मर्कूस 9
9
1फिर येशू भिड और अपने चेलनसे कही, “नेहात्तओ, मए तुमसे कहात हओं, तुम मैसे कुछ आदमी जो हियाँ ठाणे हएं, बे देखंगे, कि बाके मरनसे पहिले परमेश्वरको राज्य एक नयाँ और महान शक्तिके तरिकासे आइगओ हए।”
येशूको रुप बदलो
(मत्ती. 17:1-13; लूक. 9:28-36)
2छय दिन पिच्छु येशू पत्रुस, याकूब और यूहन्नाके अपने सँग लैके बे एकए सँग उँचो पहाडमे चढिगए। जब चेला देखीं तओ अचानक येशूको रुप बदलिगओ। 3और बाको कुर्ता चमकनलागो और इतनो सेतो हुइगओ, कि कोइ फिर बाके धोएके उत्तो सेतो नाए कर्पएहए। 4तओ, जे दुई परमेश्वरके घेनसे बोलन बारे वक्ता, एलिया और मोशा दिखाइ पणे, और येशूसे बात चित करत बे तीन चेला देखीं।
5पत्रुस येशूसे कही, “महान गुरु, हमके हियाँ रहान अच्छो भओ। हम हियाँ तीन तम्भु बनामएं, एक तेरे ताहीं, एक मोशाके ताहीं और एक एलियाके ताहीं।” 6पत्रुस अइसे जहेमारे कही काहेकी पत्रुस और दुस्रे दुई चेला घबणीयाए गए रहएं, और नाए जानत रहएं, कि का कहान हए या का नाए कहान हए।
7और एक बादर आएके बिनके तोपदइ, और परमेश्वर बद्रि मैसे बोली, “जा मिर प्यारो लौंणा हए, बा जो कएहए बोमे ध्यान दियओ।” 8और झट्ट बे आसपिस देखीं और अपन सँगमे येशू बाहेक और कोइके नाए देखीं। 9जब येशू और बाके तीन चेला पहाडसे उतरत रहएं, तओ येशू बिनके हुकुम दइ, “मए, आदमीको लौंणा, मरके जीबनमे लौटके नाए आनतक कोइके फिर जा मत् बतैयओ, कि तुम का देखे हओ।” 10जहेमारे, बे जा बात अपने ठिन धरीँ, पर बे जाके बारेमे बात करन सुरु करीं, “मए, आदमीको लौंणा मरके जीबनमे लौटके आनतक, को मतलब का हए?” 11और चेला बासे अइसे करके पुछीं, “ख्रीष्टसे पहिले एलियाके आन पणैगो कहिके मोशाको नियम कानुन सिखान बारे काहे कहात हएं?”
12-13येशू जबाफ दइ “जा ठिक हए, कि परमेश्वर एलियाके पठानके बाचा करी रहए ताकी बो सब कुछ सही करनके ताहीं पहिले आएजाए। पर एलिया पहिलीसे आइगओ हए, और हमर अगुवा बोके सँग जैसे मन भओ उइसी बहुत खराब ब्यबहार करीं। जैसेकी अगमबक्ता बहुत पहिलीयए कही रहएं, कि बे करंगे। पर मए, आदमीको लौंणाके बारेमे पबित्र-शास्त्रमे बहुत कुछ लिखो हए। बचन कहात हए, कि मए बहुत दुख सहामंगो और आदमी मोके स्वीकार नाए करंगे।”
भुत लागो भओ मनै छुटकारा पाइ
(मत्ती. 17:14-21; लूक. 9:37-43)
14जब येशू और बाके तीन चेला दुस्रे चेलनके ठिन पहाडसे घुमके आए, एक बहुत बणी भिड बिनके घेरीं और बिनके सँग मोशाको नियम कानुन सिखान बारे आदमी बहस करत बे देखीं। 15जैसियए जम्मए आदमी येशूके देखीं बे गजब अचम्मो मानी, और बाके ठिन दौडके आएके अभिबादन करीं।
16येशू उनसे पुछी, “तुम काके बारेमे इनसे अइसे बहस करत हओ?” 17भिड मैसे एक जनै बाके जबाफ दइ, “महान गुरु, मए अपनो लौंणाके लाओ हओं जामे एक भुत हए जो बोके बात करनसे रोकत हए। 18जबही जा भुत बोके पकणत हए, तओ भुत जाके जोडसे अइँठाएके तरे गिरात हए। बोको मुँहुँसे फुफना निकरत हए, और बो अपन दाँत किटकिटात हए और कर्रो हुइके हाल नाए पात हए। मए तिर चेलनसे, भुतके बाहिर निकारनके कहो, पर बिनके अइसो करनके शक्ति नाए रहए।”
19तओ येशू बिनके जबाफ दइ, “ए अबिश्वासी आदमी! मए कहाँ तक तुमर सँग रएहओं? कहाँ तक मए तुमके सहामओं? बो लौंणाके मिर ठिन लियाबओ।” 20तभीमारे बे लौंणाके येशू ठिन ल्याइं। और जब भुत येशूके देखी, बो भुत तुरन्त लौंणाके फतफतबाइ, और बो भिमे गिरके फुफना काढत लौटपउट करन लागो।
21येशू लौंणाको दौवासे पुछी, “जाके कबसे अइसो भओ हए?” बो कही, “जाके बच्चएसे अइसियए हुइ रहो हए। 22बहुत चोटी भुत बोके आगी और पानीमे फेकके मारन कोसिस करीहए। अगर तुम कुछ करपात हओ, कहेसे दया करके हमके मदत करदेओ।”
23येशू बोके जबाफ दइ, “‘अगर तुम कुछ करपात हओ कहेसे’ करके तुम काहे कहात हओ? बिश्वास करन बारेनके ताहीं सबए चीज सम्भब हए।”
24तओ झट्ट लौंणाको दौवा चिल्लाएके कही, “मए बिश्वास करत हओं। कृपया मिर शंखा हटाए देओ।” 25जब येशू देखी, कि औ जद्धा भिड बाके देखन ताहीं इकट्ठा होत रहएं, तओ येशू बो भुतसे कडा रुपसे बात करी, जौन भुत बो लौंणाके बात करन और सुननसे रोके लगाए रहए। और येशू अइसे करके डाँटी, “ए गुँगो और बहिरा भुत, मए तोके हुकुम करत हओं, बोके छोडदे, और फिर कभु बोके भितर मतघुसीए।”
26तओ भुत बोके किकबाएके गजब जोडसे फतफतबाइ और बो भुत निकरिगओ। और बो लौंणा बेहोस हुइके हुवाँ लेटीगओ और लहास कता हुइगओ, बे आदमी कहान लागे कि बो मरिगओ हए। 27तओ तुरन्त येशू बोको हात पकणके उठाइ, और बो अच्छो हुइके उठीगओ।
28जब येशू और बाके चेला घर भितर चलेगए, तओ बाके चेला बासे, इकल्ले भएबेरा पुछीं, “हम भुतके काहेनाए निकारपाए?” 29फिर येशू जबाफ दइ, “जा मेलको भुत परमेश्वरसे प्राथनाके बिना आदमीनसे बाहिर नाए निकरत हए।”
येशू अपना मरनके बारेमे दुस्रो चोटी बताइ
30तओ पिच्छु, येशू और बाके चेला बो ठिहा छोडके गालील परदेश हुइके गए। येशू नाए चाँहत रहए, कि कोइके पता चलए कि बा कहाँ हए, 31काहेकी बा अपन चेलनके सँग जद्धी समय बितान और बिनके सिखान चाँहत रहए। बा उनसे कही, “जल्दीयए कोइ, मए आदमीको लौंणाके मिर दुस्मनके अधिकारमे सौप देहए, और बे आदमी मोके मार डारङगे। और मए मरके तीन दिन पिच्छु फिर जिन्दा हुइके उठजएहओं।” 32पर येशूको बात बे बुझ नाए पाइं, और बासे पुछनके डरइगए।
चेलामे सबसे बडो कौन हए?
(मत्ती. 18:1-5; लूक. 9:46-48)
33येशू और बाके चेला कफर्नहुम सहरमे अपन घर गए। जब बे घरके भितर रहएं, येशू उनसे पुछी, “डगरमे तुम का छलफल करत रहओ?” 34तओ बे चुप रहे, काहेकी डगरमे बे “उन मैसे सबसे बडो कौन हुइहए” करके आपसमे छलफल करत रहएं।
35येशू बैठिगओ और बाह्र चेलनके अपने ठिन इकट्ठा होनके ताहीं बुलाइ और उनसे कही, “अगर कोइ आदमी बडो बनन चाँहत हए तओ पहिले अपनएके सबसे छोटो सम्झए और सबको सेवक बनए।” 36तओ येशूके ठिन एक बालका ठाणो रहए। बा बालकाके उपर अपन दहिना हात धरी और भिडसे कही, 37“जौन छोटो बालका मैसे एक जनैके स्वागत करैगो और मदत करैगो कहेसे बे मोके प्यार करत हएं। जा मिर स्वागत करोजैसो हए। और जौन मोके स्वागत करैगो बो मोए इकल्लो नाए, पर मोके पठान बारेके फिर स्वागत करैगो।”
38यूहन्ना बासे कही, “महान गुरु, एक आदमी तिर नाउँको अधिकारसे भुत निकारत हम देखे। हम बोके अइसे करन मनाही करे, काहेकी बो हमर हानी चेला मैसे नाए रहए।”
39पर येशू कही, “कोइ फिर, जो मिर नाउँको अधिकारसे शक्तिशाली चमत्कार करत हए, बो तुरन्त पिच्छु मिर बेज्जत फिर करसकतहए। 40काहेकी जौन हमर दुस्मन नाएहए बो हमर सँगी हए। 41नेहात्तओ मए तुमसे कहात हओं, जौन तुमए ख्रीष्टको हए करके मिर नाउँमे एक गिलास पानी देहए कहेसे बोको इनाम बो पाबैगो।”
बाधा देन बारेनके चितावनी
42“कोइके फिर, घेँटमे चकियाको पट्टा बाँधके बोके समुन्दरमे फेकदेनो बहुत भारी सजाय हए। पर अगर कोइ फिर, जे छोटे मैसे जो मोएमे बिश्वास करत हएं, बिनके पाप करनके लगबैगो तओ बोके, जासे फिर अग्ठो सजाय मिलैगो। 43अगर तुमर हात तुमके पाप करनके लागतहए कहेसे जाके काट देओ। दुई हात हुइके कभु नाए बुतन बारी नरककी आगीमे जानेसे लुला हुइके स्वर्गमे घुसन ठिक हए। 44नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 45अगर तुमर टाँग तुमके पाप करनके लागतहए कहेसे जाके काट देओ। दुई टाँग लैके नरकमे जानेसे त बरु लंगणा हुइके स्वर्गमे घुसन तुमर ताहीं ठिक हए। 46नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 47अइसियए, अगर तुमरी आँखी तुमके पाप करनके लगात हए कहेसे बोके निकारके फेकदेओ। दुई आँखी हुइके नरकमे जानेसे त काना हुइके परमेश्वरको राज्यमे घुसन तुमर ताहीं ठिक हए। 48नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 49सबके आगीसे शुद्ध करो जएहए जैसेकी नूनसे बलिदान शुद्ध होत हए, काहेकी सबए आगीसे नुनाइन करो जाइगो। 50नुन अच्छो हए, पर अगर नुनको स्वाद चलो जएहए कहेसे बोको स्वाद फिर कैसे लामङगे? तुममे नुनको गुण होन पणो और एकदुस्रेके सँग शान्तिसे रहान पणो।”
المحددات الحالية:
मर्कूस 9: THRNT
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
मर्कूस 9
9
1फिर येशू भिड और अपने चेलनसे कही, “नेहात्तओ, मए तुमसे कहात हओं, तुम मैसे कुछ आदमी जो हियाँ ठाणे हएं, बे देखंगे, कि बाके मरनसे पहिले परमेश्वरको राज्य एक नयाँ और महान शक्तिके तरिकासे आइगओ हए।”
येशूको रुप बदलो
(मत्ती. 17:1-13; लूक. 9:28-36)
2छय दिन पिच्छु येशू पत्रुस, याकूब और यूहन्नाके अपने सँग लैके बे एकए सँग उँचो पहाडमे चढिगए। जब चेला देखीं तओ अचानक येशूको रुप बदलिगओ। 3और बाको कुर्ता चमकनलागो और इतनो सेतो हुइगओ, कि कोइ फिर बाके धोएके उत्तो सेतो नाए कर्पएहए। 4तओ, जे दुई परमेश्वरके घेनसे बोलन बारे वक्ता, एलिया और मोशा दिखाइ पणे, और येशूसे बात चित करत बे तीन चेला देखीं।
5पत्रुस येशूसे कही, “महान गुरु, हमके हियाँ रहान अच्छो भओ। हम हियाँ तीन तम्भु बनामएं, एक तेरे ताहीं, एक मोशाके ताहीं और एक एलियाके ताहीं।” 6पत्रुस अइसे जहेमारे कही काहेकी पत्रुस और दुस्रे दुई चेला घबणीयाए गए रहएं, और नाए जानत रहएं, कि का कहान हए या का नाए कहान हए।
7और एक बादर आएके बिनके तोपदइ, और परमेश्वर बद्रि मैसे बोली, “जा मिर प्यारो लौंणा हए, बा जो कएहए बोमे ध्यान दियओ।” 8और झट्ट बे आसपिस देखीं और अपन सँगमे येशू बाहेक और कोइके नाए देखीं। 9जब येशू और बाके तीन चेला पहाडसे उतरत रहएं, तओ येशू बिनके हुकुम दइ, “मए, आदमीको लौंणा, मरके जीबनमे लौटके नाए आनतक कोइके फिर जा मत् बतैयओ, कि तुम का देखे हओ।” 10जहेमारे, बे जा बात अपने ठिन धरीँ, पर बे जाके बारेमे बात करन सुरु करीं, “मए, आदमीको लौंणा मरके जीबनमे लौटके आनतक, को मतलब का हए?” 11और चेला बासे अइसे करके पुछीं, “ख्रीष्टसे पहिले एलियाके आन पणैगो कहिके मोशाको नियम कानुन सिखान बारे काहे कहात हएं?”
12-13येशू जबाफ दइ “जा ठिक हए, कि परमेश्वर एलियाके पठानके बाचा करी रहए ताकी बो सब कुछ सही करनके ताहीं पहिले आएजाए। पर एलिया पहिलीसे आइगओ हए, और हमर अगुवा बोके सँग जैसे मन भओ उइसी बहुत खराब ब्यबहार करीं। जैसेकी अगमबक्ता बहुत पहिलीयए कही रहएं, कि बे करंगे। पर मए, आदमीको लौंणाके बारेमे पबित्र-शास्त्रमे बहुत कुछ लिखो हए। बचन कहात हए, कि मए बहुत दुख सहामंगो और आदमी मोके स्वीकार नाए करंगे।”
भुत लागो भओ मनै छुटकारा पाइ
(मत्ती. 17:14-21; लूक. 9:37-43)
14जब येशू और बाके तीन चेला दुस्रे चेलनके ठिन पहाडसे घुमके आए, एक बहुत बणी भिड बिनके घेरीं और बिनके सँग मोशाको नियम कानुन सिखान बारे आदमी बहस करत बे देखीं। 15जैसियए जम्मए आदमी येशूके देखीं बे गजब अचम्मो मानी, और बाके ठिन दौडके आएके अभिबादन करीं।
16येशू उनसे पुछी, “तुम काके बारेमे इनसे अइसे बहस करत हओ?” 17भिड मैसे एक जनै बाके जबाफ दइ, “महान गुरु, मए अपनो लौंणाके लाओ हओं जामे एक भुत हए जो बोके बात करनसे रोकत हए। 18जबही जा भुत बोके पकणत हए, तओ भुत जाके जोडसे अइँठाएके तरे गिरात हए। बोको मुँहुँसे फुफना निकरत हए, और बो अपन दाँत किटकिटात हए और कर्रो हुइके हाल नाए पात हए। मए तिर चेलनसे, भुतके बाहिर निकारनके कहो, पर बिनके अइसो करनके शक्ति नाए रहए।”
19तओ येशू बिनके जबाफ दइ, “ए अबिश्वासी आदमी! मए कहाँ तक तुमर सँग रएहओं? कहाँ तक मए तुमके सहामओं? बो लौंणाके मिर ठिन लियाबओ।” 20तभीमारे बे लौंणाके येशू ठिन ल्याइं। और जब भुत येशूके देखी, बो भुत तुरन्त लौंणाके फतफतबाइ, और बो भिमे गिरके फुफना काढत लौटपउट करन लागो।
21येशू लौंणाको दौवासे पुछी, “जाके कबसे अइसो भओ हए?” बो कही, “जाके बच्चएसे अइसियए हुइ रहो हए। 22बहुत चोटी भुत बोके आगी और पानीमे फेकके मारन कोसिस करीहए। अगर तुम कुछ करपात हओ, कहेसे दया करके हमके मदत करदेओ।”
23येशू बोके जबाफ दइ, “‘अगर तुम कुछ करपात हओ कहेसे’ करके तुम काहे कहात हओ? बिश्वास करन बारेनके ताहीं सबए चीज सम्भब हए।”
24तओ झट्ट लौंणाको दौवा चिल्लाएके कही, “मए बिश्वास करत हओं। कृपया मिर शंखा हटाए देओ।” 25जब येशू देखी, कि औ जद्धा भिड बाके देखन ताहीं इकट्ठा होत रहएं, तओ येशू बो भुतसे कडा रुपसे बात करी, जौन भुत बो लौंणाके बात करन और सुननसे रोके लगाए रहए। और येशू अइसे करके डाँटी, “ए गुँगो और बहिरा भुत, मए तोके हुकुम करत हओं, बोके छोडदे, और फिर कभु बोके भितर मतघुसीए।”
26तओ भुत बोके किकबाएके गजब जोडसे फतफतबाइ और बो भुत निकरिगओ। और बो लौंणा बेहोस हुइके हुवाँ लेटीगओ और लहास कता हुइगओ, बे आदमी कहान लागे कि बो मरिगओ हए। 27तओ तुरन्त येशू बोको हात पकणके उठाइ, और बो अच्छो हुइके उठीगओ।
28जब येशू और बाके चेला घर भितर चलेगए, तओ बाके चेला बासे, इकल्ले भएबेरा पुछीं, “हम भुतके काहेनाए निकारपाए?” 29फिर येशू जबाफ दइ, “जा मेलको भुत परमेश्वरसे प्राथनाके बिना आदमीनसे बाहिर नाए निकरत हए।”
येशू अपना मरनके बारेमे दुस्रो चोटी बताइ
30तओ पिच्छु, येशू और बाके चेला बो ठिहा छोडके गालील परदेश हुइके गए। येशू नाए चाँहत रहए, कि कोइके पता चलए कि बा कहाँ हए, 31काहेकी बा अपन चेलनके सँग जद्धी समय बितान और बिनके सिखान चाँहत रहए। बा उनसे कही, “जल्दीयए कोइ, मए आदमीको लौंणाके मिर दुस्मनके अधिकारमे सौप देहए, और बे आदमी मोके मार डारङगे। और मए मरके तीन दिन पिच्छु फिर जिन्दा हुइके उठजएहओं।” 32पर येशूको बात बे बुझ नाए पाइं, और बासे पुछनके डरइगए।
चेलामे सबसे बडो कौन हए?
(मत्ती. 18:1-5; लूक. 9:46-48)
33येशू और बाके चेला कफर्नहुम सहरमे अपन घर गए। जब बे घरके भितर रहएं, येशू उनसे पुछी, “डगरमे तुम का छलफल करत रहओ?” 34तओ बे चुप रहे, काहेकी डगरमे बे “उन मैसे सबसे बडो कौन हुइहए” करके आपसमे छलफल करत रहएं।
35येशू बैठिगओ और बाह्र चेलनके अपने ठिन इकट्ठा होनके ताहीं बुलाइ और उनसे कही, “अगर कोइ आदमी बडो बनन चाँहत हए तओ पहिले अपनएके सबसे छोटो सम्झए और सबको सेवक बनए।” 36तओ येशूके ठिन एक बालका ठाणो रहए। बा बालकाके उपर अपन दहिना हात धरी और भिडसे कही, 37“जौन छोटो बालका मैसे एक जनैके स्वागत करैगो और मदत करैगो कहेसे बे मोके प्यार करत हएं। जा मिर स्वागत करोजैसो हए। और जौन मोके स्वागत करैगो बो मोए इकल्लो नाए, पर मोके पठान बारेके फिर स्वागत करैगो।”
38यूहन्ना बासे कही, “महान गुरु, एक आदमी तिर नाउँको अधिकारसे भुत निकारत हम देखे। हम बोके अइसे करन मनाही करे, काहेकी बो हमर हानी चेला मैसे नाए रहए।”
39पर येशू कही, “कोइ फिर, जो मिर नाउँको अधिकारसे शक्तिशाली चमत्कार करत हए, बो तुरन्त पिच्छु मिर बेज्जत फिर करसकतहए। 40काहेकी जौन हमर दुस्मन नाएहए बो हमर सँगी हए। 41नेहात्तओ मए तुमसे कहात हओं, जौन तुमए ख्रीष्टको हए करके मिर नाउँमे एक गिलास पानी देहए कहेसे बोको इनाम बो पाबैगो।”
बाधा देन बारेनके चितावनी
42“कोइके फिर, घेँटमे चकियाको पट्टा बाँधके बोके समुन्दरमे फेकदेनो बहुत भारी सजाय हए। पर अगर कोइ फिर, जे छोटे मैसे जो मोएमे बिश्वास करत हएं, बिनके पाप करनके लगबैगो तओ बोके, जासे फिर अग्ठो सजाय मिलैगो। 43अगर तुमर हात तुमके पाप करनके लागतहए कहेसे जाके काट देओ। दुई हात हुइके कभु नाए बुतन बारी नरककी आगीमे जानेसे लुला हुइके स्वर्गमे घुसन ठिक हए। 44नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 45अगर तुमर टाँग तुमके पाप करनके लागतहए कहेसे जाके काट देओ। दुई टाँग लैके नरकमे जानेसे त बरु लंगणा हुइके स्वर्गमे घुसन तुमर ताहीं ठिक हए। 46नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 47अइसियए, अगर तुमरी आँखी तुमके पाप करनके लगात हए कहेसे बोके निकारके फेकदेओ। दुई आँखी हुइके नरकमे जानेसे त काना हुइके परमेश्वरको राज्यमे घुसन तुमर ताहीं ठिक हए। 48नरकमे सबके शरीरके खान बारे किरा कभी नाए मरत हएं और आगी कभी जलन बन्द नाए होत हए। 49सबके आगीसे शुद्ध करो जएहए जैसेकी नूनसे बलिदान शुद्ध होत हए, काहेकी सबए आगीसे नुनाइन करो जाइगो। 50नुन अच्छो हए, पर अगर नुनको स्वाद चलो जएहए कहेसे बोको स्वाद फिर कैसे लामङगे? तुममे नुनको गुण होन पणो और एकदुस्रेके सँग शान्तिसे रहान पणो।”
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.