الميلاد - المهمة الصعبةعينة

رغم إننا منعرفش معلومات كتيرة عن شخصية يوسف النجار، إلا إنه مثال لرجل تقي بار زي ما الكتاب وصفه. كان ممكن يأخذ موقف عنيف أو متهور بدافع غيرته، لكن قلبه المُحب خلاه كل اللي بيفكر فيه إزاي مايفضحش العذراء مريم لما عرف أنها حامل.. لكن كان همه إنه يحميها من الناس وحكمهم عليها.

وبسبب برُّه، الله أرسل ملاك يطمئنه إن اللي طلب مش سهل لرجل في مجتمع شرقي يهودي، لكن دي المُهمة الصعبة اللي الله أوكلها ليه، مهمة عكس المألوف ويمكن عكس العقل والمنطق، الله أتحدى يوسف بالمُهمة دي، لو أنا مكان يوسف هيدور جوايا سؤال هل أنا أهم ولا طاعة الله؟

أنت كمان كل يوم قدامك نفس السؤال.

هتتنازل عن أكتر حاجات بتحبها؟ هتضحي بوقتك ومجهودك عشان تعمل اللي هو طلبه منك؟

النهاردة بنشجعك على تحدي إنك تتخلى عن خوفك من منظرك، وتتخلى عن "نفسك"

خذ وقت وفكّر في أكتر حاجات مهمة بالنسبالك

واشترك معانا في الصلاة دي

صلاة:

يا رب أنا بأصلي أن ميكنش في حياتنا حاجة أو حد أهم منك لكن كلامك وطاعتك تكون هي الأولوية. نسيب الكل ونطيعك بكل قلوبنا. آمين.