Папулярныя біблейскія вершы з Luku 6

Падзяліцца

To lenali lenalalutinigihifi bonoho bofi nasana epilo ya hinogo Hu'mau ana huto nasana lepilibe. To ya hinogo bona'magi le'mo bati hite guna i lepite lepi babu linogo bai toto i bili mo ise'na hinogo lepilabe. To bona'i nasana neepina legege'asilo Hu'mau aku'i ana legege'alo nasanatini lepilibe.

To hetofa bo mone'mofihi ka kehelise'na'a babu lito ipagu hetofana minolata nohibe. Ya hu'ehigo hetofa sunogo li huto hulata nohibe. To bo sibina'amofihi ka bati mehina'a babu lito ipaguti huto hulata nohibe. Ya nohigo bati mehina suhi li huto hulata nohibe. To yaka'mana kaga enipagu bai toto nominana enabagaguti tito bulata nohibe.

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

To lenali ana hite Hu'mau lenele'mo bati nohina'a hite lenalalutinigihi enele'mo bati hilo.

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

To ka'ni nekehelina bona'i kehelilo. Fatehatini enele'mo bati hilo. Lenipakafa nehalana bona'i enele'mo bati hite hetofanaguti kaga lu epilo. To lenele'mo sibina hilune'mu huli ka lu lepilana bona'i bebe sana ka lu neepite ana hite ka lu sibina hi ketalana bona'i enehe'moto numuna hu epolobo.

To bona'magi suhi mone hu epalalube luto nokehelilata suhi kalalukagi enalitoga hubo.

To bo moneuba kabaga hapa'alo noinogomo mone kegi'a hu emitogo ino. To bo moneuba kefeka nolinogomo guketeka mone hiti li goli mehuto li anaga meletogo lino. To bo moneuba kai ana'inakalo nimibo luto kehe ilina emibo. To bo moneuba ana'inaka gumina li'ehinogomo amuya moloto ka emekito nasana'ani ito obo luto melubo.

To hetofa yafauba legeya'a sibina huto holata menohibe. To ana suhi huto yafa numutopa'a lo'ehina'auba legeya'a le'mo bati huto holata menohibe.

To bona'magi yata'a yafa legeya'a loko be gelete'ani ya uma yafa bati yafa yagi lila to yafa numutopa'a ni'inagi lite be go kehelilata nehabe. To enali bona'magi nemuya legeya'a ufehena nina nagatoti ligilata menehabe. To bai nagami'i lolo nehana legeya'a sibina hu'ehina yafa mone ufehi ni'ilinaloti ligilata menehabe.