HADUI DAHA' SIHU TUHAN 22
22
Ket en Paulus nira men daha' Yahudi
HST 9:1-19; 26:12-18
1 #
HST 7:2; 13:26 “U kelo' tamak dahin harik, kelenghi nah hu'ei kui men ikam kerei ini.” 2#HST 21:40 Tegu daha' atih kelenghi iha' tengaran alem dahun Ibrani, sa' tepaka' nah daha' atih. Pelalau ken Paulus.
3 #
HST 9:1-29; 26:9-20 #HST 5:34-39; Rom 10:2 “Akui anih kelunan Yahudi, kanak ha' Tarsus aleng ha' daléh Kilikia, bi alem daléh anih nah akui nei dekaya'. Men akui nyam Gamaliel aleng katuk akui lan-lan té' tebara daha' sepun tam menuna', tangen lan pah akui té' Allah, awi jam tuk ikam lim anih dau anih. 4#HST 8:3; 26:9-11 Akui pah uh pekaté' daha' aleng ngioh Alan anih ateng kui lematei daha'. Daha' laké' dahin daha' doh pah ek aput metei daha' alem jin. 5Daha' imam aya' dahin daha' kemiti pah, deng kah daha' bara marung tuk akui nih. Daha' nah aleng na surat men akui ja tei ala daha' harin tam aleng ha' Damsyik, ja akui tei hinan mapuh daha' aleng ngioh Alan anih seng geri daha' ha' Yerusalem, paget kaput, ja daha' en ukum. 6Bi alem akui panau tei ha' Damsyik nan, tegu akui seng jeleng ateng hinan, iha' tih kio'-kio' dau negreng, beka' nyeman-nyeman té' ji alah nei men langit netan teliling akui. 7Pelalau puva nah akui té' tana dahin kelenghi ji daho' aleng kuma' men akui, ‘U Saulus, Saulus avin nun nah ika' pekaté' Akui?’ 8Nyu'ei nah akui, ‘Hi kah Ika', u Tuhan?’ Pelalau ken Na' men akui, ‘Akui nah Yesus, kelunan Nazaret aleng im pekaté'.’ 9Kelunan aleng dahik atih pah jam alah atih lahuh, bi nusi' daha' jam dahun Na' aleng duan akui atih. 10Iha' nah akui kuma', ‘U Tuhan, nun kah aleng tekep ek na?’ Ken Tuhan men akui, ‘Biti nah im tei ha' Damsyik. Hinan nah Akui seng bara ika' lim hadui aleng uh Ek petneng men ika'.’ 11Avin akui em deng nyineng avin kenan aren alah atih, en dalo' aleng dahik atih ayak nah usu kui, ateng nah kalo' ha' Damsyik.
12“Té' nah ji kelunan aleng aran na' Ananias, aleng tangen ngioh tebara menuna', aleng en lim kelunan Yahudi aleng melo' tinan hek. 13Nei nah iha' pala akui nei nekring té' béh kui dahin kuma', ‘U harik Saulus, nyebaneng nah matam la'an.’ Men tegu atih pah akui pelalau jam nyineng iha'. 14#HST 3:14 Ken na', ‘Allah sepun tam hu'uh petneng ika' ja ika' jam aleng kenep Na' dahin nyineng Iha' aleng Teneng atih, dahin kelenghi daho' men ba Na'. 15Avin ika' seng jadi' ji tada' men Iha' men kelunan lim marung tuk ket aleng uh im nyineng dahin aleng im kelenghi anan dih. 16#2 Tim 2:22 Nun lalé' mahen ka' nan? Peju nah im keta'. Duh nah, dahin mayau sala ka' alem ka' ngetalau aran Na'.
17 #
HST 9:26; 11:30; Gal 1:18-19 “Tegu akui uh uli ha' Yerusalem, alem kui sebayang alem Uma Allah, akui pah jam 18dahin nyineng Iha' kuma' men akui, ‘Siga' im, musang nah im pelalau men Yerusalem nih, avin nusi' daha' anih seng ala dahum marung tuk Akui.’ 19#HST 22:4 Iha' nah akui nyu'ei, ‘U Tuhan, daha' atih pah uh jam, avin akui uh ala kelunan aleng nginah té' Ika' dahin metei daha' alem jin dahin meté' nyaman daha' hino'-hino' uma sebayang. 20#HST 7:58; 8:1 Tegu daha' lematei Stefanus aleng teksi' Ka' arei dih, té' kah akui nekring dahin daha' tinan lahuh, akui pah piah kenep dahin daha' té' hadui atih, dahin puboh kanan daha' aleng lematei iha'.’ 21#HST 9:15; 13:2 Bi ken Na' men akui, ‘Tei nah im, avin Akui seng nyihu ika' tei su men inih, tei ha' daha' bengsa' ha' béh.’ ”
Paulus bara iha' kelunan Roma
22 #
HST 21:35
En daha' kelenghi nah dahun Paulus kuma' nutih, bi hu'uh nunan dih, pelalau daha' medéng aya', ken daha', “En lematei nah kelunan anih lepek té' usun tana anih! Nusi' tekep iha' murip!” 23Medéng nah daha' atih dahin mebet kanan daha', dahin murah pup tana nyelibau daha'. 24Pelalau kepala' seladu atih nyihu geri Paulus tei halem kubu, jeliket iha' ja ngetneng iha', ja iha' jam nun tavit na' daha' atih medéng na iha' nunan. 25#HST 16:37; 23:27 Tegu daha' uh ngaput Paulus ha' unan daha' seng jeliket iha', iha' ha' kuma' men laké' kopral aleng nekring té' béh na' atih, “Seng deng kam jeliket ji la'ung kelunan Roma em payan daho' butet té' iha' du?” 26Tegu Kopral atih jam dahun na' nunan, tei nah iha' pala kepala' seladu, bara iha', ken na', “Nun kah aleng seng im na? Avin kelunan anih kelunan Roma.” 27Kepala' seladu atih pah tei pala Paulus dahin kuma', “Bara nah im men akui, lan kah ika' kelunan Roma iah?” Ken Paulus, “Lan.” 28Nyu'ei nah kepala' seladu atih, “Dekaya' lan beredika#22:28 beredika' Atih nah ligit en daha' bayen ja daha' em awi dipen daha' Roma. Tegu daha' uh lesah daha' en itung kelunan Roma la'an. kui ja akui jadi' kelunan Roma.” Ken Paulus, “Bi akui anih nah kanak alem Roma.” 29Pelalau lim kelunan aleng ngenep ngetneng iha' atih salet leka' men béh na', kepala' seladu atih pah takut lahuh, tegu iha' jam Paulus kelunan Roma, avin iha' uh nyihu daha' ngaput iha'.
30Dau malah ji, avin kepala' seladu atih ngenep jam lan tavit daha' Yahudi uh naka' Paulus nutih, en na' uvan nah kaput na', en na' nyihu nah daha' imam aya' dahin lim daha' kemiti atih pepeng, pelalau iha' geri Paulus ngiléh men kubu tei geri iha' ha' unan daha' kahum atih.
المحددات الحالية:
HADUI DAHA' SIHU TUHAN 22: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 22
22
Ket en Paulus nira men daha' Yahudi
HST 9:1-19; 26:12-18
1 #
HST 7:2; 13:26 “U kelo' tamak dahin harik, kelenghi nah hu'ei kui men ikam kerei ini.” 2#HST 21:40 Tegu daha' atih kelenghi iha' tengaran alem dahun Ibrani, sa' tepaka' nah daha' atih. Pelalau ken Paulus.
3 #
HST 9:1-29; 26:9-20 #HST 5:34-39; Rom 10:2 “Akui anih kelunan Yahudi, kanak ha' Tarsus aleng ha' daléh Kilikia, bi alem daléh anih nah akui nei dekaya'. Men akui nyam Gamaliel aleng katuk akui lan-lan té' tebara daha' sepun tam menuna', tangen lan pah akui té' Allah, awi jam tuk ikam lim anih dau anih. 4#HST 8:3; 26:9-11 Akui pah uh pekaté' daha' aleng ngioh Alan anih ateng kui lematei daha'. Daha' laké' dahin daha' doh pah ek aput metei daha' alem jin. 5Daha' imam aya' dahin daha' kemiti pah, deng kah daha' bara marung tuk akui nih. Daha' nah aleng na surat men akui ja tei ala daha' harin tam aleng ha' Damsyik, ja akui tei hinan mapuh daha' aleng ngioh Alan anih seng geri daha' ha' Yerusalem, paget kaput, ja daha' en ukum. 6Bi alem akui panau tei ha' Damsyik nan, tegu akui seng jeleng ateng hinan, iha' tih kio'-kio' dau negreng, beka' nyeman-nyeman té' ji alah nei men langit netan teliling akui. 7Pelalau puva nah akui té' tana dahin kelenghi ji daho' aleng kuma' men akui, ‘U Saulus, Saulus avin nun nah ika' pekaté' Akui?’ 8Nyu'ei nah akui, ‘Hi kah Ika', u Tuhan?’ Pelalau ken Na' men akui, ‘Akui nah Yesus, kelunan Nazaret aleng im pekaté'.’ 9Kelunan aleng dahik atih pah jam alah atih lahuh, bi nusi' daha' jam dahun Na' aleng duan akui atih. 10Iha' nah akui kuma', ‘U Tuhan, nun kah aleng tekep ek na?’ Ken Tuhan men akui, ‘Biti nah im tei ha' Damsyik. Hinan nah Akui seng bara ika' lim hadui aleng uh Ek petneng men ika'.’ 11Avin akui em deng nyineng avin kenan aren alah atih, en dalo' aleng dahik atih ayak nah usu kui, ateng nah kalo' ha' Damsyik.
12“Té' nah ji kelunan aleng aran na' Ananias, aleng tangen ngioh tebara menuna', aleng en lim kelunan Yahudi aleng melo' tinan hek. 13Nei nah iha' pala akui nei nekring té' béh kui dahin kuma', ‘U harik Saulus, nyebaneng nah matam la'an.’ Men tegu atih pah akui pelalau jam nyineng iha'. 14#HST 3:14 Ken na', ‘Allah sepun tam hu'uh petneng ika' ja ika' jam aleng kenep Na' dahin nyineng Iha' aleng Teneng atih, dahin kelenghi daho' men ba Na'. 15Avin ika' seng jadi' ji tada' men Iha' men kelunan lim marung tuk ket aleng uh im nyineng dahin aleng im kelenghi anan dih. 16#2 Tim 2:22 Nun lalé' mahen ka' nan? Peju nah im keta'. Duh nah, dahin mayau sala ka' alem ka' ngetalau aran Na'.
17 #
HST 9:26; 11:30; Gal 1:18-19 “Tegu akui uh uli ha' Yerusalem, alem kui sebayang alem Uma Allah, akui pah jam 18dahin nyineng Iha' kuma' men akui, ‘Siga' im, musang nah im pelalau men Yerusalem nih, avin nusi' daha' anih seng ala dahum marung tuk Akui.’ 19#HST 22:4 Iha' nah akui nyu'ei, ‘U Tuhan, daha' atih pah uh jam, avin akui uh ala kelunan aleng nginah té' Ika' dahin metei daha' alem jin dahin meté' nyaman daha' hino'-hino' uma sebayang. 20#HST 7:58; 8:1 Tegu daha' lematei Stefanus aleng teksi' Ka' arei dih, té' kah akui nekring dahin daha' tinan lahuh, akui pah piah kenep dahin daha' té' hadui atih, dahin puboh kanan daha' aleng lematei iha'.’ 21#HST 9:15; 13:2 Bi ken Na' men akui, ‘Tei nah im, avin Akui seng nyihu ika' tei su men inih, tei ha' daha' bengsa' ha' béh.’ ”
Paulus bara iha' kelunan Roma
22 #
HST 21:35
En daha' kelenghi nah dahun Paulus kuma' nutih, bi hu'uh nunan dih, pelalau daha' medéng aya', ken daha', “En lematei nah kelunan anih lepek té' usun tana anih! Nusi' tekep iha' murip!” 23Medéng nah daha' atih dahin mebet kanan daha', dahin murah pup tana nyelibau daha'. 24Pelalau kepala' seladu atih nyihu geri Paulus tei halem kubu, jeliket iha' ja ngetneng iha', ja iha' jam nun tavit na' daha' atih medéng na iha' nunan. 25#HST 16:37; 23:27 Tegu daha' uh ngaput Paulus ha' unan daha' seng jeliket iha', iha' ha' kuma' men laké' kopral aleng nekring té' béh na' atih, “Seng deng kam jeliket ji la'ung kelunan Roma em payan daho' butet té' iha' du?” 26Tegu Kopral atih jam dahun na' nunan, tei nah iha' pala kepala' seladu, bara iha', ken na', “Nun kah aleng seng im na? Avin kelunan anih kelunan Roma.” 27Kepala' seladu atih pah tei pala Paulus dahin kuma', “Bara nah im men akui, lan kah ika' kelunan Roma iah?” Ken Paulus, “Lan.” 28Nyu'ei nah kepala' seladu atih, “Dekaya' lan beredika#22:28 beredika' Atih nah ligit en daha' bayen ja daha' em awi dipen daha' Roma. Tegu daha' uh lesah daha' en itung kelunan Roma la'an. kui ja akui jadi' kelunan Roma.” Ken Paulus, “Bi akui anih nah kanak alem Roma.” 29Pelalau lim kelunan aleng ngenep ngetneng iha' atih salet leka' men béh na', kepala' seladu atih pah takut lahuh, tegu iha' jam Paulus kelunan Roma, avin iha' uh nyihu daha' ngaput iha'.
30Dau malah ji, avin kepala' seladu atih ngenep jam lan tavit daha' Yahudi uh naka' Paulus nutih, en na' uvan nah kaput na', en na' nyihu nah daha' imam aya' dahin lim daha' kemiti atih pepeng, pelalau iha' geri Paulus ngiléh men kubu tei geri iha' ha' unan daha' kahum atih.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.