 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ندٜرْ سَاعِ مَنْ لَامِيطٛ عَغُسْتُسْ، عُمْرِ بِنْدٛلْ يِمْࢡٜ ندٜرْ لٜسْطٜ مَرَلْ مَاکٛ ڢُو؞ کَنغٛلْ وٛنِ بِنْدٛلْ عَرَنٛلْ، نغٛلْ وَطِ يَاکٜ کِرِنِيُسْ طٛنّٛ نغٛمْنَ لٜسْدِ سِرِيَ؞ يِمْࢡٜ نجٜحِ نغَمْ وِنْدٜىٰغٛ، کٛو مٛيْ ڢُو حَا وُرٛ عِوْدٜ مُوطُمْ؞
يُوسُڢُ عُمِّ وُرٛ نَسَرَتُ ندٜرْ لٜسْدِ غَلِيلِ، يٜحِ ندٜرْ لٜسْدِ يَحُدِيَ، حَا بَيْتِلَامَ، وُرٛ لَامِيطٛ دَاوُدَ دَࢩَنٛ، نغَمْ عٛعِوِ حَا عَسْنغٛلْ دَاوُدَ؞ عٛيٜحِ تٛنْ نغَمْ وِنْدٜىٰغٛ، کَنغْکٛ عٜ مَرِيَمَ، کَࢡَّنَاطٛ مَاکٛ، رٜىٰدُوجٛ؞ يَاکٜ ࢡٜطٛنْ تٛنْ، ࢩَلَادٜ حَا مَرِيَمَ ࢡٜسْنَ يٛتِّ؞ عٛدَࢩِ ࢡِنغٜلْ غٛرْغٜلْ، عَڢٜلْ مَاکٛ، عٛسَاوِ نغٜلْ ندٜرْ لِمْشٜ، عٛوَلِّنِ نغٜلْ ندٜرْ ࢩَامْنِرْدٜ دَبَّاجِ، نغَمْ ࢡٜکٜࢡَايْ نٛکُّورٜ ندٜرْ سَارٜ حَا حٛطْࢡٜ مبٜىٰرَتَ؞

وٛودِنٛ وَيْنَاࢡٜ حَا لَدّٜ ندٜرْ لٜسْدِ مَاجُمْ، ࢡٜطٛنْ عَيْنَ تٛکّٜ دَمّٛوجِ مَࢡّٜ جٜمَّ؞ مَلَاعِکَاجٛ جَوْمِرَاوٛ وَنغَنِ ࢡٜ، تٜدُّنغَلْ جَوْمِرَاوٛ يَيْنِ دٛوْ مَࢡّٜ، ࢡٜکُلْتٛرِ مَسِنْ؞ عَمَّا مَلَاعِکَاجٛ وِعِ ࢡٜ‏: «تَا کُلْتٛرٜ‏! نغَمْ مِوَدَّنِ عٛنْ کُبَرُوٛلْ بٜلْنغٛلْ، شٜيْنَنْنغٛلْ مَسِنْ نغَمْ عُمَّاتٛورٜ ڢُو؞ جٜمَّارٜ حَنْدٜىٰرٜ ندٜعٜ، کِسْنٛووٛ دَࢩَنَامَ عٛنْ ندٜرْ وُرٛ دَاوُدَ، کَنغْکٛ وٛنِ اَلْمَسِيحُ، جَوْمِرَاوٛ؞ ندَا، عٛنْ کٜࢡْتِرَنْ مٛ بٜى عَلَامَ کَعَ‏: عٛنْ تَوَنْ ࢡِنغٜلْ شَاوَانغٜلْ بٜى لِمْشٜ، بَلِّنَانغٜلْ ندٜرْ ࢩَامْنِرْدٜ دَبَّاجِ؞»
لَوْ، مٛوࢡْرٜ مَلَاعِکَعٜنْ عَسَمَ کَوْتِ بٜى مَلَاعِکَاجٛ غٛ، ࢡٜتٜدِّنِ اَللَّه، ࢡٜمبِعِ‏:
«تٜدُّنغَلْ حَا اَللَّه تٛوْطٛ دٛوْ عَسَمَنْجِ،
سَلَامَنْ بٛو دٛوْ لٜسْدِ حَا يِمْࢡٜ يِطَاࢡٜ اَللَّه‏!»

ندٜ مَلَاعِکَعٜنْ عَشِّ ࢡٜ، لٛرْتِ حَا عَسَمَ، وَيْنَاࢡٜ مبِعْمبِعْتِرِ حَکُّندٜ مُوطُمْعٜنْ‏: «ندِلّٜنْ حَا عٜنْ نجٛتّٛ بَيْتِلَامَ، عٜنْ ندَارَ کٛ جَوْمِرَاوٛ عَنْدِنِ عٜنْ غٛ؞» ࢡٜنجَاوِ يَحُغٛ تٛنْ، ࢡٜتَوِ مَرِيَمَ بٜى يُوسُڢُ عٜ ࢡِنغٜلْ کٜشّٜلْ، نغٜلْ طٛنْ وَالِ ندٜرْ ࢩَامْنِرْدٜ دَبَّاجِ؞ ندٜ ࢡٜنغِعِ نغٜلْ، ࢡٜنغٜشِّ کٛ مَلَاعِکَاجٛ وِعْنٛ ࢡٜ دٛوْ مَاغٜلْ؞ نَنْࢡٜ کٛ وَيْنَاࢡٜ مبِعِ ڢُو، کَيْطِنِ؞ عَمَّا مَرِيَمَ جٛغِ طُمْ ڢُو ندٜرْ ࢡٜرْندٜ مُوطُمْ، عٛتٛکِّ نُمْتُغٛ طُمْ؞ ندٜنْ وَيْنَاࢡٜ لٛرِ، ࢡٜطٛنْ تٜدِّنَ اَللَّه، ࢡٜطٛنْ مَنغْتَ مٛ نغَمْ کُوجٜ طٜ ࢡٜنَنِ عٜ ࢡٜنغِعِ ڢُو، نغَمْ طُمْ ڢُو طُمْ لَاتِ بَنَ مَلَاعِکَاجٛ عَنْدِنّٛ ࢡٜ؞

ندٜ ࢩَلْطٜ جٛوٜىٰتَتِ شَالِ، ࢡٜنجُولْنِ ࢡِنغٜلْ، ࢡٜعِنْدِ نغٜلْ عِيسَى؞ عِنْدٜ ندٜ مَلَاعِکَاجٛ وِعْنٛ دَادَ مَاغٜلْ دِغَ عٛسِوَا رٜىٰدُغٛ؞
ندٜ وَکَّتِ لَࢡِّنْکِ مَرِيَمَ ڢٛدّٜ تَوْرٜىٰتَ مُوسَى حِࢡِّ، سَارٛعٜنْ نجَحْرِ ࢡِنغٜلْ حَا عُرُسَلِيمَ، نغَمْ ࢡٜنغَدَّ نغٜلْ يٜىٰسٛ جَوْمِرَاوٛ ندٜرْ حَيْکَلِيرُ ؞ نغَمْ تَوْرٜىٰتَ جَوْمِرَاوٛ وِعِ‏: «ࢡِطّٛ غٛرْکٛ عَڢٛ ڢُو، جَوْمِرَاوٛ جٜيِ؞» ࢡٜنغَرِ بٛو نغَمْ ࢡٜلِيعٛ کِرْسٜتٜىٰطُمْ بَنَ جَوْمِرَاوٛ عُمْرِ‏: «ݠٛولِ مَسَرْ طِطِ مَلَّ ݠٛولٛيْ طِطٛيْ؞»
وٛودِنٛ غٛطّٛ ڢٜىٰرٜ تٛنْ، عِنْدٜ مَاکٛ سِمٜيٛنْ، عٛ عَدِلِيجٛ عٜ کُلْطٛ اَللَّه، عٛطٛنّٛ رٜىٰنَ کِسْنٛووٛ إِسْرَاءِيلَ غَرَنْطٛ؞ رُوحُ شٜنِيطٛ طٛنْ وٛنْدِ بٜى مَاکٛ، عَنْدِنِمٛ عٛمَايَتَا، سٜيْ تٛ عٛيِعِ اَلْمَسِيحُ نٜلَاطٛ جَوْمِرَاوٛ؞ رُوحُ يٜرْࢡِمٛ، عٛيٜحِ ندٜرْ حَيْکَلِيرُ؞ سَاعِ مَاجُمْ سَارٛعٜنْ عِيسَى نغَدِّ ࢡِنغٜلْ مُوطُمْعٜنْ نغَمْ ࢡٜمبَطَنَ نغٜلْ کٛ تَوْرٜىٰتَ عُمْرِ؞ سِمٜيٛنْ حٛوعِ نغٜلْ حَا جُوطٜ مُوطُمْ، عٛيٜتِّ اَللَّه عٜ عٛوِعِ‏:
«جٛنْتَ يَا جَوْمِرَاوٛ، عَحٜبِّتِنِ عِينَوٛلْ نغٛلْ عَوَطِ؞
عَشُّ مَشُّطٛ مَاطَ مَايَ ندٜرْ سَلَامَنْ؞
نغَمْ مِيِعِ کِسْندَمْ مَاطَ بٜى غِتٜ عَمْ،
کِسْندَمْ طَمْ عَتَاسْکِتِنَنِ عُمَّاتٛوجٜ ڢُو؞
کَنْجُمْ وٛنِ أَلنّٛورَ کَ وَنغِنْتٜ حَا عُمَّاتٛوجٜ غٛطّٜ،
کَنغْکَ لَاتٛتٛ بٛو تٜدُّنغَلْ عُمَّاتٛورٜ مَاطَ إِسْرَاءِيلَ؞»

بَابَ عٜ دَادَ عِيسَى کَيْطِنِ ندٜ ࢡٜنَنِ سِمٜيٛنْ طٛنْ وٛلْوَ دٛوْ مَاکٛ بَنَ نٛنْ؞ سِمٜيٛنْ بَرْکِطِنِ ࢡٜ عٜ عٛوِعِ مَرِيَمَ، دَادَ عِيسَى‏: «اَللَّه سُࢡِ ࢡِنغٜلْ نغٜعٜلْ نغَمْ لَاتَاغٛ دَلِيلَ دٛعُّکِ عٜ عُمُّکِ يِمْࢡٜ طُوطْࢡٜ ندٜرْ إِسْرَاءِيلَ، عٛلَاتٛتٛ عَلَامَ اَللَّه کَ يِمْࢡٜ تَمَّايْ جَࢡُغٛ؞ عٛوَنغِنَنْ نُمٛوجِ يِمْࢡٜ شُوطِيطِ؞ عَنْ بٜى حٛورٜ مَاطَ بٛو، نَاوٛرْلَ تُڢٜتٜ ࢡٜرْندٜ بَنَ کَاڢَحِ‏!»

وٛودِنٛ اَلنَّبِيجٛ دٜبّٛ، عِنْدٜ مَاکٛ عَنَّ، ࢡِي ڢَنُوٜلْ، مٛ لٜࢩٛلْ عَسٜرْ؞ عٛ نَيْوِ مَسِنْ؞ عٛجٛوطِنٛ دُوࢡِ جٛوٜىٰطِطِ تَنْ بٜى غٛرِيکٛ يَاکٜ عٛ دٜرْکٜىٰجٛنٛ؞ عٛجٛوطِ عٛجُرُمْطٛ حَا دُوࢡِ مَاکٛ مبَطِ شَݠَّنْطٜ جٛوٜىٰتَتِ عٜ نَيِ؞ عٛطٛنْ حَا حَيْکَلِيرُ تُمْ، عٛطٛنْ جَغَّنٛ اَللَّه جٜمَّ عٜ نَانغٜ ڢُو، عٛطٛنْ سُومٛ، عٛطٛنْ وَطَ دٛعَ؞ عٛوَرِ وَکَّتِ مَنْ، عٛڢُطِّ يٜتُّغٛ اَللَّه؞ عٛوٛلْوِ دٛوْ ࢡِنغٜلْ نغٜعٜلْ حَا يِمْࢡٜ رٜىٰنَنْࢡٜ ندِمُ عُرُسَلِيمَ ڢُو؞

ندٜ سَارٛعٜنْ عِيسَى تِمِّنِ وَطُغٛ کٛ تَوْرٜىٰتَ جَوْمِرَاوٛ عُمْرِ، ࢡٜکٛوتِ بٜى مَاکٛ حَا لٜسْدِ غَلِيلِ، حَا نَسَرَتُ بٜرْنِوٛلْ مَࢡّٜ؞ ࢡِنغٜلْ تٛکِّ مَوْنُغٛ عٜ سٜمْبِطِطْغٛ، نغٜلْ حٜىٰوِ ڢَامُ؞ نغٜلْ حٜࢡِ يٜرْدُيٜ اَللَّه؞

حِتَاندٜ ڢُو سَارٛعٜنْ عِيسَى طٛنْ نجَحَ عُرُسَلِيمَ نغَمْ وَطُغٛ جُولْدٜ ݠَسْکَ ؞ ندٜ عِيسَى وَطِ دُوࢡِ سَݠّٛ عٜ طِطِ، ࢡٜنجٜحِ تٛنْ ڢٛدّٜ عَلْعَادَ؞ ندٜ جُولْدٜ تِمِّ، ࢡٜکٛوتِ، عَمَّا عِيسَى لُتِّ حَا عُرُسَلِيمَ، سَارٛعٜنْ مَاکٛ کَتِّتَاکِ طُمْ؞ ࢡٜتَمِّنٛ عٛطٛنْ وٛنْدِ بٜى يَحْدَنْࢡٜ بٜى مَࢡّٜ؞ ࢡٜنجٜحِ بَاکِنْ ࢩَلَادٜ وٛورٜ، ندٜنْ ࢡٜݠُطِّ طَࢡِّتِتْغٛ مٛ شَکَ بَنْدِرَاࢡٜ مَࢡّٜ عٜ سٛوبِرَاࢡٜ مَࢡّٜ؞ عَمَّا ࢡٜکٜࢡْتَايْ مٛ، نغَمْ مَاجُمْ ࢡٜلٛرِ حَا عُرُسَلِيمَ نغَمْ طَࢡِّتٛيْغٛ مٛ؞ ࢩَنْدٜ تَتَࢡْرٜ مَاجُمْ، ࢡٜتَوِمٛ ندٜرْ حَيْکَلِيرُ ؞ عٛطٛنْ جٛوطِ شَکَ مٛودِࢡّٜ يَحُودُعٜنْ، عٛطٛنْ نَنَ ࢡٜ عٜ عٛطٛنْ وَطَنَ ࢡٜ ࢨَمْطٜ؞ نَنٛوࢡٜ مٛ ڢُو کَيْطِنِ دَلِيلَ ڢَامُ مَاکٛ عٜ جَاوَابُوجِ طِ عٛجَابٛرِ؞ ندٜ سَارٛعٜنْ مَاکٛ نغِعِمٛ، ࢡٜکَيْطِنِ مَسِنْ؞ دَادَ مَاکٛ وِعِمٛ‏: «ࢡِنغٜلْ عَمْ، نغَمْ طُمٜ نغَطَّ مِنْ بَنَ نِي؟ مِنْ بٜى بَابَ مَاطَ ڢُو، مِنْ شَکْلِ مَسِنْ بٜى طَࢡِّتِتْغٛ مَ‏!» عٛجَابِ ࢡٜ، عٛوِعِ‏: «نغَمْ طُمٜ طَࢡِّتِتّٛنْ يَمْ؟ عٛنْ عَنْدَا سٜيْ مِوٛنَ ندٜرْ سُودُ بَابِرَاوٛ عَمْ نَ؟» عَمَّا ࢡٜݠَامَايْ کٛ عٛوِعِ ࢡٜ؞
ندٜنْ عِيسَى حٛوتِ بٜى مَࢡّٜ حَا نَسَرَتُ، عٛطٛوْتَنِ ࢡٜ؞ دَادَ مَاکٛ تٛکِّ جٛغَاغٛ کُوجٜ طٜعٜ ڢُو ندٜرْ ࢡٜرْندٜ مُوطُمْ؞ عِيسَى طٛنْ مَوْنَ، ڢَامُ مَاکٛ يٜحِ يٜىٰسٛ يٜىٰسٛ، عٛحٜࢡِ يٜرْدُيٜ اَللَّه عٜ ندٜ يِمْࢡٜ ڢُو؞

Listen to لُکَ 2