रोमीकु 10
10
1ए बोयहाकु, ईङ आला मन रेनअः मरजी एदनाआ आउर ईङ परमेसर तरअः इसराइलीकु लःअय नोःआँ बिनतीअ दिंग ची हुंकू आला उधार हुयाअः। 2एता लःअय ची ईङ गोवाही एमेईंग ची हुंकू रे परमेसर आला जुरजुट ताहिनोआ। बकिर होना बुधी रअः मोताबिक नलागे। 3एता लःअय ची परमेसर आला धारमिकता तरअः अनजान ताही केते, आउर अपन धरमिकता तितींगु रेनअः जतन रे, परमेसर आला धारमिकता रेनअः कबजा रे काकु नेना। 4ख्रीस्त कनहुन के पुरती लःअय जेकर से ची जामेझन जे बिसवासे-आकु, परमेसर लःअय धरमी हुयाअः कु।
उधार जामेकु लःअय
5 #
लेवी 18:5
मुसा कनहुन तरअः हीःग उना धरमिकता रअः बारे नोःआँ लिखायाय ची “जे मनवा हुनी आला हुकूम के पालनेआय, हुनी होना तरअः जिवीःड कोआय।” 6#कन 30:12–14बकिर बिसवास तरअः भेटाअः वाला धारमिकता रअः बारे धरम पोथी नोःआँ कंहड़ीआय, “आम अपन मन रे नोःआँ आलुम कंहड़ी के, ची सिरमा रे ओके रका:ब कोआय?” माने कि “ख्रीस्त के धरती रे अआड़गु लःअय!” 7“चाहे, अनथाह गहीड़ रे ओके अड़गु कोआय? माने कि ख्रीस्त के गोएःग उनी तरअः जिवी:ड केते तेंग अ-आगु लःअय!”
8बकिर धरम पोथी नोःआँ कंहड़ीआय, “बचन आम दुबाःड़े गी एदनाआ, होना आम आला आहा रे आउर आम आला मन रे एदनाआ।” नोःआँ बिसवास रअः होना बचन हेके जेकर आबु परचारेआबु। 9जदि आम अपन आहा तरअः कंहड़ी आम, “ईसु गी परभु हेके,” आउर आम अपन मन रे नोःआँ बिसवासे-आम ची परमेसर हुनी के गोएःग उनकु मेसे जिवी:ड लियाय, दो आम आला उधार हुयाव कोआ। 10एता लःअय ची मन रे बिसवासे रे होड़ धरमी बनाआकु, आउर आहा रे सिसिवकार रे हुंकू के उधार भेटाआ। 11#जसा 28:16एता लःअय ची धरम पुथी कंहड़ीआय, “जे हुनी रे बिसवासेआय, हुनी के लाजोअ एरे हुयाआ।” 12नोःआँ निआँ लःअय एदनाआ ची जाहुदीकु आउर एटाअ जाईतकु रे एतान होः भेद कनोआँ, एता लःअय ची जामेकु आली परभु मियांड गी एदानिया। जे हुनी आला नुमू रे गोहराआकु जामेकु के भरपुर एमा कुआय। 13#जोए 2:32एता लःअय ची “जे परभु आला नुमू रे गोहराव कोआकु हुंकू उधार नाम केआकु।”
14बकिर जदि होड़कु के हुनी रे बिसवास कनोआँ, दो हुनी लो एता लकान गोहराव कोआकु? जदि हुंकू हुनी आला बारे काकु आयुम तदा, दो हुनी रे एता लकान बिसवास दाड़ी केआकु? जदि जाहें हुनी आला बारे काय परचारे दो एता लकान आयुम दाड़ी केआकु? 15#जसा 52:7जदि हुंकू के जाहें काकु भेजाव कुआ दो एता लकान परचार केआकु? जे लकान लिखा लअः एदनाआ “बेस खभाईर उदूगेआकु हुंकू आला पाँव इकिन सुन्दर एदनाआ।”
16 #
जसा 53:1
बकिर जामेकु बेस खभाईर के काकु आयुम लअः, एता लःअय ची इसायस कंहड़ीयाय, “ए परभु, आबु आला बेस खभाईर रे ओके बिसवास लअकु?” 17नोःआँ लकान आबु नेलेआबु ची आयुमेरे बिसवास सिरजाआ, आउर जेके आयुमेआकु होना ख्रीस्त आला बचन हेके।
18 #
सिरिंग 19:4
बकिर ईङ कंहड़ीईङ, “एतान हुंकू उपदेस के काकु आयुम लअः?” हाँ, जरूर गी आयुम लअकु। एता लःअय ची धरम पुथी कंहड़ीआय,
“हुंकू आला आवाज गोटा धरती रे पसराव ना,
हुंकू आला बचन दुनिया रअः नोःआँ छोर तरअः होना छोर जगुत सोदोर ना।”
19 #
कन 32:21
फिन ईङ कंहड़ीईङ। “इसराइली काकु बुझाव नेना एतान?”
“पहिल रेदो मुसा कंहड़ीआय, ची ईङ हुंकू तरअः, जे जाहुदी नालगे आपे जाहुदी जाईतकु आला मन रे इरसा सिरजाव चिईंग।
ईङ मुर्ख होड़कु तरअः आपे के रिस एमाअ चिपेईंग”
20 #
जसा 65:1
फिन इसायस डिढ़ केते कंहड़ीआय,
“ईङ के हुंकू नाम किदङाकु
जे ईङ के काकु नामिंग केना।
ईङ हुंकू लःअय दिसतार निङ जे ईङ के काकु कुलीङ केना।”
21 #
जसा 65:2
बकिर परमेसर इसराइली होड़कु रअः बारे रे कंहड़ीआय,
“ईङ दिन भाईर हुकूम का अआयुम कु
आउर अपन बिदरोही कु मड़ांग रे तीः पसराव ताही लिईङ।”
المحددات الحالية:
रोमीकु 10: ASR
تمييز النص
شارك
قارن
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© 2023 NLCI CC BY-NC-ND 4.0
