतावनी दइ, “फरिसीनको समुहको खमिर और राजा हेरोदके खमिरसे होसियार रहियओ।”
16पर बिनके सँगमे रोटी नाए रहए बहेमारे येशू उनहीनसे कही हए करके बे आपसमे सल्लहा करन लागे। 17येशू जा बात पता पाएके बिनसे कही, “रोटी नाए हए कहिके काहे तुम सल्लहा करत हओ? का तुमर मन बिश्वास करनमे अभौफिर हिचकिचात हए? का तुम अभौफिर नाए समझ पाएरहेहओ? 18का तुमर आँखी अन्धरा हएं? का तुमर कान बन्द हुइगए हएं? का तुम भुलीगए हओ? 19जब मए, बे पाँच हजार आदमीनके पाँच रोटीसे इकल्लो खबाओ, तओ तुम उब्रे भए कित्नो डलैया उठाए रहओ?” बे येशूसे कहीं, “बाह्र डलैया उठाए रहएं।” 20येशू उनसे कही, “और जब मए सात रोटी चार हजार आदमीनके बीचमे बाँटो रहओं, तओ तुम उब्रे भए कित्नो डलैया बटोरे रहओ?” चेला बासे कहीं, “हम सात डलैया बटोरे रहएं।” 21बा बिनसे कही, “और तुम अभौफिर नाए बुझे, कि मए कौन हओं!”
बेथसेदाको अन्धरा देखन बारो भओ
22तओ येशू और बाके चेला बेथसेदा गाउँमे आए, और आदमी एक अन्धराके बक ठिन लाइं, और बक छुइदे करके बिन्ती करीं। 23येशू बो अन्धरा आदमीको हात पकणके बोके गाउँसे बाहिर ल्याइ। फिर येशू अपनो थुक, बक आँखीमे लगाइ और अपन हात बक उपर धरके बोसे पुछी, “का तए कुछ देखत हए?” 24और उपर देखके बो कही, “अब मए आदमीनके देखलेत हओं, पर मए बिनके बहुत सफासे नाए देख पातहओं। बे रुखा कता नेँगत देखाइ देत हएं।” 25तओ येशू फिर दुबारा बक आँखीमे हात धरी। तओ बो आदमी अपनी आँखी खोली और अच्छो हुइगओ रहए और अब बो सब कुछ स्पष्ट देखलेत रहए। 26तओ पिच्छु येशू बोके अइसे कहिके बोको घर पठाइ, “अपने घरमे लौटजा, पर हियाँ का भओ कहिके जा बात गाउँ बारेनके बतानके ताहीं, गाउँमे मत् घुसिए।”
पत्रुस येशूके मानी
(मत्ती. 16:13-16; लूक. 9:18-21)
27येशू और बाके चेला बेथसेदा गाउँ छोडके कैसरिया फिलिप्पी सहरके ढिँगैके गाउँमे गए। डगरमे जात पेती बा अपन चेलनसे अइसे करके पुँछी, “आदमी मिर बारेमे का कहिरहे हएं?” 28चेला बाके जबाफ दइं, “कोइ आदमी कहात हएं, कि तए बप्तिस्मा देन बारो यूहन्ना हए। कोइ कहात हएं, कि तए एलिया अगमबक्ता हए। और दुस्रे आदमी कहात हएं, कि तए औरे अगमबक्ता मैसे कोइ एक हए।” 29तओ येशू उनसे पुछी, “पर तुम अपनएमे का सोँचत हओ, मए कौन हओं?” पत्रुस जबाफ दइके बासे कही, “तुम ख्रीष्ट हओ, जोके परमेश्वर पठाइ हए।” 30तओ येशू बिनके चेतावनी दइ, कि बे बाके बारेमे कोइके नाए बतामएं।
अपना मरनके बारेमे येशूको भबिष्यबाणी
(मत्ती. 16:21-28; लूक. 9:22-27)
31तओ येशू अपन चेलनके सिखान सुरु करी, कि आदमीको लौंणाके बहुत दुख भोगन पणैगो, और यहूदी अगुवनको समुहसे, मुखिया यहूदी पुजारीसे और मोशाको नियम कानुन सिखान बारेसे इन्कार करो जएहए और मारो जएहए, फिर तिसरो दिनमे जिन्दा हुइके उठो जएहए। 32अइसे बा जा बात सिधे रुपसे कहान लगो। पर जा सुनके पत्रुस बाके एक घेन लैजाएके डाँटन लागो। 33पर येशू पिच्छु मुणो और चेलाके देखी और फिर पत्रुसके डाँटी, “ए शैतान, मोसे दुर जा! तए परमेश्वरके जैसो नाए, बल्कि आदमीके जैसो सोँच रहो हए।”
चेला बननको अर्थ
34तओ, बा अपन चेलनके सँगमे भिडके अपन ठिन बुलाएके उनसे कही, “अगर तुम मिर चेला बनन्के चाँहत हओ कहेसे, तुमके अपनएके भुलन पणैगो। तुमके मेरे ताहीं दुख सहन पणैगो, हियाँतककी तुमके मरनके ताहीं फिर तयार होन पणैगो। तओ तुम मिर चेला बननके ताहीं अपन क्रूस उठाएके मिर सँग आए पाबैगे। 35काहेकी जौन अपन प्राण बचानके इच्छा करत हए, बो बाके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो। 36अगर कोइ आदमी संसारको सब चीज पाएके धनी बन्जएहए, पर बो परमेश्वरके सँग सदाकालको जीबनको मौका खोएदेहए कहेसे बोके का फाइदा हुइहए? कुछु फिर नाए! 37और एक आदमी सदाकालको जीबनके किनन ताहीं परमेश्वरके का दएपएहए? कुछु फिर नाए! 38और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”
المحددات الحالية:
मर्कूस 8: THRNT
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
मर्कूस 8
8
येशू चार हजार आदमीनके खबाइ
(मत्ती. 15:29-39)
1कुछ दिन पिच्छु जब येशू डेकापोलिस इलाकामे रहए, तओ एक बणी भिड येशूसे परमेश्वरको राज्यके बारेमे सुननके ताहीं इकट्ठा हुइगइ। बिनके ठिन खान बारो चीज कछु नाए बचो रहए। तओ येशू चेलनके अपने ठिन बुलाएके कही, 2“जे आदमी मिर सँग तीन दिनतक रहेडारी हएं और अब कछु खानके ताहीं नाए बचो हए, मोए बिनके ताहीं बहुत अग्ठो लगरहो हए। 3और अगर मए इनके भुँखे घर पठएहओं, तओ जे डगरमे बेहोस हुइजए हएं, काहेकी इन मैसे कुइ-कुइ आदमी दुरसे अएहएं।”
4तओ चेला बासे कहीं, “कोइ फिर जा एकन्त ठिहामे सब आदमीनके पुगन बारो खानु नाए ढुणपएहए!” 5येशू उनसे पुछी, “तुमर ठिन कए रोटी हएं?” बे जबाफ दइं, “हमर ठिन सात रोटी हएं।”
6फिर बा भिडके भिमे बैठन हुकुम दइ और बे बैठगए। जाके पिच्छु, येशू सात रोटी हातमे लैके परमेश्वरके धन्यबाद दइ और रोटीके दुई खुद्रा करी। तओ बा चेलनके रोटी देन सुरु करदइ, ताकी चेला आदमीनके बाँटपामएं। और बे आदमीके अग्गु पर्सदइं। 7बिनके ठिन कुछ छोटी-छोटी मछ्री फिर रहएं, और बा फिरसे परमेश्वरके धन्यबाद दइके बहु बिनके बाँटन लगाइ। 8तओ आदमी खाएके अघाइ गए। तओपिच्छु, चेला सात डलैया भरके उबरो भओ खुद्रा रोटी और मछ्री धरीं, जौनके कोइ आदमी नाए खाइ रहएं। 9हुवाँ लगभग चार हजार आदमी रहएं। 10बा भिडके बिदा करके पठाइ, और बा अपन चेलन सँग तुरन्त नैयाँमे चढके दलमनुथाके इलाकामे गओ।
फरिसी समुहके गुरु चिन्हा मागीं
11फरिसीनको समुह मैसे कुछ आदमी येशूके ठिन आएके बासे बहस करन लागे। बे बाके फसान चाँहत रहएं, जहेमारे बे बाके स्वर्ग मैसे एक शक्तिशाली चमत्कार दिखानके ताहीं कहीं। ताकी बे जान पामएं, कि परमेश्वर बाके अपन अधिकार दइ हए कि नाए। 12उनको अबिश्वासके मारे येशू गहिरो सास लैके उनसे कही, “तुम, जा पिढीके आदमी काहे शक्तिशाली चमत्कार ढुणत हओ? पक्कए मए तुमसे कहात हओं, जा पिढीके आदमीनके कोइ चिन्हा नाए मिलैगो।” 13फिर, बा फरिसीनको समुहके छोडके अपने चेलनके सँग फिरसे नैयाँमे चढो और बे गालील समुन्दरके चारौ घेन होत अग्गु बढिगए।
फरिसीनको समुह और राजा हेरोदको खमिर
(मत्ती. 16:5-12)
14येशूके चेला अपन सँगमे पुगन बारो खानु लैजान भुलगए रहएं, और नैयाँमे बिनके सँग एकए रोटी रहए। 15येशू चेलनके होसियारीसे चेतावनी दइ, “फरिसीनको समुहको खमिर और राजा हेरोदके खमिरसे होसियार रहियओ।”
16पर बिनके सँगमे रोटी नाए रहए बहेमारे येशू उनहीनसे कही हए करके बे आपसमे सल्लहा करन लागे। 17येशू जा बात पता पाएके बिनसे कही, “रोटी नाए हए कहिके काहे तुम सल्लहा करत हओ? का तुमर मन बिश्वास करनमे अभौफिर हिचकिचात हए? का तुम अभौफिर नाए समझ पाएरहेहओ? 18का तुमर आँखी अन्धरा हएं? का तुमर कान बन्द हुइगए हएं? का तुम भुलीगए हओ? 19जब मए, बे पाँच हजार आदमीनके पाँच रोटीसे इकल्लो खबाओ, तओ तुम उब्रे भए कित्नो डलैया उठाए रहओ?” बे येशूसे कहीं, “बाह्र डलैया उठाए रहएं।” 20येशू उनसे कही, “और जब मए सात रोटी चार हजार आदमीनके बीचमे बाँटो रहओं, तओ तुम उब्रे भए कित्नो डलैया बटोरे रहओ?” चेला बासे कहीं, “हम सात डलैया बटोरे रहएं।” 21बा बिनसे कही, “और तुम अभौफिर नाए बुझे, कि मए कौन हओं!”
बेथसेदाको अन्धरा देखन बारो भओ
22तओ येशू और बाके चेला बेथसेदा गाउँमे आए, और आदमी एक अन्धराके बक ठिन लाइं, और बक छुइदे करके बिन्ती करीं। 23येशू बो अन्धरा आदमीको हात पकणके बोके गाउँसे बाहिर ल्याइ। फिर येशू अपनो थुक, बक आँखीमे लगाइ और अपन हात बक उपर धरके बोसे पुछी, “का तए कुछ देखत हए?” 24और उपर देखके बो कही, “अब मए आदमीनके देखलेत हओं, पर मए बिनके बहुत सफासे नाए देख पातहओं। बे रुखा कता नेँगत देखाइ देत हएं।” 25तओ येशू फिर दुबारा बक आँखीमे हात धरी। तओ बो आदमी अपनी आँखी खोली और अच्छो हुइगओ रहए और अब बो सब कुछ स्पष्ट देखलेत रहए। 26तओ पिच्छु येशू बोके अइसे कहिके बोको घर पठाइ, “अपने घरमे लौटजा, पर हियाँ का भओ कहिके जा बात गाउँ बारेनके बतानके ताहीं, गाउँमे मत् घुसिए।”
पत्रुस येशूके मानी
(मत्ती. 16:13-16; लूक. 9:18-21)
27येशू और बाके चेला बेथसेदा गाउँ छोडके कैसरिया फिलिप्पी सहरके ढिँगैके गाउँमे गए। डगरमे जात पेती बा अपन चेलनसे अइसे करके पुँछी, “आदमी मिर बारेमे का कहिरहे हएं?” 28चेला बाके जबाफ दइं, “कोइ आदमी कहात हएं, कि तए बप्तिस्मा देन बारो यूहन्ना हए। कोइ कहात हएं, कि तए एलिया अगमबक्ता हए। और दुस्रे आदमी कहात हएं, कि तए औरे अगमबक्ता मैसे कोइ एक हए।” 29तओ येशू उनसे पुछी, “पर तुम अपनएमे का सोँचत हओ, मए कौन हओं?” पत्रुस जबाफ दइके बासे कही, “तुम ख्रीष्ट हओ, जोके परमेश्वर पठाइ हए।” 30तओ येशू बिनके चेतावनी दइ, कि बे बाके बारेमे कोइके नाए बतामएं।
अपना मरनके बारेमे येशूको भबिष्यबाणी
(मत्ती. 16:21-28; लूक. 9:22-27)
31तओ येशू अपन चेलनके सिखान सुरु करी, कि आदमीको लौंणाके बहुत दुख भोगन पणैगो, और यहूदी अगुवनको समुहसे, मुखिया यहूदी पुजारीसे और मोशाको नियम कानुन सिखान बारेसे इन्कार करो जएहए और मारो जएहए, फिर तिसरो दिनमे जिन्दा हुइके उठो जएहए। 32अइसे बा जा बात सिधे रुपसे कहान लगो। पर जा सुनके पत्रुस बाके एक घेन लैजाएके डाँटन लागो। 33पर येशू पिच्छु मुणो और चेलाके देखी और फिर पत्रुसके डाँटी, “ए शैतान, मोसे दुर जा! तए परमेश्वरके जैसो नाए, बल्कि आदमीके जैसो सोँच रहो हए।”
चेला बननको अर्थ
34तओ, बा अपन चेलनके सँगमे भिडके अपन ठिन बुलाएके उनसे कही, “अगर तुम मिर चेला बनन्के चाँहत हओ कहेसे, तुमके अपनएके भुलन पणैगो। तुमके मेरे ताहीं दुख सहन पणैगो, हियाँतककी तुमके मरनके ताहीं फिर तयार होन पणैगो। तओ तुम मिर चेला बननके ताहीं अपन क्रूस उठाएके मिर सँग आए पाबैगे। 35काहेकी जौन अपन प्राण बचानके इच्छा करत हए, बो बाके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो। 36अगर कोइ आदमी संसारको सब चीज पाएके धनी बन्जएहए, पर बो परमेश्वरके सँग सदाकालको जीबनको मौका खोएदेहए कहेसे बोके का फाइदा हुइहए? कुछु फिर नाए! 37और एक आदमी सदाकालको जीबनके किनन ताहीं परमेश्वरके का दएपएहए? कुछु फिर नाए! 38और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.