HADUI DAHA' SIHU TUHAN 19
19
Paulus meduh pulu-dua' anak sekulah Yohanes ha' Efesus
1Alem Apolos té' ha' Korintus, Paulus panau ha' tana hudik dahin tei ateng ha' Efesus. Hinan nah iha' pesuk kuri-kuri anak sekulah. 2#HST 2:38 Ken na' men daha', “En kelo' ala nah Belua' Ma'ang tegu kelo' nginah iah?” Nyu'ei nah dalo', “Nusi', nusi' payan kamé' jam Belua Ma'ang anan té'.” 3Ken na', “Tana' ha' nunan, té' alem duh ano' kelo' duh?” Nyu'ei nah kelunan anan, “Té' alem duh kenan Yohanes.” 4#Mat 3:11 Ken Paulus, “Yohanes atih meduh té' duh aleng bara ngelisah kenep, dahin nyihu daha' atih nginah té' Iha' aleng nei ngebaya Iha', Iha' atih Yesus.” 5Tegu daha' kelenghi daho' atih, daha' pah pelalau duh halem aran Tuhan Yesus. 6#HST 8:17; 10:44,46 Tegu Paulus uh metei usu na' hujung daha' nei nah Belua' Ma'ang ngiléh ujung daha', pelalau nah daha' duan alem kuri-kuri na'an daho' dahin katuk. 7Lim kelunan atih kio'-kio' pulu-dua' la'ung.
Hadui Paulus ha' Efesus
8Paulus pah tei halem uma sebayang dahin hakéh duan-duan daha' alem telo' bulan dara' na', iha' pekatuk pehilu dahin nangen daha' alem tuk-tuk keligem Allah. 9#HST 9:2; 2 Kor 6:17; 2 Tim 1:15; Tit 3:10-11; 2 Yoh 1:10 Bi tegu balei daha' mahing kenep daha' dahin em kaséh nginah dahin sa' peji'ek Alan atih ha' unan daha' ngahum, iha' nah iha' leka' men béh daha' anan, dahin mavéh daha' aleng uh nginah leka' men béh daha', dahin ha'ut-ha'ut dau pah iha' tei na'lung alem sekulah Tiranus. 10#HST 14:3 Nunan nah tuk iha' na alem dua' duman dara na', ateng lim kelunan aleng melo' ha' tana Asia kelenghi dahun Tuhan, daha' Yahudi dahin daha' Yunani lim. 11Allah pah na kuri-kuri tingan aleng selap kenan usu Paulus, 12#HST 5:15 ateng pelasa' dahin besahan men batung na' en daha' geri men kelunan aleng té' perah, pelalau kelapan daha' tua nan perah daha' tei em té' té' daha', dahin lim to' pah musang.
13 #
Lk 9:49
Bi té' pah kuri-kuri la'ung daha' Yahudi aleng jam pusau aleng panau-panau tutam daléh daha' hitih, daha' pah pesek katap metut aran Tuhan Yesus, ngenep muga to' aleng nilung alem kelunan, ken dalo', “Akui muéh ikam té' aran Tuhan Yesus aleng en Paulus pedengah.” 14Té' pah tusu la'ung dalo' kelunan aleng na nunih, iha' tih anak Skewa, aleng kelunan Yahudi, aleng imam aya' pah, aleng na nunan. 15#Mk 1:34; Lk 4:41 Bi hu'ei to' aleng ji'ek atih dahin kuma' men dalo', “Yesus atih pah kitak, dahin Paulus atih pah akui jam, bi hi kah kelo' anih?” 16Pelalau kelunan aleng ngavan to' nilung atih nadam dalo', pelalau pekalah dalo' anan, dahin nulung dalo' ateng dalo' lap men alem uma atih, dahin utoh dahin ga'. 17#HST 5:5,11 Putat nah dengah atih té' hang daha' Yahudi dahin kelunan Yunani aleng melo' ha' Efesus. Takut nah daha' lim-lim, dahin aran Tuhan Yesus pah nei peju. 18Ngahum pah kelunan aleng uh nginah nei akun dahin bara lim hadui daha' alem peng kelunan lim. 19Kahum pah daha' aleng uh beliau lahuh, daha' aleng na daha' ngeniheng men'a, en daha' atih peng nah lim buhup daha' dahin nutung na' ha' unan daha' lim. Legah daha' na buhup atih lima'-pulu libu' ligit pirek. 20#HST 6:7; 12:24 Marung tuk aleng uh jadi' nunan, sa'-sa' putat nah dahun Tuhan dahin la'it lelan.
21 #
HST 23:11; Rom 1:13 Men'uh lim ket anan jadi', Paulus pah ngenep mejoh anau na' tei ha' daléh Makedonia dahin Akaya, uh anan tei ha' Yerusalem, ken na', “Hu'uh kui tei hitih, adang kui tei jam daléh Roma lahuh.” 22#HST 17:14; Rom 16:23; 1 Kor 4:17 Iha' nyihu dua' la'ung aleng masi iha' tei ha' Makedonia, iha' tih Timotius dahin Erastus, uh anan melo' nah iha' dep kuri-kuri dau la'an ha' Asia.
Daha' nei pagui ha' Efesus
23 #
HST 19:9; 2 Kor 1:8-9 Men tegu atih pekelavit tua nah daha' dahin perah kenep lelan marung Alan atih. 24#HST 16:16; 2 Tim 4:7 Avin té' ji kelunan aleng aran na' Demetrius aleng haman nyelung pirek, iha' aleng na uma'-uma' hudo' Artemis té' pirek. Anan nah hadui ngavan na' ilau kuman na' dahin nibah dalo' aleng dahin na'. 25En na' peng nah dalo' atih dahin daha' aleng piah hadui dalo', ken na', “U kelo' harik lim, ikam jam men hadui anih nah itam uh ala utang aleng kahum. 26#HST 17:29 Kerei inih itam pah uh jam dahin uh kelenghi, nusi' ha' ha' Efesus nih tua, bi jeleng seng tutam nah alem lim Asia nih lahuh kenan Paulus nih meté' mejat kenep daha' dahin pelingo' kuri-kuri kahum kelunan, dahin kuma' hadui aleng kenan usu kelunan nusi' deng ngetalau na'. 27Nusi' ha' hadui tam tua aleng seng en daha' peji'ek, bi uma Artemis, hudo' aleng dekaya' atih pah lahuh seng en kelunan uau tua, ateng daha' em kaséh nyepida té' aren na' la'an lahuh, bi té' iha' nah lim-lim kelunan ha' tana Asia dahin lim kelunan té' usun tana anih ketalau di,” ken na'.
28Uh daha' kelenghi daho' atih nei nah daha' perah kenep, pelalau medéng, ken daha', “Dekaya' nah Artemis tam kelunan Efesus.” 29#HST 20:4 Pelalau pivek tua nah kenep daha lim ha' daléh atih, tegak-tegak daha' tei alem uma ngavan daha' pekelu'an atih, dahin mahin Gayus dahin Aristakhus halem na' lahuh, iha' tih kelunan Makedonia, aleng bakéh Paulus alem ha' panau. 30Tegu Paulus ngenep tei halem dahin kelunan kahum atih, pelalau daha' anak sekulah atih em mun iha' tei. 31Té' pah kuri-kuri pengulu' Asia aleng bakéh Paulus menei daho' em mun iha' makang tei halem uma pekelu'an atih. 32Kelunan kahum atih pah medéng-medéng, nunih dahun daha' balei, nutih dahun daha' balei. Ngepu'an pehangen tua nah daha' alem peng atih, bi kahum pah daha' aleng em jam tuk daha' kahum atih uh tei pepeng nutih. 33Pelalau en daha' Yahudi jat nah Aleksandar men hang daha' kahum atih, en daha' tekring nah iha' ha' unan daha' kahum. Aleksandar pah meju usu na', ngenep nyu'ei kelunan kahum atih. 34Bi kitan daha' iha' kelunan Yahudi, pelalau medéng-medéng nah daha' dahin ji daho' kio'-kio' dua' jam dara na, “Dekaya' nah Artemis tam kelunan Efesus anih.”
35Bi hu'uh laké' aleng kelani daléh atih uh pehluk daha' lim, iha' ha' kuma, “U kelunan Efesus, hi-hi pah em jam marung daléh Efesus anih aleng puboh uma Artemis aleng dekaya' dahin puboh hudo' na' aleng nei men langit tih? 36Avin kelunan em deng mebet daho' anih, tekep nah ikam tepaka' dahin meng na nun-nun aleng nyelanguk. 37Avin ikam kah aleng uh geri dalo' hinih di, bi nusi' kah dalo' nakau daven uma hudo' anih, nusi' pah dalo' peji'ek hudo' tam. 38Avin ha' nutih iha' Demetrius dahin dalo' tukeng aleng dahin na' atih té' daho' nun-nun dahin hi-hi kah, ju té' kah daha' kelunan aya' aleng petneng tengaran té' hang daha' lim. Sayu nah dalo' tei tengaran pedeng dalo' dep. 39Bi iha' ikam ilau tuk-tuk aleng ha' béh, deng kah ikam meteng alem tengaran tam. 40Avin itam uh tei ga' tusah nunih tei pehangeng tua dau anih nih dahin em té' tavit na', adang nusi' tam jam nyu'ei dalo' aleng dekaya' awi dalo' meteng itam marung tuk peng tam tei pehangeng em tuman-tuman nunih,” ken na'. 41Tegu iha' uh kuma' nunan en na' nyihu nah peng daha' atih tei uli.
المحددات الحالية:
HADUI DAHA' SIHU TUHAN 19: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 19
19
Paulus meduh pulu-dua' anak sekulah Yohanes ha' Efesus
1Alem Apolos té' ha' Korintus, Paulus panau ha' tana hudik dahin tei ateng ha' Efesus. Hinan nah iha' pesuk kuri-kuri anak sekulah. 2#HST 2:38 Ken na' men daha', “En kelo' ala nah Belua' Ma'ang tegu kelo' nginah iah?” Nyu'ei nah dalo', “Nusi', nusi' payan kamé' jam Belua Ma'ang anan té'.” 3Ken na', “Tana' ha' nunan, té' alem duh ano' kelo' duh?” Nyu'ei nah kelunan anan, “Té' alem duh kenan Yohanes.” 4#Mat 3:11 Ken Paulus, “Yohanes atih meduh té' duh aleng bara ngelisah kenep, dahin nyihu daha' atih nginah té' Iha' aleng nei ngebaya Iha', Iha' atih Yesus.” 5Tegu daha' kelenghi daho' atih, daha' pah pelalau duh halem aran Tuhan Yesus. 6#HST 8:17; 10:44,46 Tegu Paulus uh metei usu na' hujung daha' nei nah Belua' Ma'ang ngiléh ujung daha', pelalau nah daha' duan alem kuri-kuri na'an daho' dahin katuk. 7Lim kelunan atih kio'-kio' pulu-dua' la'ung.
Hadui Paulus ha' Efesus
8Paulus pah tei halem uma sebayang dahin hakéh duan-duan daha' alem telo' bulan dara' na', iha' pekatuk pehilu dahin nangen daha' alem tuk-tuk keligem Allah. 9#HST 9:2; 2 Kor 6:17; 2 Tim 1:15; Tit 3:10-11; 2 Yoh 1:10 Bi tegu balei daha' mahing kenep daha' dahin em kaséh nginah dahin sa' peji'ek Alan atih ha' unan daha' ngahum, iha' nah iha' leka' men béh daha' anan, dahin mavéh daha' aleng uh nginah leka' men béh daha', dahin ha'ut-ha'ut dau pah iha' tei na'lung alem sekulah Tiranus. 10#HST 14:3 Nunan nah tuk iha' na alem dua' duman dara na', ateng lim kelunan aleng melo' ha' tana Asia kelenghi dahun Tuhan, daha' Yahudi dahin daha' Yunani lim. 11Allah pah na kuri-kuri tingan aleng selap kenan usu Paulus, 12#HST 5:15 ateng pelasa' dahin besahan men batung na' en daha' geri men kelunan aleng té' perah, pelalau kelapan daha' tua nan perah daha' tei em té' té' daha', dahin lim to' pah musang.
13 #
Lk 9:49
Bi té' pah kuri-kuri la'ung daha' Yahudi aleng jam pusau aleng panau-panau tutam daléh daha' hitih, daha' pah pesek katap metut aran Tuhan Yesus, ngenep muga to' aleng nilung alem kelunan, ken dalo', “Akui muéh ikam té' aran Tuhan Yesus aleng en Paulus pedengah.” 14Té' pah tusu la'ung dalo' kelunan aleng na nunih, iha' tih anak Skewa, aleng kelunan Yahudi, aleng imam aya' pah, aleng na nunan. 15#Mk 1:34; Lk 4:41 Bi hu'ei to' aleng ji'ek atih dahin kuma' men dalo', “Yesus atih pah kitak, dahin Paulus atih pah akui jam, bi hi kah kelo' anih?” 16Pelalau kelunan aleng ngavan to' nilung atih nadam dalo', pelalau pekalah dalo' anan, dahin nulung dalo' ateng dalo' lap men alem uma atih, dahin utoh dahin ga'. 17#HST 5:5,11 Putat nah dengah atih té' hang daha' Yahudi dahin kelunan Yunani aleng melo' ha' Efesus. Takut nah daha' lim-lim, dahin aran Tuhan Yesus pah nei peju. 18Ngahum pah kelunan aleng uh nginah nei akun dahin bara lim hadui daha' alem peng kelunan lim. 19Kahum pah daha' aleng uh beliau lahuh, daha' aleng na daha' ngeniheng men'a, en daha' atih peng nah lim buhup daha' dahin nutung na' ha' unan daha' lim. Legah daha' na buhup atih lima'-pulu libu' ligit pirek. 20#HST 6:7; 12:24 Marung tuk aleng uh jadi' nunan, sa'-sa' putat nah dahun Tuhan dahin la'it lelan.
21 #
HST 23:11; Rom 1:13 Men'uh lim ket anan jadi', Paulus pah ngenep mejoh anau na' tei ha' daléh Makedonia dahin Akaya, uh anan tei ha' Yerusalem, ken na', “Hu'uh kui tei hitih, adang kui tei jam daléh Roma lahuh.” 22#HST 17:14; Rom 16:23; 1 Kor 4:17 Iha' nyihu dua' la'ung aleng masi iha' tei ha' Makedonia, iha' tih Timotius dahin Erastus, uh anan melo' nah iha' dep kuri-kuri dau la'an ha' Asia.
Daha' nei pagui ha' Efesus
23 #
HST 19:9; 2 Kor 1:8-9 Men tegu atih pekelavit tua nah daha' dahin perah kenep lelan marung Alan atih. 24#HST 16:16; 2 Tim 4:7 Avin té' ji kelunan aleng aran na' Demetrius aleng haman nyelung pirek, iha' aleng na uma'-uma' hudo' Artemis té' pirek. Anan nah hadui ngavan na' ilau kuman na' dahin nibah dalo' aleng dahin na'. 25En na' peng nah dalo' atih dahin daha' aleng piah hadui dalo', ken na', “U kelo' harik lim, ikam jam men hadui anih nah itam uh ala utang aleng kahum. 26#HST 17:29 Kerei inih itam pah uh jam dahin uh kelenghi, nusi' ha' ha' Efesus nih tua, bi jeleng seng tutam nah alem lim Asia nih lahuh kenan Paulus nih meté' mejat kenep daha' dahin pelingo' kuri-kuri kahum kelunan, dahin kuma' hadui aleng kenan usu kelunan nusi' deng ngetalau na'. 27Nusi' ha' hadui tam tua aleng seng en daha' peji'ek, bi uma Artemis, hudo' aleng dekaya' atih pah lahuh seng en kelunan uau tua, ateng daha' em kaséh nyepida té' aren na' la'an lahuh, bi té' iha' nah lim-lim kelunan ha' tana Asia dahin lim kelunan té' usun tana anih ketalau di,” ken na'.
28Uh daha' kelenghi daho' atih nei nah daha' perah kenep, pelalau medéng, ken daha', “Dekaya' nah Artemis tam kelunan Efesus.” 29#HST 20:4 Pelalau pivek tua nah kenep daha lim ha' daléh atih, tegak-tegak daha' tei alem uma ngavan daha' pekelu'an atih, dahin mahin Gayus dahin Aristakhus halem na' lahuh, iha' tih kelunan Makedonia, aleng bakéh Paulus alem ha' panau. 30Tegu Paulus ngenep tei halem dahin kelunan kahum atih, pelalau daha' anak sekulah atih em mun iha' tei. 31Té' pah kuri-kuri pengulu' Asia aleng bakéh Paulus menei daho' em mun iha' makang tei halem uma pekelu'an atih. 32Kelunan kahum atih pah medéng-medéng, nunih dahun daha' balei, nutih dahun daha' balei. Ngepu'an pehangen tua nah daha' alem peng atih, bi kahum pah daha' aleng em jam tuk daha' kahum atih uh tei pepeng nutih. 33Pelalau en daha' Yahudi jat nah Aleksandar men hang daha' kahum atih, en daha' tekring nah iha' ha' unan daha' kahum. Aleksandar pah meju usu na', ngenep nyu'ei kelunan kahum atih. 34Bi kitan daha' iha' kelunan Yahudi, pelalau medéng-medéng nah daha' dahin ji daho' kio'-kio' dua' jam dara na, “Dekaya' nah Artemis tam kelunan Efesus anih.”
35Bi hu'uh laké' aleng kelani daléh atih uh pehluk daha' lim, iha' ha' kuma, “U kelunan Efesus, hi-hi pah em jam marung daléh Efesus anih aleng puboh uma Artemis aleng dekaya' dahin puboh hudo' na' aleng nei men langit tih? 36Avin kelunan em deng mebet daho' anih, tekep nah ikam tepaka' dahin meng na nun-nun aleng nyelanguk. 37Avin ikam kah aleng uh geri dalo' hinih di, bi nusi' kah dalo' nakau daven uma hudo' anih, nusi' pah dalo' peji'ek hudo' tam. 38Avin ha' nutih iha' Demetrius dahin dalo' tukeng aleng dahin na' atih té' daho' nun-nun dahin hi-hi kah, ju té' kah daha' kelunan aya' aleng petneng tengaran té' hang daha' lim. Sayu nah dalo' tei tengaran pedeng dalo' dep. 39Bi iha' ikam ilau tuk-tuk aleng ha' béh, deng kah ikam meteng alem tengaran tam. 40Avin itam uh tei ga' tusah nunih tei pehangeng tua dau anih nih dahin em té' tavit na', adang nusi' tam jam nyu'ei dalo' aleng dekaya' awi dalo' meteng itam marung tuk peng tam tei pehangeng em tuman-tuman nunih,” ken na'. 41Tegu iha' uh kuma' nunan en na' nyihu nah peng daha' atih tei uli.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.