HADUI DAHA' SIHU TUHAN 21
21
Paulus tei ha' daléh Tirus, Agabus bara daho' pekuna'
1Tegu kalo' uh petat men daha' kelunan atih, dahin uh leka' té' kapen, pelalau kamé' ateng ha' busang Kos, dahin dau malah ji ateng nah kamé' ha' Rodos, leka' men inan kamé' ateng ha' Patara. 2Tinan nah kalo' pesuk ji kapen aleng seng tei lawat tei ha' Fenesia, pelalau kalo' tei hujung kapen anan, pelalau leka'.
3Tegu kamé' nula busang Siprus, iha' nah kamé' tei payeng men bah ulei na' pelalau tei ha' daléh Siria, men inan la'an kamé' nyangei ha' daléh Tirus, avin tinan kapen atih nyangei udan na'. 4#HST 11:12; 20:23 Tinan nah kalo' pepsuk dahin daha' anak sekulah, pelalau melo' dahin daha' tusu dau dara na'. Daha' atih pah kuma' men Paulus kenan Belua' Ma'ang, em mun iha' tei ha' Yerusalem. 5#HST 20:36 Uh lepek nah dau dalo' tinan, iha' nah kalo' leka'. Lun nei nah lim daha' dahin hawan daha' dahin anak daha' nei pekakah kalo' ateng hawang daléh tih. Ha' bahé' banget nah kamé' nukem dahin sebayang. 6Uh anan iha' nah kamé' petabi', uh kamé' petabi', iha' nah kalo' tei hujung kapen, uh anan uli nah daha' lim huma.
7Panau nah kalo' men Tirus tei ateng ha' Ptolemais, tinan kalo' pejamat dahin daha' harin tam dahin melo' dahin daha' ji dau. 8#HST 6:5; 8:5,40 Dau malah panau nah kalo', ateng ha' Kaisarea. Kalo' pah tei lebau amin Filipus aleng pedengah dengah sayu dahin aleng ji men dalo' tusu atih, melo' nah kalo' dahin na'. 9#HST 2:17 Laké' anih té' pat anak-doh na', nyemdoh loh, aleng haman bara dahun Allah. 10#HST 11:28 Alem kalo' melo' tinan kuri dau dara na', lun nei nah ji nabi aleng aran na' Agabus nei men Yudea. 11#HST 20:23 Nei nah iha' jam kalo', en na' ala nah jet Paulus, en na' ngaput nah kudek na' dep dahin usu na' dep, dahin kuma', “Nunih nah dahun Belua' Ma'ang, ‘Nunih nah daha' Yahudi ha' Yerusalem seng ngaput kelunan aleng hipun jet anih, dahin seng ma'uk iha' alem usu kelunan aleng bengsa' ha' béh.’ ” 12#Mat 16:22 Tegu kalo' kelenghi daho' anih lim, kalo' dahin lim daha' anak sekulah ha' uma atih pah ngehameng em mun iha' tei ha' Yerusalem. 13#HST 20:24 Iha' Paulus nyu'ei, “Tavit nun kelo' nangih dahin petusah kenep kui? Avin kenep kui uh ek koh tua, meng nengaran jin anan, ateng kui matei pah ha' Yerusalem tih avin tavit aran Tuhan Yesus sayu loh kah lahuh.” 14#Mat 26:39; Yoh 21:18 Tegu ha' em ala dahun alo', kalo' kelung tua, ken alo', “No' pah kenep Tuhan tua men iha'.”
Hadui Paulus ha' Yerusalem
15Men'uh kalo' melo' ha' Kaisarea nan alem kuri-kuri dau, iha' nah kalo' nemei pelalau tei ha' Yerusalem. 16Lun nei pah dalo' anak sekulah ha' Kaisarea nan lahuh maten kalo', iha' nah dalo' maten kalo' tei ha' uma ji laké', aran na' Manason, laké' anan kelunan Siprus. Iha' pah lahuh uh dara lan uh nginah. Té' uma' na' nah kalo' melo'. 17Tegu kalo' ateng ha' Yerusalem daha' harin tam atih ala kalo' dahin sayu kenep.
18 #
HST 15:13; Gal 1:19 Dau malah ji Paulus pah nei dahin alo' tei jam Yakobus, lim-lim daha' aleng dekaya' pah té' tinan. 19Tegu Paulus uh pejamat dahin daha', iha' nah iha' bara ha'ut livut men daha' marung lim-lim tuk aleng uh en Allah na té' hang daha' bengsa' ha' béh alem anau na' tih. 20#HST 15:1 Tegu daha' kelenghi dahun na' nutih, daha' pah meju aran Allah, pelalau daha' kuma' men Paulus, “U arin, nyineng im ré', libu'-libu' tua kelunan Yahudi aleng uh nei nginah kerei inih, bi tangen lan daha' ngioh tebara menuna' lahuh. 21#HST 16:3; Rom 10:4 Daha' pah uh jam dengah marung ika' katuk daha' Yahudi aleng melo' té' hang daha' bengsa' ha' béh, dalo' atih kuma' ika' em mun daha' ngioh tebara Musa, em mun daha' anak daha' en sunat dahin em mun ngioh adet pahu tam lahuh. 22#Kah d Is 6:13-21 Seng nuno' nah tuk na' kerei inh ré'? Adang uh kelenghen daha' nah ika' uh ateng inih. 23Avin ana, na awi aleng kurin alo' anih nah im: Avin té' pat la'ung té' hang amé' nih aleng uh na jaji men Tuhan. 24#18:18 Im ala nah dalo' anih dahim, ngem'ang nah batung ka' lahuh#21:24 ngem'ang batung iha' tih bara jaji atih uh lebau. piah awi dalo' na, im bayen nah belaja' dalo' lahuh ja dalo' deng ngulo' buk dalo'. Lim kelunan aleng uh jam dengah marung tuk tira ka' arei dih, kitan daha' ha' em teneng tira daha', bi batung ka' pah aleng uh ngioh tebara menuna' atih lahuh. 25#HST 15:20,29 Daha' bengsa' ha' béh aleng uh nginah kerei inih, kamé' uh metei surat bara daha' utet dahun tam em mun daha' gem ket en daha' uk men hudo', dahin em mun kuman daha' dahin sin tulan aleng en daha' jelevin keran na', dahin em mun nuyang lahuh.” 26#Kah d Is 6:1-20; 1 Kor 9:20 Dau malah ji en Paulus avéh nah dalo' pat la'ung atih dahin na', uh anan en dalo' lim ngem'ang nah batung dalo', pelalau tei nah dalo' alem Uma Allah, ja bara kuri dara jaji anan en dalo' na, ja dalo' seng ma'uk ket en dalo' uk men Tuhan.
Paulus en daha' jin
27Tegu tusu dau atih seng pah, kelunan Yahudi men Asia pah nyineng Paulus alem Uma Allah, pelalau dalo' pebisau kenep daha' aleng kahum atih, dahin gem Paulus, 28#Yehez 44:7; HST 6:13 dahin medéng-medéng, “U kelunan Israel, nei nah masi! Anih nah kelunan aleng katuk daha' lim-lim ha' ngavan hino'-hino' nyihu daha' lawan pahu tam, dahin tebara menuna', dahin ngavan anih pah lahuh. Ji pah la'an iha' uh geri kelunan Yunani nei halem Uma Allah dahin uh na masep ngavan aleng ma'ang anih. 29#HST 20:4; 2 Tim 4:20 Avin daha' uh nyineng Trofimus kelunan Efesus alem daléh atih dahin Paulus, daha' ngio' Paulus uh geri iha' nei alem Uma Allah.
30Ngepu'an hawen tua nah lim kelunan alem lim daléh atih, daha' tepurung men iréh men itih. Lun nei nah daha' mapuh Paulus pelalau mejat iha' musang men Uma Allah, pelalau en daha' kep nah lim ketamen Uma Allah atih. 31Alem daha' seng ngenep lematei iha', kelenghen laké' kepala' seladu atih nah lim daha' alem daléh Yerusalem ngepu'an pehawen tua. 32Lun petimah nah kepala' seladu anan mavéh daha' seladu dahin dalo' kopral lahuh tei nepa' tusah atih. Tegu kelunan kahum atih uh jam daha' seladu atih, iha' nah daha' ngeta' em nyaman Paulus nan. 33#HST 21:11; 20:23 Uh anan tei nah kepala' seladu atih jeleng Paulus pelalau gem iha', en na' nyihu nah daha' ngaput iha' té' dua' avit, pelalau ha' meteng daha' hi kah iha' dahin nun kah hadui aleng uh en na' na. 34Bi peketuréh tua nah dahun daha', balei kuma' nuréh, balei kuma' nutih. Em té' loh nah kepala' seladu atih jam seng nuno' tuk utet dahun na' té' Paulus tih avin kelalé hawen, lun en na' nyihu nah daha' geri Paulus nan halem kubu aya'. 35Tegu iha' ma'un san, en dalo' seladu na'tang nah iha', avin daha' pehilé' iha'. 36#Lk 23:18; HST 22:22 Avin lim daha' kahum atih muyang, dahin medéng-medéng, kuma', “Lematei nah iha'.”
37Alem Paulus seng en daha' tei alem kubu, kuma' nah iha' men kepala' aya atih, “Seng deng kui petira ji daho' men ika' iah?” Ken na' nyu'ei, “Jam kah ika' dahun Yunani? 38#HST 5:36-37 Nusi' ika' kelunan Mesir du, aleng uh peju lawan kelunan, dahin geri pat libu' la'ung aleng na tusah tua menuna' dih ha' tana ngahit dih ké'?” 39#HST 9:11 Bi ken Paulus, “Akui anih kelunan Yahudi men Tarsus, aleng alem daléh Kilikia, kelunan men daléh aleng kelalau dengah. Akui akei asi té' ika', im koh nah akui tengaran jaki dahin daha' pahu anih.” 40Tegu kepala' seladu anan mekoh iha' duan, Paulus pah nekring té' ujung san atih, en na' ju nah usu na' men daha' atih. Tegu daha' uh tepaka' lim, iha' pah duan daha' alem dahun Ibrani, nunih dahun na':
المحددات الحالية:
HADUI DAHA' SIHU TUHAN 21: TDK1990
تمييز النص
شارك
نسخ

هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 21
21
Paulus tei ha' daléh Tirus, Agabus bara daho' pekuna'
1Tegu kalo' uh petat men daha' kelunan atih, dahin uh leka' té' kapen, pelalau kamé' ateng ha' busang Kos, dahin dau malah ji ateng nah kamé' ha' Rodos, leka' men inan kamé' ateng ha' Patara. 2Tinan nah kalo' pesuk ji kapen aleng seng tei lawat tei ha' Fenesia, pelalau kalo' tei hujung kapen anan, pelalau leka'.
3Tegu kamé' nula busang Siprus, iha' nah kamé' tei payeng men bah ulei na' pelalau tei ha' daléh Siria, men inan la'an kamé' nyangei ha' daléh Tirus, avin tinan kapen atih nyangei udan na'. 4#HST 11:12; 20:23 Tinan nah kalo' pepsuk dahin daha' anak sekulah, pelalau melo' dahin daha' tusu dau dara na'. Daha' atih pah kuma' men Paulus kenan Belua' Ma'ang, em mun iha' tei ha' Yerusalem. 5#HST 20:36 Uh lepek nah dau dalo' tinan, iha' nah kalo' leka'. Lun nei nah lim daha' dahin hawan daha' dahin anak daha' nei pekakah kalo' ateng hawang daléh tih. Ha' bahé' banget nah kamé' nukem dahin sebayang. 6Uh anan iha' nah kamé' petabi', uh kamé' petabi', iha' nah kalo' tei hujung kapen, uh anan uli nah daha' lim huma.
7Panau nah kalo' men Tirus tei ateng ha' Ptolemais, tinan kalo' pejamat dahin daha' harin tam dahin melo' dahin daha' ji dau. 8#HST 6:5; 8:5,40 Dau malah panau nah kalo', ateng ha' Kaisarea. Kalo' pah tei lebau amin Filipus aleng pedengah dengah sayu dahin aleng ji men dalo' tusu atih, melo' nah kalo' dahin na'. 9#HST 2:17 Laké' anih té' pat anak-doh na', nyemdoh loh, aleng haman bara dahun Allah. 10#HST 11:28 Alem kalo' melo' tinan kuri dau dara na', lun nei nah ji nabi aleng aran na' Agabus nei men Yudea. 11#HST 20:23 Nei nah iha' jam kalo', en na' ala nah jet Paulus, en na' ngaput nah kudek na' dep dahin usu na' dep, dahin kuma', “Nunih nah dahun Belua' Ma'ang, ‘Nunih nah daha' Yahudi ha' Yerusalem seng ngaput kelunan aleng hipun jet anih, dahin seng ma'uk iha' alem usu kelunan aleng bengsa' ha' béh.’ ” 12#Mat 16:22 Tegu kalo' kelenghi daho' anih lim, kalo' dahin lim daha' anak sekulah ha' uma atih pah ngehameng em mun iha' tei ha' Yerusalem. 13#HST 20:24 Iha' Paulus nyu'ei, “Tavit nun kelo' nangih dahin petusah kenep kui? Avin kenep kui uh ek koh tua, meng nengaran jin anan, ateng kui matei pah ha' Yerusalem tih avin tavit aran Tuhan Yesus sayu loh kah lahuh.” 14#Mat 26:39; Yoh 21:18 Tegu ha' em ala dahun alo', kalo' kelung tua, ken alo', “No' pah kenep Tuhan tua men iha'.”
Hadui Paulus ha' Yerusalem
15Men'uh kalo' melo' ha' Kaisarea nan alem kuri-kuri dau, iha' nah kalo' nemei pelalau tei ha' Yerusalem. 16Lun nei pah dalo' anak sekulah ha' Kaisarea nan lahuh maten kalo', iha' nah dalo' maten kalo' tei ha' uma ji laké', aran na' Manason, laké' anan kelunan Siprus. Iha' pah lahuh uh dara lan uh nginah. Té' uma' na' nah kalo' melo'. 17Tegu kalo' ateng ha' Yerusalem daha' harin tam atih ala kalo' dahin sayu kenep.
18 #
HST 15:13; Gal 1:19 Dau malah ji Paulus pah nei dahin alo' tei jam Yakobus, lim-lim daha' aleng dekaya' pah té' tinan. 19Tegu Paulus uh pejamat dahin daha', iha' nah iha' bara ha'ut livut men daha' marung lim-lim tuk aleng uh en Allah na té' hang daha' bengsa' ha' béh alem anau na' tih. 20#HST 15:1 Tegu daha' kelenghi dahun na' nutih, daha' pah meju aran Allah, pelalau daha' kuma' men Paulus, “U arin, nyineng im ré', libu'-libu' tua kelunan Yahudi aleng uh nei nginah kerei inih, bi tangen lan daha' ngioh tebara menuna' lahuh. 21#HST 16:3; Rom 10:4 Daha' pah uh jam dengah marung ika' katuk daha' Yahudi aleng melo' té' hang daha' bengsa' ha' béh, dalo' atih kuma' ika' em mun daha' ngioh tebara Musa, em mun daha' anak daha' en sunat dahin em mun ngioh adet pahu tam lahuh. 22#Kah d Is 6:13-21 Seng nuno' nah tuk na' kerei inh ré'? Adang uh kelenghen daha' nah ika' uh ateng inih. 23Avin ana, na awi aleng kurin alo' anih nah im: Avin té' pat la'ung té' hang amé' nih aleng uh na jaji men Tuhan. 24#18:18 Im ala nah dalo' anih dahim, ngem'ang nah batung ka' lahuh#21:24 ngem'ang batung iha' tih bara jaji atih uh lebau. piah awi dalo' na, im bayen nah belaja' dalo' lahuh ja dalo' deng ngulo' buk dalo'. Lim kelunan aleng uh jam dengah marung tuk tira ka' arei dih, kitan daha' ha' em teneng tira daha', bi batung ka' pah aleng uh ngioh tebara menuna' atih lahuh. 25#HST 15:20,29 Daha' bengsa' ha' béh aleng uh nginah kerei inih, kamé' uh metei surat bara daha' utet dahun tam em mun daha' gem ket en daha' uk men hudo', dahin em mun kuman daha' dahin sin tulan aleng en daha' jelevin keran na', dahin em mun nuyang lahuh.” 26#Kah d Is 6:1-20; 1 Kor 9:20 Dau malah ji en Paulus avéh nah dalo' pat la'ung atih dahin na', uh anan en dalo' lim ngem'ang nah batung dalo', pelalau tei nah dalo' alem Uma Allah, ja bara kuri dara jaji anan en dalo' na, ja dalo' seng ma'uk ket en dalo' uk men Tuhan.
Paulus en daha' jin
27Tegu tusu dau atih seng pah, kelunan Yahudi men Asia pah nyineng Paulus alem Uma Allah, pelalau dalo' pebisau kenep daha' aleng kahum atih, dahin gem Paulus, 28#Yehez 44:7; HST 6:13 dahin medéng-medéng, “U kelunan Israel, nei nah masi! Anih nah kelunan aleng katuk daha' lim-lim ha' ngavan hino'-hino' nyihu daha' lawan pahu tam, dahin tebara menuna', dahin ngavan anih pah lahuh. Ji pah la'an iha' uh geri kelunan Yunani nei halem Uma Allah dahin uh na masep ngavan aleng ma'ang anih. 29#HST 20:4; 2 Tim 4:20 Avin daha' uh nyineng Trofimus kelunan Efesus alem daléh atih dahin Paulus, daha' ngio' Paulus uh geri iha' nei alem Uma Allah.
30Ngepu'an hawen tua nah lim kelunan alem lim daléh atih, daha' tepurung men iréh men itih. Lun nei nah daha' mapuh Paulus pelalau mejat iha' musang men Uma Allah, pelalau en daha' kep nah lim ketamen Uma Allah atih. 31Alem daha' seng ngenep lematei iha', kelenghen laké' kepala' seladu atih nah lim daha' alem daléh Yerusalem ngepu'an pehawen tua. 32Lun petimah nah kepala' seladu anan mavéh daha' seladu dahin dalo' kopral lahuh tei nepa' tusah atih. Tegu kelunan kahum atih uh jam daha' seladu atih, iha' nah daha' ngeta' em nyaman Paulus nan. 33#HST 21:11; 20:23 Uh anan tei nah kepala' seladu atih jeleng Paulus pelalau gem iha', en na' nyihu nah daha' ngaput iha' té' dua' avit, pelalau ha' meteng daha' hi kah iha' dahin nun kah hadui aleng uh en na' na. 34Bi peketuréh tua nah dahun daha', balei kuma' nuréh, balei kuma' nutih. Em té' loh nah kepala' seladu atih jam seng nuno' tuk utet dahun na' té' Paulus tih avin kelalé hawen, lun en na' nyihu nah daha' geri Paulus nan halem kubu aya'. 35Tegu iha' ma'un san, en dalo' seladu na'tang nah iha', avin daha' pehilé' iha'. 36#Lk 23:18; HST 22:22 Avin lim daha' kahum atih muyang, dahin medéng-medéng, kuma', “Lematei nah iha'.”
37Alem Paulus seng en daha' tei alem kubu, kuma' nah iha' men kepala' aya atih, “Seng deng kui petira ji daho' men ika' iah?” Ken na' nyu'ei, “Jam kah ika' dahun Yunani? 38#HST 5:36-37 Nusi' ika' kelunan Mesir du, aleng uh peju lawan kelunan, dahin geri pat libu' la'ung aleng na tusah tua menuna' dih ha' tana ngahit dih ké'?” 39#HST 9:11 Bi ken Paulus, “Akui anih kelunan Yahudi men Tarsus, aleng alem daléh Kilikia, kelunan men daléh aleng kelalau dengah. Akui akei asi té' ika', im koh nah akui tengaran jaki dahin daha' pahu anih.” 40Tegu kepala' seladu anan mekoh iha' duan, Paulus pah nekring té' ujung san atih, en na' ju nah usu na' men daha' atih. Tegu daha' uh tepaka' lim, iha' pah duan daha' alem dahun Ibrani, nunih dahun na':
المحددات الحالية:
:
تمييز النص
شارك
نسخ

هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.