Папулярныя біблейскія вершы з Luku 5

Падзяліцца

To Yesu kaga lu epi su holoto Simonihi lu emito lu'ehina: Botika nesi'asi fitu fetogo nagami hefuha'agu bulenogo kalalukagi hiti faya gutalafa lilago limilete melete halabe.

Simoniu ka'alo lu'ehina: Sipi Bo, lali asaga'i yatai folugu'i faya gutalafa moloto nohunogo go'i lu'ehina mone nesi'a meho'ohuta yabe. Ya hu'ohutamo ninaya kai lata kemege'i moloto faya gutalafa aku'i he'minogo'ni limilibe. Ya luto ligo enali baga liyafa hite faya gutalafa'ani li he'mi etago limilago faya'i ti bai telete i bili mo ite faya gutalafa'ani i bolala ise'na hu'ehina yabe.

Ya hu'ehinaya ai asaga yupahi he'miloto bona'i menehana suguna hinaluga buto nunumu hulata hu'ehina yabe.

Nani bona'i foipana'ani menelina bona'i enele'mo bati hilube'mu meo'ohuna yabe. O'e. Nani foipa bona'i kehe inogo'ni komopa'ani i gelehe hise nehanamagi enali kumu oto enubuto biluna'mu yabe, Yesu ya luto lu'ehina.

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

To Yesu ka'ani akeheliloto lu epi'ehina: To bona'i meepesina bona'i tota bologa menebabe. To enebesina bonalogo tota bologa bulata nehabe.

Ya luto kaga lulago enali boti nagami beletoga ite bite melelete asaga'na analo nehe'mite Yesuhi mege'i lifite bi'ahana yabe.

Mone yupahi Yesu hepa'i monelugu nohigo bo mone sipi lepolosi hepuha'auba gufa'alo bai toto minana bo mino'ehina. To ai Yesuhi bu goloto okabagati lapusa nohi fito nunumu hu emito lu'ehina: Sipi Bo, kaikamo nele'mo gololo tilata bati huto ni'ifihe? Yesu gufa'alo yahi mololoto lu'ehina: Nani ya'ma bati huto gololo tilane'mu nokehelube. Ya noligo analo'i mele'isi ana sipi lepolosi hepuha'a i gololo tu eto'ehina.

To Yesu hinanamofihi ka'a asaga hepatoga bu baga ilago babu bona'i kaga'a kehelilune'mu e'ahana. To enebesise'na'ani hiti li he'mi epalalibe lite aitoga e'ahana yabe.