إحصل على التطبيقالميلاد - المهمة الصعبةعينة
"أنا إيه اللي يضمن لي؟" ده اللي قاله زكريا لما بشره الملاك إنه هيجيب طفل بعد طول انتظار!
زكريا لما سمع بشارة الملاك ماكنش عارف يصدقها وكل اللي كان مالي ذهنه إنه شاخ ومراته عاقر وسنها كبر، بعكس سمعان الشيخ اللي مسك في وعد الله، حتى مع ظهور الملاك في الهيكل والمنظر المهيب، كل ده ماكنش كافي بالنسبة لزكريا إنه يصدق! لكن القصة تنتهي أن الله أثبت ليه كلمته ونفذ وعده بالرغم من شك زكريا ويوحنا اتولد.
احنا كمان احيانًا بنفكر في المعطلات وصعوبة الظروف وقلة الامكانيات قبل ما نفكر في قدرة الله وسلطانه! النهاردة بنشجعك تيجي ربنا وتسلم له دفة حياتك وخليك واثق إنه هو قادر إنه يحقق كلامه بيك وفي حياتك بطريقته هو.
صلاة:
يا رب احنا بنشكرك ان رغم عدم أمانتنا انت بتفضل أمين، علمنا نصدق فيك وفي قدرتك قبل ما عينيا تنحصر في مشكلاتنا وقلة امكانياتنا. آمين.
الكلمة
عن هذه الخطة
استعد إنك تحتفل بميلاد يسوع بمنظور جديد لما تقرأ الأحداث اللي حصلت وقت وصوله للعالم. من خلال الخطة، هنقرأ عن شخصيات مُهمة شاركت في قصة الميلاد، زي يوسف ومريم وزكريا وسمعان الشيخ وحنة النبية والطفل يسوع. هنتعرف على استجابتهم لخطة الله وإزاي أثروا في التاريخ. وهنتعلم إزاي نطبق دروسهم في حياتنا النهاردة. الخطة مكونة من 7 أيام، وتشمل قراءة من الكتاب المقدس وتأمل وصلاة.
More
نود أن نشكر Sharek Online على تقديم هذه الخطة. لمزيد من المعلومات، يرجى زيارة الموقع: https://sharekonline.com/
