HADUI DAHA' SIHU TUHAN 23
23
Paulus ha' unan Kemiti daha' Yahudi Pano' té' hang daha' Farisi dahin Saduki
1 #
HST 22:1; 24:16 Paulus niléh peng daha' kemiti atih, dahin kuma', “U kelo' harik, akui uh murip ha' unan Allah dahin henoh alem kenep kui uh teneng ateng dau anih.” 2Bi Ananias imam aya' atih nyihu nah kelunan aleng nekring jeleng Paulus nan nebip ba na'. 3Pelalau ken Paulus men iha', “Allah seng nebip ika', u liding aleng en daha' usut apoh. Ika' anih melo' seng petneng akui ngioh tebara, bi ika' melawan tebara nyihu daha' nebip akui iah?” 4Ken kelunan aleng nekring jeleng atih, “Ika' peha'éh imam aya' Allah iah?” 5Ken Paulus, “U kelo' harik, nusi' kui jam iha' atih imam aya', avin uh té' kalung, ‘Meng nah im peji'ek iha' aleng gem pahu ka'.’ ”
6 #
HST 4:2; 22:3; 26:5; Fil 3:5 Tegu Paulus nyineng daha' atih balei kelunan Saduki dahin balei kelunan Farisi, iha' duan aya' ha' unan daha' kemiti atih, ken na', “U kelo' harik, akui anih kelunan Farisi dahin anak kelunan Farisi. Avin kinah kui, dahin marung kelunan aleng matei nei peju murip, anan nah tavit daha' uh ngema' akui.” 7Tegu iha' uh kuma' nunan, nei nah pesekdep aya' kenep té' hang daha' Farisi dahin daha' Saduki, daha' kahum atih pah tei petulan tua. 8#Mat 22:23 Avin kelunan Saduki kuma' kelunan em nei peju murip, nusi' pah té' meliket dahin belua' lahuh kurin daha', bi kelunan Farisi meng'i lim daha' té' ket atih. 9#HST 25:25; 5:39 Nei nah pano' hawen lelan. Té' kuri-kuri la'ung aleng puboh surat men hang daha' Farisi nei biti dahin peté' lelan dahin kuma', “Nusi' peletu kamé' jam sala kelunan anih, mina té' si' belua', mina meliket kah aleng uh tengaran dahin na'.” 10Bi sa'-sa' pah daha' sekdep lelan kenep, iha' nah kepala' seladu atih nyihu daha' seladu atih tei ngiléh ala Paulus mejat iha' men hang daha' atih dahin geri iha' nei halem kubu, avin iha' takut baki Paulus ga' aya' kenan daha'.
11 #
HST 18:9; 19:21; 28:16,23 Malem anan nekring nah Tuhan té' béh Paulus, dahin kuma', “Petneng nak kenep ka', avin awi jam tuk ika' hu'uh bara marung Akui ha' Yerusalem, nunan pah ika' seng bara marung Akui ha' Roma lahuh.”
Pakat kelunan Yahudi ngenep lematei Paulus
12Tegu dau uh malah daha' Yahudi pah pakat dahin na tevah daha' seng em kuman dahin du'i ateng daha' uh lematei Paulus. 13Kahum daha' atih huwi pat-pulu la'ung aleng pakat marung tevah atih. 14#Yoh 16:2-3 Lim kelunan atih pah tei pala daha' imam aya' dahin daha' aleng dekaya' dahin kuma', “Kamé' hu'uh tevah ji tevah aleng dekaya'. Kamé' seng em kuman nun-nun ateng kamé' hu'uh lematei Paulus. 15Avin ha' nutih, sayu ikam duan daha' kemiti, nyihu kepala' seladu atih geri iha' nei ngiléh ha' ikam, awi jam ikam seng ngetneng teneng marung iha' la'an, bi kamé' anih uh petmei seng lematei iha' em payan iha' jeleng ha' ikam.”
16Bi anak-laké' harin Paulus aleng doh kelenghi marung tuk daha' mavang iha' nutih, pelalau iha' tei halem kubu, bara men Paulus. 17En Paulus uvui nah ji laké' kopral atih dahin kuma' men iha', “Geri nah nyemaké' anih pala kepala' seladu, avin té' ji daho' kenep na' seng en na' bara men iha'.” 18Iha' nah laké' kopral atih geri iha' pala kepala' seladu atih, ken na' nah, “Paulus aleng alem jin atih muvei akui, nyihu akui geri nyemaké' anih pala ika', avin té' ji daho' kenep na' bara men ika'.” 19Kepala' seladu atih pah gem usu nyemaké' atih, pelalau geri iha' mukéh dahin meteng, “Nun kah aleng kenep ka' seng in bara men akui dih?” 20Nyu'ei nah iha', “Daha' Yahudi hu'uh pakat akei ika' geri Paulus ngiléh jima pala peng daha' kemiti, awi daha' seng ngetneng la'an marung tuk iha'. 21Avin atih, meng nah im ngioh kenep daha' atih, avin daha' atih té' huwi pat-pulu la'ung aleng mavang iha' aleng uh tevah aleng em kuman dahin du'i ateng Paulus en daha' lematei. Kerei inih daha' atih uh petmei pidah dahum.” 22Avin anan kepala' seladu atih nyihu nyemaké' atih uli dahin nangen iha', “Meng im peletu bara men ji-ji la'ung marung tuk ika' hu'uh bara daho' anih men akui.”
Paulus en daha' tei ha' gabnur Feliks
23Pelalau kepala' seladu atih muvui dua' la'ung kopral dahin kuma', “Petmei nah dua' atuh seladu, tegu pukun pitan malem anih, dahin tusu-pulu kelunan ujung guda', dahin dua' atuh kelunan aleng gem bakin, ja daha' tei ha' Kaisarea.” 24En na' nyihu nah daha' petmei hulung keledei ngavan Paulus melo', dahin geri iha' dahin em té' nun-nun tusah pala Feliks aleng gabnur atih. 25En na' ngalung nah ji li'ap surat, nunih dahun na':
26 #
Lk 1:3
“Tabi' men akui, iha' tih Klaudius Lisias, ateng pala Feliks, gabnur aleng kelalau sayu. 27#HST 21:33; 22:25 Kelunan anih hu'uh en daha' Yahudi apuh, dahin alem daha' atih ngenep lematei iha', akui pah tei ha' daha' geri daha' seladu, dahin musang iha', avin akui hu'uh jam daho' marung iha' anih adang kelunan Roma. 28#HST 22:30 Akui pah uh geri iha' ngiléh pala peng kemiti daha' avin akui ngenep jam tavit daha' ngema' iha'. 29#HST 6:9; 18:14-15 Bi aleng jam kui iha' en daha' ngema' marung tuk tebara daha', bi nusi' té' nun-nun aleng tekep ngavan tam lematei iha' dahin metei iha' alem jin. 30#HST 24:8 Tegu akui jam daho' daha' uh na ji pakat ngenep lematei laké' anih, iha' nah akui pelalau nyihu daha' seladu geri iha' pala ika', dahin nyihu daha' aleng ngema' iha' nei bara dahun daha' ha' unan ka' lahuh. Anih tua.”
31Avin ha' nunan en daha' seladu atih ala nah Paulus awi aleng en na' katuk daha' atih, pelalau geri iha' tegu malem ha' Antipatris. 32Dau malah ji daha' aleng panau kudek uli nekulah ha' kubu, lim kelunan aleng té' guda' atih maten Paulus. 33Tegu daha' ateng ha' Kaisarea daha' ma'uk surat atih men gabnur, dahin Paulus pah en daha' geri ha' unan na'. 34#HST 22:3 Tegu iha' uh basa' surat atih, en na' teng nah Paulus, alem daléh ano' atek daléh pa'un na' lan. Tegu iha' uh jam Paulus atih kelunan Kilikia, 35iha' kuma', “Akui seng nesek dahum tegu daha' aleng ngema' ika' anih nei ateng lahuh.” En na' nyihu nah daha' puboh Paulus alem kubu Herodes.
المحددات الحالية:
HADUI DAHA' SIHU TUHAN 23: TDK1990
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 23
23
Paulus ha' unan Kemiti daha' Yahudi Pano' té' hang daha' Farisi dahin Saduki
1 #
HST 22:1; 24:16 Paulus niléh peng daha' kemiti atih, dahin kuma', “U kelo' harik, akui uh murip ha' unan Allah dahin henoh alem kenep kui uh teneng ateng dau anih.” 2Bi Ananias imam aya' atih nyihu nah kelunan aleng nekring jeleng Paulus nan nebip ba na'. 3Pelalau ken Paulus men iha', “Allah seng nebip ika', u liding aleng en daha' usut apoh. Ika' anih melo' seng petneng akui ngioh tebara, bi ika' melawan tebara nyihu daha' nebip akui iah?” 4Ken kelunan aleng nekring jeleng atih, “Ika' peha'éh imam aya' Allah iah?” 5Ken Paulus, “U kelo' harik, nusi' kui jam iha' atih imam aya', avin uh té' kalung, ‘Meng nah im peji'ek iha' aleng gem pahu ka'.’ ”
6 #
HST 4:2; 22:3; 26:5; Fil 3:5 Tegu Paulus nyineng daha' atih balei kelunan Saduki dahin balei kelunan Farisi, iha' duan aya' ha' unan daha' kemiti atih, ken na', “U kelo' harik, akui anih kelunan Farisi dahin anak kelunan Farisi. Avin kinah kui, dahin marung kelunan aleng matei nei peju murip, anan nah tavit daha' uh ngema' akui.” 7Tegu iha' uh kuma' nunan, nei nah pesekdep aya' kenep té' hang daha' Farisi dahin daha' Saduki, daha' kahum atih pah tei petulan tua. 8#Mat 22:23 Avin kelunan Saduki kuma' kelunan em nei peju murip, nusi' pah té' meliket dahin belua' lahuh kurin daha', bi kelunan Farisi meng'i lim daha' té' ket atih. 9#HST 25:25; 5:39 Nei nah pano' hawen lelan. Té' kuri-kuri la'ung aleng puboh surat men hang daha' Farisi nei biti dahin peté' lelan dahin kuma', “Nusi' peletu kamé' jam sala kelunan anih, mina té' si' belua', mina meliket kah aleng uh tengaran dahin na'.” 10Bi sa'-sa' pah daha' sekdep lelan kenep, iha' nah kepala' seladu atih nyihu daha' seladu atih tei ngiléh ala Paulus mejat iha' men hang daha' atih dahin geri iha' nei halem kubu, avin iha' takut baki Paulus ga' aya' kenan daha'.
11 #
HST 18:9; 19:21; 28:16,23 Malem anan nekring nah Tuhan té' béh Paulus, dahin kuma', “Petneng nak kenep ka', avin awi jam tuk ika' hu'uh bara marung Akui ha' Yerusalem, nunan pah ika' seng bara marung Akui ha' Roma lahuh.”
Pakat kelunan Yahudi ngenep lematei Paulus
12Tegu dau uh malah daha' Yahudi pah pakat dahin na tevah daha' seng em kuman dahin du'i ateng daha' uh lematei Paulus. 13Kahum daha' atih huwi pat-pulu la'ung aleng pakat marung tevah atih. 14#Yoh 16:2-3 Lim kelunan atih pah tei pala daha' imam aya' dahin daha' aleng dekaya' dahin kuma', “Kamé' hu'uh tevah ji tevah aleng dekaya'. Kamé' seng em kuman nun-nun ateng kamé' hu'uh lematei Paulus. 15Avin ha' nutih, sayu ikam duan daha' kemiti, nyihu kepala' seladu atih geri iha' nei ngiléh ha' ikam, awi jam ikam seng ngetneng teneng marung iha' la'an, bi kamé' anih uh petmei seng lematei iha' em payan iha' jeleng ha' ikam.”
16Bi anak-laké' harin Paulus aleng doh kelenghi marung tuk daha' mavang iha' nutih, pelalau iha' tei halem kubu, bara men Paulus. 17En Paulus uvui nah ji laké' kopral atih dahin kuma' men iha', “Geri nah nyemaké' anih pala kepala' seladu, avin té' ji daho' kenep na' seng en na' bara men iha'.” 18Iha' nah laké' kopral atih geri iha' pala kepala' seladu atih, ken na' nah, “Paulus aleng alem jin atih muvei akui, nyihu akui geri nyemaké' anih pala ika', avin té' ji daho' kenep na' bara men ika'.” 19Kepala' seladu atih pah gem usu nyemaké' atih, pelalau geri iha' mukéh dahin meteng, “Nun kah aleng kenep ka' seng in bara men akui dih?” 20Nyu'ei nah iha', “Daha' Yahudi hu'uh pakat akei ika' geri Paulus ngiléh jima pala peng daha' kemiti, awi daha' seng ngetneng la'an marung tuk iha'. 21Avin atih, meng nah im ngioh kenep daha' atih, avin daha' atih té' huwi pat-pulu la'ung aleng mavang iha' aleng uh tevah aleng em kuman dahin du'i ateng Paulus en daha' lematei. Kerei inih daha' atih uh petmei pidah dahum.” 22Avin anan kepala' seladu atih nyihu nyemaké' atih uli dahin nangen iha', “Meng im peletu bara men ji-ji la'ung marung tuk ika' hu'uh bara daho' anih men akui.”
Paulus en daha' tei ha' gabnur Feliks
23Pelalau kepala' seladu atih muvui dua' la'ung kopral dahin kuma', “Petmei nah dua' atuh seladu, tegu pukun pitan malem anih, dahin tusu-pulu kelunan ujung guda', dahin dua' atuh kelunan aleng gem bakin, ja daha' tei ha' Kaisarea.” 24En na' nyihu nah daha' petmei hulung keledei ngavan Paulus melo', dahin geri iha' dahin em té' nun-nun tusah pala Feliks aleng gabnur atih. 25En na' ngalung nah ji li'ap surat, nunih dahun na':
26 #
Lk 1:3
“Tabi' men akui, iha' tih Klaudius Lisias, ateng pala Feliks, gabnur aleng kelalau sayu. 27#HST 21:33; 22:25 Kelunan anih hu'uh en daha' Yahudi apuh, dahin alem daha' atih ngenep lematei iha', akui pah tei ha' daha' geri daha' seladu, dahin musang iha', avin akui hu'uh jam daho' marung iha' anih adang kelunan Roma. 28#HST 22:30 Akui pah uh geri iha' ngiléh pala peng kemiti daha' avin akui ngenep jam tavit daha' ngema' iha'. 29#HST 6:9; 18:14-15 Bi aleng jam kui iha' en daha' ngema' marung tuk tebara daha', bi nusi' té' nun-nun aleng tekep ngavan tam lematei iha' dahin metei iha' alem jin. 30#HST 24:8 Tegu akui jam daho' daha' uh na ji pakat ngenep lematei laké' anih, iha' nah akui pelalau nyihu daha' seladu geri iha' pala ika', dahin nyihu daha' aleng ngema' iha' nei bara dahun daha' ha' unan ka' lahuh. Anih tua.”
31Avin ha' nunan en daha' seladu atih ala nah Paulus awi aleng en na' katuk daha' atih, pelalau geri iha' tegu malem ha' Antipatris. 32Dau malah ji daha' aleng panau kudek uli nekulah ha' kubu, lim kelunan aleng té' guda' atih maten Paulus. 33Tegu daha' ateng ha' Kaisarea daha' ma'uk surat atih men gabnur, dahin Paulus pah en daha' geri ha' unan na'. 34#HST 22:3 Tegu iha' uh basa' surat atih, en na' teng nah Paulus, alem daléh ano' atek daléh pa'un na' lan. Tegu iha' uh jam Paulus atih kelunan Kilikia, 35iha' kuma', “Akui seng nesek dahum tegu daha' aleng ngema' ika' anih nei ateng lahuh.” En na' nyihu nah daha' puboh Paulus alem kubu Herodes.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Bible in Today's Dahun Kayan Version © Bible Society of Malaysia, 1990.