Bible without Deuterocanon in Nahuatl, Huasteca Central (MX:nch:Nahuatl, Huasteca Central )

Icamanal Toteco

<div class="version vid751 iso6393nch" data-vid="751" data-iso6393="nch">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Nopa borrego cati mocuapolo</div><div class="r">(Mt. 18:10-14)</div><div class="p"> 1Huan monechcahuiyayaj campa Jes&#250;s para quitacaquilise nochi nopa tacame cati tainanque impuesto huan cati miyac tajtacoli quichijtoyaj. 2Huajca fariseos huan tamachtiani ten itanahuatil Mois&#233;s pejque quitelhu&#237;aj huan quiijtojque:</div><div class="p">&#8213;Ni tacat Jes&#250;s quinsel&#237;a tacame cati tahuel tajtacolchihuaj, huan hasta yaya tacua inihuaya.</div><div class="p"> 3Huajca Jes&#250;s quinpohuili ni tatenpohualisti: 4&#8220;Sinta se ten amojuanti quinpiyasqu&#237;a cien borregojme huan se polihuisqu&#237;a, &#191;amo quincahuasqu&#237;a nopa noventa y nueve campa potrero huan contemosqu&#237;a nopa cati polijtoc hasta quipantis? 5Huan quema quipantis, quiajcolpantalis ica paquili para quihuicas ichaj. 6Huan quema ajsiti ichaj, quinnotzas ihuampoyohua huan icalnechcahua, huan quinilhuis: &#8216;Xipaquica nohuaya pampa ya nijpanti nopilborrego cati mocuapolojtoya.&#8217; 7Nimechilhu&#237;a, san se eltoc nepa ilhuicac. Nepa onca m&#225;s paquilisti ica se tajtacolchijquet cati moyolpata huan quicahua itajtacolhua, que ica noventa y nueve cati moilhu&#237;aj ya itztoque xitahuaque iixpa Toteco, huan amo monequi moyolpatase.</div><div class="s">Nopa tomi cati poli</div><div class="p"> 8&#8220;Huan sinta se sihuat quipiyasqu&#237;a majtacti plata tomi huan quipolosqu&#237;a se, &#191;amo quitatisqu&#237;a se taahuili huan tachpanasqu&#237;a cuali calijtic, huan quitemosqu&#237;a cuali hasta quipantis? 9Huan quema quipantis, huajca quinnotzas ihuampoyohua huan icalnechcahua huan quinilhuis: &#8216;Xipaquica nohuaya pampa ya nijpanti nopa tomi cati nijpolojtoya.&#8217; 10Huan nimechilhu&#237;a, quej nopa paquij ilhuicac ehuani quema se tajtacolchijquet moyolpata huan quicajtehua itajtacolhua.&#8221;</div><div class="s">Nopa telpocat cati monejnencaquixti</div><div class="p"> 11Huan Jes&#250;s quinilhui: &#8220;Se tacat quinpixtoya ome itelpocahua, 12huan yaya cati teipan ejquet quiilhui itata: &#8216;Notata, techmaca ama nochi cati elis noaxca quema timiquis.&#8217; Huajca nopa tetaj quitajcoxelo cati quipixtoya, huan quimacac cati iaxcatisqu&#237;a. 13Huan amo huejcajqui nopa telpocat teipan ejquet quisentili nochi cati iaxca, huan quistejqui para yas huejca ipan seyoc tali. Huan nepa san quinempolo nochi itomi ica tamanti cati fiero. 14Huan quema ya quitamiltijtoya nochi itomi, ajsico se hueyi mayanti ipan nopa tali, huan nopa telpocat amo quipixqui tomi para itacualis. 15Huan quitemoto tequit ica se cati nepa ehua, huan yaya quititanqui ma quintamacati ipitzohua. 16Huan nopa telpocat nel&#237;a mayanayaya, hasta quinequiyaya quicuas nopa epetat cati quicuayayaj pitzome, pampa amo aqui quimacayaya cati quicuas. 17Pero quema pejqui moyolilhu&#237;a, quielnamijqui quenicatza eltoya nepa ichaj, huan moilhui: &#8216;Nochi itequipanojcahua notata quipiyaj hasta mocahua cati quicuase, huan na nica nimayancamictinemi. 18Niquisas nica huan niyas campa notata huan niquilhuis: Notata, na nitajtacolchijtoc iixpa Toteco Dios huan moixpa. 19Ayecmo quinamiqui para techitas quej nimocone. San techcahuili ma nimitztequipano. Quej nopa moilhui para quiilhuis itata.&#8217; 20Huan yaya quistejqui huan yajqui ichaj itata.</div><div class="p">&#8220;Pero quema ayemo onajsiyaya ichaj, itata quihuejcaitac huan quitasojtac. Huan itata motalojtejqui huan quicuanajnahuajqui huan quitzoponi. 21Huan nopa telpocat quiilhui: &#8216;Notata, nitajtacolchijtoc iixpa Toteco Dios huan moixpa, huan ayecmo quinamiqui para techitas quej nimocone.&#8217; 22Pero itata quinnotzqui itequipanojcahua, huan quinilhui: &#8216;Nimantzi, xijhualicaca nopa yoyomit cati achi cuali para moquentis notelpoca, huan xijhualicaca se anillo para imax huan xijhualicaca tecacti para ma motalili. 23Huan xijhualicaca nopa pilhuacaxtzi cati achi m&#225;s tomahuac, huan xijmictica. Ma tijcuase huan ma tiilhuichihuase, 24pampa ni nocone eltoya quej mictoya, huan ama quej moyolcuitoc. Polijtoya huan ama ya tijpantijque.&#8217; Huajca inijuanti pejque ilhuichihuaj.</div><div class="p"> 25&#8220;Huan icone cati achtohui ejquet tequitiyaya mila, huan quema monechcahuico ichaj, quicajqui tatzotzonali huan masehualme cati mijtotiyayaj. 26Huan quinotzqui se tequipanojquet huan quitatzintoquili taya oncayaya ipan ichaj. 27Huan itequipanojca quiilhui: &#8216;Moicni tacuepili huan motata quimicti nopa pilhuacaxtzi cati achi m&#225;s tomahuac pampa ya tacuepili ica cuali, huan amo teno m&#225;s fiero ipantic.&#8217; 28Huan nopa achtohui ejquet nel&#237;a cualanqui, huan amo quinequiyaya calaquis ichaj. Huan itata hualajqui huan quiilhui ica cuali ma calaqui. 29Pero nopa achtohui ejquet quiilhui itata: &#8216;Xiquita, nimitztequipanojtoc para miyac xihuit, huan nochipa nijchijtoc cati technahuatijtoc, pero amo quema techmacatoc se chivo para ma niilhuichihua ica nohuampoyohua. 30Pero quema tacuepili ne motelpoca cati quinempolo nochi motomi ica ahuilnenca sihuame, ta tijsel&#237;a ica cuali, huan tijmictijtoc nopa pilhuacaxtzi cati achi tomahuac para ma quicua.&#8217;</div><div class="p"> 31&#8220;Huan itata quiilhui: &#8216;Nocone, nochi tonali tiitztoc nohuaya huan nochi cati nijpiya moaxca. 32Pero monequi tiilhuichihuase huan tijpiyase paquilisti, pampa eltoya quej ya mictoya moicni, huan ama eltoc quej moyolcuitoc sempa, huan polijtoya huan ama ya tijpantijque.&#8217; &#8221;</div>
 </div>
 </div>
</div>

Huan monechcahuiyayaj campa Jesús para quitacaquilise nochi nopa tacame cati tainanque impuesto huan cati miyac tajtacoli quichijtoyaj. Huajca fariseos huan tamachtiani ten itanahuatil Moisés pejque quitelhuíaj huan quiijtojque:
―Ni tacat Jesús quinselía tacame cati tahuel tajtacolchihuaj, huan hasta yaya tacua inihuaya.
Huajca Jesús quinpohuili ni tatenpohualisti: “Sinta se ten amojuanti quinpiyasquía cien borregojme huan se polihuisquía, ¿amo quincahuasquía nopa noventa y nueve campa potrero huan contemosquía nopa cati polijtoc hasta quipantis? Huan quema quipantis, quiajcolpantalis ica paquili para quihuicas ichaj. Huan quema ajsiti ichaj, quinnotzas ihuampoyohua huan icalnechcahua, huan quinilhuis: ‘Xipaquica nohuaya pampa ya nijpanti nopilborrego cati mocuapolojtoya.’ Nimechilhuía, san se eltoc nepa ilhuicac. Nepa onca más paquilisti ica se tajtacolchijquet cati moyolpata huan quicahua itajtacolhua, que ica noventa y nueve cati moilhuíaj ya itztoque xitahuaque iixpa Toteco, huan amo monequi moyolpatase.

“Huan sinta se sihuat quipiyasquía majtacti plata tomi huan quipolosquía se, ¿amo quitatisquía se taahuili huan tachpanasquía cuali calijtic, huan quitemosquía cuali hasta quipantis? Huan quema quipantis, huajca quinnotzas ihuampoyohua huan icalnechcahua huan quinilhuis: ‘Xipaquica nohuaya pampa ya nijpanti nopa tomi cati nijpolojtoya.’ Huan nimechilhuía, quej nopa paquij ilhuicac ehuani quema se tajtacolchijquet moyolpata huan quicajtehua itajtacolhua.”

Huan Jesús quinilhui: “Se tacat quinpixtoya ome itelpocahua, huan yaya cati teipan ejquet quiilhui itata: ‘Notata, techmaca ama nochi cati elis noaxca quema timiquis.’ Huajca nopa tetaj quitajcoxelo cati quipixtoya, huan quimacac cati iaxcatisquía. Huan amo huejcajqui nopa telpocat teipan ejquet quisentili nochi cati iaxca, huan quistejqui para yas huejca ipan seyoc tali. Huan nepa san quinempolo nochi itomi ica tamanti cati fiero. Huan quema ya quitamiltijtoya nochi itomi, ajsico se hueyi mayanti ipan nopa tali, huan nopa telpocat amo quipixqui tomi para itacualis. Huan quitemoto tequit ica se cati nepa ehua, huan yaya quititanqui ma quintamacati ipitzohua. Huan nopa telpocat nelía mayanayaya, hasta quinequiyaya quicuas nopa epetat cati quicuayayaj pitzome, pampa amo aqui quimacayaya cati quicuas. Pero quema pejqui moyolilhuía, quielnamijqui quenicatza eltoya nepa ichaj, huan moilhui: ‘Nochi itequipanojcahua notata quipiyaj hasta mocahua cati quicuase, huan na nica nimayancamictinemi. Niquisas nica huan niyas campa notata huan niquilhuis: Notata, na nitajtacolchijtoc iixpa Toteco Dios huan moixpa. Ayecmo quinamiqui para techitas quej nimocone. San techcahuili ma nimitztequipano. Quej nopa moilhui para quiilhuis itata.’ Huan yaya quistejqui huan yajqui ichaj itata.
“Pero quema ayemo onajsiyaya ichaj, itata quihuejcaitac huan quitasojtac. Huan itata motalojtejqui huan quicuanajnahuajqui huan quitzoponi. Huan nopa telpocat quiilhui: ‘Notata, nitajtacolchijtoc iixpa Toteco Dios huan moixpa, huan ayecmo quinamiqui para techitas quej nimocone.’ Pero itata quinnotzqui itequipanojcahua, huan quinilhui: ‘Nimantzi, xijhualicaca nopa yoyomit cati achi cuali para moquentis notelpoca, huan xijhualicaca se anillo para imax huan xijhualicaca tecacti para ma motalili. Huan xijhualicaca nopa pilhuacaxtzi cati achi más tomahuac, huan xijmictica. Ma tijcuase huan ma tiilhuichihuase, pampa ni nocone eltoya quej mictoya, huan ama quej moyolcuitoc. Polijtoya huan ama ya tijpantijque.’ Huajca inijuanti pejque ilhuichihuaj.
“Huan icone cati achtohui ejquet tequitiyaya mila, huan quema monechcahuico ichaj, quicajqui tatzotzonali huan masehualme cati mijtotiyayaj. Huan quinotzqui se tequipanojquet huan quitatzintoquili taya oncayaya ipan ichaj. Huan itequipanojca quiilhui: ‘Moicni tacuepili huan motata quimicti nopa pilhuacaxtzi cati achi más tomahuac pampa ya tacuepili ica cuali, huan amo teno más fiero ipantic.’ Huan nopa achtohui ejquet nelía cualanqui, huan amo quinequiyaya calaquis ichaj. Huan itata hualajqui huan quiilhui ica cuali ma calaqui. Pero nopa achtohui ejquet quiilhui itata: ‘Xiquita, nimitztequipanojtoc para miyac xihuit, huan nochipa nijchijtoc cati technahuatijtoc, pero amo quema techmacatoc se chivo para ma niilhuichihua ica nohuampoyohua. Pero quema tacuepili ne motelpoca cati quinempolo nochi motomi ica ahuilnenca sihuame, ta tijselía ica cuali, huan tijmictijtoc nopa pilhuacaxtzi cati achi tomahuac para ma quicua.’
“Huan itata quiilhui: ‘Nocone, nochi tonali tiitztoc nohuaya huan nochi cati nijpiya moaxca. Pero monequi tiilhuichihuase huan tijpiyase paquilisti, pampa eltoya quej ya mictoya moicni, huan ama eltoc quej moyolcuitoc sempa, huan polijtoya huan ama ya tijpantijque.’ ”

Listen to LUCAS 15