Kisukuma - Common Language Version (NT) Drama

Kisukuma - Common Language Version (NT)

<div class="version vid1512 iso6393suk" data-vid="1512" data-iso6393="suk">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yesu na nk&#299;ma Nsamalia</div><div class="p"> 1H&#363;na l&#363;&#363;l&#363;, &#363; Seeba akadeeba g&#299;k&#299;, a Bafalisayo bigwile g&#299;k&#299; &#363; Yesu ak&#363;pand&#299;kaga bahemba bing&#299; k&#363;tinda &#363; Yohana, na k&#363;babat&#299;&#299;ja. 2Kwike &#363; Yesu wal&#299; atabat&#299;&#299;jaga &#363; wei ng'wenek&#299;l&#299;, babat&#299;&#299;jaga bahemba bakwe. 3Aho wag&#363;deeba &#363; mhayo gwen&#363;yo, w&#299;nga &#299; B&#363;yudaya &#363;ja hang&#299; Galilaya. 4&#298; nz&#299;la &#299;yo akab&#299;t&#299;la yal&#299; &#299;b&#299;tile mu Samalia. 5&#362;shika mu nzengo nebe gwa Samalia, gwitanagwa Sikali, gwal&#299; hih&#299; n'ilaale ilebe, Yakobo wal&#299; wang'winha ng'wit&#363;nja wakwe Yosefu. 6Lwal&#299;mo na lwinz&#299; lokwe &#363; Yakobo. H&#363;na l&#363;&#363;l&#363; &#363; Yesu &#299;k&#299; wal&#299; wanojiwa l&#363;gendo, aho washika a ha lwinz&#299; lwen&#363;lo wigasha; gaal&#299; makanza g&#299;t&#299; ga sa itandat&#363;. 7Kwiman&#299;la nk&#299;ma Nsamalia wiza k&#363;daha minz&#299;; &#363; Yesu &#363;ng'w&#299;la, &#8220;May&#363; ninhage minz&#299; nang'we.&#8221; 8A bahemba bakwe baal&#299; baja mu nzengo k&#363;j&#363;g&#363;la shil&#299;wa. 9&#362; nk&#299;ma &#363; Nsamalia ng'wen&#363;yo &#363;ng'w&#299;la g&#299;k&#299;, &#8220;T&#363;haya &#363;l&#299; Nyudaya ahene &#363; bebe, hama nib&#363;l&#299; &#363;l&#299;nilomba minz&#299;, al&#299;yo &#363; nene nal&#299; nk&#299;ma Nsamalia?&#8221; (Nguno a Bayudaya bat&#299; na b&#363;sang&#299; na Basamalia). 10Nanghwe &#363; Yesu &#363;nshokeja &#363;ng'w&#299;la, &#8220;&#362;l&#363; ni &#363;shimanile &#299; shakwinha sha ng'wa Mulungu, n&#363; y&#363;yo al&#299;k&#363;w&#299;la g&#299;k&#299;, &#8216;Ninhage minz&#299; nang'we,&#8217; nangho ni wanomba akwinhe minz&#299; mapanga.&#8221; 11&#362; nk&#299;ma &#363;ng'w&#299;la g&#299;k&#299;, &#8220;Bebe baba wagafunya hal&#299; a minz&#299; a mapanga, al&#299;yo n&#299; lidah&#299;jo &#363;t&#299; nalyo; hama n&#363; lwinz&#299; lwen&#363;l&#363; l&#363;shimu g&#299;k&#299;? 12&#362; bebe &#363;l&#299; ntaale k&#363;nk&#299;la &#363; s&#299;swe &#363; Yakobo, &#363;yo wat&#363;lekela &#363; lwinz&#299; lwen&#363;l&#363;? &#298;k&#299; n&#363; wei ng'wenek&#299;l&#299; wang'welaga henaha aha, pye na a baana bakwe, n&#299; mitugo jakwe!&#8221; 13&#362; Yesu &#363;nshokeja &#363;ng'w&#299;la, &#8220;B&#363;l&#299; ng'wene &#363;yo akagang'waga a minz&#299; genaya akakolagwa not&#224; hang&#299;. 14Al&#299;yo ose-ose &#363;yo &#363;gang'wa a minz&#299; ayo nak&#363;ng'winha nene, at&#363;kolwa not&#224; welelo bose, a minz&#299; ayo nak&#363;ng'winha gak&#363;biza l&#363;zw&#299;lo &#363; mul&#299; wei, lwa kwikala l&#363;k&#363;pumunhikaga b&#363;ja na b&#363;ja py&#299; &#299; shik&#363;.&#8221; 15&#362; nk&#299;ma &#363;ng'w&#299;la g&#299;k&#299;, &#8220;Ninhage nane baba a minz&#299; genayo, nooye &#363; k&#363;kolwa &#299; not&#224;, nooye na kwikala niza aha k&#363;daha minz&#299;!&#8221; 16Nanghwe &#363; Yesu &#363;ng'w&#299;la, &#8220;Jaga &#363;kang'witane &#363; ngoshi wako ng'wize aha.&#8221; 17&#362; nk&#299;ma &#363;nshokeja &#363;ng'w&#299;la, &#8220;Nat&#299; na ngoshi wane &#363; nene.&#8221; Nanghwe &#363; Yesu &#363;ng'w&#299;la, &#8220;Wat&#363;ng&#299;l&#299;ja &#363; k&#363;haya g&#299;k&#299;, &#8216;Nat&#299; na ngoshi wane.&#8217; 18Nguno washishaga bagosha batan&#242;, hama n&#363; y&#363;yo &#363;l&#299; nanghwe &#299; haha at&#299; ngoshi wako. Ohaya &#363;mo &#299;l&#299; gete!&#8221; 19&#362; nk&#299;ma &#363;ng'w&#299;la, &#8220;Baba, &#299; gete nabona &#363;l&#299; nghangi &#363; bebe. 20A bak&#363;l&#363;genji bise balam&#299;jaga mu l&#363;g&#363;l&#363; lwen&#363;l&#363; &#363;l&#363;, al&#299;yo a bing'we mukahayaga g&#299;k&#299; &#299; lipand&#299; &#299;lo shiigeleelilwe k&#363;lam&#299;ja mo l&#299;l&#299; Yelusalemu!&#8221; 21Nanghwe &#363; Yesu &#363;ng'w&#299;la, &#8220;Nizun&#299;l&#299;jage gete may&#363;; g&#299;k&#299;, l&#299;liza ikanza &#299;lo mukoya k&#363;gonga k&#363;nam&#299;ja &#363; Baba mu l&#363;g&#363;l&#363; &#363;mu, n&#363;&#363;l&#363; Yelusalemu. 22A bing'we mukalamyaga &#299;sho mutashimanile, al&#299;yo a bise t&#363;kanamyaga &#363;yo t&#363;&#363;manile; nguno &#363; b&#363;p&#299;ji b&#363;fumile k&#363; Bayudaya. 23Kwike &#299; likanza l&#299;liza, n&#299;yo &#299; haha l&#299;l&#299;ho, &#299; lya balamya ba ng'wa nghana k&#363;y&#363;namya &#363; Baba mu moyo na mu nghana; nguno &#363; Baba abatogilwe a balamya abo bakanamyaga mu mbika yen&#299;yo. 24&#362; Mulungu al&#299; Moyo, a balamya bakwe nabo shibigelile k&#363;namya mu moyo na mu nghana.&#8221; 25&#362; nk&#299;ma &#363;ng'w&#299;la, &#8220;Namanile g&#299;k&#299; akwiza Mas&#299;ya, &#363;yo akitanagwa Kilisto, na l&#363;&#363;l&#363; &#363;l&#363; wiza &#363; ng'wen&#363;yo, h&#363; ng'wene &#363;yo ak&#363;t&#363;goloolela py&#299; &#299; yose.&#8221; 26&#362; Yesu &#363;ng'w&#299;la, &#8220;&#362; Nene &#363;yo nal&#299;yomba nangho, h&#363; nal&#299; ng'wene.&#8221; 27&#298; likanza lyen&#299;lo b&#363;shika a bahemba bakwe, b&#363;kumya &#363; k&#363;mona al&#299;yomba na nk&#299;ma. Al&#299;yo n&#363;&#363;l&#363; &#363;m&#242; wabo atab&#363;gije g&#299;k&#299;, &#8220;&#362;l&#299;kooba k&#299;?&#8221; N&#363;&#363;l&#363; g&#299;k&#299;, &#8220;Nib&#363;l&#299; &#363;l&#299;hoya nanghwe?&#8221; 28&#362; nk&#299;ma ng'wen&#363;yo &#363;l&#363;leka &#363; l&#363;nno lokwe &#363;shoka mu nzengo &#363;&#363;kabaw&#299;la a banh&#363; g&#299;k&#299;, 29&#8220;Bing'we, ka nz&#363;gi k&#363;&#363;n&#363; munole &#363;&#363;y&#363; munh&#363;, waniw&#299;la py&#299; &#299;yo nak&#299;&#299;taga; ak&#363;duuma k&#363;biza Kilisto gete &#363; ng'wen&#363;y&#363;?&#8221; 30B&#363;fuma &#363; mu nzengo b&#363;h&#363;&#363;ma bajile &#363;ko wal&#299;. 31&#362; ng'wikanza lyen&#299;lo a bahemba b&#363;ng'w&#299;la &#363; Yesu g&#299;k&#299;, &#8220;Labi, ka lyaga!&#8221; 32Nanghwe &#363;baw&#299;la, &#8220;&#362; nene nal&#299; na shil&#299;wa &#299;sho mutashimanile a bing'we.&#8221; 33A bahemba b&#363;yiw&#299;la g&#299;k&#299;, &#8220;Hamo munh&#363; wal&#299; wang'wenhela shil&#299;wa?&#8221; 34Nanghwe &#363; Yesu &#363;baw&#299;la, &#8220;&#298; shil&#299;wa shane &#363; nene, shil&#299; kw&#299;ta &#299;yo atogilwe &#363;yo anit&#363;mile; k&#363;g&#363;shik&#299;l&#299;ja &#363; n&#299;mo gokwe. 35&#298; g&#299;s&#299; mutiw&#299;laga g&#299;k&#299;, &#8216;Yasaagaga myeji &#299;n&#232; gashike magesa?&#8217; Ali l&#363;&#363;l&#363;, &#299; haha nal&#299;muw&#299;la b&#363;&#363;chagi a miso ging'we, mulole &#363; mu mig&#363;nda, muk&#363;bona g&#299;k&#299; a magesa gashikaga. 36&#298; haha &#363; ngesi wandije kwanuk&#363;la mheela, ak&#363;kumingaga matwajo k&#363;lwa b&#363;panga bo welelo na welelo; &#299;bize g&#299;k&#299; &#363; ngesi n&#363; m&#299;bi bayegele ham&#242;. 37Nguno &#363; mu g&#299;ko g&#363;l&#299;bonekana g&#363;l&#299; gwa nghana &#363; mhayo &#363;yo g&#363;hayile g&#299;k&#299;, &#8216;&#362; m&#299;bi &#363;ng&#299;, n&#363; ngesi &#363;ng&#299;.&#8217; 38Nal&#299;mut&#363;ma k&#363;shigesa &#299;sho mutashikoyelile a bing'we, bashikoyela bang&#299;; a bing'we muling&#299;la mu n&#299;mo &#363;yo gwandiwa na bang&#299;.&#8221; 39Basamalia bing&#299; &#363; mu nzengo gwen&#363;yo bakanzunya, k&#363;lwa mhayo gwa nk&#299;ma &#363;yo akag&#363;haya; &#299; g&#299;k&#299;, &#8220;Waniw&#299;laga py&#299; &#299;yo nak&#299;&#299;taga.&#8221; 40H&#363;na l&#363;&#363;l&#363; a Basamalia aho bashika, b&#363;nomba &#363; Yesu alende-lende ham&#242; nabo; na nghana wikala nabo shik&#363; ib&#299;l&#299;. 41Na bang&#299; hang&#299; bakazunya k&#363;lwa mhayo gokwe. 42B&#363;ng'w&#299;la &#363; nk&#299;ma g&#299;k&#299;, &#8220;&#298; haha twigwaga bise benek&#299;l&#299;, na l&#363;&#363;l&#363; twazunyaga; al&#299;yo &#299;t&#299; k&#363;lwa nguno ya mhayo gwako d&#363;h&#363;, twamanaga gete g&#299;k&#299; &#363; munh&#363; ng'wen&#363;y&#363; nghana Mp&#299;ja wa ba mu s&#299;.&#8221;</div><div class="s1">K&#363;p&#299;jiwa kwa ng'wit&#363;nja wa nsugi</div><div class="r">(Mat 8:5-13; Luk 7:1-10)</div><div class="p"> 43Aho jab&#299;ta shik&#363; ib&#299;l&#299;, &#363; Yesu w&#299;nga a henaho &#363;ja Galilaya. 44Kwike wal&#299; wamala k&#363;haya hape g&#299;k&#299;, &#8220;&#362; nghangi atinhagwa ik&#363;jo &#363; mu s&#299; ya ng'wawe!&#8221; 45H&#363;na aho washika &#299; Galilaya bing&#299; ba bana Galilaya b&#363;ng'wanuk&#363;la, nguno baal&#299; b&#299;bona &#299;yo ak&#299;beeja aho al&#299; Yelusalemu k&#363; shigukulu, &#299;k&#299; nabo baal&#299; ko. 46&#362;ja &#363;&#363;kashika hang&#299; &#299; Kana ya Galilaya, &#363;ko wal&#299; wagal&#363;cha minz&#299; g&#363;biza divai. Wal&#299;ho nsugi nebe muna Kafalana&#363;mu, wal&#299; asaat&#299;lilwe ng'wit&#363;nja wakwe. 47Aho wigwa g&#299;k&#299; &#363; Yesu w&#299;ngile &#299; B&#363;yudaya, al&#299; mu Galilaya, wiza k&#363;ng'wik&#363;mb&#299;l&#299;ja atulumenhe, aje akamp&#299;je &#363; ng'wana wakwe. Nguno wal&#299; mandetendete, hih&#299; na k&#363;cha! 48Al&#299;yo &#363; Yesu &#363;ng'w&#299;la g&#299;k&#299;, &#8220;A bing'we &#363;l&#363; mutabonile shiman&#299;k&#299;jo n&#363;&#363;l&#363; mihayo ya k&#363;kumya, ang&#363; mmho mut&#363;d&#363;la gete &#363; k&#363;zunya!&#8221; 49&#362; nsugi ng'wen&#363;yo &#363;ng'w&#299;la g&#299;k&#299;, &#8220;Baba, ka tulumenhaga wang&#363;, k&#363;ko kataal&#299; k&#363;cha a kana kane!&#8221; 50&#362; Yesu &#363;ng'w&#299;la g&#299;k&#299;, &#8220;Jaga, &#363; ng'wana wako mpanga.&#8221; &#362; munh&#363; ng'wen&#363;yo &#363;g&#363;zunya &#363; mhayo &#363;yo akaw&#299;lwa na Yesu, &#363;ja nghana. 51Aho al&#299;shoka &#363;manhya na bat&#363;mami bakwe, b&#363;ng'w&#299;la g&#299;k&#299; &#363; ng'wit&#363;nja wakwe wap&#299;lile. 52Wahay&#363;bab&#363;ja &#299; likanza &#299;lo akandya k&#363;beeja, b&#363;ng'w&#299;la, &#8220;Igolo aho lyandya k&#363;h&#363;ga &#299; l&#299;&#299;mi; mu makanza g&#299;t&#299; ga sa mpungat&#299;, gwandya kwika &#363; nswiza.&#8221; 53A henaho &#363; ise &#363;mana h&#363; lyene &#299; likanza &#299;lo Yesu akang'w&#299;la g&#299;k&#299;, &#8220;&#362; ng'wana wako mpanga.&#8221; Na l&#363;&#363;l&#363; &#363;biza nzunya, n&#299; kaya yakwe py&#299; &#299; yose. 54&#298; shen&#299;sho shal&#299; shiman&#299;k&#299;jo sha kab&#299;l&#299; &#299;sho a kabeeja &#363; Yesu aho al&#299; mu s&#299; ya Galilaya, hanze ya B&#363;yudaya.</div>
 </div>
 </div>
</div>

Sukuma New Testament © Bible Society of Tanzania, 2000.

Hūna lūūlū, ū Seeba akadeeba gīkī, a Bafalisayo bigwile gīkī ū Yesu akūpandīkaga bahemba bingī kūtinda ū Yohana, na kūbabatīīja. Kwike ū Yesu walī atabatīījaga ū wei ng'wenekīlī, babatīījaga bahemba bakwe. Aho wagūdeeba ū mhayo gwenūyo, wīnga ī Būyudaya ūja hangī Galilaya. Ī nzīla īyo akabītīla yalī ībītile mu Samalia. Ūshika mu nzengo nebe gwa Samalia, gwitanagwa Sikali, gwalī hihī n'ilaale ilebe, Yakobo walī wang'winha ng'witūnja wakwe Yosefu. Lwalīmo na lwinzī lokwe ū Yakobo. Hūna lūūlū ū Yesu īkī walī wanojiwa lūgendo, aho washika a ha lwinzī lwenūlo wigasha; gaalī makanza gītī ga sa itandatū. Kwimanīla nkīma Nsamalia wiza kūdaha minzī; ū Yesu ūng'wīla, “Mayū ninhage minzī nang'we.” A bahemba bakwe baalī baja mu nzengo kūjūgūla shilīwa. Ū nkīma ū Nsamalia ng'wenūyo ūng'wīla gīkī, “Tūhaya ūlī Nyudaya ahene ū bebe, hama nibūlī ūlīnilomba minzī, alīyo ū nene nalī nkīma Nsamalia?” (Nguno a Bayudaya batī na būsangī na Basamalia). Nanghwe ū Yesu ūnshokeja ūng'wīla, “Ūlū ni ūshimanile ī shakwinha sha ng'wa Mulungu, nū yūyo alīkūwīla gīkī, ‘Ninhage minzī nang'we,’ nangho ni wanomba akwinhe minzī mapanga.” Ū nkīma ūng'wīla gīkī, “Bebe baba wagafunya halī a minzī a mapanga, alīyo nī lidahījo ūtī nalyo; hama nū lwinzī lwenūlū lūshimu gīkī? Ū bebe ūlī ntaale kūnkīla ū sīswe ū Yakobo, ūyo watūlekela ū lwinzī lwenūlū? Īkī nū wei ng'wenekīlī wang'welaga henaha aha, pye na a baana bakwe, nī mitugo jakwe!” Ū Yesu ūnshokeja ūng'wīla, “Būlī ng'wene ūyo akagang'waga a minzī genaya akakolagwa notà hangī. Alīyo ose-ose ūyo ūgang'wa a minzī ayo nakūng'winha nene, atūkolwa notà welelo bose, a minzī ayo nakūng'winha gakūbiza lūzwīlo ū mulī wei, lwa kwikala lūkūpumunhikaga būja na būja pyī ī shikū.” Ū nkīma ūng'wīla gīkī, “Ninhage nane baba a minzī genayo, nooye ū kūkolwa ī notà, nooye na kwikala niza aha kūdaha minzī!” Nanghwe ū Yesu ūng'wīla, “Jaga ūkang'witane ū ngoshi wako ng'wize aha.” Ū nkīma ūnshokeja ūng'wīla, “Natī na ngoshi wane ū nene.” Nanghwe ū Yesu ūng'wīla, “Watūngīlīja ū kūhaya gīkī, ‘Natī na ngoshi wane.’ Nguno washishaga bagosha batanò, hama nū yūyo ūlī nanghwe ī haha atī ngoshi wako. Ohaya ūmo īlī gete!” Ū nkīma ūng'wīla, “Baba, ī gete nabona ūlī nghangi ū bebe. A bakūlūgenji bise balamījaga mu lūgūlū lwenūlū ūlū, alīyo a bing'we mukahayaga gīkī ī lipandī īlo shiigeleelilwe kūlamīja mo līlī Yelusalemu!” Nanghwe ū Yesu ūng'wīla, “Nizunīlījage gete mayū; gīkī, līliza ikanza īlo mukoya kūgonga kūnamīja ū Baba mu lūgūlū ūmu, nūūlū Yelusalemu. A bing'we mukalamyaga īsho mutashimanile, alīyo a bise tūkanamyaga ūyo tūūmanile; nguno ū būpīji būfumile kū Bayudaya. Kwike ī likanza līliza, nīyo ī haha līlīho, ī lya balamya ba ng'wa nghana kūyūnamya ū Baba mu moyo na mu nghana; nguno ū Baba abatogilwe a balamya abo bakanamyaga mu mbika yenīyo. Ū Mulungu alī Moyo, a balamya bakwe nabo shibigelile kūnamya mu moyo na mu nghana.” Ū nkīma ūng'wīla, “Namanile gīkī akwiza Masīya, ūyo akitanagwa Kilisto, na lūūlū ūlū wiza ū ng'wenūyo, hū ng'wene ūyo akūtūgoloolela pyī ī yose.” Ū Yesu ūng'wīla, “Ū Nene ūyo nalīyomba nangho, hū nalī ng'wene.” Ī likanza lyenīlo būshika a bahemba bakwe, būkumya ū kūmona alīyomba na nkīma. Alīyo nūūlū ūmò wabo atabūgije gīkī, “Ūlīkooba kī?” Nūūlū gīkī, “Nibūlī ūlīhoya nanghwe?” Ū nkīma ng'wenūyo ūlūleka ū lūnno lokwe ūshoka mu nzengo ūūkabawīla a banhū gīkī, “Bing'we, ka nzūgi kūūnū munole ūūyū munhū, waniwīla pyī īyo nakīītaga; akūduuma kūbiza Kilisto gete ū ng'wenūyū?” Būfuma ū mu nzengo būhūūma bajile ūko walī. Ū ng'wikanza lyenīlo a bahemba būng'wīla ū Yesu gīkī, “Labi, ka lyaga!” Nanghwe ūbawīla, “Ū nene nalī na shilīwa īsho mutashimanile a bing'we.” A bahemba būyiwīla gīkī, “Hamo munhū walī wang'wenhela shilīwa?” Nanghwe ū Yesu ūbawīla, “Ī shilīwa shane ū nene, shilī kwīta īyo atogilwe ūyo anitūmile; kūgūshikīlīja ū nīmo gokwe. Ī gīsī mutiwīlaga gīkī, ‘Yasaagaga myeji īnè gashike magesa?’ Ali lūūlū, ī haha nalīmuwīla būūchagi a miso ging'we, mulole ū mu migūnda, mukūbona gīkī a magesa gashikaga. Ī haha ū ngesi wandije kwanukūla mheela, akūkumingaga matwajo kūlwa būpanga bo welelo na welelo; ībize gīkī ū ngesi nū mībi bayegele hamò. Nguno ū mu gīko gūlībonekana gūlī gwa nghana ū mhayo ūyo gūhayile gīkī, ‘Ū mībi ūngī, nū ngesi ūngī.’ Nalīmutūma kūshigesa īsho mutashikoyelile a bing'we, bashikoyela bangī; a bing'we mulingīla mu nīmo ūyo gwandiwa na bangī.” Basamalia bingī ū mu nzengo gwenūyo bakanzunya, kūlwa mhayo gwa nkīma ūyo akagūhaya; ī gīkī, “Waniwīlaga pyī īyo nakīītaga.” Hūna lūūlū a Basamalia aho bashika, būnomba ū Yesu alende-lende hamò nabo; na nghana wikala nabo shikū ibīlī. Na bangī hangī bakazunya kūlwa mhayo gokwe. Būng'wīla ū nkīma gīkī, “Ī haha twigwaga bise benekīlī, na lūūlū twazunyaga; alīyo ītī kūlwa nguno ya mhayo gwako dūhū, twamanaga gete gīkī ū munhū ng'wenūyū nghana Mpīja wa ba mu sī.”


Aho jabīta shikū ibīlī, ū Yesu wīnga a henaho ūja Galilaya. Kwike walī wamala kūhaya hape gīkī, “Ū nghangi atinhagwa ikūjo ū mu sī ya ng'wawe!” Hūna aho washika ī Galilaya bingī ba bana Galilaya būng'wanukūla, nguno baalī bībona īyo akībeeja aho alī Yelusalemu kū shigukulu, īkī nabo baalī ko. Ūja ūūkashika hangī ī Kana ya Galilaya, ūko walī wagalūcha minzī gūbiza divai. Walīho nsugi nebe muna Kafalanaūmu, walī asaatīlilwe ng'witūnja wakwe. Aho wigwa gīkī ū Yesu wīngile ī Būyudaya, alī mu Galilaya, wiza kūng'wikūmbīlīja atulumenhe, aje akampīje ū ng'wana wakwe. Nguno walī mandetendete, hihī na kūcha! Alīyo ū Yesu ūng'wīla gīkī, “A bing'we ūlū mutabonile shimanīkījo nūūlū mihayo ya kūkumya, angū mmho mutūdūla gete ū kūzunya!” Ū nsugi ng'wenūyo ūng'wīla gīkī, “Baba, ka tulumenhaga wangū, kūko kataalī kūcha a kana kane!” Ū Yesu ūng'wīla gīkī, “Jaga, ū ng'wana wako mpanga.” Ū munhū ng'wenūyo ūgūzunya ū mhayo ūyo akawīlwa na Yesu, ūja nghana. Aho alīshoka ūmanhya na batūmami bakwe, būng'wīla gīkī ū ng'witūnja wakwe wapīlile. Wahayūbabūja ī likanza īlo akandya kūbeeja, būng'wīla, “Igolo aho lyandya kūhūga ī līīmi; mu makanza gītī ga sa mpungatī, gwandya kwika ū nswiza.” A henaho ū ise ūmana hū lyene ī likanza īlo Yesu akang'wīla gīkī, “Ū ng'wana wako mpanga.” Na lūūlū ūbiza nzunya, nī kaya yakwe pyī ī yose. Ī shenīsho shalī shimanīkījo sha kabīlī īsho a kabeeja ū Yesu aho alī mu sī ya Galilaya, hanze ya Būyudaya.

Listen to Yohana 4