संत.जोहन 21
21
तिबेरियस समुदर रअः दांवड़ी चेलाकु लोः दिसतारोः
1नोःआँ बात तयोम ईसु तिबेरियस डाहा दौंड़ी रे अपन चेलाकु के फिन दिसतार नेनाय। हुनी अपन के नोःआँ लकान दिसतार नेनाय। 2सिमोन पतरस आउर थोमस जेके दिदमुस माने कि जावा बेताई केनाकु, आउर गलील रअः काना सहर रिनी नतनएल, आउर जबेदी आलकिन होपोन आउर ईसु आलकिन बनहोंड़ एटाअ चेला साँघे थिनाकु। 3#सं.लुका 5:5सिमोन पतरस हुंकू के बेता लिकुआय, “ईङ हाकु गोएःग तोराईङा” हुंकू हुनी के बेता लियाकु, “आले होः आम लोः सेनाले।” हुंकू सेनोः नाकु आउर डोंगा रे रकाःब नेनाकु, बकिर हेन निदा हुंकू मियांड-मिन होः काकु सःब दाड़ी लिकुआ। 4निदवा-योअ केनगीआ ची ईसु दौंड़ी रे नेल नेनाय, बकिर चेलाकु काकु चिनहा दाड़ी लिया। 5तब ईसु हुंकू के बेता लिकुआय, “ए कोड़ाकु! आपे दुबाःड़े कटिको हाकु एदान कुआ?” हुंकू कंहड़ी रूवाड़ लअकु, “कोवान।” 6#सं.लुका 5:6हुनी हुंकू के बेता लिकुआय, “डोंगा तरअः जोम पखा जाल गिड़ी पे दो नाम किकुआपे।” हुंकू जाल गिड़ी लअकु आउर नुमिन बगरा हाकु दाअः नाकु ची हुंकू जाल काकु उडुंग दाड़ी लअः। 7तब हुनी चेला जेके ईसु दुलारी केनाय, पतरस के बेता लियाय, “नुई दो परभु गी हेके।” जब सिमोन पतरस नुई परभु हेके सेके आयुम लःअय दो हुनी अपन गेन्दरअ सोलोंग केते, एता लःअय ची हुनी, ठेठंगे ताही नेनाय लःअय डाहा रे डेगाव नाय। 8एटाअ चेला हाकु पेरेःग उना जाल के ओर-यअते डोंगा रे दौंड़ी हीःग नेनाकु। हुंकू दौंड़ी तरअः कईटको लंका काकु ताही नेना, एता लःअय ची हुंकू ओत तरअः नेकान बार साय हाँथ लकान लंका थिनाकु। 9जब हुंकू ओत दौंड़ी रे अड़गु नेनाकु दो हुंकू होनाःड़े हाँसा रेनअः सेंगेल जुलोः नेल लअकु। होना रे हाकु आउर लाःड दोहो लिनकु नेल लअकु। 10ईसु हुंकू के बेता लिकुआय, “जे हाकु आपे नहाअः सःब तदकुआपे हुंकू मेसे थोड़ेक आगु कुपे।” 11सिमोन पतरस सेन नेनाकिन तेकर जाल के ओत दौंड़ी ओर आगु लअकिन, होना रे मि-साय तिरपन सेंड़ा-सेंड़ा हाकु ताही नेनाकु, आउर नुमिन हाकु ताही नेनाकु सेरे होः जाल का-फाड़ा ताहिनेना। 12ईसु हुंकू के बेता लिकुआय, “एला, घोटो जोम केपे।” चेलाकु मेसे ओके के होः ईसु के कुकुली लःअय डिड़ का हुयाव नेना ची “आम ओके हेके?” एता लःअय हुंकू पाड़ी केनाकु ची हुनी परभु गी हेके। 13ईसु हेनाःड हीःग नेनाय, हुनी लाःड इदी केते हुंकू के एमा लिकुआय, आउर हिना लकान हाकु केहोः। 14निआँ लकान ईसु गोएःग उनकु तरअः जिवीःड-बिरिडोः तयोम पे खेप अपन चेलाकु मड़ांग रे देखार नेनाय।
ईसु आउर पतरस
15घोटो जोम तयोम ईसु सिमोन पतरस के बेता लियाय, “ए सिमोन जोहन आली होपोन, एतान आम नुकू तरअः जादे दुलारीङाम?” पतरस ईसु के बेता लियाय, “हाँ परभु आम दो पड़ीआम ची ईङ आम के पेयार मेईङ।” हुनी पतरस के बेता लियाय, “ईङ आलकु भेंड़ा के होरहो कुमे।”
16ईसु बार खेप हुनी के बेता लियाय, “ए सिमोन, जोहन आली होपोन एतान आम ईङ के दुलारीङाम?” पतरस हुनी के कंहड़ी रूवाड़ोः लियाय, “हाँ, परभु! आम पाड़ीआम ची ईङ आम के पेयार मेईङ।” हुनी पतरस के बेता लियाय, “ईङ आलकु भेंड़ा के चराव कुमे।”
17ईसु पे खेप हुनी के बेता लियाय, “ए सिमोन, जोहन आली होपोन! एतान आम ईङ के दुलारिङाम?” पतरस के नोःआँ रे दुख अदा लिया ची हुनी पे खेप हुनी के कुली लियाय, “एतान आम ईङ के पेयारिङाम” आउर हुनी ईसु के बेता लियाय, “परभु! आम दो जामा पड़ीआम। आम पड़ीआम ची ईङ आम के पेयार मेईङ।” ईसु हुनी के बेता लियाय, “ईङ आलकु भेंड़ा के चराव कुमे।” 18“ईङ आम के सचे कंहड़ीओ दिमीईंग, जब आम डिंड़ा थिनाम दो आम अपन मयांग तोल केते जाने चहाअ केनाम, ताने दंड़ान केनाम, बकिर सेयाड़ोअ बेरा आम अपन तीः फैलाव केआम, आउर एटाअ होड़ आम आला मयांग तोल केते, जे एड़े सेनोः एरोम नामा होनाःड़े आम के इदी केमेआकु।” 19हुनी नोःआँ बात तरअः ईसारा एमा लियाय, ची पतरस एता लकान मराईन तरअः परमेसर आला महिमा केआय। आउर ईसु पतरस के बेता लियाय, “ईङ तयोम हिजोअ में।”
ईसु आउर हुनी आली दुलार चेला
20 #
सं.जोह 13:25
पतरस लुड़ीःग चुवेर केते नेल लियाय, ची हुनी चेला के जेके ईसु दुलारी केनाय, हुनी पछली-पछली हिजोअ केनाय। नुई हिनी थिनाय जे जोजोम बेरा ईसु आला छाती पखा लम्बाःड केते कुली थिलयाय, “ए परभु, हुनी ओके हेके, जे आम के सःब ची केमेआय?” 21पतरस हुनी के नेल केते ईसु के कुली लियाय, “परभु! नुई आला एतान कोआ?” 22ईसु हुनी के कंहड़ी रूवाड़ोः लियाय, “जदि ईङ चहाईंग ची नुई ईङ हिजोअ जगुत ताही जुनोआय, दो नोःआँ तरअः आम के एतान? आम ईङ तयोम हिजोअ में।” 23नोःआँ कंहड़ी रअः चलते बोकोकु रे झुठो रअः डंकाअ ना, ची नुई चेला एरे गोजोआ। बकिर ईसु नोःआँ काय कंहड़ी लअः ची, “नुई एरे गोजोआ बकिर नोःआँ ची जदि ईङ चहाईंग ची नुई ईङ हिजोअ जगुत ताही जुनोओय, दो नोःआँ तरअः आम के एतान?” 24नुई हिनी चेला हेके जे नोःआँ जामा बात रेनअः गोवाही एमेआय आउर जे नोःआँ लिखा तदाय। आले पड़ीआले ची हुनी आला गोवाही सचे एदनाआ। 25ईसु आउरो होः ढेर काम कामी लःअय, जदि होना मि-मियांड केते लिखा ताही कोआ दो, ईङ समझाईंग ची पुथी जे लिखा ताही कोआ होना दुनिया रे होः एरे सहाःब कोआ।
المحددات الحالية:
संत.जोहन 21: ASR
تمييز النص
شارك
قارن
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2023 NLCI CC BY-NC-ND 4.0