HADUI DAHA' SIHU TUHAN 18
18
Paulus ha' Korintus
1Men'uh anan, leka' nah Paulus men Atena tei ha' Korintus. 2#Rom 16:3 Tinan nah iha' pesuk ji kelunan Yahudi aleng aran na' Akwila, kelunan anan pa'un na' men daléh Pontus, iha' maring ateng men daléh Italia dahin doh na' Priskila, avin Klaudius uh nyihu lim daha' Yahudi musang men daléh Roma. Paulus pah tei lebau ha' dawa'. 3#HST 20:34; 1 Kor 4:12 Avin hadui na' piah awi hadui dawa', iha' pah melo' nyadui dahin dawa', avin hadui dawa' na lepau balun muta. 4Ha'ut-ha'ut Dau Kelarah Paulus tei tengaran alem uma sebayang, dahin mejat-mejat kenep daha' Yahudi dahin daha' Yunani.
5 #
HST 17:14-15
Bi tegu Silas dawa' Timotius nei ateng men Makedonia, Paulus katuk daha' té' dahun Tuhan pa'en, dahin bara men daha' Yahudi marung tuk Yesus Iha' nah Kristus. 6#HST 13:46,51; 20:26 Bi tegu daha' melawan dahin peji'ek iha', lun en na' negak nah basung na' dahin kuma' men daha', “Ikam dep kah tagung daha kam. Akui em té' sala. Akui tei lan kah anih ha' daha' bengsa' ha' béh tih,” ken na'. 7Leka' nah iha' men inan, tei ha' uma ji laké' aleng aran na' Titius Yustus, iha' tih ji la'ung aleng nginah té' Allah, uma na' petuk dahin uma sebayang. 8#1 Kor 1:14 Bi Krispus, aleng kelunan aya' uma sebayang atih dih pelalau nginah té' Tuhan dahin lim-lim huang uma na' lahuh. Ngahum nah kelunan Korintus aleng kelenghi pelalau nginah dahin duh. 9#1 Kor 2:3 Tegu malem, tula nah Tuhan kitan Paulus, aleng kuma', “Meng takut, sayu im nengaran, meng tepaka', 10#Yos 1:5,9; Yes 41:10; 43:5; Yer 1:8; Hos 2:22; Yoh 10:16 avin Akui anih té' dahim, ji la'ung pah em deng meté' ika' dahin peperah ika', té' pah lahuh avin ngahum kelunan Kui té' alem daléh anih,” ken Tuhan men iha'. 11Paulus pah melo' té' hang daha' tinan ji duman nem bulan dara na', dahin pekatuk daha' té' dahun Allah.
12Bi alem Galio kalui laké' aleng gabnur daléh Akhaya, peju nah kelunan Yahudi dahin ji kenep seng peté' dahin Paulus, pelalau geri iha' besara'. 13Ken daha', “Kelunan anih mejat kenep daha' nyihu daha' sebayang té' Allah alem adet aleng nyelalang té' tebara menuna'.” 14#HST 25:18-20 Bi tegu Paulus ngenep duan, ken Galio men daha' Yahudi atih, “U kelo' kelunan Yahudi, awi tengaran kelo' nih peté' marung ket aleng sala dahin barik aleng ji'ek adang kui seng kelenghi dahun kelo'. 15#Yoh 18:31 Bi tana' kelo' peté' té' tuk-tuk daho' dahin aran-aran dahin tebara kam pa'en, en kelo' petneng kah pedeng kelo' dep tua, nusi' kui seng kaséh petneng té' tuk aleng nunan,” ken na'. 16Pelalau en na' uga nah daha' men besara' atih. 17#1 Kor 1:1 Daha' atih pah gem Sostenes aleng kelunan aya' uma sebayang atih, pelalau nyaman iha' ha' unan daha' besara' atih. Bi ji nun pah Galio em putau lim tuk atih.
Paulus uli ha' Antiokhia, nyangei ha' Efesus dahin Yerusalem
18 #
HST 21:24; Kah d Is 6:9,18 Uh Paulus melo' kuri-kuri dau ha' Korintus nan, iha' ha' kahi asi té' daha' harin tam tinan ja iha' deng leka', pelalau tei nah iha' tugung kapen tei ha' daléh Siria, Priskila dawa' Akwila pah tugung iha', iha' atih men'uh Paulus uh ngulo' buk na' ha' daléh Kengkrea, avin iha' uh tevah. 19Ateng nah dalo' ha' Efesus, Paulus melek dawa' dua' la'ung hitih, pelalau iha' dep tei halem uma sebayang pelalau tengaran dahin daha' Yahudi. 20Tegu daha' mavéh iha' melo' dara tinan la'an, bi nusi' ha' mun, 21#Rom 1:10; 1 Kor 4:19; Yak 4:15 bi alem iha' leka' iha' kuma', “Tana' ha' kenep Tuhan, adang kui nei nekulah ha' kelo'.” Pelalau leka' nah iha' men Efesus, panau kapen. 22#HST 21:15 Uh ha' ateng ha' Kaisarea, pelalau iha' tei ha' Yerusalem dahin bara sayu kenep men daha' sidang atih, pelalau ngiléh nah iha' ha' Antiokhia.
Anau aleng ketlo' ngavan bara dengah sayu. Paulus ha' Galatia dahin ha' Prigia. Apolos ha' Efesus
23Hu'uh ha' melo' hinan kuri-kuri dau dara na', leka' nah iha' panau tutam lim daléh Galatia dahin Prigia, dahin petangen kenep daha' anak sekulah lim.
24 #
1 Kor 3:6
Alem nunan dih té' nah ji kelunan Yahudi, aran na' Apolos, nei ateng ha' Efesus, aleng pa'un na' men daléh Aleksandria, ji kelunan aleng nyemugen, dahin jam lan nesen alem surat Tuhan. 25#HST 19:3; Rom 12:11; K Tula 3:15 Té' pah kelunan anih uh ala katuk marung alan Tuhan. Avin iha' tangen lan kenep na' iha' ha' nira dahin katuk aleng pehilu-pehilu marung tuk Yesus, bi iha' jam duh aleng kenan Yohanes tua. 26Iha' matoh katuk dahin hakéh duan alem uma sebayang. Bi tegu Priskila dawa' Akwila kelenghi dahun na', pelalau dawa' mavéh iha' tei hamin dawa', dahin bara tuk-tuk Allah dahin bara aleng ngesiluk-ngesiluk la'an men iha'. 27#2 Kor 3:1; Kol 4:10 Tegu Apolos ngenep tei lawat ha' Akaya, lim daha' harin tam pah nangen kenep na' dahin kato' surat men daha' anak sekulah hinan, ja nangen daha', ala iha'. Tegu iha' ateng, iha' masi lelan daha' aleng uh nginah kenan asi Allah té' daha', 28#HST 9:22; 17:3 avin la'it dahun na' pekalah daha' Yahudi ha' unan kelunan kahum, petula men alem surat Tuhan marung Yesus Iha' nah Kristus.
المحددات الحالية:
HADUI DAHA' SIHU TUHAN 18: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 18
18
Paulus ha' Korintus
1Men'uh anan, leka' nah Paulus men Atena tei ha' Korintus. 2#Rom 16:3 Tinan nah iha' pesuk ji kelunan Yahudi aleng aran na' Akwila, kelunan anan pa'un na' men daléh Pontus, iha' maring ateng men daléh Italia dahin doh na' Priskila, avin Klaudius uh nyihu lim daha' Yahudi musang men daléh Roma. Paulus pah tei lebau ha' dawa'. 3#HST 20:34; 1 Kor 4:12 Avin hadui na' piah awi hadui dawa', iha' pah melo' nyadui dahin dawa', avin hadui dawa' na lepau balun muta. 4Ha'ut-ha'ut Dau Kelarah Paulus tei tengaran alem uma sebayang, dahin mejat-mejat kenep daha' Yahudi dahin daha' Yunani.
5 #
HST 17:14-15
Bi tegu Silas dawa' Timotius nei ateng men Makedonia, Paulus katuk daha' té' dahun Tuhan pa'en, dahin bara men daha' Yahudi marung tuk Yesus Iha' nah Kristus. 6#HST 13:46,51; 20:26 Bi tegu daha' melawan dahin peji'ek iha', lun en na' negak nah basung na' dahin kuma' men daha', “Ikam dep kah tagung daha kam. Akui em té' sala. Akui tei lan kah anih ha' daha' bengsa' ha' béh tih,” ken na'. 7Leka' nah iha' men inan, tei ha' uma ji laké' aleng aran na' Titius Yustus, iha' tih ji la'ung aleng nginah té' Allah, uma na' petuk dahin uma sebayang. 8#1 Kor 1:14 Bi Krispus, aleng kelunan aya' uma sebayang atih dih pelalau nginah té' Tuhan dahin lim-lim huang uma na' lahuh. Ngahum nah kelunan Korintus aleng kelenghi pelalau nginah dahin duh. 9#1 Kor 2:3 Tegu malem, tula nah Tuhan kitan Paulus, aleng kuma', “Meng takut, sayu im nengaran, meng tepaka', 10#Yos 1:5,9; Yes 41:10; 43:5; Yer 1:8; Hos 2:22; Yoh 10:16 avin Akui anih té' dahim, ji la'ung pah em deng meté' ika' dahin peperah ika', té' pah lahuh avin ngahum kelunan Kui té' alem daléh anih,” ken Tuhan men iha'. 11Paulus pah melo' té' hang daha' tinan ji duman nem bulan dara na', dahin pekatuk daha' té' dahun Allah.
12Bi alem Galio kalui laké' aleng gabnur daléh Akhaya, peju nah kelunan Yahudi dahin ji kenep seng peté' dahin Paulus, pelalau geri iha' besara'. 13Ken daha', “Kelunan anih mejat kenep daha' nyihu daha' sebayang té' Allah alem adet aleng nyelalang té' tebara menuna'.” 14#HST 25:18-20 Bi tegu Paulus ngenep duan, ken Galio men daha' Yahudi atih, “U kelo' kelunan Yahudi, awi tengaran kelo' nih peté' marung ket aleng sala dahin barik aleng ji'ek adang kui seng kelenghi dahun kelo'. 15#Yoh 18:31 Bi tana' kelo' peté' té' tuk-tuk daho' dahin aran-aran dahin tebara kam pa'en, en kelo' petneng kah pedeng kelo' dep tua, nusi' kui seng kaséh petneng té' tuk aleng nunan,” ken na'. 16Pelalau en na' uga nah daha' men besara' atih. 17#1 Kor 1:1 Daha' atih pah gem Sostenes aleng kelunan aya' uma sebayang atih, pelalau nyaman iha' ha' unan daha' besara' atih. Bi ji nun pah Galio em putau lim tuk atih.
Paulus uli ha' Antiokhia, nyangei ha' Efesus dahin Yerusalem
18 #
HST 21:24; Kah d Is 6:9,18 Uh Paulus melo' kuri-kuri dau ha' Korintus nan, iha' ha' kahi asi té' daha' harin tam tinan ja iha' deng leka', pelalau tei nah iha' tugung kapen tei ha' daléh Siria, Priskila dawa' Akwila pah tugung iha', iha' atih men'uh Paulus uh ngulo' buk na' ha' daléh Kengkrea, avin iha' uh tevah. 19Ateng nah dalo' ha' Efesus, Paulus melek dawa' dua' la'ung hitih, pelalau iha' dep tei halem uma sebayang pelalau tengaran dahin daha' Yahudi. 20Tegu daha' mavéh iha' melo' dara tinan la'an, bi nusi' ha' mun, 21#Rom 1:10; 1 Kor 4:19; Yak 4:15 bi alem iha' leka' iha' kuma', “Tana' ha' kenep Tuhan, adang kui nei nekulah ha' kelo'.” Pelalau leka' nah iha' men Efesus, panau kapen. 22#HST 21:15 Uh ha' ateng ha' Kaisarea, pelalau iha' tei ha' Yerusalem dahin bara sayu kenep men daha' sidang atih, pelalau ngiléh nah iha' ha' Antiokhia.
Anau aleng ketlo' ngavan bara dengah sayu. Paulus ha' Galatia dahin ha' Prigia. Apolos ha' Efesus
23Hu'uh ha' melo' hinan kuri-kuri dau dara na', leka' nah iha' panau tutam lim daléh Galatia dahin Prigia, dahin petangen kenep daha' anak sekulah lim.
24 #
1 Kor 3:6
Alem nunan dih té' nah ji kelunan Yahudi, aran na' Apolos, nei ateng ha' Efesus, aleng pa'un na' men daléh Aleksandria, ji kelunan aleng nyemugen, dahin jam lan nesen alem surat Tuhan. 25#HST 19:3; Rom 12:11; K Tula 3:15 Té' pah kelunan anih uh ala katuk marung alan Tuhan. Avin iha' tangen lan kenep na' iha' ha' nira dahin katuk aleng pehilu-pehilu marung tuk Yesus, bi iha' jam duh aleng kenan Yohanes tua. 26Iha' matoh katuk dahin hakéh duan alem uma sebayang. Bi tegu Priskila dawa' Akwila kelenghi dahun na', pelalau dawa' mavéh iha' tei hamin dawa', dahin bara tuk-tuk Allah dahin bara aleng ngesiluk-ngesiluk la'an men iha'. 27#2 Kor 3:1; Kol 4:10 Tegu Apolos ngenep tei lawat ha' Akaya, lim daha' harin tam pah nangen kenep na' dahin kato' surat men daha' anak sekulah hinan, ja nangen daha', ala iha'. Tegu iha' ateng, iha' masi lelan daha' aleng uh nginah kenan asi Allah té' daha', 28#HST 9:22; 17:3 avin la'it dahun na' pekalah daha' Yahudi ha' unan kelunan kahum, petula men alem surat Tuhan marung Yesus Iha' nah Kristus.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.