HADUI DAHA' SIHU TUHAN 20
20
Paulus tei ha' daléh Yunani men Makedonia dahin uli ha' Makedonia, Troas dahin Miletus la'an
1Hu'uh ngeta' nah haroh atih, Paulus pah muvui daha' anak sekulah atih dahin nangen daha', uh anan iha' akei daha' mekoh iha' tei, pelalau leka' nah iha' tei ha' Makedonia. 2Tegu iha' uh panau-panau alem lim-lim daléh atih dahin uh nangen daha' lelan, ateng nah iha' ha' daléh Yunani, 3hinan nah iha' melo' telo' bulan dara na'. Ngenep kah iha' tei ha' Siria pakei kapen, bi tegu anan pah daha' Yahudi ngenep lematei iha'. Pelalau iha' petneng kenep na' seng nyangei ha' daléh Makedonia. 4#HST 17:10; 19:29; Rom 16:21 Té' daha' aleng tugung iha' ateng ha' daléh Asia, iha' atih Sopater anak Pirus kelunan Berea, dahin Aristarkhus dawa' Sekundus aleng kelunan Tesalonika, dahin Gayus kelunan Derbe, dahin Timotius, té' pah Tikhikus dahin Terofimus men Asia. 5#HST 16:8 Bi dalo' anih uh panau una', dahin pidah kalo' ha' Troas. 6Kalo' pah leka' men Filipi men'uh dau aya' kuman luti aleng em té' tavah, men inan nah kalo' panau kapen. Kelima' dau na' iha' nah kamé' ateng ha' Troas, tinan nah kamé' pejam. Kamé' melo' tinan tusu dau dara na'.
Paulus pekurip Eutikhus
7 #
HST 2:42,46; 1 Kor 16:2 Té' Dau Kelarah pepeng nah kamé' pahlung dahin mi'ang luti, iha' nah Paulus na'lung men daha' ateng-ateng belua malem. Iha' na'lung aru nutih avin iha' ngenep leka' men inan tegu dau malah. 8Ngahum pah lirui alem amin aleng hujung parung ngavan amé' uh pepeng atih. 9Té' ji nyemaké' aran na' Eutikhus, melo' té' ba. Avin aru lelan dahun Paulus katuk daha', lun tudu nah nyemaké' atih em deng pa'eng sekudau na', pelalau legak nah iha' men ujung amin tebin aleng ketlo' tei hida. Tegu daha' ala iha' beka' uh matei nah iha'. 10#1 Laj 17:21 Paulus pah ngiléh pelalau nadam iha', pelalau nyelilé' iha', dahin kuma', “Meng kelo' peharoh, murip kah iha' na'a.” 11Tegu iha' uh tei hujung la'an, dahin mi'ang luti, dahin kuman, dahin tengaran dahin daha' dara ateng dau malah, iha' nah iha' leka' nekulah. 12En daha' geri nah nyemaké' anan uli ha' uma na' avin iha' uh murip, lim daha' pah sa' melu lelan.
Anau na' men Troas ateng ha' Metilene
13Kalo' tei una' ha' kapen, dahin leka' tei ha' Asos, hinan nah kalo' seng ala Paulus, avin iha' uh nyihu kalo' nunih, avin iha' ngenep panau tana. 14Tegu kalo' pepsuk ha' Asos, kalo' pah ala iha' hujung kapen, dahin tei ha' Metilene. 15Kamé' leka' men itih, dahin dau malah kamé' lalau men béh busang Khios, dau malah la'an kamé' nyangei ha' Samos, dahin melo' jaki ha' Terugilium. Dau malah men'uh atih la'an iha' nah kamé' ateng ha' Miletus, 16#HST 18:21 avin Paulus menangen em kaséh nyangei ha' Efesus ja ha' em letu ha' daléh Asia, avin iha' timah kenep na' jukdau iha' ateng ha' Yerusalem em payan Dau Pentakosta.
Paulus muvui daha' aleng dekaya' men Efesus pepeng ha' Miletus
17Men Miletus iha' kato' daho' nyihu bara daha' kelunan aya' alem sidang ha' Efesus nei pala iha' ha' Miletus. 18#HST 18:19; 19:10 Tegu daha' pejam dahin Paulus, iha' nah iha' kuma' men daha'.
“Ikam pah aleng jam, men aring-aring kui nei alem daléh Asia nuno' tuk barik kui jarun dara kui té' dahin kam. 19#HST 20:3 Akui nyadui men Tuhan dahin lim-lim liva kenep kui, matak pah ngelunu, té' pah pesek aleng nei té' akui lahuh kenan pakat daha' Yahudi. 20Lan pah ha' nunan, bi nusi' peletu akui mahuk ket aleng sayu té' ikam, iha' kah akui bara na' men ikam di, ha' unan daha' lim nurei kah ha' alem ha'ut-ha'ut amin kam lahuh, 21bara men kelunan Yahudi dahin kelunan Yunani lahuh, marung tuk ngelisah kenep ha' unan Allah dahin nginah té' Tuhan tam Yesus Kristus. 22#HST 19:21 Kerei inih pah kenep kui peden tei ha' Yerusalem, nusi' pah akui jam ket nun aleng seng nei té' akui tinan, 23#HST 9:16; 21:4,11 bi anih tua, Belua' Ma'ang bara akui alem ha'ut-ha'ut daléh, kuma' akui seng ga' kaput dahin tusah. 24#HST 21:13 Bi akui pah nusi' kui haten té' hengak, sukun akui pek'uh anau kui dahin pela'ung hadui aleng ek ala men Tuhan Yesus, iha' tih bara dengah sayu marung tuk asi Allah.
25“Kerei inih hituk nah, akui jam ikam lim aleng ngavak panau-panau bara keligem Allah, nusi' kam seng nyineng neng kui la'an. 26#HST 18:6 Avin ha' nutih akui bara men ikam dau anih, akui uh mukéh men patei kelunan lim-lim, 27avin akui em petapan bara men ikam lim-lim kenep Allah. 28#NDI 74:2; 1 Tim 4:16; 1 Pet 5:2 Tuboh nah batung kelo' dep, dahin puboh nah lim-lim daha' duba, avin té' hang daha' nah Belua' Ma'ang uh petneng kelo' puboh daha', ja kelo' deng makan sidang Allah aleng uh en Na' melé' té' daha Na' dep. 29#Mat 7:15; 10:16; Yoh 10:12 Akui jam, lepah avut kui seng melek kelo', sengangang aleng hatan lelan atih seng nei té' hang kam, nusi' pah daha' seng masi daha' duba atih. 30#Gal 4:17; 1 Yoh 2:19 Té' pah men hang kam lahuh seng peju nah kelunan aleng na katuk peluvat ja daha' mejat daha' anak sekulah ngioh daha' atih. 31#Mk 13:35,37; 1 Tes 2:11 Avin ha' nunan, sayu nah ikam mengan, hituk nah, avin alem telo' duman dara na' akui uh katuk ikam. Pahdau pemalem akui nebara ika ha'ut-ha'ut la'ung ateng lunu kui musit.
32 #
Kel d M 33:3
“Kerei inih akui ma'uk ikam men Allah dahin men dahun Na' aleng en Na' uk alem asi Na', aleng ningan nageng ikam dahin ma'uk men ikam lim-lim ket en kam sengayan piah-piah dahin daha' aleng uh en Na' telesen. 33#1 Sam 12:3; Mat 10:8; 1 Kor 9:12 Nusi' kui ngivah pirek daha', dahin met, dahin kanan daha'. 34#HST 18:3; 1 Kor 4:12; 1 Tes 2:9 Ikam pah jam té' dua' usu kui anih akui nyadui ilau belaja' kui, dahin belaja' dalo' aleng dahik. 35Alem lim ket ek na anih akui uh na ji katah men ikam, ja ikam nyadui nunih lahuh ja masi kelunan aleng em tu'a, dahin hituk té' dahun Tuhan Yesus, avin batung Na' dep uh kuma', ‘Kelalau sayu men kelunan aleng ma'uk men'uh kelunan aleng ala.’ ”
36 #
HST 21:5
Tegu iha' uh kuma' nunih, iha' nah iha' nyepukun dahin sebayang dahin daha' lim. 37#HST 21:6; Rom 16:16; 1 Pet 5:14 Lim daha' pah nangih aya', dahin ngelameng Paulus dahin pekelua' marek iha'. 38#HST 20:25 Aleng ngavan daha' kelalau tusah kenep, avin iha' uh kuma' daha' seng em jam neng na' la'an. Uh anan en daha' aten nah iha' ha' kapen.
المحددات الحالية:
HADUI DAHA' SIHU TUHAN 20: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 20
20
Paulus tei ha' daléh Yunani men Makedonia dahin uli ha' Makedonia, Troas dahin Miletus la'an
1Hu'uh ngeta' nah haroh atih, Paulus pah muvui daha' anak sekulah atih dahin nangen daha', uh anan iha' akei daha' mekoh iha' tei, pelalau leka' nah iha' tei ha' Makedonia. 2Tegu iha' uh panau-panau alem lim-lim daléh atih dahin uh nangen daha' lelan, ateng nah iha' ha' daléh Yunani, 3hinan nah iha' melo' telo' bulan dara na'. Ngenep kah iha' tei ha' Siria pakei kapen, bi tegu anan pah daha' Yahudi ngenep lematei iha'. Pelalau iha' petneng kenep na' seng nyangei ha' daléh Makedonia. 4#HST 17:10; 19:29; Rom 16:21 Té' daha' aleng tugung iha' ateng ha' daléh Asia, iha' atih Sopater anak Pirus kelunan Berea, dahin Aristarkhus dawa' Sekundus aleng kelunan Tesalonika, dahin Gayus kelunan Derbe, dahin Timotius, té' pah Tikhikus dahin Terofimus men Asia. 5#HST 16:8 Bi dalo' anih uh panau una', dahin pidah kalo' ha' Troas. 6Kalo' pah leka' men Filipi men'uh dau aya' kuman luti aleng em té' tavah, men inan nah kalo' panau kapen. Kelima' dau na' iha' nah kamé' ateng ha' Troas, tinan nah kamé' pejam. Kamé' melo' tinan tusu dau dara na'.
Paulus pekurip Eutikhus
7 #
HST 2:42,46; 1 Kor 16:2 Té' Dau Kelarah pepeng nah kamé' pahlung dahin mi'ang luti, iha' nah Paulus na'lung men daha' ateng-ateng belua malem. Iha' na'lung aru nutih avin iha' ngenep leka' men inan tegu dau malah. 8Ngahum pah lirui alem amin aleng hujung parung ngavan amé' uh pepeng atih. 9Té' ji nyemaké' aran na' Eutikhus, melo' té' ba. Avin aru lelan dahun Paulus katuk daha', lun tudu nah nyemaké' atih em deng pa'eng sekudau na', pelalau legak nah iha' men ujung amin tebin aleng ketlo' tei hida. Tegu daha' ala iha' beka' uh matei nah iha'. 10#1 Laj 17:21 Paulus pah ngiléh pelalau nadam iha', pelalau nyelilé' iha', dahin kuma', “Meng kelo' peharoh, murip kah iha' na'a.” 11Tegu iha' uh tei hujung la'an, dahin mi'ang luti, dahin kuman, dahin tengaran dahin daha' dara ateng dau malah, iha' nah iha' leka' nekulah. 12En daha' geri nah nyemaké' anan uli ha' uma na' avin iha' uh murip, lim daha' pah sa' melu lelan.
Anau na' men Troas ateng ha' Metilene
13Kalo' tei una' ha' kapen, dahin leka' tei ha' Asos, hinan nah kalo' seng ala Paulus, avin iha' uh nyihu kalo' nunih, avin iha' ngenep panau tana. 14Tegu kalo' pepsuk ha' Asos, kalo' pah ala iha' hujung kapen, dahin tei ha' Metilene. 15Kamé' leka' men itih, dahin dau malah kamé' lalau men béh busang Khios, dau malah la'an kamé' nyangei ha' Samos, dahin melo' jaki ha' Terugilium. Dau malah men'uh atih la'an iha' nah kamé' ateng ha' Miletus, 16#HST 18:21 avin Paulus menangen em kaséh nyangei ha' Efesus ja ha' em letu ha' daléh Asia, avin iha' timah kenep na' jukdau iha' ateng ha' Yerusalem em payan Dau Pentakosta.
Paulus muvui daha' aleng dekaya' men Efesus pepeng ha' Miletus
17Men Miletus iha' kato' daho' nyihu bara daha' kelunan aya' alem sidang ha' Efesus nei pala iha' ha' Miletus. 18#HST 18:19; 19:10 Tegu daha' pejam dahin Paulus, iha' nah iha' kuma' men daha'.
“Ikam pah aleng jam, men aring-aring kui nei alem daléh Asia nuno' tuk barik kui jarun dara kui té' dahin kam. 19#HST 20:3 Akui nyadui men Tuhan dahin lim-lim liva kenep kui, matak pah ngelunu, té' pah pesek aleng nei té' akui lahuh kenan pakat daha' Yahudi. 20Lan pah ha' nunan, bi nusi' peletu akui mahuk ket aleng sayu té' ikam, iha' kah akui bara na' men ikam di, ha' unan daha' lim nurei kah ha' alem ha'ut-ha'ut amin kam lahuh, 21bara men kelunan Yahudi dahin kelunan Yunani lahuh, marung tuk ngelisah kenep ha' unan Allah dahin nginah té' Tuhan tam Yesus Kristus. 22#HST 19:21 Kerei inih pah kenep kui peden tei ha' Yerusalem, nusi' pah akui jam ket nun aleng seng nei té' akui tinan, 23#HST 9:16; 21:4,11 bi anih tua, Belua' Ma'ang bara akui alem ha'ut-ha'ut daléh, kuma' akui seng ga' kaput dahin tusah. 24#HST 21:13 Bi akui pah nusi' kui haten té' hengak, sukun akui pek'uh anau kui dahin pela'ung hadui aleng ek ala men Tuhan Yesus, iha' tih bara dengah sayu marung tuk asi Allah.
25“Kerei inih hituk nah, akui jam ikam lim aleng ngavak panau-panau bara keligem Allah, nusi' kam seng nyineng neng kui la'an. 26#HST 18:6 Avin ha' nutih akui bara men ikam dau anih, akui uh mukéh men patei kelunan lim-lim, 27avin akui em petapan bara men ikam lim-lim kenep Allah. 28#NDI 74:2; 1 Tim 4:16; 1 Pet 5:2 Tuboh nah batung kelo' dep, dahin puboh nah lim-lim daha' duba, avin té' hang daha' nah Belua' Ma'ang uh petneng kelo' puboh daha', ja kelo' deng makan sidang Allah aleng uh en Na' melé' té' daha Na' dep. 29#Mat 7:15; 10:16; Yoh 10:12 Akui jam, lepah avut kui seng melek kelo', sengangang aleng hatan lelan atih seng nei té' hang kam, nusi' pah daha' seng masi daha' duba atih. 30#Gal 4:17; 1 Yoh 2:19 Té' pah men hang kam lahuh seng peju nah kelunan aleng na katuk peluvat ja daha' mejat daha' anak sekulah ngioh daha' atih. 31#Mk 13:35,37; 1 Tes 2:11 Avin ha' nunan, sayu nah ikam mengan, hituk nah, avin alem telo' duman dara na' akui uh katuk ikam. Pahdau pemalem akui nebara ika ha'ut-ha'ut la'ung ateng lunu kui musit.
32 #
Kel d M 33:3
“Kerei inih akui ma'uk ikam men Allah dahin men dahun Na' aleng en Na' uk alem asi Na', aleng ningan nageng ikam dahin ma'uk men ikam lim-lim ket en kam sengayan piah-piah dahin daha' aleng uh en Na' telesen. 33#1 Sam 12:3; Mat 10:8; 1 Kor 9:12 Nusi' kui ngivah pirek daha', dahin met, dahin kanan daha'. 34#HST 18:3; 1 Kor 4:12; 1 Tes 2:9 Ikam pah jam té' dua' usu kui anih akui nyadui ilau belaja' kui, dahin belaja' dalo' aleng dahik. 35Alem lim ket ek na anih akui uh na ji katah men ikam, ja ikam nyadui nunih lahuh ja masi kelunan aleng em tu'a, dahin hituk té' dahun Tuhan Yesus, avin batung Na' dep uh kuma', ‘Kelalau sayu men kelunan aleng ma'uk men'uh kelunan aleng ala.’ ”
36 #
HST 21:5
Tegu iha' uh kuma' nunih, iha' nah iha' nyepukun dahin sebayang dahin daha' lim. 37#HST 21:6; Rom 16:16; 1 Pet 5:14 Lim daha' pah nangih aya', dahin ngelameng Paulus dahin pekelua' marek iha'. 38#HST 20:25 Aleng ngavan daha' kelalau tusah kenep, avin iha' uh kuma' daha' seng em jam neng na' la'an. Uh anan en daha' aten nah iha' ha' kapen.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.