Quechua, Northern Conchucos Ancash - 2006 Edition (NT) Drama

Quechua, Northern Conchucos Ancash - 2006 Edition (NT)

<div class="version vid268 iso6393qxn" data-vid="268" data-iso6393="qxn">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Wawqinkunapis Jes&#250;sman mana creyiyanqan</div><div class="p"> 1Tsaypitanam Galileach&#246; markakunapa Jes&#250;s yachatsikur purirqan. Israel autorid&#228;kuna wa&#241;utsiyta munayaptinmi Judea provinciaman aywayta munarqantsu.</div><div class="p"> 2Israel runakunapa Ram&#228;da fiestankunapaq#Lev. 23.34; Deut. 16.13. juk ishkay junaqllana faltaykaptinmi 3wawqinkuna Jes&#250;sta niyarqan: &lt;&lt;Milagru ruranqaykita disc&#239;puluykikuna rik&#228;y&#228;nanpaq Judeaman ayway. 4Reqishqa kayta munarqa manam kayllach&#246;tsu milagruta rurankiman, sin&#246;qa llapan runakuna rik&#228;y&#228;nanpaq ruray&gt;&gt;.</div><div class="p"> 5Jes&#250;spa wawqinkuna payman mana creyirmi tsayn&#246; niyarqan.</div><div class="p"> 6Tsaymi wawqinkunata Jes&#250;s nirqan: &lt;&lt;Noqa aywan&#228;paqqa manam h&#246;r&#228; ch&#228;munraqtsu. Peru qamkunam s&#239;qa imay h&#246;rapis aywayankiman. 7Qamkunataqa runakuna manam chikiy&#228;shunkitsu. Peru noqatam s&#239;qa rurayninkuna mana alli kanqanta nipt&#239; chikiy&#228;man. 8Tsay fiestamanqa qamkunalla aywayay. Noqa aywan&#228;paqqa manam h&#246;r&#228; ch&#228;munraqtsu&gt;&gt;.</div><div class="p"> 9Tsayn&#246; nirmi Galileach&#246; Jes&#250;s qu&#235;darqan.</div><div class="s1">Ram&#228;da fiestaman Jes&#250;s aywanqan</div><div class="p"> 10Peru wawqinkuna aywaskiyaptinnam Jes&#250;spis tsinkayllapa Ram&#228;da fiestaman aywarqan. 11Fiestach&#246; Jes&#250;sta ashirpis mana tarirmi Israel autorid&#228;kuna niyarqan: &lt;&lt;&#191;Maych&#246;raq tsay runa kaykan?&gt;&gt;</div><div class="p"> 12Jerusal&#233;nch&#246; qorikaq wakin runakunam niyarqan: &lt;&lt;Jes&#250;sqa alli runam&gt;&gt;.</div><div class="p">Peru wakinnam niyarqan: &lt;&lt;Mana allitam yachatsikun&gt;&gt;.</div><div class="p"> 13Israel autorid&#228;kunapita mantsakurmi kikinkunapuralla tsayn&#246; parlayarqan.</div><div class="p"> 14Pullan fiestach&#246; kayk&#228;yaptinmi templupa patiunman yaykuskir Jes&#250;s yachatsikur qallaykurqan. 15Yachatsikunqanta wiyarmi Israel runakuna mantsakar niyarqan: &lt;&lt;Ley yachatsikuqkunawanpis mana puriykarqa &#191;iman&#246;tan kay runa kayl&#228;ya yachan?&gt;&gt;</div><div class="p"> 16Jes&#250;snam nirqan: &lt;&lt;Yachatsikunq&#228;qa manam yarpayll&#228;pitatsu, sin&#246;qa kachamaqn&#239; Dios Yayapitam. 17Pipis Dios Yaya munanqanta rurayta munarqa yachatsikunq&#228;kuna Diospita kanqanta o yarpayll&#228;pita kanqantam tantiyanman.</div><div class="p"> 18&lt;&lt;Kikinkunapa yarpayllankunapita yachatsikuqkunaqa al&#228;bashqa kayta munarllam yachatsikuyan. Peru noqam s&#239;qa kachamaqn&#239; Dios Yaya alabashqa kananpaq rasun kaqllata yachatsik&#252;. 19Qamkunaqa Mois&#233;s qellqanqan leykunata chaskirpis manam ni mayqayki cumpliyankitsu. &#191;Imanirtan wa&#241;utsiy&#228;mayta munayanki?&gt;&gt;</div><div class="p"> 20Runakunanam niyarqan: &lt;&lt;&#161;Supaychi l&#246;cuyayk&#228;tsishunki! &#191;Pitan wa&#241;utsiynikita munan?&gt;&gt;</div><div class="p"> 21Jes&#250;snam nirqan: &lt;&lt;Jamay junaqch&#246; milagruta ruranq&#228;pitam#Juan 5.1-9. rabyashqa kayk&#228;yanki. 22M&#228;, tantiyakuyay. Ollqu wamrata se&#241;alanapaqmi Mois&#233;s yachatsikurqan.#Lev. 12.3. (Mois&#233;s yachatsikuptinpis tsay costumbriqa Abrahampitam karqan.)#G&#233;n. 17.10. Mois&#233;s qellqanqankunata cumplir &#191;manaku jamay junaq kaptinpis ollqu wamrata se&#241;alayanki? 23Ollqu wamraykikunata jamay junaq kaykaptinpis se&#241;alaykarqa &#191;imanirtan rabyayk&#228;yanki qeshyaykaq runata jamay junaqch&#246; kutik&#228;tsinq&#228;pita?#Juan 5.9-10, 16. 24Shumaq mana tantiyaykarqa mana allikunata ama parlayaytsu. Shumaq tantiyakurraq imatapis parlayay&gt;&gt;.</div><div class="s1">Maypita kanqanta Jes&#250;s willakunqan</div><div class="p"> 25Tsaymi Jerusal&#233;nch&#246; t&#228;kuq wakin runakuna niyarqan: &lt;&lt;&#191;Manaku kay runaqa wa&#241;utsiy&#228;nanpaq ashiyanqan? 26Llapanpa puntanch&#246; yachatsikuptinpis manatsaq pipis ima nintsu. &#191;Dios Yaya kachamunqan Cristo kanqantatsuraq mandakuqkunapis yarpayk&#228;yan? 27Peru noqantsikqa may markapita kanqantam musyantsik. Dios Yaya kachamunqan Cristo shamuptinqa maypita kanqantapis manam ni p&#239; musyanqatsu&gt;&gt;.</div><div class="p"> 28Tsayn&#246; parlayanqanta musyaskirmi templupa patiunch&#246; yachatsikuykar Jes&#250;s jinchi nirqan: &lt;&lt;P&#239; kanq&#228;ta reqiy&#228;maptiki y maypita shamunq&#228;ta musyayaptikipis manam kik&#239;pa munayll&#228;pitatsu shamushk&#228;, sin&#246;qa Dios Yaya kachamaptinmi. Paytaqa manam reqiyankitsu. 29Pay kachamashqa kaptinmi noqaqa req&#239;&gt;&gt;.</div><div class="p"> 30Tsayn&#246; niptinmi autorid&#228;kuna Jes&#250;sta pr&#235;su achkuyta munayarqan. Peru manaraq h&#246;ran kaptinmi achkuyarqantsu. 31Atskaq runakunam payman creyikur niyarqan: &lt;&lt;Dios Yaya kachamunqan Cristo shamur kay runa milagruta ruranqanpita &#191;mastatsuraq ruranqa?&gt;&gt;</div><div class="s1">Fariseukuna Jes&#250;sta pr&#235;su achkuy&#228;munanpaq kachayanqan</div><div class="p"> 32Jes&#250;spaq parlayanqanta wiyaskirmi mandakuq sacerd&#246;tikunawan fariseukuna Jes&#250;sta pr&#235;su achkuy&#228;munanpaq templu t&#228;paq wardiakunata kachayarqan. 33Manaraq ch&#228;yaptinmi Jes&#250;s nirqan: &lt;&lt;P&#246;cu tiempullanam qamkunawan kashaq. Kachamaqn&#239; kaqmannam aywakushaq. 34Noqa aywanq&#228;manqa manam aywayta pu&#235;diyankitsu. Ashiy&#228;marpis manam tariy&#228;mankitsu&gt;&gt;.</div><div class="p"> 35Jes&#250;s tsayn&#246; niptinmi Israel autorid&#228;kuna kikinkunapura ninakuyarqan: &lt;&lt;Mana tarinapaqqa &#191;mayparaq aywanqa? &#191;Jukl&#228; nacionch&#246; t&#228;kuq marka majintsikkunamantsuraq yachatsiq aywanqa? Tsaych&#246;qa talvezchi griego runakunatapis yachatsinqa. 36&#191;Imanirtan &lt;ashirpis manam tariy&#228;mankitsu&gt; nimantsik? &#191;Imanirtan &lt;aywanq&#228;man manam chayta pu&#235;diyankitsu&gt; nimantsik?&gt;&gt;</div><div class="s1">Kawatsikuq yakupaq ninqan</div><div class="p"> 37 Ram&#228;da fiesta diya junaqnam#Lev. 23.36; N&#250;m. 29.35. llapan runakuna wiyay&#228;nanpaq Jes&#250;s jinchi nirqan: &lt;&lt;Pipis yakunaq kaqqa noqaman shamur upyatsun.#Juan 4.13-14. 38Dios Yayapa palabran ninqann&#246;mi noqaman creyikamuqkunapa shonqunpita kawatsikuq yaku mayun&#246;raq pashtamunqa&gt;&gt;.</div><div class="p"> 39Tsayn&#246; nirmi Jes&#250;s tantiyatsirqan payman creyikuqkuna Esp&#237;ritu Santuta chaskiy&#228;nanpaq kanqanta. Tsay witsayqa Esp&#237;ritu Santu manaraqmi shamurqanraqtsu. Gloriaman Jes&#250;s kutiskiptinraqmi shamurqan.</div><div class="s1">Runakuna rakik&#228;yanqan</div><div class="p"> 40Jes&#250;s tsayn&#246; ninqanta wiyaskirmi wakin runakuna niyarqan: &lt;&lt;Mois&#233;s ninqann&#246; shamunanpaq kaq prof&#235;tam payqa&gt;&gt;.#Deut. 18.15, 18.</div><div class="p"> 41Wakin runakunam niyarqan: &lt;&lt;Payqa Dios Yaya kachamunqan Cristum&gt;&gt;.</div><div class="p">Wakin kaqnam niyarqan: &lt;&lt;&#191;Iman&#246;patan Galileapita Cristo shamunman? 42Dios Yayapa palabranmi nin rey Davidpa castanpita Cristo kanqanta.#2Sam. 7.12-13; Sal. 89.3-4; 132.11-12. Tsayn&#246;llam nin David t&#228;kunqan Bel&#233;nch&#246; yurinanpaq kanqanta&gt;&gt;.#Miq. 5.2.</div><div class="p"> 43Tsayn&#246; nirmi Jes&#250;s janan rakik&#228;yarqan. 44Wakin kaqkuna pr&#235;su achkuyta munarpis manam ni mayqan achkuyta valorayarqantsu.</div><div class="s1">Israel autorid&#228;kuna mana creyiyanqan</div><div class="p"> 45Tsaypitanam mandakuq sacerd&#246;tikunawan fariseukuna kayanqanman templu t&#228;paq wardiakuna kutiyarqan. Chaykuyaptinmi niyarqan: &lt;&lt;&#191;Imanirtan Jes&#250;sta pr&#235;su apay&#228;mushkankitsu?&gt;&gt;</div><div class="p"> 46Wardiakunanam niyarqan: &lt;&lt;&#161;Pay parlanqann&#246;qa manam ni pipis parlantsu!&gt;&gt;</div><div class="p"> 47Tsayn&#246; niyaptinmi fariseukuna niyarqan: &lt;&lt;&#191;Hasta qamkunatapis enga&#241;askiy&#228;shurquykiku? 48Tsay runataqa manam mayqan autorid&#228;kuna ni fariseukunapis creyiyantsu. 49Mois&#233;s qellqanqan leykunata mana yachaq runakunallam paytaqa creyiyan. &#161;Tsay runakunaqa maldicion&#228;dum kayan!&gt;&gt;</div><div class="p"> 50Tsayn&#246; niyaptinmi Jes&#250;sman aywaq fariseo runa Nicodemo#Juan 3.1-2. nirqan: 51&lt;&lt;Leynintsikkuna ninqann&#246;mi pitapis juzganapaqqa kikin parlanqantaraq puntata wiyashun y ruranqankunataraq shumaq musyashun&gt;&gt;.</div><div class="p"> 52Tsaymi fariseukuna niyarqan: &lt;&lt;&#191;Qampis favornin sh&#228;rinaykipaq marka majinku kanki? Maski Dios Yayapa palabranta shumaq liyiy. &#161;Manam imaypis nimantsiktsu Galileapita prof&#235;ta kanqanta!&gt;&gt;</div><div class="p"> 53[Tsaypitanam wajinkunapana llapan kutikuyarqan.</div>
 </div>
 </div>
</div>

Tsaypitanam Galileachö markakunapa Jesús yachatsikur purirqan. Israel autoridäkuna wañutsiyta munayaptinmi Judea provinciaman aywayta munarqantsu.
Israel runakunapa Ramäda fiestankunapaq juk ishkay junaqllana faltaykaptinmi wawqinkuna Jesústa niyarqan: <<Milagru ruranqaykita discïpuluykikuna rikäyänanpaq Judeaman ayway. Reqishqa kayta munarqa manam kayllachötsu milagruta rurankiman, sinöqa llapan runakuna rikäyänanpaq ruray>>.
Jesúspa wawqinkuna payman mana creyirmi tsaynö niyarqan.
Tsaymi wawqinkunata Jesús nirqan: <<Noqa aywanäpaqqa manam hörä chämunraqtsu. Peru qamkunam sïqa imay hörapis aywayankiman. Qamkunataqa runakuna manam chikiyäshunkitsu. Peru noqatam sïqa rurayninkuna mana alli kanqanta niptï chikiyäman. Tsay fiestamanqa qamkunalla aywayay. Noqa aywanäpaqqa manam hörä chämunraqtsu>>.
Tsaynö nirmi Galileachö Jesús quëdarqan.

Peru wawqinkuna aywaskiyaptinnam Jesúspis tsinkayllapa Ramäda fiestaman aywarqan. Fiestachö Jesústa ashirpis mana tarirmi Israel autoridäkuna niyarqan: <<¿Maychöraq tsay runa kaykan?>>
Jerusalénchö qorikaq wakin runakunam niyarqan: <<Jesúsqa alli runam>>.
Peru wakinnam niyarqan: <<Mana allitam yachatsikun>>.
Israel autoridäkunapita mantsakurmi kikinkunapuralla tsaynö parlayarqan.
Pullan fiestachö kaykäyaptinmi templupa patiunman yaykuskir Jesús yachatsikur qallaykurqan. Yachatsikunqanta wiyarmi Israel runakuna mantsakar niyarqan: <<Ley yachatsikuqkunawanpis mana puriykarqa ¿imanötan kay runa kayläya yachan?>>
Jesúsnam nirqan: <<Yachatsikunqäqa manam yarpaylläpitatsu, sinöqa kachamaqnï Dios Yayapitam. Pipis Dios Yaya munanqanta rurayta munarqa yachatsikunqäkuna Diospita kanqanta o yarpaylläpita kanqantam tantiyanman.
<<Kikinkunapa yarpayllankunapita yachatsikuqkunaqa aläbashqa kayta munarllam yachatsikuyan. Peru noqam sïqa kachamaqnï Dios Yaya alabashqa kananpaq rasun kaqllata yachatsikü. Qamkunaqa Moisés qellqanqan leykunata chaskirpis manam ni mayqayki cumpliyankitsu. ¿Imanirtan wañutsiyämayta munayanki?>>
Runakunanam niyarqan: <<¡Supaychi löcuyaykätsishunki! ¿Pitan wañutsiynikita munan?>>
Jesúsnam nirqan: <<Jamay junaqchö milagruta ruranqäpitam rabyashqa kaykäyanki. Mä, tantiyakuyay. Ollqu wamrata señalanapaqmi Moisés yachatsikurqan. (Moisés yachatsikuptinpis tsay costumbriqa Abrahampitam karqan.) Moisés qellqanqankunata cumplir ¿manaku jamay junaq kaptinpis ollqu wamrata señalayanki? Ollqu wamraykikunata jamay junaq kaykaptinpis señalaykarqa ¿imanirtan rabyaykäyanki qeshyaykaq runata jamay junaqchö kutikätsinqäpita? Shumaq mana tantiyaykarqa mana allikunata ama parlayaytsu. Shumaq tantiyakurraq imatapis parlayay>>.

Tsaymi Jerusalénchö täkuq wakin runakuna niyarqan: <<¿Manaku kay runaqa wañutsiyänanpaq ashiyanqan? Llapanpa puntanchö yachatsikuptinpis manatsaq pipis ima nintsu. ¿Dios Yaya kachamunqan Cristo kanqantatsuraq mandakuqkunapis yarpaykäyan? Peru noqantsikqa may markapita kanqantam musyantsik. Dios Yaya kachamunqan Cristo shamuptinqa maypita kanqantapis manam ni pï musyanqatsu>>.
Tsaynö parlayanqanta musyaskirmi templupa patiunchö yachatsikuykar Jesús jinchi nirqan: <<Pï kanqäta reqiyämaptiki y maypita shamunqäta musyayaptikipis manam kikïpa munaylläpitatsu shamushkä, sinöqa Dios Yaya kachamaptinmi. Paytaqa manam reqiyankitsu. Pay kachamashqa kaptinmi noqaqa reqï>>.
Tsaynö niptinmi autoridäkuna Jesústa prësu achkuyta munayarqan. Peru manaraq höran kaptinmi achkuyarqantsu. Atskaq runakunam payman creyikur niyarqan: <<Dios Yaya kachamunqan Cristo shamur kay runa milagruta ruranqanpita ¿mastatsuraq ruranqa?>>

Jesúspaq parlayanqanta wiyaskirmi mandakuq sacerdötikunawan fariseukuna Jesústa prësu achkuyämunanpaq templu täpaq wardiakunata kachayarqan. Manaraq chäyaptinmi Jesús nirqan: <<Pöcu tiempullanam qamkunawan kashaq. Kachamaqnï kaqmannam aywakushaq. Noqa aywanqämanqa manam aywayta puëdiyankitsu. Ashiyämarpis manam tariyämankitsu>>.
Jesús tsaynö niptinmi Israel autoridäkuna kikinkunapura ninakuyarqan: <<Mana tarinapaqqa ¿mayparaq aywanqa? ¿Juklä nacionchö täkuq marka majintsikkunamantsuraq yachatsiq aywanqa? Tsaychöqa talvezchi griego runakunatapis yachatsinqa. ¿Imanirtan <ashirpis manam tariyämankitsu> nimantsik? ¿Imanirtan <aywanqäman manam chayta puëdiyankitsu> nimantsik?>>

Ramäda fiesta diya junaqnam llapan runakuna wiyayänanpaq Jesús jinchi nirqan: <<Pipis yakunaq kaqqa noqaman shamur upyatsun. Dios Yayapa palabran ninqannömi noqaman creyikamuqkunapa shonqunpita kawatsikuq yaku mayunöraq pashtamunqa>>.
Tsaynö nirmi Jesús tantiyatsirqan payman creyikuqkuna Espíritu Santuta chaskiyänanpaq kanqanta. Tsay witsayqa Espíritu Santu manaraqmi shamurqanraqtsu. Gloriaman Jesús kutiskiptinraqmi shamurqan.

Jesús tsaynö ninqanta wiyaskirmi wakin runakuna niyarqan: <<Moisés ninqannö shamunanpaq kaq profëtam payqa>>.
Wakin runakunam niyarqan: <<Payqa Dios Yaya kachamunqan Cristum>>.
Wakin kaqnam niyarqan: <<¿Imanöpatan Galileapita Cristo shamunman? Dios Yayapa palabranmi nin rey Davidpa castanpita Cristo kanqanta. Tsaynöllam nin David täkunqan Belénchö yurinanpaq kanqanta>>.
Tsaynö nirmi Jesús janan rakikäyarqan. Wakin kaqkuna prësu achkuyta munarpis manam ni mayqan achkuyta valorayarqantsu.

Tsaypitanam mandakuq sacerdötikunawan fariseukuna kayanqanman templu täpaq wardiakuna kutiyarqan. Chaykuyaptinmi niyarqan: <<¿Imanirtan Jesústa prësu apayämushkankitsu?>>
Wardiakunanam niyarqan: <<¡Pay parlanqannöqa manam ni pipis parlantsu!>>
Tsaynö niyaptinmi fariseukuna niyarqan: <<¿Hasta qamkunatapis engañaskiyäshurquykiku? Tsay runataqa manam mayqan autoridäkuna ni fariseukunapis creyiyantsu. Moisés qellqanqan leykunata mana yachaq runakunallam paytaqa creyiyan. ¡Tsay runakunaqa maldicionädum kayan!>>
Tsaynö niyaptinmi Jesúsman aywaq fariseo runa Nicodemo nirqan: <<Leynintsikkuna ninqannömi pitapis juzganapaqqa kikin parlanqantaraq puntata wiyashun y ruranqankunataraq shumaq musyashun>>.
Tsaymi fariseukuna niyarqan: <<¿Qampis favornin shärinaykipaq marka majinku kanki? Maski Dios Yayapa palabranta shumaq liyiy. ¡Manam imaypis nimantsiktsu Galileapita profëta kanqanta!>>
[Tsaypitanam wajinkunapana llapan kutikuyarqan.

Listen to Juan 7